Кандидатот за градоначалник на Град Скопје од редовите на ВМРО-ДПМНЕ, Орце Ѓорѓиевски, вечерва гостуваше во дебатната емисија „Само Вистина“ на Канал 5 телевизија, каде што најави дека функцијата градоначалник ќе ја извршува транспарентно и во интерес на граѓаните.

– За 72 часа, мојот план е целата механизација од Град Скопје, во соработка со општините, бизнис заедницата и граѓаните, да започнеме една темелна акција која ќе го врати сјајот на Скопје – изјави Ѓорѓиевски.

Тој истакна дека приоритет ќе бидат проектите кои обезбедуваат чист, ефикасен и функционален градски превоз, како и решавање на сообраќајниот метеж кој со години го мачи главниот град.

Ѓорѓиевски најави ревидирање на БРТ проектот и воведување на градски воз како дел од интегриран транспортен систем кој треба да обезбеди побрз и полесен пристап до сите делови на градот.

– Во мојата програма предвидуваме модернизација на пругата Зелениково – Ѓорче Петров како прва фаза. Потоа ќе следува проширување до Аеродром и Петровец, како и дополнителен крак до Карпош. Тоа ќе биде проект на Министерството за транспорт, кој како Град Скопје целосно ќе го поддржиме – појасни Ѓорѓиевски.

Тој нагласи дека метро-системот е прескап за македонските услови, па затоа приоритет ќе бидат реални и изводливи решенија кои ќе го намалат бројот на возила на улиците.

– Ние мораме да им дадеме на граѓаните ефикасна алтернатива надвор од автомобилите. Со автобуски превоз не може целосно да се реши хаосот, но со воз и подобра организација – да – додаде Ѓорѓиевски.

На крајот од интервјуто, тој ги повика граѓаните да излезат на гласање во недела и да му ја дадат поддршката за, како што рече, „час поскоро да започнеме со решавање на проблемите во нашиот град“.

The post „НЕ МОЖЕМЕ СО АВТОБУСИ ДА ГО РЕШИМЕ ХАОСОТ“ Ѓорѓиевски најави градски воз и ревидиран БРТ проект за Скопје appeared first on plusinfo.mk.

Телевизиската дебата меѓу професорката Мирјана Најчевска и лидерот на Македонски концепт Петар Богојевски-Бунтур воопшто не личеше на телевизиска дебата.

Најчевска во еден момент го напушти студиото, испровоцирана од, како што рече, однесувањето на Богојевски.

Ги упати зборовите „глуп си ко точак“.

– Вие се изгубивте и вечерва не знаете што говорите. Искрено ми е жал за вас, истакна претседателот на Македонски концепт.

Најчевска го извади микрофонот и порача:

– Јас со глупи како точак… извинете, изберете друг пат соодветен соговорник за мене. Ова е глуп човек – рече Најчевска и го напушти студиото.

Петар Богојески се јави со коментар по завршувањето на емисијата:

„Почитувани граѓани, дозволете да се извинам за поведението на госпоѓа Најчевска во текот на денешната дебата на ‘Само Вистина’ на Канал 5 Телевизија. Се надевам дека е сѐ во ред со неа, ѝ посакувам добро здравје и да најде спокој во иднина“, напиша Богојевски.

Но, и Најчевска не остана покуса и објасни зошто одлучила да го напушти студиото на Канал 5.

„Излегов од емисијата на Канал5 ‘Само вистина’ бидејќи имам нулта толеранција за глупост и незнаење и ширење лажни вести (што го правеше Петар Богојевски – професор кој не разликува Совет на Европа од Европски совет и кој Бајден го нарекува комунист и шири лажни информации за тоа зошто и како бил осуден синот на Бајден без да прави разлика меѓу осуден претседател на држава и осуден син на претседател на држава, и …) и пред сѐ заради тоа што новинарката која ја водеше емисијата (Елизабета Галевска) не успеа да препознае отворени навреди кои кон мене ги изрече Богојевски и се стави на негова страна (давајќи му несразмерно повеќе време во емисијата). Со ова изјавувам дека во иднина веќе нема да гостувам во ниту една емисија на Канал 5. И немам намера воопшто да разговарам со ниту еден поддржувач на криминалецот Доналд Трамп кој во моментов стана претседател на САД“, напиша Најчевска.

Во продолжение, проследете го видеото на кое е прикажан моментот кога Најчевска го напушта студиото на Канал 5.

The post 🎥 НАЈЧЕ ГО НАРЕЧЕ БУНТУР ГЛУП КО ТОЧАК Само глупирање во „Само вистина“ appeared first on plusinfo.mk.

Македонија ќе влезе во Европската Унија во еден пакет со земјите од Западен Балкан кога Унијата ќе почувствува потреба и страв од руското влијание, смета Солза Грчева. Во гостување во „Само Вистина“ таа рече:

– Заблуда е дека СДСМ е единствена партија која може да ја однесе Македонија во Европската Унија. Значи во Европската Унија ќе влеземе тогаш кога Унијата ќе одлучи дека сме ѝ потребни, кога за тоа ќе види геополитички интерес. Видовме дека многу земји се ставени на брзата лента, Украина, Молдавија, Грузија и други. Во оној момент кога ЕУ ќе почувствува потреба, а мислам дека ќе почувствува потреба поради стравот и паранојата од руското влијание, во тој момент без прифаќање на уцени од Бугарија, која тогаш ќе биде ставена на споредна лента, ќе бидеме примени. Според тоа, Пендаровски да размисли до кое дереџе СДСМ ја доведе Македонија.

Таа вели дека и во Македонија „почнавме и малите деца да ги плашиме со патриотизам“.

– Не знам како Пендаровски прифатил да биде кандидат за Претседател на СДСМ кога таа влада е најлошата до сега по сите светски параметри. Ние почнавме и малите деца да ги плашиме со патриотизам. Се поставува дилемата ако си патриот си назаден, ако си растури куќа и постојано крадеш, те означуваат како ужасно корумпирано општество и влада, тогаш имаш можност да ја однесеш државата напред. Ова што нам ни се нуди е неприфатливо, имавме лоша дипломатија и ако ние треба да прифатиме уцени што ни испорачува Бугарија треба да знаеме дека оваа не е последна уцена, туку само влезница.

Во врска со „брзата трака за ЕУ“ со барањето за уставни измени Грчева коментира:

The post ВО ЕУ ЌЕ ВЛЕЗЕМЕ КОГА ЌЕ Ѝ БИДЕМЕ ПОТРЕБНИ Солза Грчева ги коментира уставните измени и евроинтеграциите appeared first on plusinfo.mk.

Ова го изјави градоначалникот на Општина Куманово и лидер на новоформираната политичка партија Движење ЗНАМ – За наша Македонија, Максим Димитриевски, во вечерашната дебатна емисија „Само вистина“ на Канал 5 телевизија, со градоначалникот на Општина Сарај, Блерим Беџети.

Димитриевски искажа јасен став дека актуелната власт не прави ништо да ја промени лошата состојба во земјата и покрај негативните извештаи што ги добива од Европската Унија.

„Ако вие имате гласање во парламентот на закон и измена на КЗ со европско знаменце којшто има за цел да ги самоамнестира постоечките политички елити и дополнително да остави простор за амнестија на оние кои што до вчера беа на власт, исто така да им остави простор на оние кои што ќе дојдат да се самоамнестираат и да одговараат по шест месеци затвор по членот 353 за злоупотреба на службена должност и овластување со проневера со државни пари, тоа се лоши примери. Ако има многу меѓународни претставници коишто укажуваат во континуитет дека работите во Македонија лошо врват, вие гласате закон во Собрание со европско знаменце, каде подоцна евроамбасадорот ви вели дека тоа не е европски закон”, додава Димитриевски, осврнувајќи се на Коридорот 8 како пример за нетранспарентност и криминал, давајќи му целосна одлучувачка моќ на вицепремиерот Артн Груби да договара и склучува договори без претходна техничка документација и проект.

„Ние сме градоначалници и пред да се реализира било каков проект во општината, потребно е да обезбедиме техничка документација, почетен проект, проект за градба, предмет пресметка, да распишеме тендер, да извршиме избор на тендерот и потоа да избереме изведувач и да потпишеме договор. Случајот со Коридорот 8 е избор на фирма која ќе проектира и избор за фирма надзор која се занимава со производство на долна облека, на која се уплаќа аванс и се даваат околу 160 милиони евра за еден сериозен коридор. Го деградирате министерот за транспорт и врски и го ставате вицепремиерот Груби како да е експерт за ова и одеднаш носите фамозен закон со кој што на изведувачот му ги давате сите можности“, заклучува тој.

„Јас се чувствувам космополит и не ги делам граѓаните ниту по етничка, верска или политичка припадност, но за жал кога зборуваме за мултиетничко општество, ние го гледаме наративот на ДУИ којшто влезе во парламентот со пушка, веднаш потоа ја запоседна врз база на трендот и популизмот законодавната власт, преку тоа и извршната власт и денеска гледаме како ја запоседнува независната, судската власт, обвинителството и сите државни органи. И за жал, пред секои избори наративот на моноетничките субјекти коишто доаѓаат од албанската проминенција е всушност се поригорозен во делот на дефинирање на националните албански интереси. Јас немам намера во мојот политички активизам заедно со моите политички истомисленици да дозволам Македонија да биде приватна држава, ниту на ДУИ, ниту на било кој друг, а најмалку пак моја“, порача Димитриевски, осудувајќи ги активностите на албанската партија ДУИ и политички субјекти коишто имаат моноетничка или албанска проминенција и гестовите на покажување знаме на Голема Албанија или интонирање само албанска химна, за коишто вели дека го кршат Законот и создаваат фрустрации кај македонскиот народ и граѓаните на Република Македонија.

За Димитриевски е неприфатливо во Слупчане да никне 37 метри високо спомен обележје или поставување на спомен плоча со карта на Голема Албанија, активности поддржани од владејачката ДУИ, а како што вели во континуитет да не се обезбедува бадинтер за да се изгласа и да се изгради едно спомен обележје на бранителите од 2001 година.

„Тоа е директно кршење на Уставот и директно кршење на Законот, но за жал нема храбри министри кои што треба да постапат согласно Законот. Неприфатливо е за мене во Слупчане да никне 37 метри високо спомен обележје, а во Куманово во континуитет да не се обезбедува Бадинтер за да се изгласа и да се изгради едно спомен обележје на бранителите од 2001 година. Гласаат сите политички субјекти на Албанците и бидејќи ДУИ е најбројната партија во советот која тоа не го дозволува. Наместо да има сенс и да каже „да“, ние го поддржуваме тоа. Тоа е историјата, гинеа луѓе и од едната и од другата страна, но почит и чест за војниците, но нема почит за политичарите бидејќи тие што беа војници и се бореа за одредени права и тие од наша македонска страна коишто се бореа за заштита на уставниот поредок, добар дел од нив загинаа, денес нивните семејства се прашуваат зошто загинаа истите, а политичарите кумуваат во континуитет и играат со националните чувства на етничките заедници. Треба да се постави прашањето што е резултатот од едностраните вакви дејанија од страна на во овој момент партија којашто е на власт. Да се случи еден ваков преседан и притоа никој да не излезе и да се извини пред јавноста е директно нарушување на меѓуетничките односи“, потенцира Димитриевски.

The post МАКСО ВЕЛИ ДЕКА НИКОГАШ НЕ БИЛО ПОЛОШО ВО ДРЖАВАТА „Оваа власт мора да понесе одговорност на изборите“ appeared first on plusinfo.mk.

Вака директорот на ТВ Канал 5, Иван Мирчевски, му одговори на првиот човек на АВМУ, Зоран Трајчевски, откако беше објавена реакција за вчерашниот инцидент помеѓу директорот Мирчевски и гостинот Исмет Рамадани.

„Сметам дека реакцијата на АВМУ беше издржана, но претпоставувам поради одреден притисок, мораше да уфрлат дека секое мешање на управителите претставува мешање во независноста и смаостојноста на медиумот. Благодарам за вашата реакција и осудата на ксенофобичниот говор на Рамадани. Но две работи, како прв човек на АВМУ мора да ги знаете: 1. Јас сум автор и уредник на САМО ВИСТИНА, тоа им е јасно на сите кои гостуваат во Канал 5. Вие ме осудувате дека Иван му се мешал на Мирчевски? Ова е класичен оскиморон, но еве, ќе го препишам на вашата неинформираност. 2. Како менаџер – ОДГОВОРЕН сум за секој искажан збор! Дали вчера нотиравте колку закани беа изречени од устата на Рамадани? Забележавте ли сериозен обид за заплашување, замолкнување на нашиот новинар и бестијално ширење на клевета за лажна етничка дискриминација? Како ќе ги толкувате овие зборови на Рамадани: ‘Престанете да ги потценувате Албанците понатаму, ви кажува човек кој е умерен Албанец во сите свои ставови’. Кажете ми, дали вие не гледате навреда кон сите останати македонски Албанци кои се чесни граѓани на Македонија, затоа што Рамадани се претставува како ‘умерен’, а аналогно на тоа – другите се ‘неумерени’? Ве замолувам кога ќе пишувате ваши соопштенија, барем да се држите до основното новинарско правило – да се праша и другата страна. Очекувам корекција на вашето соопштение во делот дека сум се ‘мешал’ во независна уредувачка политика – што е ваш оксиморон, претпоставувам и верувам – ненамерен“, му напиша Мирчевски на Трајчевски.

НЕДОЗВОЛЕНИ СЕ ЕТИКЕТИРАЊАТА ОД РАМАДАНИ, НО И ВМЕШУВАЊЕТО ОД МИРЧЕВСКИ Агенцијата за медиуми ги осуди и двете страни во скандалот на „Само вистина“

The post КАКО ТОА ИВАН МУ СЕ МЕШАЛ НА МИРЧЕВСКИ? Директорот на Канал 5 бара од АВМУ да изврши корекција на соопштението appeared first on plusinfo.mk.

„Канал 5 ТВ поставува нови стандарди во македонското новинарство. Добро би било и да истепаат некој гостин наредниот пат. Ваков примитивизам во 30 години демократија немаме видено, а мислам дека и во светското новинарство нема ваков преседан. Голем срам за македонското новинарство“ – коментира Љубчо Георгиевски.

The post СЛЕДНИОТ ПАТ ЌЕ ИСТЕПААТ НЕКОЈ ГОСТИН! Љубчо Георгиевски ја осуди Канал 5 за односот кон Рамадани appeared first on plusinfo.mk.

Агенцијата нагласува дека сите учесници во јавниот дискурс, а особено политичарите и носителите на јавни функции, треба да бидат свесни за тежината на јавно искажаниот збор и да се воздржуваат од изјави, особено преку медиумите, кои го поткопуваат дијалогот меѓу различните етнички групи во општеството.

„Етикетирање на медиуми и новинари, како што тоа во вчерашната емисија го направи Исмет Рамадани, советникот за евроатлантски вредности на Премиерот, негативно се одразува на слободата на медиумите и го нарушува новинарскиот дигнитет. Политичарите и носителите на јавни функции имаат посебна одговорност пред јавноста и треба да покажат највисоко ниво на почитување на новинарската професија и да вложат максимални напори да се овозможи медиумите непречено да ја извршуваат својата работа.

Истовремено, медиумите треба да бидат простор за отворена дебата, место каде ќе се изнесуваат различните мислења и ставови (и позитивни и негативни) на учесниците во интервјуа, дискусии и други емисии. Уредниците, новинарите и другите автори при создавањето на програмите и креирањето на уредувачката политика треба да бидат самостојни и независни. Секое попречување и, особено, прекинување на емисиите од страна на управителите или сопствениците на медиумите, како вмешувањето на Иван Мирчевски, управителот на ТВ Канал 5, во емисијата „Само вистина“ претставува мешање во таа независност и самостојност“ – се вели во реакцијата на ААВМУ.

The post НЕДОЗВОЛЕНИ СЕ ЕТИКЕТИРАЊАТА ОД РАМАДАНИ, НО И ВМЕШУВАЊЕТО ОД МИРЧЕВСКИ Агенцијата за медиуми ги осуди и двете страни во скандалот на „Само вистина“ appeared first on plusinfo.mk.

„ВМРО-ДПМНЕ ги осудува нападите со лажни обвинувања на владиниот советник Исмет Рамадани и обидите за загушување на слободата на говор изразени на емисијата „Само Вистина” на Канал 5.

Владата и Ковачевски треба под итно да се извинат и оградат од ставовите на својот советник.

Во спротивно овој атак треба да се смета како смислено сценарио и позиции на владата. Не е прв пат првенци на владата да застапуваат ксенофобични ставови и да изразувааат непочит кон медиумите.

Секогаш кога немаат аргументи од власта одбранбениот механизам се лажните обвинувања и лепењето на етикети дека некој прави атак врз Албанците.

Да не се заборави дека власта има селективен однос кон медиумите, делејќи етикети, премиерот и неговите луѓе да се конфронтираат со новинари и притоа да се не оградат од ваквите пистапки.

Власта во заминување губи контрола и тоне во сопствената неспособност. ВМРО ДПМНЕ е на страната на слободата и независноста на медиумите“ – се вели во соопштението на партијата.

The post НАПАДИ И ЛАЖНИ ОБВИНУВАЊА БЕЗ АРГУМЕНТИ Осуди од ВМРО-ДПМНЕ за настапот на Исмет Рамадани на Канал 5 appeared first on plusinfo.mk.

„Исмет Рамадани во недостиг на аргументи во одбраната на Димитар Ковачевски и Артан Груби во обидот преку Врховниот суд да ја активираат одлуката на Ѓорге Иванов за аболиција на 56 функционери и нивно ослободување од кривична одговорност, манифестираше примитивизам и говор на омраза на етничка основа.

Демократскиот сојуз бара Исмет Рамадани да му се извини на новинарот на Канал 5, како и на јавноста.

Ваквите дрски и неаргументирани напади нема да им помогнат на евроинтеграциските процеси, ниту ќе придонесат за јакнење на единството и заштита на виталните државни интереси.

Слободата на говорот, јавното изразување и објективноста се темелни вредности на новинарската професија неопходни за развој на демократијата“ – се вели во реакцијата на Демократски сојуз.

The post ПРИМИТИВИЗАМ И ГОВОР НА ОМРАЗА ОД ИСМЕТ РАМАДАНИ Најостро го осудуваме настапот на советникот на Ковачевски, реагира ДС appeared first on plusinfo.mk.

„ЕАСМ е организација која ги негува и поддржува европските и атлантските демократски вредности, а со тоа и слободата на изразување, независно новинарство и медиуми, коишто заложби, во овој случај се косат со искажаните ставови на претседателот на организацијата г. Исмет Рамадани во емисијата ‘Само вистина’ на ТВ Канал 5. Покрај неопходно извинување, потребна е и негова оставка од челната позиција на ЕАСМ. Како и секогаш, претставниците на Владата при недостиг на аргументи за одбрана на оваа власт и сите афери кои ги следат, си играат со националните чувства и оваа реторика ја репризираат како во минатото“, напиша градоначалникот на Куманово, Максим Димитриевски на својот Фејсбук профил.

Инаку, директорот на Канал 5 телевизија, Иван Мирчевски, синоќа се вклучи во емисијата „Само вистина“ и му рече на поранешниот пратеник Исмет Рамадани да ја напушти емисијата.

Рамадани гостуваше во емисијата на Канал 5 и ја обвини телевизијата дека пропагира етничка дискриминација на Албанците.

ОСТРА ДЕБАТА ВО „САМО ВИСТИНА“ Мирчевски го избрка Исмет Рамадани од емисијата по обвинувањата за етничка дискриминација

The post ИСМЕТ РАМАДАНИ ДА СИ ПОДНЕСЕ ОСТАВКА Максим Димитриевски вели дека вакво однесување не му доликува на претседател на Евроатлантскиот совет appeared first on plusinfo.mk.