Малолетно девојче од Скопје било жртва на уцена од поранешното момче, кое ѝ се заканувало дека ќе објави експлицитни фотографии доколку таа не ја продолжи врската.

Случајот бил пријавен на 21 април околу 19:40 часот во СВР Скопје од страна на родителот, кој алармирал дека неговата малолетна ќерка трпи притисоци и закани од друг малолетник со кого претходно била во емотивна врска.

Според пријавата, осомничениот се обидувал да ја принуди девојката повторно да биде со него, користејќи закани дека ќе објави компромитирачки материјал.

За случајот е известен јавен обвинител, а надлежните институции веќе преземаат мерки за негово целосно расчистување.

The post „АКО НЕ СЕ ВРАТИШ, ЌЕ ОБЈАВАМ СÈ“ Малолетник ја уценувал поранешната со интимни фотографии appeared first on plusinfo.mk.

The post МЕГАН МАРКЛ ПРИЗНА ДЕКА СО ГОДИНИ Е МЕТА НА САЈБЕР НАПАДИ Војвотката од Сасекс проговори пред австралиските студенти за онлајн насилството appeared first on plusinfo.mk.

Иницијативата #NetWithoutHate – Нет без хејт, која е започната пред две години, е дел од пошироката и долгогодишна соработка меѓу УНИЦЕФ и Фондацијата Телеком за Македонија и е насочена кон справување со најкомплексните предизвици на денешните генерации – оние што ги носи со себе присуството во дигиталниот простор.

Практично, во Македонија нема млад човек на возраст од 15 до 24 години кој не користи секојдневно интернет што со себе повлекува и опасност од сајбер-насилство, онлајн врсничко малтретирање, говор на омраза и штетни содржини.

Статус, коментар, лајк, не-лајк, стикерчиња, или каков било облик на изразен став  во сајбер просторот, е дел од секојдневниот живот на младите и може да биде извор на онлајн насилство.

Иако според истражувањата, речиси две третини од средношколците во Скопје потврдиле дека булингот е присутен во нивните училишта, а секој трет ученик изјавил дека бил жртва на некаква форма на врсничко насилство кое најчесто се случува токму онлајн, преку социјалните мрежи, досега официјално не е пријавен ниту еден ваков случај.

Ова е показател дека е потребна едукација, но дека таа не е доволна, туку е потребно охрабрување, како и сигурен простор во кој младите ќе знаат дека не се сами кога ќе одлучат да проговорат.

Токму ова е и идејата на иницијативата #NetWithoutHate – Нет без хејт, младинско движење за интернет без омраза, поттикнато  од УНИЦЕФ и Фондацијата Телеком за Македонија, а во партнерство со Сојузот на извидници на Македонија.

Имено, во февруари минатата година беа избрани 50 адолесценти од различни средини, поддржани од ментори и експерти, кои се обучуваа да бидат гласници на промена и двигатели на младинското движење за интернет без омраза во своите училишта и заедници.

Целата програма на оваа иницијатива се темели на фактот дека кај адолесцентите од 14 до 18 години, најсилно влијание имаат врсниците, а не институциите, или, како што велат и самите, младите најдобро можат да ги разберат младите.

Учениците кои се дел од иницијативата #Нет без хејт денеска ги претставија своите активности, претстојната кампања и прирачникот, осмислени како алатки за справување со онлајн-насилство, за побезбедна дигитална средина и пријавување сајбер-булинг, кои треба да бидат заокружени до крајот на годинава.

Меѓу нив, беа презентирани идеи за креирање младинска дигитална серија со дебати во подкаст-формат за онлајн омразата, модули родител–дете за поттикнување отворени разговори за сајбер-насилството, како и иницијатива за зајакнување на улогата на детските правобранители во училиштата за заштита на дигиталните права. Дополнително, беа претставени две идеи за онлајн платформи управувани од млади, кои ќе нудат практични совети и врсничка поддршка за деца што се соочуваат со онлајн притисок и предизвици поврзани со менталното здравје.

Младите учесници го претставија и новиот Прирачник за превенција од сајбер-насилство и говор на омраза, ко-креиран и тестиран заедно со деца и експерти.

Наменет за наставници, психолози, социјални работници и младински работници, прирачникот содржи 19 интерактивни активности кои промовираат дигитална безбедност, емпатија, одговорно онлајн однесување и свесност за влијанието што онлајн постапките го имаат врз другите.

Планирано е младите да реализираат иницијативи во најмалку 20 училишта и заедници, со можност во нив да се вклучат и други млади луѓе. Со  поддршка на институциите, заедниците и професионалците се очекува движењето да направи исчекор кон пошироко и подолгорочно влијание.

На настанот денес беа присутни и министерката за образование Весна Јаневска и министерот за дигитална трансформација Стефан Андоновски.

– Вкупно 34 случаи на врсничко насилство се пријавени годинава во Министерството за образование, но не е пријавен ниеден случај за насилство преку интернет, а вие велите дека го има. Јас би ве охрабрила, доколку сметате дека можеме да ви помогнеме, а можеме, кога ќе наидете на такво насилство, да го пријавите зашто ние имаме стручни служби што ќе поработат и со службите во училиштата и со наставниците, а ако има потреба и со насилникот, како и со жртвата, ако се обрати. Бидете мост меѓу интернетот и стручните служби. Поттикнете ги вашите врсници зашто разбирам дека меѓусебно најмногу се разбирате, дека на младите им требаат млади, но не исклучувајте ги возрасните. Некогаш и тие знаат да бидат корисни – порача министерката Јаневска.

Според министерот кој исто така ги слушна иницијативите на учениците активисти, освен со младите, во однос на сајбер-булингот, многу е важно да се работи и со родителите.

– Често ја повторуваме реченицата дека родителите не се научени да се справуваат со сајбер-насилството и сајбер-булингот зашто можеби тоа не постоело во времето кога тие растеле. Сега е некое друго време, кое го носи овој голем предизвик. Затоа е многу важно да се работи со родителите, но заедно и со сите партнери – училиштата, педагозите, стручните соработници и, секако, најмногу со младите – истакна Андоновски.

Како што информира Александра Ивановска од канцеларијата на УНИЦЕФ во Скопје, официјални пријави за онлајн-насилство генерално нема.

Како што информира Александра Ивановска од канцеларијата на УНИЦЕФ во Скопје, официјални пријави за онлајн-насилство генерално нема.

The post САЈБЕР БУЛИНГ ИМА, АМА НЕ СЕ ПРИЈАВУВА Децата од иницијативата „Нет без хејт“ ќе ги обучуваат да препознаваат онлајн насилство и врсниците и родителите appeared first on plusinfo.mk.

Дигиталниот свет носи многу предизвици, особено за родителите кои се обидуваат да ги разберат ризиците со кои се соочуваат нивните деца на интернет.

Додека Интернетот обезбедува бескрајни можности за учење, забава и комуникација, тој исто така крие различни форми на сајбер малтретирање што може да има сериозни последици врз емоционалната и психолошката состојба на детето.

Корисниците од сите генерации треба да се поттикнат да го користат интернетот одговорно и безбедно, правејќи го побезбедно место за едукација, забава и комуникација.

Термините за сајбер-малтретирање се развиваат паралелно и брзо како Интернетот и онлајн игрите.

Иако сајбер-малтретирањето изгледа различно од традиционалното малтретирање, исходот е ист. Поентата на сајбер малтретирањето е да предизвикате негативни емоции кај некој друг.

Сленгот што се користи кај адолесцентите може да укаже на малтретирање преку интернет и терминот „сајбер-малтретирање“ е важно да се сфати сериозно и да се разбере со цел да се препознаат однесувањето и знаците на малтретирање преку Интернет.

Додека читате, имајте на ум дека сајбер-малтретирањето не е ограничено на социјалните медиуми и онлајн форумите; термините се користат и во онлајн видео игрите.

Прочитајте повеќе на „Мајка и дете“.

The post ГРИФИНГ, АУТИНГ, ФЛЕЈМИНГ Термини кои родителите МОРА да ги знаат и сериозно да ги сфатат appeared first on plusinfo.mk.