Вашингтон ги активира најмоќните стратешки бомбардери, се најавува и дополнително воено засилување на Блискиот Исток

Централната команда на САД објави снимки на кои се гледаат „стелт“ бомбардери Б-2А Спирит како полетуваат од воздухопловна база во Мисури за да извршат напади врз цели во Иран.

Станува збор за американски тежок стратешки бомбардер со технологија на „стелт“, односно со многу мала радарска забележливост, што му овозможува да пробие силни системи на противвоздушна одбрана. Поради тоа често се нарекува „невидлив бомбардер“.

Б-2 може да носи конвенционално и нуклеарно оружје. Авионот е способен да исфрли до 80 бомби Мк-82 JDAM со ГПС наведување или до 16 нуклеарни бомби Б-83.

„Стелт бомбардерите Б-2 полетуваат за да извршат мисија за време на операцијата ‘Епски бес’, испорачувајќи оган од долг дострел не само за да ја елиминираат заканата од иранскиот режим денес, туку и да ја елиминираат нивната можност за негова обнова во иднина“, велат од Командата.

B-2 stealth bombers takeoff to conduct a mission during Operation Epic Fury, delivering long-range fire to not only eliminate the threat from the Iranian regime today, but also eliminate their ability to rebuild in the future. pic.twitter.com/ebyUYNnOLo

— U.S. Central Command (@CENTCOM) March 13, 2026

Станува збор за единствениот оперативен авион во американската армија кој може да носи големо оружје воздух-земја со долг дострел во „стелт“ конфигурација.

Во меѓувреме, според информации на Ен-Би-Си Њуз, САД подготвуваат дополнително воено засилување во регионот. Според тројца американски претставници, Вашингтон планира да испрати околу 5.000 дополнителни војници на Блискиот Исток.

Планирано е распоредување на околу 2.500 маринци и 2.500 морнари. Морнарите се дел од амфибиската борбена група „Триполи“.

Овие бродови неодамна оперираа во Филипинското Море, но сега се движат кон Блискиот Исток.

The post 📽️НЕВИДЛИВИТЕ БОМБАРДЕРИ НА САД ПОЛЕТАА КОН ИРАН „Не само елиминација, туку спречување обнова“ appeared first on plusinfo.mk.