Имено, на инцидентот од споменатата година, Брандо освои Оскар за најдобар актер за улогата во култниот филм „Кум“. Бидејќи тој не присуствуваше на церемонијата, во знак на протест, во негово име се појави актерката Литлфедер.

Таа во име на Брандо одби да ја прими наградата, држејќи говор во кој објасни дека одбивањето на наградата од страна на актерот се должи на „односот кон американските Индијанци од страна на филмската индустрија“.

Круз и Орланди, исто така, ги негираа тврдењата на Сачин за сиромашното детство и злоупотреба од страна на родителите.

– Мојот дедо Џорџ беше алкохоличар. Татко ми никогаш не пиеше и не пушеше. Сачин исто така зборуваше дека тој бил ментално болен. Тоа не е точно. Најдобар начин на кој можам да ја опишам состојбата на сестра ми е тоа што таа создаде фантазија. Таа живееше во фантазија и умре во неа“, објаснила Орланди, а потоа додаде:

„Сачин не се сакаше себеси. Не ѝ се допаѓаше да биде Мексиканка. Така што, таа претпочиташе да се преправа дека е некоја друга“, рекла Орланди.

Инаку, во интервју за „Гардијан“ во 2021 година, Сачин зборувала за нејзиното тешко детство и како е да се биде ќерка на татко Апачи и мајка белец, кои и двајцата биле ментално болни и не можеле да ја одгледуваат. Таа истакнала дека нејзините родители ја однеле кај баба ѝ и дедо ѝ кога имала три години, а како мало девојче го удирала татка си со метла за да го спречи да ја тепа нејзината мајка.

„Мислам дека тогаш станав активистка“, рекла Сачин.

Литлфедер почина по долга битка со тешка болест, набргу откако Академијата за филмски уметности и науки издаде официјално извинување за начинот на кој таа била третирана на церемонијата во 1973 година.

ФОТО: Инстаграм

The post ИНДИЈАНКАТА САЧИН ЛАЖЕЛА ЗА СВОЕТО ПОТЕКЛО? Прво го измами Марлон Брандо, а потоа и целиот свет appeared first on plusinfo.mk.

Веста вчера ја соопшти Американската академија за филмски уметности и науки.

Сачин боледувала од рак на дојка.

Да потсетиме, Академијата за филмски уметности и науки која ги доделува Оскарите ѝ упати оваа година извинување на индијанската актерка, која пред речиси 50 години беше исвиркана и исмеана на доделувањето на наградите, на кое дојде наместо актерот Марлон Брандо, кој го одби Оскарот поради однесувањето на Холивуд кон Индијанците.

на сцената на доделувањето на Оскарите во 1973 година за да објасни дека големиот холивудски актер Марлон Брандо не сака да ја прими наградата поради начинот на кој се прикажуваат Индијанците во филмовите, американската Академија за филмски уметности и науки ѝ се извини за злоставувањето кое го претрпела по тоа.

Актерката и активистка Сачин Литлфедер која е Апач и Јаки Индијанка, беше исмејувана на церемонијата на доделувањето на Оскарите во 1973 година, кога објаснила зошто отсутниот Брандо не може да ја прими наградата за најдобра машка улога за филмот „Кум“.

Сачин подоцна рекла дека обезбедувањето спречило физички да ја нападне актерот Џон Вејн, тогаш ѕвезда на каубојските филмови. Таа навела дека ја исмејувал и Клинт Иствуд и дека подоцна Холивуд ја бојкотирал.

The post ПОЧИНА САЧИН ЛИТЛФЕДЕР Актерката која 50 години чекаше да ѝ се извини Холивуд appeared first on plusinfo.mk.

Филмскиот музеј на Американската академија соопшти дека на 17 септември Сачин Литлфедер, кој сега има 75 години, е поканета на вечера на „разговор, исцелување и почит“, пренесува АП.

Кога Марлон Брандо го освои Оскарот за најдобар актер за „Кум“ во 1973 година, Литлфедер се качи на сцената во индијански фустан и мокасини од еленска кожа, со што стана првата Индијанка што го направила тоа на најпрестижната филмска церемонија на светот.

Во својот говор кој траел 60 секунди, таа објаснила дека Брандо не сака да ја прифати наградата поради „начинот на кој филмската индустрија ги третира Индијанците, староседелците на американскиот континент“.

Некои во публиката тогаш ја исвиркале, а според зборовите на сведоци на тој настан, актерот Џон Вејн кој таа вечер бил зад сцената, вриел од бес.

Литлфедер се сеќава дека поради нејзиниот краток настап на церемонијата на Оскарите во 1973 година, била изложена на долгогодишна дискриминација, потсмев и физички напади.

Објавувајќи ја одлуката за повикот на извинување кој е упатен до оваа храбра жена, Музејот на американската филмска академија ги пренесе зборовите на претседателот на Академијата, Дејвид Рубин, кој напишал дека говорот на Литлфедер бил моќен јавен истап „кој и денес нè потсетува на неопходноста од почитување на човечкото достоинство“.

„Злоставувањето кое го претрпевте поради вашата изјава беше неоправдано. Емоционалниот товар кој го преживеавте и цената која ја плативте за уништената кариера во нашата индустрија се непоправливи. Предолго, храброста која ја покажувавте беше непризнаена. Поради ова ви го нудиме нашето најдлабоко извинување и го изразуваме нашето искрено восхитување“, напишал Рубин.

Реагирајќи на писмото на Дејвид Рубин, Сачин изјавила дека е „длабоко охрабрувачки да се види колку работите се промениле“ од времето пред 50 години кога јавно одбила да го прими Оскарот во име на Марлон Брандо поради начинот на кој во холивудските филмови се прикажуваат Индијанците.

The post ХОЛИВУД ЈА ИСПРАВА НЕПРАВДАТА ПРЕД 50 ГОДИНИ Извинување на индијанската актерка која го одби Оскарот во име на Марлон Брандо (ВИДЕО) appeared first on plusinfo.mk.