Македонски државјанин е уапсен во Австрија под сомнение дека учествувал во брутален грабеж во Германија, по кој животот го загубил 93-годишен маж.

Според австриските и германските медиуми, 36-годишен Македонец бил приведен во Салцбург врз основа на европска потерница, а по апсењето бил префрлен во затворот Пух-Урштајн, во близина на градот.

Истрагата на германската полиција покажала дека на почетокот на мај група напаѓачи провалила во бунгалов на 93-годишен маж во Германија. Напаѓачите физички го нападнале старецот, а потоа ја пребарале куќата и избегале.

Неколку дена подоцна, на 3 мај, неговите деца го пронашле мртов во домот. Обдукцијата потврдила дека починал од тешките повреди здобиени при нападот.

Германските власти претходно уапсиле уште двајца осомничени – 30-годишен и 59-годишен маж, додека по Македонецот се трагало сè до неговото апсење во Австрија.

Во тек е координација меѓу австриското и германското правосудство за можна екстрадиција на осомничениот во Германија, каде што ќе се соочи со истрагата за тешкиот злостор.

The post ХОРОР ВО ГЕРМАНИЈА Македонец осомничен за напад врз пензионер кој починал appeared first on plusinfo.mk.

Триесет и шестгодишен маж се соочува со обвиненија за убиство од небрежност откако ја оставил својата девојка (33) да премрзне до смрт на Гросглокнер, највисоката планина во Австрија, во јануари оваа година. Искусниот планинар наводно ја оставил својата партнерка сама 6,5 часа за да побара помош, за кое време таа починала од екстремниот студ, објавува Дејли Меил.

Двојката од Салцбург била на само 50 метри од врвот на планината висока 3.798 метри кога почнала да губи сила и повеќе не можела да продолжи со искачувањето. Нејзиниот партнер, наместо да остане со неа, ја оставил и отишол да побара помош, но било предоцна. По неколку месеци истрага, државното обвинителство го обвини алпинистот за убиство од тешка небрежност, а тој се соочува со затворска казна до три години.

Канцеларијата на државниот обвинител во својата изјава наведе низа фатални грешки.

„Обвинетиот ја оставил својата девојка незаштитена, исцрпена, хипотермична и дезориентирана околу 50 метри врвот Гросглокнер. Жената се замрзнала. Бидејќи обвинетиот, за разлика од неговата девојка, веќе имал многу искуство во тури на голема надморска височина и ја планирал турата, тој се смета за одговорен туристички водич“ – се наведува во обвинението.

Истражителите, анализирајќи податоци од мобилни телефони, спортски часовници и изјави од експерти, утврдиле дека мажот не зел предвид дека неговата партнерка е неискусна и дека тоа било нејзино прво искачување на голема надморска височина со таква тежина.

Тој беше обвинет и дека ја напуштил турата два часа подоцна од планираното и дека немал доволно опрема за итни случаи. Дури и кога ја напуштил, не ја ставил на место заштитено од ветерот, ниту пак користел вреќа за спиење или ќебе за спасување. Исто така жената користела несоодветна опрема – сплитборд и меки чизми, кои се сметаат за целосно несоодветни за мешан терен на таква надморска височина.

Со оглед на тешките временски услови, со ветрови до 75 км/ч и температури што се чувствуваа како -20 степени поради ветерот, обвинителството смета дека двојката требало да се сврти и да се врати многу порано.

The post АЛПИНИСТ ЈА ОСТАВИЛ ДЕВОЈКАТА НА ПЛАНИНСКИ ВРВ, ТАА ИЗМРЗНАЛА ДО СМРТ Ќе одговара за убиство од небрежност appeared first on plusinfo.mk.

Мицкоски: Ако Преспанскиот беше „ремек-дело“, ајде да го повториме

Премиерот Мицкоски, синоќа, на 20. Европски самит во Салцбург посветен на Европската Унија и на реформите, истакна дека државата е блокирана од нерационален и билатерален спор со Бугарија. Тој предложи спорот да се надмине со одложена примена на уставните измени, по терк на Преспанскиот договор, со кој државата го смени уставното име.

– Во нашата преговарачка рамка со ЕУ, за прв и, се надевам, за последен пат, имаме билатерални прашања кои се таму покрај Копенхашките критериуми. Ниедна земја пред нас не била во таква ситуација. Ние сакаме да сме конструктивни, да седнеме на маса и да ги објасниме фрустрациите на нашите граѓани, кои се чувствуваат предадени. Да се биде конструктивен, значи да се нудат решенија. Нашиот последен предлог може да биде прифатлив за сите. Секогаш се обидувам да разговарам на јазик кој е разбирлов северно од Виена. Не ме сфаќајте погрешно, но ако Преспанскиот договор беше ремек-дело на европската  дипломатија, нешто што е, да речеме, брилијантно, зошто тогаш да не го повториме ова „ремек-дело“ за конечно, трајно и одржливо решение? – рече премиерот Мицкоски пред европските политичари во Салцбург.

Нема мрдање без гаранции

Премиерот Мицкоски веќе неколку месеци пред домашната и пред европската јавност се труди да објасни дека нема дас има уставни измени за влез на Бугарите во Уставот, иако тоа е услов за продолжување на преговорите за членство со ЕУ, сè додека од Брисел не дојде некаква гаранција дека до крајот на разговорите ќе нема нова блокада од Софија. Тој и пред европските политичари објасни дека неговата позиција како премиер е удобна, со големо мнозинство во Собранието. Но, граѓаните се против уставните измени во бараната форма, па реално, без гаранции дека ќе нема нови вета, тој пред своите избирачи не може да објасни зошто повторно е потребно да го менуваме Уставот.

– Во Преамбулата треба да вметнеме мало бугарско малцинство, а не неколку стотици илјади луѓе, туку 800 до 900 граѓани кои се дел од бугарската заедница. И нормално, од европската заедница ни велат, ајде, ова не е голема работа, сторете го тоа и да продолжиме понатаму. Би било едноставно, да е првпат. Но, не е. Во претходните девет пати, не успеавме. Кога стануваше збор за испорака однадвор, секогаш имаше разговори, а ниеден исчекор напред, само нови обврски за нас. Како што одминуваше времето, растеа фрустрациите и сега чувството кај нашите граѓани е дека сме предадени. И сега, граѓаните ќе прашаат зошто да го смениме Уставот, што е со македонското малцинство во Бугарија. А не зборуваме за неколку стотици, туку за десетици илјади луѓе. За Бугарија има 14 пресуди од Судот за човекови права од Стразбур во полза на македонската заедница на Бугарија и нула пресуди за бугарското малцинство во Македонија. Па, зошто да го смениме Уставот, а во Бугарија не им дозволуваат на Македонците ниту да регистрираат здружение на граѓани? Немам аргументи да застанам пред граѓаните и да ги убедам да прифатат уставни промени, Никој не гарантира дека овие се последни и дека по шест месеци некој од исток повторно нема да бара нешто дополнително – рече премиерот Мицкоски.

И Таравари бара гаранција дека ќе нема нови уцени

Според Арбен Таравари од коалицијата Вреди, идејата на Мицкоски уставните измени да се изгласаат, но да стапат во сила кога бугарскиот парламент ќе го ратификува пристапниот договор на Македонија во ЕУ, не е лоша. Тој е оптимист дека наскоро државата ќе ги почне преговорите со ЕУ.

– Ќе ни треба гаранција дека нема повторно да бидеме условувани. Свесни сме дека рамката со Бугарија не се менува и дека на Македонија ќе ѝ требаат уставни измени. Но, ни треба и некаква гаранција, барем од центрите со влијание во светот, дека нема повторно да се бара нешто од нас. Ако продолжиме вака, различни држави може да поставуваат различни условувања – дециден е Таравари, според кого, сè се комплицира зашто во Бугарија нема стабилна влада.

На прашањето дали премиерот Мицкоски му кажал на што го темели оптимизмот за пристапниот процес на земјава во ЕУ, откако се врати од самитот на Берлинскиот процес, Тараври одговори дека не разговарале директно.

– Она што ме радува е дека тој е европски ориентиран и сака Македонија да ги почне преговорите што поскоро. Меѓутоа, секако, како премиер, бара некакви гаранции да немаме и други пречки. Ни се случува како држава од 2018 година да ни се ветува дека ги почнуваме преговорите, да направиме одредени попуштања и пак да не ги почнеме – истакна Таравари.

Филипче: Ќе поддржиме какво било подобрување на нашата позиција

Од опозицискиот СДСМ изразуваат сомнежи дали премиерот Мицкоски има јасен план за македонските евроинтеграции. Бихаќка бара итна собраниска седница, на која премиерот и Владата ќе ја презентираат својата стратегија. Но, како што рече вчера претседателот на СДСМ Венко Филипче, ќе подржат какво било подобрување на позицијата.

– Ќе испратиме и формално барање до Собранието за одржување на ваква седница, откако ќе видиме дали во јавноста премиерот ќе излезе со некаков став. Сакаме да сублимира неколку работи. Ќе го повторам ставот на партијата: ќе поддржиме какво било подобрување на нашата позиција, коешто премиерот и Владата ќе го обезбедат. Но, не би поддржале ништо со што би се довеле до некаква формална блокада. При тоа, имаме предвид дека за подобрување или за каква било промена на нашата преговарачка позиција, потребно е со консензус да одлучат сите земји членки на ЕУ. И евроамбасадорот во земјава, Михалис Рокас, вели дека тоа е многу тешко изводливо – рече Филипче.

За ЛДП ова е „можноста за излез“

Минатата седмица, ЛДП се изјасни дека е за одложено дејство на уставните измени. Претседателката Моника Зајкова рече дека тоа е можноста за излез од евроинтегративниот ќор-сокак.

„Никаде во заклучоците за проширувањето на Македонија и Албанија, усвоени од Советот на ЕУ во 2022 година, не стои дека уставните измени треба да стапат во сила веднаш, што остава простор за слободно толкување на точка 4 и точка 6 од истите. Тоа овозможува законодавецот од македонска страна да утврди во Уставниот закон кога тие ќе стапат во сила. Целата процедура може и треба да се смета завршена со самото усвојување на уставните измени и на уставниот закон, во кој ќе има преодна одредба, во која ќе пишува дека ќе стапат на сила на денот на ратификувањето на Пристапниот договор на земјата во ЕУ од страна бугарското собрание, или од парламентите на сите земји-членки на ЕУ“, соопшто неодамна ЛДП.

Според Зајкова, има можност за деблокирање без да се менуваат веќе усвоените заклучоци или Преговарачката рамка, односно „потребно е двете страни да ги прифатат можностите кои ги нудат правото и дипломатијата и македонскиот процес на пристапување кон ЕУ да продолжи“.

The post 🎥 МИЦКОСКИ СОЗДАВА ШИРОК КОНСЕНЗУС ЗА ПРЕДЛОГОТ ЗА ОДЛОЖЕНО ДЕЈСТВО НА УСТАВНИТЕ ПРОМЕНИ Конечно нешто ново во надворешната политика appeared first on plusinfo.mk.

– Кога станува збор за надворешната испорака на резултати, од странство како држава често добивавме само зборови, не дела. Резултатите недостигаат, имаме само обврски. И како минуваше времето, меѓу народот се зголемуваше фрустрацијата зошто сега повторно имаме повторен услов, повторно ограничување. И се прашуваме, во ред, треба да се исправиме како политичари. И сега, треба да застанам пред моите граѓани и да речам: видете, драги сограѓани, мои студенти, мора повторно да го промениме Уставот – посочи премиерот Мицкоски.

• ЕВРОПА МОРА ДА ГИ ОТВОРИ ВРАТИТЕ Посветеноста ја докажавме со бројни отстапки, порача Мицкоски од Салцбург

Тој истакна дека источниот сосед досега не почитува 14 пресуди од Судот за човековите права во Стразбур за регистрирање на здружение на Македонците кои живеат на тие простори, додека тие бараат внес на Бугарите во македонскиот Устав што покажува дека има отсуство на волја за приближување на работите.

Претседателот на Владата Мицкоски нагласи дека дури и да се внесат Бугарите во Уставот, никој не гарантира дека тоа е последен услов за исполнување на некоја обврска и дека за 6 месеци од сега нема да се бара нешто дополнително.

– Ние како Влада сме посветени на изнаоѓање на решение и активен дијалог. Едно од решенијата секако е да се примени формулата веќе применета во Преспанскиот договор за одложено дејство, поточно во моментите кога ќе влеземе во Европската Унија, тогаш тие одлуки во Уставот да станат активни, што секако претставува заштитен механизам од подоцнежни условувања – вели премиерот.

The post БАРАМЕ КОНСТРУКТИВНО РЕШЕНИЕ ПРИФАТЛИВО ЗА СИТЕ Мицкоски не прифаќа условувања од Софија appeared first on plusinfo.mk.

Настанот во организација на Институтот на регионите на Европа (IRE), Европскиот конгрес, со околу 700 гости и над 60 говорници од цела Европа, годинава се одржува по 20-ти пат под мотото „ЕУ: Нема иднина без реформи”.

Мицкоски на Фејсбук објави дека во излагањето посочил оти иднината на Македонија е во Европската Унија и на тој пат државата направи бројни отстапки и чекори кои ја докажуваат нејзината посветеност кон европската иднина.

„Она што недостасува е волја проследена со дела регионот вистински да премине од европската чекалница кон реализација на европската иднина. Иднината на регионот е во економска и политичка преобразба и меѓусебно поврзување. Се бориме македонските компании да излезат надвор од границите, да го помогнеме извозот и да привлечеме странски капитал. Досега во овој кус период покажуваме резултати, а заедно ќе направиме многу повеќе“, наведува во објавата премиерот Мицкоски.

Тој синоќа присуствувал на вечера, на покана на градоначалникот на покраината Салцбург и претседателот на Институтот на европски региони, Франц Шаусбергер.

„На моите соговорници им ги пренесов нашите заложби и цели кон европскиот пат на Македонија. Европа мора да ги отвори вратите за државите кои чекорат напред“, напиша Мицкоски на Фејсбук.

Утре тој ќе има средба со претседателот на Австрија, Александер Ван дер Белен и со министерот за надворешни работи, Александар Шаленберг.

The post ЕВРОПА МОРА ДА ГИ ОТВОРИ ВРАТИТЕ Посветеноста ја докажавме со бројни отстапки, порача Мицкоски од Салцбург appeared first on plusinfo.mk.

Премиерот Христијан Мицкоски утре во Салцбург ќе учествува на 20. Европски самит, посветен на Европската Унија, каде што ќе има обраќање. Во вторник Мицкоски ќе има средба со претседателот на Австрија, Александер Ван дер Белен, и со министерот за надворешни работи, Александар Шаленберг.

„Во воз на пат од Виена за Салцбург каде утре имам свој панел и излагање на 20. Европски самит во Салцбург, посветен на Европската Унија и на реформите на овој пат. Имаме јасен план и визија и подготвеност да бидеме вреднувани според нашите напори и залагања. Веќе следниот ден на средби во Австрија со австрискиот министер за надворешни работи, Александар Шаленберг, и со претседателот на Австрија, Александер Ван дер Белен. Ги браниме македонските интереси и работиме за заедничката иднина“, напиша премиерот Мицкоски попладнево на Фејсбук.

The post ЌЕ ГИ БРАНИМЕ МАКЕДОНСКИТЕ ИНТЕРЕСИ Мицкоски ќе учествува на Европскиот самит во Салцбург appeared first on plusinfo.mk.

Линијата до Салцбург авиокомпанијата е влезена во договорот со владата за субвенционирање на нови авиолинии, потпишан минатата година.

Според договорот, авиокомпанијата „Визер“ имаше обврска да започне да ги оперира дестинациите Љубљана, Луксембург, Штутгарт и Салцбург од 1 ноември 2023 година и тоа најмалку 3 пати во неделата.

-Досега авиокомпанијата Визер ја воведе и започна да ја оперира линијата Скопје – Љубљана, за којашто Министерството за транспорт и врски врши исплата на финансиска поддршка, согласно Договорот. Досега за оваа дестинација се исплатени 48.076 евра. Дополнително, операторот „Визер“, ја воведе и линијата Скопје – Луксембург, но за таа линија досега нема побарано финансиска поддршка – изјавија за Плусинфо, неодамна од Министерството за транспорт и врски.

Летот Скопје-Луксембург беше воведен во ноември лани, но беше опфатен со привременото укинување кое беше планирано од јануари до март годинава.

Авиокомпанија лани во април потпиша договор за државна поддршка со кој треба да добие пари само за новите линии на авиокомпанијата од Скопје до Луксембург, Штутгарт, Салцбург и до Љубљана. Финансиската поддршка изнесува 7 евра по патник во заминување превезен од Меѓународен аеродром Скопје и 4,5 евра по патник во заминување превезен од аеродромот Св. Апостол Павле – Охрид.

Авиокомпанијата „Визер“ поради техничка проверка на авионите, од почетокот на годината намали 6 авионски лета и од скопскиот и од охридскиот аеродром во периодот од средината на јануари до средината на март, а веќе е најавено и ново повлекување на авионите од одделни линии во летниот период односно од 31 март до 26 октомври.

The post „ВИЗЕР“ ЌЕ ЛЕТА ОД СКОПЈЕ ДО САЛЦБУРГ За секој патник ѝ следуваат по 7 евра од државата appeared first on plusinfo.mk.

Инцидентот се случил во раните утрински часови за време на дневното хранење. Зоолошката градина во моментов е затворена за јавноста, пренесува 24sata.hr.

Во последните години во зоолошката градина во Салцбург се повторуваат инциденти поврзани со животни. Неодамна чуварите на зоолошката градина мораа да фаќаат избегани пингвини и гепарди.

The post ТРАГЕДИЈА ВО САЛЦБУРГ Носорог убил чуварка во Зоолошка градина додека го хранела appeared first on plusinfo.mk.

На протест по повод доаѓањето на Ван дер Белен на летен културен фестивал во Салцбург, еден од учесниците носеше бесилка со напис „Алатка за поправка на владата“.

Полицијата ги обезбедуваше политичарите при нивното доаѓање, но не им одговори на учесниците на протестот.

На социјалните мрежи реагираа многумина, критикувајќи што полицијата дозволила такви закани.

Со недели десничарски групи се обидуваат да ги нарушат настапите на Ван дер Белен.

Објавени се термини на социјалните мрежи, првенствено на Телеграм, како и повик на сите места, со различни средства, да му се попречуваат настапите.

Така група демонстранти пред неколку дена излезе во Ефердинг поради што беше откажан планираниот говор на австрискиот претседател.

Медиумите пишуваат дека на сите места каде Ван дер Белен доаѓа, соочен е со протести и свирежи

The post БЕСИЛКА ЗА АВСТРИСКИОТ ПРЕТСЕДАТЕЛ Екстремистите му се заканија на Ван дер Белен appeared first on plusinfo.mk.

– Во нашите болници веќе постои де факто задолжителна вакцинација, бидејќи статусот на имунизација се проверува пред вработување и вакцините кои недостасуваат мораат дополнително да се примат – објасни секретарот за здравство и потпретседател на покраината Салцбург, Кристиан Штекл.

Тој принцип ќе се применува и при новите вработувања кога ќе се појави вакцината против коронавирус.

Штекл бара задолжителна имунизација против ковид-19 не само за вработените во болниците и домовите за стари и изнемоштени лица, туку и за оние во градинките и училиштата во Салцбург. За таквиот потег, Штекл побара да се направи проверка на правните можности.

Меѓутоа, не постои можност да се воведе задолжителна вакцинација против коронавирусот и за околу 15.000 луѓе кои се моментно активно вработени во болниците и домовите за стари и изнемоштени лица.

The post Салцбург: Нема вработување без вакцинација против ковид-19 appeared first on plusinfo.mk.