Кинескиот претседател Си Џинпинг ќе престојува во САД во државна посета наесен годинава по покана на неговиот американски колега Доналд Трамп, соопшти денеска министерот за надворешни работи на Кина, Ван Ји.

Како што пренесе агенцијата Синхуа, Трамп го покани кинескиот претседател во посета на Белата куќа на 24 септември.

Поканата беше упатена за време на банкетот што Џинпинг го  организираше во чест на Трамп во Пекинг.

The post СИ ЏИНПИНГ ЌЕ ГИ ПОСЕТИ САД НА ПОКАНА ОД ДОНАЛД ТРАМП Наесен возвратна државна посета appeared first on plusinfo.mk.

Генералниот секретар на Обединетите Нации, Антонио Гутереш го критикуваше геополитичкото однесување на Кина и на Соединетите Држави под претседателство на Доналд Трамп, пренесе ДПА.

– Глобалните проблеми нема да се решат со тоа што една сила ќе ги носи сите одлуки – рече Гутереш, кој се повлекува од функцијата на крајот на годината, на својата последна новогодишна прес-конференција во Њујорк.

– Ниту, пак, ќе се решат со тоа што две сили ќе го делат светот на ривалски сфери на влијание – додаде тој.

На новинарско прашање, Гутереш појасни дека под „една сила“ мислел на Соединетите Држави, а „две сили“ се однесувало на САД и Кина. Светот мора да се фокусира на „мултиполарност“ – рече тој.

– Мултиполарност која е вмрежена, инклузивна по дизајн и способна да создаде рамнотежа преку партнерства. Партнерства во трговијата, во технологијата и во меѓународната соработка – истакна Гутереш.

Гутереш, кој треба да се повлече од функцијата на крајот на оваа година, уште еднаш даде јасна поддршка за тоа жена да го наследи на позицијата.

– Мислам дека очигледно е време за Обединетите нации да имаат жена на своето чело, рече Гутереш синоќа на својата традиционална новогодишна прес-конференција во Њујорк.

The post НИТУ ЕДНА, НИТУ ДВЕ СИЛИ, ТУКУ МУЛТИПОЛАРНОСТ Гутереш мораше да објасни за кои сили станува збор appeared first on plusinfo.mk.

Вашингтон и Пекинг ќе воспостават директни канали за воена комуникација,  изјави синоќа американскиот секретар за војна, Пит Хегсет, додавајќи дека билатералните врски меѓу двете земји „никогаш не биле подобри“.

Хегсет рече дека разговарал со својот кинески колега, адмирал Донг Џун, доцна синоќа на маргините на регионалниот безбедносен состанок и дека се согласиле дека „мирот, стабилноста и добрите односи се најдобриот пат за две големи и силни земји“.

Ова тој го објави на мрежата Икс неколку часа откако ги повика земјите од Југоисточна Азија да бидат цврсти и да ги зајакнат своите поморски сили, за да се спротивстават на сè  „подестабилизирачките“ акции на Кина во Јужното Кинеско Море.

„Се стремиме кон мир. Не бараме конфликт, но мора да се осигураме дека Кина не сака да доминира ниту над вас, ниту над кој било друг“, вели Хегсет.

Јужното Кинеско Море останува едно од најнестабилните жаришта во Азија. Официјален Пекинг положува право на речиси целиот регион, а членките на АСЕАН, Филипините, Виетнам, Малезија и Брунеи, исто така, тврдат дека имаат крајбрежни области и објекти.

The post ВАШИНГТОН И ПЕКИНГ ЌЕ БИДАТ ВО ДИРЕКТНА ВОЕНА КОМУНИКАЦИЈА Според Хегсет, билатералните врски никогаш не биле подобри appeared first on plusinfo.mk.