Украинците треба да бидат подготвени за нов бран руски напади со ракети и со дронови, предупреди претседателот на Украина, Володимир Зеленски.

Тој во разговор со новинарите изјави дека претседателот на Украина Владимир Путин слабее на повеќе полиња и дека токму затоа постои опасност Кремљ да ги засили нападите врз украинските градови.

– Путин слабее. Тој е политички слаб, слаб на бојното поле и физички. Затоа би можел да ги засили нападите врз нас, врз нашиот народ, со ракети и со беспилотни летала. Користете засолништа. Ве молам, навистина ве молам – рече Зеленски.

Тој говореше по состанокот на Контакт-групата за одбрана на Украина, позната како Рамштајн формат.

Според Зеленски, преку програмата PURL девет земји веќе потврдиле учество во набавка на ракети „Патриот“ во вредност од повеќе од една милијарда долари.

Европа да не попушта пред Москва

Зеленски изјави дека Европската Унија треба дополнително да го зголеми притисокот врз Русија.

Според него, западните сојузници сè повеќе сфаќаат дека Путин нема намера да ја запре војната и дека неговите изјави за мир не одговараат на реалноста.

– Партнерите разбираат дека Путин не сака да запре и дека сите негови приказни за мир се лаги – рече Зеленски.

Киев и натаму нуди преговори

И покрај острите критики кон Кремљ, украинскиот претседател порача дека Киев останува подготвен за преговори доколку тие водат кон траен мир.

– Путин сака сè да гори тука и дејствува неодговорно. Нашите партнери го гледаат ова. И покрај тоа, Украина е подготвена да преговара со него – изјави Зеленски.

Тој ги повика европските држави да останат единствени кога станува збор за санкциите, руските средства и финансиската поддршка за Украина.

– Европа мора да биде целосно вклучена за да имаме силна позиција. Во санкции, без исклучоци. Во конфискација на руски средства, без исклучоци. И во финансирањето на Украина – порача украинскиот претседател.

The post ПУТИН СЛАБЕЕ, ТОКМУ ЗАТОА БЕГАЈТЕ ВО БУНКЕРИ! Зеленски ги подготвува Украинците за најлошото appeared first on plusinfo.mk.

Француските поморски сили запленија руски танкер за нафта во Атлантскиот Океан, објави францускиот претседател Емануел Макрон, оценувајќи дека станува збор за важен чекор во спроведувањето на меѓународните санкции против Русија.

Според информациите, танкерот „Тагор“ бил пресретнат во неделата во меѓународни води во Атлантскиот Океан во операција реализирана со поддршка на повеќе сојузнички држави, меѓу кои и Обединетото Кралство.

Макрон истакна дека акцијата била спроведена во согласност со меѓународното поморско право.

– Неприфатливо е бродови да ги заобиколуваат меѓународните санкции, да го кршат поморското право и да ја финансираат војната што Русија ја води против Украина повеќе од четири години. Овие бродови, кои не ги почитуваат ниту најосновните правила на поморската пловидба, претставуваат и закана за животната средина и безбедноста – изјави Макрон.

La Marine nationale a arraisonné hier matin un nouveau pétrolier sous sanctions internationales en provenance de Russie : le Tagor. Notre détermination est constante et totale.

Cette intervention a été effectuée en Atlantique, en haute mer,… pic.twitter.com/zxEslYjbUE

— Emmanuel Macron (@EmmanuelMacron) June 1, 2026

Случајот доаѓа по серијата активности на европските држави насочени кон таканаречената „флота во сенка“, која, според западните земји, се користи за заобиколување на санкциите воведени кон Русија.

На почетокот на мај, шведската крајбрежна стража заплени брод што бил под санкции во близина на Трелеборг.

Во меѓувреме, Романија и Бугарија продолжуваат со активностите за формирање безбедносен центар за надзор на бродскиот сообраќај во Црното Море, со цел следење на потенцијалните рути што ги користи руската „флота во сенка“.

The post 📽️ СИЛЕН УДАР ВРЗ „ФЛОТАТА ВО СЕНКА“ Французите запленија руски танкер во Атлантскиот Океан appeared first on plusinfo.mk.

Претседателката на Европскиот парламент, Роберта Мецола, соопшти дека следната недела ќе го потпише одобрението за заем од 90 милијарди евра за Украина, кој, како што истакна, е договорен „со невидена брзина“.

На Минхенската безбедносна конференција, Мецола рече дека ЕУ продолжува да работи на својот одговор на руската агресија, вклучително и подготовката на 20-от пакет санкции против Русија, со цел да се одржи притисокот и да се заштитат европските интереси.

– Европската унија е посветена на поддршката на Украина во овие тешки времиња и продолжува да го гарантира нејзиното стабилно економско и политичко закрепнување – изјави Мецола.

Таа исто така ја повтори поддршката на Европскиот парламент за членството на Украина во ЕУ, нагласувајќи дека интеграцијата на земјата е стратешки приоритет за Европа.

Според медиумите, ова е еден од најбрзите и најголемите пакети помош што ЕУ го одобри за една земја во историјата на Унијата, што ја покажува решеноста на Европа да стои цврсто со Украина пред лицето на продолжувањето на руската војна.

The post ЕУ СО НОВА ПОДДРШКА ЗА УКРАИНА Мецола најавува заем од 90 милијарди евра appeared first on plusinfo.mk.

„Повеќе од 2.000 ударни дронови, 1.200 наведувани воздушни бомби и 116 ракети од различни видови беа испукани од Русија кон нашите градови и села само оваа седмица“.

Вака изјави украинскиот претседател Володимир Зеленски во објава на Телеграм, пренесена од Укринформ.

Нападите, според неговите зборови, не биле изолирани удари, туку континуиран притисок кој траел речиси секој ден. Мета биле енергетскиот сектор, логистичката инфраструктура и станбените објекти, дури и додека траела дипломатската активност насочена кон постигнување мир.

Ако светот молчи, ќе има побрутални напади

Украинскиот лидер предупреди дека игнорирањето на овие напади води кон нивно засилување и поголема бруталност.

– Не можеме да ги затвораме очите пред руските напади. Кога светот не реагира, нападите стануваат почести и посурови. Можеме да ги запреме само со вистинска поддршка за Украина и за нашите сили – порача тој.

Зеленски истакна дека на Украина ѝ се неопходни ракети за системите за воздушна одбрана и оружје за војниците кои секојдневно ја одбиваат агресијата.

– Цената на оваа воена агресија за Русија мора да стане толку висока што војната ќе престане да им биде прифатлива – изјави Зеленски, заблагодарувајќи им се на сојузниците кои соработуваат со Киев за заштита на цивилите и за постигнување, како што рече, фер мир.

Санкции за Москва

Паралелно со овие пораки, украинскиот претседател потпиша одлука за воведување нови санкции против рускиот воено-индустриски комплекс и финансискиот сектор, како и структури поврзани со рускиот крипто-пазар и рударството. Одлуката следеше по масовен воздушен напад од руска страна.

– Во саботата навечер Русија започна уште еден масовен напад со повеќе од 400 дронови и речиси 40 ракети – соопшти Зеленски.

Тој оцени дека ваквото оружје не би можело да се произведува без критични компоненти кои Русија продолжува да ги набавува од странство, заобиколувајќи ги санкциите.

– Токму против тие компании, добавувачи на компоненти и производители на ракети и дронови, воведуваме нови санкции. Ги потпишав соодветните одлуки – нагласи Зеленски.

Нов руски напад

Попладнево руските сили повторно го нападнаа Киев со балистички ракети, а денеска е издадено предупредување за воздушен напад во голем број области на украинскиот главен град.

„Експлозии во главниот град. Киев е нападнат со балистички ракети. Силите за воздушна одбрана реагираат. Ве молиме останете во засолништата!“, изјави градоначалникот на Киев, Виталиј Кличко.

The post 1.200 РУСКИ БОМБИ ВРЗ УКРАИНА ЗА СЕДУМ ДЕНА Зеленски бара ракети и воведува санкции за Москва appeared first on plusinfo.mk.

Во црква во Костјантинивка, руската армија усмртиле дете, обвини украинскиот претседател Володимир Зеленски, по што повика на итен глобален одговор, јави Гардијан. Украина неделава се соочила со повеќе од 4.000 воздушни напади, 3.100 со беспилотни летала, 92 со проектили и 1.360 со т.н. едрилички бомби, при што биле целени цивилни зони, енергетска инфраструктура и објекти за богослужба.

Притоа, Зеленски во видео обраќање предупредил дека Русија „отворено ја користи меѓународната преокупација со конфликтот во Газа за да го ескалира теророт во Украина“.

– Москва ги зголемува нападите знаејќи дека светското внимание е свртено кон Блискиот Исток – изјави тој.

Понатаму, претседателот на Украина го потенцирал значењето на континуираните санкции и мерки против финансиерите на војната.

– Не смее да има попуштање. Санкции, царини, меѓународни акции против купувачите на руска нафта мора да останат – дециден бил Зеленски.

Според него, само ваков пристап може да ја донесе Европа до траен мир, дури и паралелно со мировните обиди на Блискиот Исток.

Уште повеќе, тој повторил дека Украина бара санкции и против Кина и Индија, двете најголеми купувачки сили на руската сурова нафта, кои индиректно го одржуваат инвазивниот апарат на Кремљ.

Од друга страна, украинските власти соопштиле дека четири цивили загинале во Доњецкиот и Керсонскиот регион, при што две жртви биле од Костјантинивка, градот каде што руската воздушна бомба усмртиле дете среде црква.

Според видеото објавено од Зеленски, нападите се случиле и во Суми и во Харков, а снимките покажуваат разрушени згради и пламени пожари.

Throughout this week, many regions of Ukraine have been under fire, and in many regions air raid sirens are now sounding again because of the threat of attack drones. Russia continues its aerial terror against our cities and communities, intensifying strikes on our energy… pic.twitter.com/OP5yhENGcS

— Volodymyr Zelenskyy / Володимир Зеленський (@ZelenskyyUa) October 12, 2025

The post 📽️ „УБИЈА ДЕТЕ ВО ЦРКВА ВО КОСТЈАНТИНОВКА“ Зеленски бара светот да возврати на 4.000 руски напади appeared first on plusinfo.mk.

Подобрувањето на хуманитарната состојба во Појасот Газа не зависи од признавањето на Палестина, изјави високата претставничка на Европската Унија за надворешна политика и безбедност, Каја Калас, по состанокот во Њујорк со министрите за надворешни работи на Бразил, Индија и Мексико.

– Сите европски земји го поддржуваат решението за две држави. За да постојат Израел и Палестина како рамноправни партнери, некои земји членки преземаат чекори кон признавање на Палестина, за да испратиме јасен сигнал дека ги поддржуваме Палестинците во овој конфликт – истакна Калас.

Според неа, ставот на министрите е јасен – решението за две држави е единствената реална можност за траен мир на Блискиот Исток.

– Тоа значи безбеден Израел и одржлива палестинска држава – нагласи таа.

Калас ја нарече ситуацијата во Газа „катастрофален неуспех на човештвото“ и ја повика израелската Влада веднаш да ги отстрани сите хуманитарни ограничувања.

– Хамас мора да го положи оружјето и да ги ослободи заложниците. Но, и проширувањето на доселеничките населби и анексијата на палестински територии се некомпатибилни со мирот – порача Калас.

Таа потсети дека ЕУ е најголем донатор на хуманитарна помош и силен поддржувач на Палестинската самоуправа.

На состанокот се дискутирало и за војната во Украина. Калас предупреди дека секој руски воздушен напад дополнително ги уништува шансите за дипломатско решение.

– Русија покажува апсолутен презир кон обидите за мир. Повторените повреди на воздушниот простор на ЕУ се опасни и може да излезат од контрола. Затоа предложивме нов пакет санкции против Москва – изјави таа.

Во разговорите со Бразил, Индија и Мексико била потенцирана важноста од зачувување на меѓународниот поредок базиран на правила.

– Русија секојдневно ги крши принципите на Повелбата на ОН. Денеска нагласивме дека мултилатералниот систем мора да се брани, бидејќи Повелбата на ОН е неговата суштина – додаде Калас.

The post СИТУАЦИЈАТА ВО ГАЗА Е КАТАСТРОФА ЗА ЧОВЕШТВОТО Калас со остра порака до Израел, но и барање до Хамас appeared first on plusinfo.mk.

Американскиот претседател Доналд Трамп денеска предупреди дека неговото трпение со рускиот претседател Владимир Путин „истекува“ и најави нови и остри економски мерки против Москва, поради застојот во мировните преговори со Украина.

– Некако ми снемува трпение, и тоа со забрзано темпо. Ќе има тешки удари преку санкции кон банките, нафтениот сектор и преку царини –  изјави Трамп во интервју за Фокс њуз.

Претседателот додаде дека неговата администрација веќе презела неколку чекори, вклучително и воведување царини кон Индија поради набавката на руска енергија. Сепак, тој очекува поголем ангажман од европските земји.

– Ова повеќе е проблем на Европа отколку на САД – нагласи американскиот претседател.

Трамп истакна дека наредните економски мерки ќе бидат насочени кон ограничување на финансиските и енергетските ресурси на Русија, со цел да се забрзаат мировните преговори и да се притисне Москва да ја смени својата стратегија кон Украина.

The post ТРПЕНИЕТО КОН ПУТИН МУ Е ПРИ КРАЈ Трамп најави остри санкции кон Русија appeared first on plusinfo.mk.

Рускиот патнички авион, кој се урнал, бил во сопственост на приватната регионална авиокомпанија „Ангара“, со седиште во Сибир и според бројот на опашката… авионот бил произведен во 1976 година и претходно бил во сопственост на советскиот национален авиопревозник Аэрофлот пред распадот на Советскиот Сојуз во 1991 година, објави Ројтерс.

Авионот од типот Антонов Ан-24, со приближно 50 патници, меѓу кои 5 деца, се урна во четвртокот на рускиот Далечен исток, за време на лет од Благовешченск кон Тинда – изолиран град и клучна железничка раскрсница во Амурската област, блиску до кинеската граница. Контактот со леталото бил изгубен додека се приближувало за слетување, а според информациите од итните служби, се претпоставува дека нема преживеани.

ИСЧЕЗНА РУСКИ АВИОН, ДВАПАТИ СЕ ОБИДЕЛ ДА СЛЕТА На летот има 43 патници, меѓу кои 5 деца

Запалениот труп на авионот, кој е произведен во советската ера и е стар речиси 50 години, бил забележан од воздух од хеликоптер, а спасувачки екипи итале кон местото на несреќата.

На видеа, снимени од хеликоптер, и објавени на социјалните мрежи се гледа дека авионот паднал во густа шума, а над местото се издигнувал блед чад. Остатоците од авионот биле пронајдени на рид, околу 15 километри од Тинда, објави агенцијата Интерфакс, повикувајќи се на службени лица од итните служби.

„Во текот на потрагата, хеликоптер Ми-8 на Росавијација го откри трупот на авионот, кој бил во пламен. Спасувачите сѐ уште се пробиваат кон местото на несреќата“, соопшти Министерството за вонредни ситуации на Телеграм.

Претставник од компанијата „Ангара“ за Ројтерс изјавил дека моментално не може да даде повеќе детали.

„Летечки трактори“

Авиокомпанијата „Ангара“ е со седиште во сибирскиот град Иркутск и опслужува аеродроми во Сибир и во рускиот Далечен исток. Компанијата управува со 10 авиони Ан-24, произведени меѓу 1972 и 1976 година.

Минатата година, „Ангара“ била една од двете сибирски авиокомпании што побарале од руската влада да им се продолжи дозволата за користење на Антоновите авиони, а многу од нив се постари од 50 години бидејќи руските производители не можат да ги заменат навреме поради повлекување на странските компании.

Овие пропелерски авиони, кои некои ги нарекуваат „летачки трактори“, важат за доверливи „работници“ во руската авијација – прилагодени се за сурови услови, можат да летаат при многу ниски температури и не бараат асфалтирани писти.

Но, според директори на авиокомпании, пилоти и експерти од индустријата, трошоците за одржување на овие авиони – кои претставуваат мал дел од вкупната руска флота од над 1.000 патнички авиони – значително се зголемиле откако западните санкции го ограничија пристапот до делови и до инвестиции поради војната во Украина.

Многу од овие авиони требало да бидат пензионирани во следните години, но регионалните превозници се обидуваат да ги задржат во употреба сè додека не се појават алтернативи, тврдејќи дека моментално нема замена.

Масовното производство на новиот авион „Ладога“, кој припаѓа на иста класа како Ан-24, не се очекува да започне пред 2027 година.

Путин информиран, отворена истрага

Руската влада формираше специјална комисија за справување со последиците од несреќата, а претседателот Владимир Путин е информиран за настанот. Истражниот комитет на Русија отвори кривична постапка за можно кршење на правилата за безбедност во воздушниот сообраќај.

– Ова е голема трагедија. Сите расположливи ресурси се вклучени во спасувачката и во истражната операција – изјави гувернерот на Амурската област, Василиј Орлов.

На снимките од хеликоптери што се појавија на социјалните мрежи се гледаат остатоци од авионот во шума, кои сѐ уште чадат на стрмна планинска падина. Според сведоци, авионот непосредно пред падот летал необично ниско, што дополнително ги вознемирило локалните жители.

Оваа несреќа претставува најтешка авионска трагедија во Русија во последниве неколку години. Семејствата на загинатите бараат одговори, додека јавноста поставува прашања за одговорноста околу користењето на застарени летала и за одржувањето на безбедноста во воздушниот сообраќај.

ПРОНАЈДЕНИ ОСТАТОЦИТЕ ОД РУСКИОТ ПАТНИЧКИ АВИОН Спасувачките екипи стравуваат дека нема преживеани

The post АВИОНОТ ШТО СЕ УРНА БИЛ СТАР 50 ГОДИНИ, ГО НАРЕКУВАЛЕ „ЛЕТЕЧКИ ТРАКТОР“ Русија се мачи да ги одржува старите летала поради западните санкции appeared first on plusinfo.mk.

Министрите за надворешни работи на ЕУ не постигнаа договор за воведување на 18-тиот пакет санкции против Русија. Високата претставничка на ЕУ за надворешна и безбедносна политика, Каја Калас, по состанокот во Брисел изјави дека „беа навистина блиску“ до согласност, но дека Словачка не попуштила.

– Сега топката е во нивниот двор – рече Калас.

Според неа, ЕУ мора да ја ограничи способноста на Москва да ја продолжи војната, особено кога, како што тврди, Русија користи хемиско оружје и интензивира напади. Таа истакна дека Русија не сака мир и затоа „притисокот ќе продолжи“.

Калас ја поздрави иницијативата на американскиот претседател Доналд Трамп за зголемена воена помош за Украина и изрази подготвеност на ЕУ да го дели товарот на трошоците. Таа верува дека заедничкиот притисок од Европа и САД може да го натера Путин да преговара.

ЕУ ја следи ситуацијата на Блискиот Исток и бара Израел да преземе поконкретни чекори за подобрување на хуманитарните услови во Газа. Калас најави дека на секои две недели ќе се прави ревизија на исполнетите обврски и посочи дека неисполнувањето може да донесе мерки против Тел Авив.

Советот на ЕУ заклучи дека партијата Грузиски сон го загрозува демократскиот поредок и најави можни мерки, вклучително и суспензија на безвизниот режим и договорот за асоцијација.

Во Молдавија, поради заканите од хибридни активности од Русија пред парламентарните избори, ЕУ ќе обезбеди поголема поддршка за Кишињев. Санкции се воведени и против седум лица и три субјекти поврзани со дестабилизација на земјата.

Советот воведе санкции и против пет руски судии за прогонот на активистот Алексеј Горинов, како и против криминалната иранска мрежа Зиндашти. На санкционираните им се замрзнува имот, им се забранува влез во ЕУ и деловна соработка со европски правни и физички лица.

The post „БЕВМЕ НА ЧЕКОР ДО ДОГОВОР“ Пропадна 18-от пакет санкции против Русија, Калас лута на Словачка appeared first on plusinfo.mk.

Рокот од 50 дена што американскиот претседател Доналд Трамп ѝ го даде на Русија за постигнување договор околу завршување на војната во Украина, беше оценет како „предолг“ од страна на високата претставничка за надворешна политика и безбедност на Европската Унија, Каја Калас.

– Многу е позитивно што претседателот Трамп зазема цврст став кон Русија. Но, од друга страна, 50 дена се премногу кога гледаме дека секој ден гинат невини цивили – изјави Калас денеска пред новинарите.

Нејзината изјава доаѓа откако претседателот Трамп се сретна со генераленлниот секретар на НАТО, Марк Руте, во Белата куќа. На средбата, Трамп повторно се закани дека ќе воведе многу строги царини за Русија и нејзините сојузници, доколку не биде постигнат договор за прекин на војната во рок од 50 дена.

Освен тоа, САД планираат и воведување на т.н. „секундарни санкции“ за сите земји кои ќе продолжат да купуваат руска нафта.

The post ВОЈНАТА ВО УКРАИНА СЕ ВЛЕЧЕ, ЦИВИЛИТЕ ПЛАЌААТ Калас предупредува дека мирот не смее да чека 50 дена appeared first on plusinfo.mk.