Двајцата обвинети беа прогласени за виновни, согласно член 141 од Кривичниот законик, за кривично дело „грабнување”, за кое е предвидена казна затвор од една до 10 години.

Судијката Славица Наумова Јосифовска денеска ја објави пресудата, а обвинетите Виктор Милановски и Александар Трпков, кој е недостапен на органите за прогон, се виновни бидејќи на 3 март 2023 година, на улица Христо Татарчев во Скопје, заедно го грабнале, а потоа му се заканувале на оштетениот Самоил Костадиновски дека ќе го убијат.

Како што објави ОЈО, двајцата го принудувале оштетениот да ја плати претходно украдената наркотична дрога, која не ја платил, додека, пак, обвинетиот Саша Челикиќ помагал во извршување на кривичното дело.

Самоил Костадиновски е исчезнат повеќе од една година.

СТРАВУВАМ ДЕКА ГО УБИЛЕ И НЕКАДЕ ГО ФРЛИЛЕ Таткото на исчезнатиот Самоил е во очај

ПРИТВОР И КУЌЕН ПРИТВОР ЗА ГРАБНУВАЧИТЕ НА ВНУКОТ НА ЉУБЕ БОШКОСКИ Самоил Костадиновски бил држен на тајна локација

The post ВКУПНО 8 ГОДИНИ ЗАТВОР ЗА ГРАБНУВАЧИТЕ НА САМОИЛ Сѐ уште нема ни трага ни глас од грабнатиот appeared first on plusinfo.mk.

Љупчо Костадиновски во емисијата „Скен“ вели дека нудат и парична награда за секаква информација во врска со исчезнувањето на неговиот син.

– Молк од сите страни, а него сѐ уште го нема. Не изгубив точак, изгубив дете и сѐ што барам е информација за тоа што се случило и каде е мојот син. Парична награда ќе следува за секој оној што ќе ни даде каква било детална информација во врска со Самоил – вели тој.

Љупчо е брат на Виолета, сопругата на Љубе Бошкоски.

Полицијата уапси две лица во врска со грабнувањето.

The post СЕМЕЈСТВОТО НА ИСЧЕЗНАТИОТ САМОИЛ НУДИ ПАРИ ВО ЗАМЕНА ЗА ИНФОРМАЦИЈА Цели 20 дена нема ни трага ни глас од внукот на Љубе Бошкоски appeared first on plusinfo.mk.

По момчето се трага веќе 10 дена. Две лица се во притвор, но од Самоил ниту трага, ниту глас.

Неговата сопруга низ солзи се моли да го пронајдат жив и признава дека живее во страв како ќе ги расте децата без татко. Таа и Самоил веќе имаат едно дете, а сега е бремена и со второто.

Велат дека ниту пиел, ниту користел дрога. Бил спортист кој освојувал награди. За причината за киднапирањето немаат информација, но таткото изјави сомнеж дека во прашање се пари.

Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека извршиле дејствија на кривично дело –  Грабнување од член 141 став 1 во врска со член 22 од Кривичниот законик.

Тие на 3 март заедно учествувале во дејствија на грабнување на едно лице во Кисела Вода. Осомничените, на возраст од 30 и 25 години, претходно по предлог на Обвинителството, а со решение на Судот беа задржани во краткотраен притвор во траење од два пати по 48 часа со цел обезбедување докази.

Бидејќи постојат околности што укажуваат на опасност од бегство, особени околности кои го оправдуваат стравот дека осомничените ќе се обидат да ги скријат или уништат трагите на кривичното дело, ќе влијаат врз сведоците или ќе го повторат делото, јавниот обвинител до судијата на претходна постапка од Основниот кривичен суд Скопје сега достави предлог за определување мерка притвор за двајцата осомничени.​

The post СО ЕДНО ДЕТЕНЦЕ ВО ПРЕГРАТКИТЕ И СО УШТЕ ЕДНО ВО СТОМАКОТ Сопругата на киднапираниот Самоил моли за помош (ВИДЕО) appeared first on plusinfo.mk.

Сопругата на Бошкоски, Виолета, ја потврди веста и рече дека станува збор за нејзин внук од брат.

– Веќе четири дена го нема, никој ништо не знае, а полицијата трага. Самоил е дете од брат ми и има 26 години. Излегол од дома, наводно го викнале накај Кисела Вода или Драчево. Некој човек, каде што го оставиле автомобилот, кажал дека излегол од својот автомобил и влегол во друг, каде имало тројца луѓе. Потоа кажале дека тоа се случило во близина на чешката Амбасада, каде наводно бил префрлен во украден автомобил. Засега никој ништо не знае, а телефонот му е исклучен – изјави Бошкоска за порталот Ммс.мк.

Таа додаде дека семејството сè уште не ја знае причината за неговото киднапирање и оти Самоил не зборувал дома дека има проблеми.

Случајот вчера го потврдија и од Министерството за внатрешни работи.

„На 04.03.2023 во 08.00 часот во СВР Скопје, М.К.(32) од Скопје пријавил дека од домот се оддалечил неговиот брат С.К.(26)“, се вели во полициското соопштение.

Од МВР велат дека преземаат мерки за да се пронајде момчето.

The post ИСЧЕЗНА ВНУК НА ЉУБЕ БОШКОСКИ Се стравува дека 26-годишникот е киднапиран appeared first on plusinfo.mk.