Ова е епилогот од денешниот самит во Охрид, кој се одолжи до доцна вечерта во саботата.

Очигледно, пресудна била втората рунда од заедничката средба на српскиот премиер Александар Вучиќ со косовскиот премиер Албин Курти, на која посредуваат шефот на европската дипломатија Борел и специјалниот претставник на ЕУ за Западен Балкан, Мирослав Лајчак.

Борел рече дека Србија и Косово договориле анекс на имплементацијата на договорот на патот кон нормализирање на односите меѓу двете страни. Тој нагласи дека двете земји се договориле да ги почитуваат сите точки и сите да ги спроведат.

Шефот на европската дипломатија го спомна и членот 7, за кој многу се разговарало, за „самоуправување на српската заедница на Косово“.

„За членот 7 Косово се согласи да започне веднаш, а кога велам веднаш, мислам веднаш, преговори за воспоставување аранжмани и подготовки за да се обезбеди вистинско ниво на самоуправа на српската заедница“, рече Борел.

Кај косовската страна недостигаше флексибилност, рече Борел и додаде:

„Од друга страна, Србија истакна дека принципиелно нема да потпишува ништо, се додека не се целосно подготвени да го имплементираат. Со цел да ги избегнеме овие последици, ние направивме предлози поврзани со потпишувањето и суштината. Но, двете страни не можеа да изнајдат заедничка согласност за нашите предлози. Верувајте ми, покрај тоа што поамбициозенен текст беше предложен на почетокот, тоа што двете страни го прифатија, значи дека согласноста и имплементацијата ќе стане составен дел кон европскиот пат. Со цел да бидам поконкретен, ќе вклучам амандмани во преговарачкото поглавје, во преговарачката рамка за преговори со ЕУ, како и во агендата за стабилизација на Косово со ЕУ“.

Претседателот Вучиќ по средбата кажа дека е задоволен. Како што и најави пред доаѓањето во Охрид, тој не потпишал ништо, но сепак потврди дека има договор.

ШТО СЕ ДОГОВОРИЈА ВУЧИЌ И КУРТИ ВО ОХРИД Објавен целосниот анекс на договорот

We have a deal

Kosovo and Serbia have agreed on the Implementation Annex of the Agreement on the path to normalisation of relations

The parties have fully committed to honour all articles of the agreement and implement their respective obligations expediently and in good faith. pic.twitter.com/p3CUBdcd8A

— Josep Borrell Fontelles (@JosepBorrellF) March 18, 2023

The post ВУЧИЌ И КУРТИ СКЛУЧИЛЕ АНЕКС НА ДОГОВОРОТ ЗА НОРМАЛИЗАЦИЈА Потписи нема, но ќе има Заедница на српски општини appeared first on plusinfo.mk.

Вучиќ рече дека Европскиот совет на долгиот пат ќе оцени колку е направено од планот за имплементација. Ќе се оценува независно за секоја од страните што направиле. Тој рече дека формирањето на ЗСО во согласност со претходно постигнатите договори како дел од дијалогот е поставено како приоритетна обврска.

„И од тоа сум задоволен’, рече тој и додаде дека ќе има натамошни разговори за исчезнати лица и други работи.

Тој додаде дека и денеска не потпишал ништо и изјави дека планот за реализација ќе се надградува.

„Двајцата на различни начини јасно ставивме до знаење кои се неговите црвени линии, а кои се нашите црвени линии  Мислам дека направивме добар чекор напред во конструктивна атмосфера и дека ќе почнеме да правиме нешто. Се разбира, тоа не беше Денот Д, но беше ОК ден“, рече тој.

The post ВУЧИЌ ЗАДОВОЛЕН ОД САМИТОТ „Ова не беше Денот Д, но беше Денот ОК – постигнавме некаков договор“ appeared first on plusinfo.mk.

Тој посочи дека наскоро високиот претставник за надворешна и безбедносна политика и потпретседател на ЕК Жозеп Борел ќе соопшти повеќе информации.

Во меѓувреме, приштинска Коха објави дека во Охрид бил постигнат „некаков договор“, без да прецизира за што станува збор.

Обраќањето на Борел можете да го проследите ТУКА.

The post ЗАВРШИ СРЕДБАТА ВУЧИЌ – КУРТИ ВО ОХРИД Тука може да го проследите во живо обраќањето на Борел appeared first on plusinfo.mk.

Веќе со часови трае втората рунда од заедничката средба на српскиот премиер Александар Вучиќ со косовскиот премиер Албин Курти, на која посредуваат шефот на европската дипломатија Жозеп Борел и специјалниот претставник на ЕУ за Западен Балкан, Мирослав Лајчак.

Првата рунда од трилатералната средба траеше нешто повеќе од еден час, по што беше дадена пауза. Втората рунда трае невообичаено долго, а Борел го откажа летот за враќање во Брисел.

Новинарите коишто го следат самитот во Охрид, на кој се разговара за Договорот за нормализација на односите меѓу Косово и Србија, без успех се обидуваат да дознаат што се случува и за што толку долго се разговара.

Во текот на билатералните средби на Вучиќ и на Курти со посредниците, претставникот на САД за Западен Балкан, Габриел Ескобар, ги намали очекувањата од самитот, изјавувајќи дека очекува финализирање на анексот за спроведување на договорот, но не и негово потпишување.

Претседателот Вучиќ уште пред доаѓањето во Охрид најави дека на оваа средба нема ништо да потпише.

Интересно е дека во медиумите во Србија засега нема никакви посериозни шпекулации околу исходот на средбата.

The post ЗАСЕДНАА ВУЧИЌ, КУРТИ И ПОСРЕДНИЦИТЕ И НЕ ИМ СЕ СТАНУВА Можно ли е самитот во Охрид да заврши со изненадување? appeared first on plusinfo.mk.

Во Охрид почна заедничката средба на претседателот Александар Вучиќ и премиерот на Косово Албин Курти, со високиот претставник за надворешна политика и безбедност Жосеп Борел и специјалниот претставник за дијалогот меѓу Косово и Приштина, Мирослав Лајчак.

Претходно Лајчак и Борел одржаа поеднинечни средби во Курти и Вучиќ.

Најавено е дека по заедничката средба, Борел на прес-конференција ќе го соопшти исходот од средбата.

Но, веќе се знае дека самитот во Охрид ќе заврши без потпишување на договорот за нормализација на односите меѓу Косово и Србија. Претставникот на САД за Западен Балкан, Габриел Ескобар изјави дека очекува финализирање на анексот за спроведување на Договорот, но не и негово потпишување.

ВУЧИЌ, КУРТИ И ПОСРЕДНИЦИТЕ ГО „ПЕГЛАА“ ДОГОВОРОТ, НО ПЕНКАЛАТА ОСТАНАА МИРНИ Што се случуваше на средбите во Охрид?

The post ВУЧИЌ И КУРТИ СЕДНАА НА ИСТА МАСА ВО ОХРИД Ништо спектакуларно не се очекува, освен добри фотографии   appeared first on plusinfo.mk.

Агенцијата Франс прес (АФП) пишува дека во документот од 11 точки пишува дека ниту една страна нема да прибегне кон насилство за да го реши спорот, ниту ќе се обиде да ја спречи другата да се приклучи на Европската Унија или во други меѓународни тела, што е клучно барање од Косово.

Србија долго време одбива да го признае едностраното прогласување независност на Косово, направено во 2008 година, наведува АФП. По разговорите во Брисел, српскиот претседател Александар Вучиќ вети дека никогаш нема да ја признае Приштина или да обезбеди пат што ќе им овозможи да се приклучат во Обединетите нации или во НАТО.

Пред самитот во Охрид Вучиќ пркосно изјави: „Не планирам да потпишам ништо. Состанокот „нема да биде историски или револуционерен“.

На почетокот на неделата, косовскиот премиер Албин Курти рече дека е оптимист во врска со постигнувањето договор, но одговорноста за потпишувањето на договорот ја префрли на Вучиќ.

„Дали ќе успее или не, вие добро знаете дека тоа не зависи само од мене“, рече Курти.

Претставникот на САД за Западен Балкан Габриел Ескобар изјави дека очекува финализирање на анексот за спроведување на Договорот за нормализација на односите меѓу Косово и Србија, јави дописникот на МИА од Белград.

– Не сме фокусирани на потпишување, туку на финализирање на договорот – нагласи Ескобар во интервју за Радио Слободна Европа во Охрид.

Страните не можат да изберат што да спроведат, а што не од овој договор, објасни Ескобар.

Како набљудувач, тој учествува на средбите меѓу премиерот на Косово и претседателот на Србија, кои се со посредство на шефот за надворешна политика на Европската унија Жозеп Борел и специјалниот пратеник на ЕУ за дијалог меѓу Косово и Србија, Мирослав Лајчак.

Во врска со формирањето на Заедницата на општини со српско мнозинство на Косово, Ескобар рече дека е малку веројатно таа некогаш да се трансформира во Република Српска, српскиот ентитет кој постојано го доведува во прашање функционирањето на Босна и Херцеговина.

Средбите веќе се завршени и од изјавите на учесниците ќе се насети каков е исходот на самитот чиј домаќин беше Охрид.

The post ВУЧИЌ, КУРТИ И ПОСРЕДНИЦИТЕ ГО „ПЕГЛАА“ ДОГОВОРОТ, НО ПЕНКАЛАТА ОСТАНАА МИРНИ Што се случуваше на средбите во Охрид? appeared first on plusinfo.mk.