Освен безбедносните теми и војната во Украина, на Самитот на НАТО во Анкара внимание привлече и изгледот на дел од државните лидери, откако експерти за протокол ги анализираа нивните модни избори.

Најмногу реакции предизвика албанскиот премиер Еди Рама, кој на средбата на лидерите се појави во темносин костум, но наместо класични чевли, носеше впечатливи бели патики.

Експертите за протокол оценија дека ваквиот избор на обувки не е соодветен за настан од највисок државен ранг. Иако дел од јавноста неговиот стил го поврза со минатото на Рама како професионален кошаркар, познавачите на дипломатскиот протокол сметаат дека тоа не може да биде оправдување.

Покрај Рама, критики доби и словачкиот претседател Петер Пелегрини. Според експертите, додека седел со прекрстени нозе, му се гледала голата потколеница над чорапите, што се смета за пропуст во машкиот протокол за свечени и државнички настани.

Чешкиот експерт за протокол Ладислав Шпачек оцени дека ваквите детали оставаат лош впечаток и не се во согласност со правилата на официјалниот дипломатски бонтон.

The post БЕЛИТЕ ПАТИКИ НА РАМА ДРЕЧЕА НА САМИТОТ ВО АНКАРА Експертите за протокол не беа одушевени appeared first on plusinfo.mk.

Турскиот претседател Реџеп Таип Ердоган на лидерите на земјите членки на НАТО им приреди необичен подарок за време на самитот во Анкара – им подари луксузно изработени, гравирани пиштоли, заедно со придружните куршуми и комплети за чистење.

Според информациите од британските медиуми, секој од лидерите добил ист подарок, а оружјето било персонализирано со името на примателот.

Претседателката на Европската комисија, Урсула фон дер Лајен, и претседателот на Европскиот совет, Антонио Кошта, во среда добија како подарок пиштоли од домаќинот на самитот, турскиот претседател Реџеп Таип Ердоган, потврдија двајца претставници на ЕУ за Политико.

Официјален претставник на Европскиот совет додаде дека безбедносниот тим на Кошта го зел оружјето за инспекција.

„Ќе ги следиме процедурите за да го транспортираме во Белгија, а потоа да го складираме во согласност со безбедносните барања пропишани од Генералниот секретаријат на Советот“.

Тимот на Урсула фон дер Лајен не одговори веднаш на прашањето што ќе се прави со пиштолот.

Сепак, според еден од претставниците, станува збор за врвни церемонијални пиштоли чија вредност би можела да ги надмине дозволените граници за официјални подароци, што го прави малку веројатно примателите да задржат лична сопственост врз нив.

Други европски лидери, вклучувајќи го и британскиот премиер во заминување, Кир Стармер, и холандскиот премиер Роб Јетен, јавно изјавија дека ќе ги остават своите пиштоли во Турција за да бидат неупотребливи пред да бидат транспортирани во нивните соодветни земји.

Причината за одлуката на Стармер е британското законодавство, кое има строги правила за поседување и увоз на огнено оружје. Иако турскиот претседател приложил документ со кој се откажува од извозните ограничувања, внесувањето на оружјето во Велика Британија би претставувало прекршување на домашните прописи.

Германската влада соопшти дека револверот што му бил подарен на канцеларот Фридрих Мерц е предаден на германската амбасада за да се спроведе законската процедура за увоз. По завршување на постапката, оружјето ќе биде додадено во колекцијата на официјални подароци на германската влада.

Подарувањето оружје како дипломатски подарок на највисоки државни претставници предизвика внимание, особено поради различните правила за поседување оружје во земјите членки на Алијансата.

The post ЗА ЛИДЕРИТЕ НА НАТО, ГРАВИРАНИ ПИШТОЛИ СО БОЕВА МУНИЦИЈА! Изненадувачки подарок од Ердоган на самитот во Анкара appeared first on plusinfo.mk.

Турскиот претседател Реџеп Таип Ердоган денеска повика на укинување на ограничувањата за одбранбена соработка меѓу сојузниците на НАТО, јави Анадолија.

– Ограничувањата меѓу сојузниците во врска со одбранбената соработка, особено во одбранбената индустрија, треба да се укинат – рече Ердоган на состанокот на Северноатлантскиот совет на ниво на шефови на држави и влади во турската престолнина Анкара.

Ердоган нагласи дека дури и додека европските сојузници преземаат поголема одговорност за одбраната на континентот, тие треба да избегнуваат политики што би можеле да го ослабат единството на НАТО или трансатлантските врски.

– Додека европските сојузници преземаат поголема одговорност за одбраната на континентот, ние мора да се воздржиме од мерки што би можеле да ја поткопаат кохезијата на Алијансата и трансатлантските односи – рече тој.

Истакнувајќи го растечкиот одбранбен сектор на Турција, Ердоган рече дека најголемото достигнување на земјата во последните години е нејзиниот голем напредок во одбранбената индустрија.

– Несомнено, најголемиот успех на нашата земја лежи во пробивот што го постигнавме во одбранбената индустрија – рече тој, додавајќи дека Турција стана една од 10-те најдобри земји во светот во однос на производството на одбрана и извозниот капацитет.

Турција ќе ги зголеми трошоците за одбрана на ниво од 3,5 отсто пред 2030 година, додаде Ердоган, истовремено потврдувајќи ја посветеноста на Анкара за зајакнување на својот придонес во НАТО преку зголемување на трошоците за одбрана.

– Турција презеде мерки за зголемување на односот на нашите трошоци за одбрана на ниво од 3,5 отсто пред 2030 година – рече Ердоган.

Истакнувајќи ја улогата на Турција во рамките на НАТО, Ердоган рече дека земјата, која има најголема копнена армија во Европа, останува подготвена да ги стави своите воени капацитети на располагање на Алијансата секогаш кога е потребно.

Тој истакна дека Турција е меѓу водечките придонесувачи во операциите, мисиите и вежбите на НАТО во Косово, Црното Море, Балтичкиот регион и други области.

Ердоган, исто така, рече дека Турција се надева дека ќе обезбеди акредитација од НАТО за својот планиран Центар за извонредност за борба против беспилотни системи, наведувајќи го искуството на земјата во успешното распоредување беспилотни летала на вистински бојни полиња.

The post ЧЛЕНКИТЕ НА НАТО ТРЕБА ДА СОРАБОТУВААТ ВО ОДБРАНАТА БЕЗ ОГРАНИЧУВАЊА Ердоган побара ЕУ да не поставува бариери appeared first on plusinfo.mk.

На покана на генералниот секретар на НАТО, Марк Руте, министерот за надворешни работи и надворешна трговија, Тимчо Муцунски, вчера и денес учествува на Самитот на НАТО во Анкара, како дел од државната делегација предводена од претседателката Гордана Силјановска-Давкова.

Главни теми на Самитот, на кој се очекува да бидат донесени важни одлуки за иднината на Алијансата, се зајакнувањето на колективната одбрана, инвестициите во одбранбените капацитети, реализацијата на одлуките донесени на минатогодишниот Самит во Хаг во однос на потребата за издвојување доволни средства за одбраната, споделувањето на товарот, поддршката за Украина, развојот на одбранбената индустрија, како и актуелните регионални безбедносни предизвици.

На маргините на Самитот, министерот Муцунски утрово оствари средба со Том Берендсен, министер за надворешни работи на Холандија. На средбата се разговараше за билатералните односи, регионалните и европските прашања, како и за партнерството во рамки на Алијансата.

The post МИНИСТЕРОТ МУЦУНСКИ УЧЕСТВУВА НА САМИТОТ НА НАТО ВО АНКАРА Имаше средба со холандскиот колега Берендсен appeared first on plusinfo.mk.

Министерот за одбрана Владо Мисајловски вчера (7 јули) во Анкара, Република Турција учествуваше на повеќе активности и состаноци организирани во рамки на Самитот на Алијансата, меѓу кои и приемот за министри за одбрана, организиран од турскиот министер за национална одбрана, Јашар Ѓулер, Индустрискиот форум како и церемонијата за приклучување на Франција, Финска и Шведска кон Мултинационалната соработка за воспоставување на НАТО обука за летање во Европа (NATO Flight Training Europe), соопшти Министерството за одбрана.

„За време на Самитот министерот Владо Мисајловски учествуваше на Форумот за одбранбена индустрија во чиј фокус беа иновациите и развојот на одбранбената индустрија кои се клучен елемент за колективната безбедност, како и воспоставувањето на соработка за заеднички набавки за опремување на одбранбените сили. На форумот на кој присуствуваа високи претставници од сојузничките и партнерските земји и претставници од воената индустрија беше испратена пораката: „Нема силна одбрана без силна одбранбена индустрија!”

Учеството на овој форум е исклучително важно имајќи ја предвид намерата на македонската Влада за поддршка на развојот на домашните компании во областа на наменската, воена индустрија.

На првиот работен ден, се одржа и церемонија за прием на три сојузнички земји – Франција, Финска и Шведска кон Мултинационалната соработка за воспоставување на НАТО обука за летање во Европа (NFTE – NATO Flight Training Europe) – стратешки значајна иницијатива за воспоставување на интегриран систем за летачка обука во Европа. Преку NTFE се создава ефикасен, координиран и стандардизиран долгорочен систем за обука на пилоти, техничари и воздухопловен персонал согласно НАТО стандардите и потребите.

Во текот на вчерашниот ден Мисајловски учествуваше на приемот за министри за одбрана, организиран од турскиот министер за национална одбрана, Јашар Ѓулер. Активностите продолжија во претседателскиот комплекс во Анкара каде Мисајловски учествуваше на состанокот на Северноатлантскиот совет во формат на министри за одбрана на кој учествуваа и министрите за одбрана на земјите партнери од Индо-пацифичкиот регион“ – се вели во соопштението на МО.

The post МИНИСТЕРОТ МИСАЈЛОВСКИ НА САМИТОТ НА НАТО ВО АНКАРА „Нема силна одбрана без силна одбранбена индустрија!” appeared first on plusinfo.mk.

Самитот на НАТО во Анкара донесе уште една порака што ќе одекне меѓу сојузниците. Шефот на САД јавно изрази разочарување од Алијансата, оцени дека САД не добиле доволна поддршка по операциите против Иран и порача дека можеби воопшто немало да присуствува на собирот ако домаќин не била Турција.

„Многу сум разочаран од НАТО“

Трамп настапи на заедничка прес-конференција со турскиот претседател Реџеп Таип Ердоган. Тој рече дека САД не биле третирани фер од сојузниците по акциите против Иран.

– Не сме добро третирани затоа што направивме нешто во Иран – изјави американскиот претседател.

„Да не беше самитот во  Турција, немаше да дојдам“

Говорејќи за домаќинот на самитот, Трамп употреби исклучително пофални зборови.

– Доколку не се одржеше во Турција, каде што мојот пријател е многу силен лидер, многу силна личност, веројатно немаше да присуствувам – рече тој.

Изјавата доаѓа во момент кога Анкара се обидува да ја зацврсти својата улога во рамките на Алијансата и во регионалната дипломатија.

Повик за поголема поддршка

Трамп нагласи дека Вашингтон издвојува огромни средства за одбраната на европските сојузници, Канада и другите членки на НАТО. Според него, партнерите треба поотворено да застанат зад САД кога тие преземаат крупни безбедносни операции.

Прашањето за американското воено присуство во Европа повторно се најде во фокусот, иако Трамп не најави конкретни чекори за повлекување на трупите.

The post ТРАМП РАЗОЧАРАН ОД НАТО, ГО ИЗДВОИ ЕРДОГАН КАКО СОЈУЗНИК Белата куќа бара поголема поддршка по операциите против Иран appeared first on plusinfo.mk.

Анкара денеска и утре е домаќин на 36. самит на НАТО, на кој лидерите на сите 32 земји членки ќе разговараат за идните безбедносни приоритети на Алијансата, за војната во Украина, за јакнењето на колективната одбрана и за зголемувањето на инвестициите во воените капацитети. Покрај политичките одлуки, се очекува да бидат потпишани и договори со компании од Европа и Северна Америка вредни повеќе десетици милијарди долари.

Генералниот секретар на НАТО, Марк Руте, најави дека самитот ќе испрати јасна порака дека Алијансата дополнително инвестира во одбраната, ја зајакнува својата индустриска база и вложува во нови технологии.

За време на самитот ќе бидат потпишани нови договори со компании од Европа и Северна Америка вредни повеќе десетици милијарди долари. Ќе потврдиме дека инвестираме во клучни технологии за да ги исполниме безбедносните барања на денешницата и утрешницата – изјави Руте.

Тој нагласи дека НАТО останува единствената организација која на практичен начин ги обединува Европа, Соединетите Американски Држави и Канада во справувањето со најголемите безбедносни предизвици, како што се Русија, тероризмот и системските ривали.

Во пресрет на отворањето на самитот, турскиот претседател Реџеп Таип Ердоган се сретна со Руте и изрази уверување дека состанокот ќе донесе конкретни резултати. Тој оцени дека ќе биде важно лидерите да разговараат за сите прашања – од колективната одбрана до продлабочувањето на соработката во одбранбената индустрија, при што посебно го издвои Форумот на одбранбената индустрија, кој се одржува паралелно со самитот.

На собирот присуствуваат лидерите на сите 32 земји членки, меѓу кои американскиот претседател Доналд Трамп, францускиот претседател Емануел Макрон, британскиот премиер Кир Стармер, германскиот канцелар Фридрих Мерц, италијанската премиерка Џорџа Мелони, како и претседателот на Европскиот совет Антонио Кошта. Покрај нив, во Анкара се присутни и речиси 100 министри, високи дипломати и претставници на меѓународни организации, како и бројни новинарски екипи.

Главните теми на разговорите се спроведувањето на одлуките за зголемување на издвојувањата за одбраната, зајакнувањето на капацитетите за одвраќање и одбрана, состојбата во Украина, безбедноста на јужното крило на НАТО и заканите за евроатлантскиот простор. На крајот на самитот се очекува усвојување завршна декларација со која повторно ќе биде потврдена непоколебливата посветеност на членот 5 од Северноатлантскиот договор. Во документот се очекува Русија повторно да биде означена како долгорочна закана за евроатлантската безбедност, а ќе биде истакнат и ставот дека Иран не смее да поседува нуклеарно оружје.

Според најавите, лидерите ќе објават и нов пакет помош за Украина во вредност од околу 140 милијарди евра за оваа и следната година, додека Европската Унија дополнително обезбедува заем од 60 милијарди евра.

Во пресрет на самитот, претседавачот на Воениот комитет на НАТО, Џузепе Каво Драгоне, ја оцени Турција како еден од клучните столбови на Алијансата.

Турција е силен сојузник со втората по големина армија во НАТО. Нејзината географска положба меѓу Црното Море, Медитеранот и Блискиот Исток е од исклучително значење, а нејзината одбранбена индустрија е пример што и другите земји треба да го следат – изјави Драгоне.

Самитот се одржува во претседателскиот комплекс во Анкара, каде што се воведени исклучително строги безбедносни мерки. За обезбедување на настанот се ангажирани речиси 57.000 припадници на полицијата, жандармеријата и службите за кибербезбедност, додека илјадници лица се вклучени во протоколот, логистиката, здравствената заштита и медиумската поддршка. За превоз на дел од државниците се подготвени и десет специјално изработени електрични лимузини од турскиот производител „Тог“, кои ќе се користат во рамките на самитскиот комплекс.

МАКЕДОНСКА ДЕЛЕГАЦИЈА ВО ПОЛН СОСТАВ НА САМИТОТ НА НАТО ВО АНКАРА Се очекуваат многу договори од обранбената индустрија

The post 📷 НА САМИТОТ ВО АНКАРА СЕ ЦРТА НОВИОТ БЕЗБЕДНОСЕН ПЛАН НА НАТО Милијарди за одбранбената индустрија, за Украина и нови пораки до Москва appeared first on plusinfo.mk.

Претседателот на САД, Доналд Трамп за време на Самитот на НАТО во Турција ќе се сретне со украинскиот претседател Володимир Зеленски. Неименуван извор од Белата куќа истакна дека Трамп и Зеленски ќе разговараат за завршување на војната со Русија,

Бојното поле очигледно е замрзнато изминатите неколку месеци и ниту една страна не постигнува голем напредок. Претседателот ја чувствува итност да се обиде да го спречи тоа, посочи неименуваниот извор.

Предвидено е Трамп во Анкара да пристигне на 7 јули, а прва средба ќе има со турскиот колега Реџеп Тајип Ердоган.

Тој додаде дека Трамп, исто така, ќе ги повика сојузниците на НАТО да ги зголемат своите трошоци за одбрана.

Самитот на НАТО се одржува во главниот град на Турција, Анкара на 7 и 8 јули.

The post ТРАМП ВО АНКАРА ЌЕ ИМА СРЕДБА СО ЗЕЛЕНСКИ Ќе разговараат за ставање крај на војната со Русија appeared first on plusinfo.mk.

Турските власти приведоа неколку лица, вклучувајќи новинари, академици и членови на левичарски групи, во рации низ неколку провинции, објавија денеска локалните медиуми и синдикати, додека владата ги засилува безбедносните операции пред самитот на НАТО што оваа недела ќе се одржи во Анкара, јавува ДПА.

Рациите во Анкара, Истанбул и неколку други провинции беа насочени кон левичарските и социјалистичките партии, синдикатите и групите на граѓанското општество, објавија опозициската телевизија Халк ТВ и весникот Џумхуриет (Република).

Меѓу приведените се двајца уредници од новинските портали Т24 и Ода ТВ, кои се критички настроени кон владата.

Турското здружение на новинари (TGC) и Здружението на прогресивни адвокати (CHD) побараа на Икс ослободување на приведените, велејќи дека апсењата ја нарушуваат слободата на печатот и нарекувајќи ги рациите обид за заплашување на опозициските гласови пред состанокот на НАТО.

Државната агенција Анадолија денеска објави дека полицијата привела 39 осомничени лица во рации низ осум провинции, насочени кон младинското крило на забранетата левичарска група THKP/C-DEV YOL.

Во посебна операција во западната провинција Коџаели, полицијата привела 28 осомничени лица за кои се тврди дека се поврзани со екстремисти на Исламска држава и левичарски милитантни групи, објави Анадолија. Властите во рациите заплениле муниција и забранети дигитални материјали, се додава во извештајот.

Рациите следеа по неколку други апсења во текот на изминатата недела, потсетува ДПА.

Критичарите наведуваат дека операциите имаат за цел да спречат протести и да го потиснат несогласувањето пред самитот на НАТО, додека властите ги опишуваат како дел од истрагите за борба против тероризмот.

The post СЕ ЗАТВОРААТ НОВИНАРИ, УРЕДНИЦИ, ГРАЃАНСКИ АКТИВИСТИ… Бран апсења во Турција во пресрет на самитот на НАТО appeared first on plusinfo.mk.

„Смешно е што САД продолжуваат по овој едностран пат кога односот не е реципрочен. Тие не беа таму за нас!!!“.

Со оваа порака и графикон за трошењето во НАТО претседателот на САД Доналд Трамп повторно ја разгоре дебатата за односите меѓу САД и НАТО, само неколку дена пред самитот на Алијансата во Анкара.

Според објавените бројки, САД за одбрана во Алијансата издвојуваат 999 милијарди долари. За споредба, Велика Британија издвојува 90,5 милијарди долари, Франција 66,5 милијарди, Италија 48,8 милијарди, а Полска 44,3 милијарди долари.

Токму разликата во финансискиот товар е една од темите на кои Трамп се навраќа со години.

Во последните недели тој повеќепати го отвори тоа прашање и во контекст на кризата со Иран, оценувајќи дека товарот на безбедноста непропорционално паѓа врз Вашингтон.

Неговата нова порака доаѓа во чувствителен момент за Алијансата, која се подготвува за нов самит во Истанбул и за дополнителни разговори околу зголемувањето на воените буџети.

The post 📷 ТРАМП СО ГРАФИКОН ЈА ПРЕДИЗВИКА АЛИЈАНСАТА ПРЕД САМИТОТ Европа е далеку зад американските 999 милијарди appeared first on plusinfo.mk.