Централната команда на САД (CENTCOM) објави дека нема извештаи за американски жртви или повредени по нападот во Иран.

„По почетниот бран американски и партнерски напади, силите на CENTCOM успешно се одбранија од стотици ирански ракети и дронови. Немаше извештаи за американски жртви или повредени во борба. Штетата врз американските објекти е минимална и не влијаеше врз операциите“, се вели во соопштението, објавено на социјалните медиуми.

Нападите врз Иран се извршени како дел од операцијата „Епски бес“.

„Во првите часови од операцијата, беше употребена прецизна муниција лансирана од воздух, од копно и од море. Дополнително, работната група Скорпион Страјк за прв пат користеше евтини еднонасочни дронови за напад во борба“, се додава во соопштението на Централната команда.

NEW: CENTCOM releases footage of Operation Epic Fury. pic.twitter.com/ki4fF0o7do

— Clash Report (@clashreport) February 28, 2026

Работната група Скорпион Страјк е ескадрила еднонасочни дронови за напад што Командата ја формираше минатата година. Леталата што ги користат беа развиени со обратен инженеринг на иранскиот дрон Шахед, кој беше запленет од американските сили пред неколку години.

The post 🎥 ВОЈСКАТА НА САД ОБЈАВИ ВИДЕО ОД ОПЕРАЦИЈАТА „ЕПСКИ БЕС“ Нема загинати американски војници appeared first on plusinfo.mk.

Иран ги нападна американските воени бази на Блискиот Исток, според медиумите, експлозии има во базата во Бахреин и во Абу Даби, ОАЕ.

Бахреинската државна новинска агенција БНА, објави дека со ракета е погоден Центарот на Петтата флота на американската морнарица.

Оваа американска база во Бахреин е најголемата поморска база во Персискиот Залив. Таа обезбедува логистичка поддршка за бродови, снабдување, поправка на бродови и игра централна улога во американските воени операции во регионот.

Петтата флота на американската морнарица управува со операциите на Блискиот Исток, вклучувајќи го Персискиот Залив, Црвеното Море, Арапското Море и делови од Индискиот Океан.

Министерството за внатрешни работи на Бахреин објави на платформата Икс дека се активирани сирените за предупредување и ги повика граѓаните и жителите да побараат засолниште.

Insane close up video of NSA Bahrain airbase being attacked by Iranian missile. pic.twitter.com/U2aCIo1N4Q

— Visioner (@visionergeo) February 28, 2026

Националниот комуникациски центар на Бахреин потврди дека нападите „насочени кон локации и објекти во границите на Кралството“ биле извршени надвор од нејзината територија.

[ IRAN | ÉTATS-UNIS | BAHREÏN ]

L’Iran aurait attaqué la base Naval Support Activity (NSA) de l’US Navy à Bahreïn pic.twitter.com/CRS8N95VZR

— Little Think Tank (@L_ThinkTank) February 28, 2026

Медиумите известуваат дека експлозии се слушнале и во Абу Даби, град во Обединетите Арапски Емирати, каде што има американска воена бази. Дописничката на „Скај њуз“, Сали Локвуд, известува дека и во Дубаи се слушнала силна експлозија.

Obrona przeciwpowietrzna działa w Abu Dabi pic.twitter.com/L8KmszjEkc

— BuckarooBanzai (@Buckarobanza) February 28, 2026

Abu Dabi pic.twitter.com/5iNHYlsrK3

— milena (yeni hesap) (@MilenaEmmastrt) February 28, 2026

Овие извештаи сè уште не се официјално потврдени. Но, американски функционер за Ен-Би-Си Њус изјави дека Иран возвраќа со напади врз повеќе американски воени објекти низ целиот Блиски Исток.

Iran je pokrenuo napad na Bahrein, gde se nalaze baze Pete flote SAD, javili su lokalni mediji

Emirati su privremeno zatvorili svoj vazdušni prostor, prenose mediji.

Baza SAD u Bahreinu koju je napao Iran je najveća pomorska baza SAD u Persijskom zalivu. Ona za… pic.twitter.com/6dayMTOx6J

— Sputnik Србијa (@rs_sputnik) February 28, 2026

Властите во Катар, каде исто така има американска воена база, издадоа предупредувања преку мобилни телефони, повикувајќи ги луѓето да останат во затворен простор.

Според соопштението на Министерството за одбрана на Катар, нивните системи за пресретнување ракети успеале да пресретнат иранска ракета што била насочена кон земјата.

Иранската државна телевизија објави ирански напади врз четири американски бази низ регионот.

„Воздухопловната база Ал Удеид во Катар, базата Ал Салем во Кувајт, воздухопловната база Ал Дафра во Обединетите Арапски Емирати и базата на Петтата флота на САД во Бахреин беа цел на ирански ракетни напади“, се вели во извештајот на државната телевизија.

„Иран изврши ракетни напади врз американската база во Бахреин. Бахреин е клучен сојузник на САД во Персискиот Залив и постојан домаќин на седиштето на Петтата флота на американската морнарица во Манама“, објави полуофицијалната иранска новинска агенција Фарс.

Иранската исламска револуционерна гарда објави дека започнала контранапад, објави новинската агенција Тасним.

„Како одговор на непријателскиот и криминален напад врз Исламската Република Иран, започна првиот широк бран ракетни и беспилотни напади од страна на Исламската Република Иран против окупираната територија“, се вели во соопштението.

ИЗРАЕЛ И САД ГО НАПАДНАА ИРАН Техеран се подготвува за одмазда

The post 🎥 ЕКСПЛОЗИИ ВО БАХРЕИН, ВО ЕМИРАТИТЕ… Иран ги гаѓа американските бази со ракети, „гори“ Блискиот Исток appeared first on plusinfo.mk.