На денешната прес-конференција пред гинеколошката болница „Мајка Тереза“ во Чаир, портпаролот на Локалниот штаб на Вреди, Сабри Азири, остро го обвини кандидатот и поранешен министер Бујар Османи дека зад себе оставил недовршени проекти и корупциски афери. Тој посочи дека реконструкцијата на болницата, наместо да донесе подобра здравствена услуга, станала симбол на злоупотреби.

– Меѓутоа, на таа прес-конференција испуштивме еден проект кој е заштитен знак на неговата кариера како министер за здравство, а е директно поврзан со Чаир. Тоа е фамозниот проект за реконструкција на гинеколошката болница „Мајка Тереза“, чиј епилог заврши со коруптивен скандал познат како „Пациент“, за злоупотреби во вредност над 21,6 милиони денари или околу 350 илјади евра. Наместо чаирани да добијат современа гинеколошка болница, тие добија уште еден симбол на корупцијата – изјави Азири.

Тој додаде дека во долгата политичка кариера на Бујар Османи, која трае повеќе од десет години, резултатите за Чаир се речиси непостоечки.

– Бујар Османи на државни функции поминал 3.672 дена – или десет години и 22 дена. Во целиот тој период, нема ниту еден ден посветен на Чаир, но затоа имаше два дена со Сергеј Лавров во Скопје, цела недела со Никола Груевски во Будимпешта и неколку блиски вработувања во јавни институции. Чаирчани добија само празни ветувања – рече Азири.

Тој ја постави и дилемата дали Бујар Османи некогаш дејствувал во интерес на граѓаните, без лична корист.

– Само од овој предмет логично се наметнува прашањето – дали Османи прави било што без личен ќар за себе или за неговите најблиски? Со кој образ денес ветува нови проекти на жителите на Чаир, кога тогаш, кога имаше цела деценија во централната власт, не направи ништо за нив? – додаде портпаролот.

Азири заврши со порака дека граѓаните на Чаир не забораваат и ќе одговорат на 19 октомври.

– Жителите на Чаир точно знаат кој е со нив цело време, а кој доаѓа само пред избори. На 19 октомври, Бујар Османи ќе биде пациентот на гласачите на Чаир, кои масовно ќе му ја отворат излезната врата од политиката – порача Азири.

The post „НАМЕСТО БОЛНИЦА, ДОБИВМЕ СИМБОЛ НА КРИМИНАЛОТ“ Азири го обвини Османи за корупција во Чаир appeared first on plusinfo.mk.

Сабри Азири, портпарол на Локалниот штаб на коалицијата Вреди во Чаир, денес го критикуваше кандидатот на опозицијата за општина Чаир, Бујар Османи, за недостиг на реален интерес кон граѓаните и за преголем фокус на прашања кои се надлежност на централната власт, соопшти Коалицијата Вреди.

– Кандидатот на опозицијата за општина Чаир, Бујар Османи не го интересираат жителите на Чаир, нив ги доживува како алатка за остварување на личните цели. Тој ниту ги знае точните надлежности на општината, ниту може да ги препознае вистинските потреби на граѓаните. Затоа најмногу сака да зборува за теми од надлежност на централната власт – рече Азири.

Како пример, тој го наведе начинот на кој Османи зборува за албанското обединување во 90-тите години и за политичките активности во 90-тите и во 2001 година, како да бил директно вклучен, иако во 1991 година имал само 11 години, а во 2001 само 21 година.

– За жал, неговите амбиции очигледно го тераат количината измислици што секојдневно ги пласира да добиваат размер на епски лаги. Еден пример е кога зборуваше за албанското обединување во деведесетите години на минатиот век и даваше оценки како да бил директен учесник. Бујар во 1991 имал 11, а во 2001 21 година, а без никаков срам говори како да бил активен во процесите на етаблирање на албанската политичка сила и во УЧК. Опседнатоста на Бујар себеси да си дава некакви историски улоги ги загрижува и неговите најблиски соработници кои се повеќе се сомневаат во исправноста на неговите проценки. Вакво потценување на интелигенцијата на Албанците не е видено во поновата политичка историја – додаде Азири.

Тој предупреди дека нема да биде изненадување ако Османи тврди дека бил дел од претседателскиот кабинет на Ибрахим Руговa во Косово.

– Нема да нѐ зачуди ако следно каже дека бил и во претседателскиот кабинет на Ибрахим Ругова на Косово. Затоа, ваквите интересџии како Бујар, ќе бидат збришани на локалните избори. Конечно, нека одговори Бујар Османи колку дена вкупно поминал со граѓаните во Чаир за време на неговите мандати во владите на Груевски и на СДСМ за да има образ сега да ја бара нивната доверба – зaклучи Азири.

The post „НЕКА КАЖЕ ОСМАНИ КОЛКУ ДЕНА ПОМИНАЛ СО ЧАИРЧАНИ“ Вреди го обвини кандидатот на ДУИ дека жителите на Чаир му се алатка за лични цели appeared first on plusinfo.mk.