– Длабоко сме загрижени од извештаите дека тој не се појавил наводно цела недела, и дека ниту неговите претставници или неговото семејство не знаат каде е тој. Тој треба да биде ослободен веднаш и воопшто не требаше да биде затворен – изјави Џон Кирби, портпарол на Националниот совет за безбедност, во текот на лет во претседателскиот авион за Филаделфија со претседателот Џо Бајден.

Тој рече дека амбасадата на САД во Москва работи на тоа да дознае повеќе за ова.

Соборците на Навални денеска истакнаа дека не можат да го лоцираат веќе шест денови, и дека најверојатно тој е преместен од затворот каде служеше 19 годишна казна по обвинувања за екстремизам.

По судска одлука летово тој беше префрлен во построга затворска колонија со „специјален режим“.

Навални беше задржан од руските власта веднаш откако слета на аеродромот во Москва во јануари 2021 година, откако се врати од лекување од Берлин, каде беше однесен по случај на негово труење.

Независна истрага утврди дека се работи за хемиско оружје од групата „новичок“ и дека во атентатот биле вовлечени специјални служби на руската Федерална служба за безбедност.

Кремљ го отфрли обвинувањето и рускиот претседател Владимир Путин во една прилика изјави дека „ако ФСБ сакала да го убие, тој досега ќе беше мртов“.

The post ШЕСТ ДЕНА НИКОЈ НЕМА АБЕР ЗА НАВАЛНИ САД се многу загрижени каде е „исчезнат“ appeared first on plusinfo.mk.

Портпаролот на американскиот Стејт департмент изјави дека Пекинг тврди дека е неутрален, но неговото однесување јасно покажува дека сè уште инвестира во блиски врски со Русија, објави британскиот весник „Гардијан”.

Портпаролот на Белата куќа додаде дека Вашингтон внимателно ги следи активностите на Пекинг.

The post ПЕКИНГ НЕ Е НЕУТРАЛЕН САД велат дека Кина негува блиски врски со Русија appeared first on plusinfo.mk.