Бугарија е подготвена да го отвори воздушниот простор за рускиот претседател Владимир Путин, ако тој одлучи да дојде во Будимпешта на средба со американскиот претседател Доналд Трамп, изјави денеска министерот за надворешни работи на Бугарија, Георг Георгиев.

Тој рече дека ваквите логистички прашања можат да се дискутираат само кога најавената средба на претседателите Трамп и Путин ќе биде официјализирана.

– Прво да го дознаеме датумот, а потоа да разговараме за техничките детали. Колку што знам, нема датум кога двајцата треба да се сретнат – рече Георгиев за време на престојот на Самитот на ЕУ во Луксембург.

Министерот за надворешни работи нагласи дека Софија нема да попречува никаква дипломатска иницијатива за постигнување мир во Украина.

– Кога се прават напори за мир, единственото логично решение е сите страни да придонесат за таков состанок – рече Георгиев.

На прашањето дали тоа значи дека Софија ќе му дозволи на претседателот Путин да влезе во воздушниот простор, тој рече:

– А како поинаку би можел да се одржи тој состанок ако еден од учесниците не може да стигне до Будимпешта?

Георгиев потврди дека Бугарија ќе го поддржи 19. пакет санкции на ЕУ против Русија, кој треба да биде усвоен оваа недела, додавајќи дека неговата земја има активна улога во поддршката на Украина и воено и технички.

The post БУГАРИЈА ЌЕ ГО ОТВОРИ НЕБОТО ЗА АВИОНОТ НА ПУТИН Како ќе се одржи мировниот самит ако еден учесник не може да стигне до Будимпешта, вели Георгиев appeared first on plusinfo.mk.

Русија соопшти дека нејзиниот шеф на дипломатијата, Сергеј Лавров и неговиот американски колега, државниот секретар, Марко Рубио, задолжени за подготовка на самитот меѓу претседателите Владимир Путин и Доналд Трамп, имале „конструктивен“ разговор.

Лавров и Рубио разговарале за можни конкретни чекори за спроведување на идеите постигнати за време на телефонските разговори на 16 октомври меѓу рускиот лидер Владимир Путин и американскиот претседател Доналд Трамп, соопшти руското Министерство за надворешни работи по телефонскиот разговор меѓу двајцата први дипломати.

Русија денеска, исто така,соопшти дека нејзиниот став за војната во Украина „останува непроменет“, реагирајќи на најновиот повик на американскиот претседател Доналд Трамп за замрзнување на конфликтот по должината на постојните линии на фронтот.

Кремљ претходно ги отфрли повиците за прекин на огнот, тврдејќи дека Украина ќе ја искористи паузата во борбите за прегрупирање и повторно вооружување. Затоа Москва претпочита директни преговори за сеопфатен мировен договор, но под услов Украина да ѝ отстапи повеќе територија отколку што моментално контролира.

– Оваа тема беше покрената неколку пати, со различни нијанси, за време на руско-американските контакти, а руската страна секогаш даваше ист одговор, што е добро познато: ставот на Русија останува непроменет – изјави портпаролот на Кремљ, Дмитриј Песков.

Кремљ соопшти дека Москва ќе се обиде да промовира мировни преговори кога рускиот и американскиот претседател ќе се сретнат во Будимпешта.

The post РУБИО И ЛАВРОВ ГО ПОДГОТВУВААТ ТЕРЕНОТ ЗА САМИТОТ ТРАМП-ПУТИН Русија не се согласува со прекин на огнот appeared first on plusinfo.mk.

ЕУ прави сè што може да го поткопа претстојниот самит помеѓу рускиот и американскиот претседател Владимир Путин и Доналд Трамп и продолжува со напорите за ескалација на судирот во Украина, обвини денеска портпаролката на руското министерство за надворешни работи, Марија Захарова.

– ЕУ спроведува активни субверзивни акции пред планираната средба во Будимпешта. Агресивната западноевропска заедница сака да ги саботира сите мирољубиви стремежи – наведе Захарова.

Претходно, портпаролот на Кремљ, Дмитриј Песков наведе дека Будимпешта е избрана за средба помеѓу Путин и Трамп поради тоа што премиерот на Унгарија, Виктор Орбан има добри односи со американскиот претседател и конструктивни врски со рускиот претседател.

– Работата за подготовка на претстојниот состанок во унгарската престолнина, чија цел е постигнување решение за конфликтот во Украина и развивање на односите меѓу Русија и САД, само што почнаа – посочи Песков.

The post ЕУ ГО ПОТКОПУВА САМИТОТ ПУТИН-ТРАМП Западот ги саботира мирољубивите стремежи, обвини Захарова appeared first on plusinfo.mk.