Директорката на Британската разузнавачка агенција (GCHQ) Ен Кист-Батлер изјави дека од почетокот на руската инвазија врз Украина во 2022 година загинале речиси 500.000 руски војници.

Кист-Батлер овие информации ги изнесе во своето прво јавно обраќање, во кое говореше за заканите со кои се соочува Велика Британија. Таа предупреди дека земјата се наоѓа во клучен момент и ја обвини Русија дека постојано таргетира критична инфраструктура, демократски процеси, синџири на снабдување и јавна доверба.

Таа додаде дека британската разузнавачка служба работи на одбивање сајбер-напади, како и на спротивставување на, како што наведе, непромислени саботажи и обиди за атентати.

– Соочени со таква агресија и хаос, неуморно работиме со разузнавачките и одбранбените партнери за да ја минимизираме и намалиме руската закана – изјавила Кист-Батлер.

Иако и Киев и Москва редовно објавуваат проценки за загубите на другата страна, ретко ги соопштуваат сопствените бројки. Зеленски во февруари изјави дека Украина од 2022 година изгубила 55.000 војници.

Од почетокот на војната, рускиот сервис на Би-би-си, заедно со независниот портал Медиазона и волонтери, води евиденција за загинатите руски војници чија смрт е потврдена преку официјални извештаи, медиумски објави, социјални мрежи и нови спомен-обележја.

Досега бил потврден идентитетот на 223.539 војници и офицери кои загинале на руската страна, а воените експерти проценуваат дека тоа би можело да претставува меѓу 45 и 65 проценти од вистинскиот број жртви.

Говорејќи од Блечли парк, историскиот британски центар за дешифрирање од Втората светска војна, Кист-Батлер предупреди и на растечките способности на Кина во вселената, сајбер-просторот и воените структури. Особено истакна дека вештачката интелигенција брзо ја менува безбедносната средина и ги повика компаниите и граѓаните итно да ја зајакнат сопствената дигитална заштита.

The post ОД ПОЧЕТОКОТ НА ВОЈНАТА ЗАГИНАЛЕ РЕЧИСИ 500.000 РУСКИ ВОЈНИЦИ Проценка на британското разузнавање appeared first on plusinfo.mk.

Заканата од терористички напади на територијата на Европската Унија (ЕУ) е зголемена поради конфликтот со Иран, предупреди денеска Европол, посочувајќи дека ирански посреднички актери би можеле да започнат дестабилизирачки активности во земјите-членки.

Портпаролот на Европол, Јан Оп Ген Орт, изјави дека нивото на терористичка и екстремистичка закана на територијата на ЕУ е оценето како „зголемено“, додавајќи дека тоа би можело да се манифестира преку радикализација на поединци или преку мали, самоиницијативни ќелии формирани во рамките на ЕУ.

Според него, брзото ширење на содржини на интернет дополнително може да ја забрза краткорочната радикализација меѓу членовите на дијаспората во ЕУ и други поединци.

Европол, исто така, изрази загриженост дека ирански посреднички актери би можеле да бидат активирани.

– Овие актери вклучуваат таканаречена „Оска на отпорот“ и криминални мрежи кои дејствуваат под надзор на иранските безбедносни институции – рече Оп Ген Орт.

Тој додаде дека нивните активности би можеле да вклучуваат терористички напади, кампањи за заплашување и финансирање тероризам, но и сајбер напади, ширење дезинформации или интернет измами.

Според проценката на Европол, ризикот од кибер напади насочени кон инфраструктурата и деловниот сектор би можел дополнително да се зголеми доколку конфликтот продолжи.

– Конфликтот ќе создаде паралелна динамика во онлајн просторот. Криминалните и терористичките мрежи ќе ја искористат зголемената информативна средина преку измами и дезинформации со употреба на вештачка интелигенција – рече Оп Ген Орт.

Европскиот колеџ за безбедност и одбрана претходно оваа недела одлучи да ја засили соработката со Европол поради стравувањата од иранска одмазда по атентатот врз врховниот лидер на Иран, Али Хамнеи.

The post ЕУ ПОД ЗГОЛЕМЕНА БЕЗБЕДНОСНА ЗАКАНА Европол стравува од терористички и сајбер напади appeared first on plusinfo.mk.

Фирмата ЦПП Услуги со која МЕПСО ја ангажирал без објавување јавен оглас во постапка на преговарање треба да  подготви анализа на дигитални докази и форензика, но и да ги врати  податоци од датотеките кои беа цел на сајбер нападот.

Според договорот за јавната набавка објавена на Електронскиот систем за јавни набавки склучен пред 3 денови одговорот по сајбер безбедносниот систем и анализата ќе чини 1,6 милиони денари со пресметан ДДВ,  додека пак враќањето на податоците од датотеките ќе чини 7,05 милиони денари исто така со пресметан ДДВ.

ЦПП Услуги има рок од една година да ги заврши обврските.

Нападот во МЕПСО кој траеше 3 дена го извршија 2 хакерски групи, но брзата реакција на ИТ експертите од приватниот сектор спречи државната компанија да плаќа откуп за податоците.

The post 142.000 ЕВРА ЌЕ ГО ЧИНАТ МЕПСО САЈБЕР НАПАДИТЕ ОД ПРЕД 2 МЕСЕЦА Државната компанија ќе прави анализа на доказите и ќе ги враќа податоците во датотеките appeared first on plusinfo.mk.

-Новите геостратешки случувања на Блискиот Исток потврдуваат дека нема предвидливост ниту пак извесност кога цените на енергенсите се во прашања. Очекувавме дека ова ќе биде конечно мирен енергетски регулаторен состанок, но едно е сигурно дека „вонредната состојба” е ново нормално за сите енергенси. Очекуван е ефект кон цените на нафтените деривати сега по случувањата со Иран и Израел. Разговаравме и за тоа каква е положбата на земјите од кои доаѓаат регулаторите во Енергетската Заедница. Сите сме увозно зависни земји на нафта, освен Србија што има мал обем на производство. Освен во секојдневното живеење, овој енергенс е тесно врзан и со стопанството и економијата воопшто како составен дел од функционирањето – вели Бислимоски за МИА.

Дополнително, додава тој, внимателно и во согласност со одлуките од ОПЕК и насоките од големите земји произведувачи на нафта, ќе се преземаат чекори за да се амортизира евентуален ценовен удар.

-Паралелно сите се соочуваме со сајбер напади на енергетската критична инфраструктура. Потребно е да се зајакне овој сегмент, затоа што последиците можат да го „узрпираат” функционирањето на електроенергетскиот систем – вели претседателот на РЕК.

На денешниот состанок Бордот на регулатори на Енергетска заедница ќе одбере нов претседател на Бордот, со оглед на тоа дека Бислимоски во декември го заврши вториот мандат.

Новиот претседател требаше да биде избран на минатиот состанок на регулаторите во декември, но ниту еден од кандидатите не го доби потребното мнозинство, со што  мандатот на Бислимоски му се продолжи уште шест месеци.

Состаноците на енергетската заедница традиционално се одржуваат во Атина, освен земјава, земји-членки се и Србија, Косово, Црна Гора, Босна и Херцеговина, Молдавија, Грузија, Украина и Албанија.

The post КРИЗАТА НА БЛИСКИОТ ИСТОК ЌЕ ГИ ВИВНЕ ЦЕНИТЕ НА ГОРИВАТА Бислимоски најавува мерки за амортизирање на ценовниот шок appeared first on plusinfo.mk.

– Освен тоа, хибридната војна којашто се води и којашто вклучува сајбер-напади, којашто вклучува хакерски напади, којашто вклучува дезинформации, практично е нов начин на војување којшто досега не е виден. Тоа има неколку цели: прво да направи блокада на клучни витални системи во држави кои се членки на НАТО, на ЕУ, коишто се западно определени. Второ, да внесе немир кај граѓаните бидејќи се напаѓаат системи коишто опслужувааат голем број граѓани и трето да направат еден систем на дезинформации во државите коишто на крајот од денот оди во насока и корист само на оние коишто не сакаат да го видат нашиот регион конкретно да биде дел од ЕУ или да биде дел од НАТО – вели Ковачевски во интервјуто.

Тој посебно го коментираше нападот врз Фондот за здравство.

– Во случајот со Фондот за здравство работат експерти од нашата држава заедно со експерти на земји членки на НАТО кои се врвни експерти. Личните податоци на граѓаните, што се однесува на нивните медицински досиеја, тие се заштитени внатре во системите на Фондот, меѓутоа, другите активни системи на софтверите кои се користат се под сајбер напад. Јас го разбирам револтот на здравствените работници. Прво имаше информации дека немало пари во буџетот. Пари во буџетот има и во Фондот за здравство и во централниот буџет, меѓутоа со оглед на начинот на кој се исплаќаат платите и со оглед на сајбер нападот кој што се случува, тоа не беше возможно да се направи во изминатите денови – изјави премиерот Ковачевски за МИА.

Тој уверува дека и овој проблем ќе се реши.

– Ние работевме заедно со Министерството за финансии и со вработените во трезорот. Сакам да истакнам нешто друго, а тоа е дека кога беше корона-кризата, наши херои беа докторите и сите ние имавме апсолутно разбирање за нив и сите пофални зборови им ги дававме на начинот со којшто со натчовечки напор со 24 часовна работа се справуваа со кризата и им помагаа на граѓаните. Денес, при овие сајбер напади и при оваа хибридна војна, повторно има луѓе кои 24 часа работат. Тоа се ИТ-инженерите, коишто работат во институциите. Ние, исто така, имаме формирано и специјален тим во МВР, во којшто учествуваат ИТ-инженери од Агенција за разузнавање и од Агенција за национална безбедност. Тие луѓе имаат имиња и презимиња, но ние не ги знаеме бидејќи никогаш немале можност да бидат дел од јавна дискусија и од медиуми. Меѓутоа, и тие работат 24 часа на ден. И тие имаат свои семејства кои не ги виделе, и јас ќе се потрудам лично на еден од наредните јубилеи кои нашата држава ги слави, барем еден од нив да биде награден со државна награда во име на сите нив, кои 24 часа работат за да ги заштитат и одблокираат ситемите кои се под сајбер-напади – рече премиерот Ковачевски, апелирајќи до граѓаните на смиреност.

The post ИТ-ИНЖЕНЕРИТЕ СЕГА СЕ МАЧАТ КАКО ЛЕКАРИТЕ ВО ВРЕМЕ НА КОРОНАТА Ковачевски бара трпение за сајбер-нападите врз ФЗО appeared first on plusinfo.mk.

Во одговор на новинарско прашање на денешната деветта НАТО студентска симулација, Петровска посочи дека на вчерашниот состанок се отворила дебата, заедно со претставниците на разузнавачките служби и министерот за внатрешни работи и додава дека идејата е оперативниот тим да ја забрза и подобри координацијата на службите, како и на службите на партнерските земји.

– Кибер заштитата на сите институции, но и на се тоа што претставува критична инфраструктура е предизвик. Министерството е носител на новото законско решение за заштита на критична инфраструктура и впрочем утре во Клубот на пратеници ќе ја имаме последната јавна дебата по што законот ќе биде проследен во процедура. Додека да се усвои и стапи во сила законот, апсолутно секоја институција презема дополнителни мерки во однос на кибер заштитата. Имаме постојана комуникација и поддршка од стратешките партнери и во рамките на НАТО и надвор од тоа. Сајбер заштитата е нешто на кое во континуитет мора да се работи и не е нешто кое еднаш засекогаш завршува – порача министерката.

Додаде дека се следат сите евентуални обиди за кибер-напад и се во координација со сите засегнати институции со цел навремено реагирање.

The post ПЕТРОВСКА ЈА СМИРУВА СИТУАЦИЈАТА Во моментов Македонија нема сериозна закана за безбедноста appeared first on plusinfo.mk.

Сајбер-напади извршувала Москва врз германскиот Бундестаг во Берлин, според германската влада која во понеделникот ја обвини Русија дека сакала да ги украде личните информации на пратениците и да шири лажни вести, пренесува Јутарни. Неодамна, сајбер-нападнати беа претставници од партиите што ја сочинуваат владејачката коалиција: Христијанско-демократската унија, Христијанско-социјалната унија и Социјалдемократите.

– Федералната влада силно ја повикува руската влада веднаш да ги прекине овие неприфатливи сајбер-активности – изјави во понеделникот портпаролката на германското Министерство за надворешни работи.

Портпаролката посочи и дека германската влада има веродостојни информации дека овие активности може да ѝ се припишат на Русија како држава и на воената разузнавачка агенција ГРУ, пренесува Ројтерс. Дел од нападот се припишува на руската група „Ghostwriter“.

Портпаролката додаде дека Министерството за надворешни работи минатата недела директно побара од руското министерство да ги прекине тие активности.

Германските безбедносни агенции најмалку трипати годинава ги предупредија парламентарците за странски сајбер напади, пишува германската агенција DPA.

Германците ќе гласаат за наследничката на канцеларката Ангела Меркел кон крајот на септември, а Политико пишува дека пред парламентарните избори, РТ Дојч, руски медиум поддржан од Кремлин во Германија, шири антиваксерски теории на заговор и ја фаворизира екстремно десничарската партија, Алтернатива за Германија (AfD).

The post САЈБЕР-НАПАДИ МОСКВА-БЕРЛИН Цел биле личните информации на политичарите appeared first on plusinfo.mk.

Надвор од дозволеното

Во Женева минатиот месец, американскиот претседател Џо Бајден се обиде да му постави неколку основни правила на Владимир Путин. Тој рече дека сајбер-нападите врз критичната инфраструктура се „надвор од дозволеното“.

– Го погледнав (Путин) и му реков како ќе се чувствуваш ако рекетари ти ги преземат цевководите од твоите нафтени полиња? Тој рече дека ќе биде важно – рече Бајден. Бајден потоа објаснил дека ако Русија ги прекрши овие „основни норми“, САД ќе возвратат.

Во последните денови се случија баш вакви сајбер-напади. Во понеделникот, Блумберг објави дека минатата недела беше пробиен Синекс, веб-провајдер коj го користеше Републиканскиот национален комитет (РНК). Во изјавата, началникот на Генералштабот на РНЦ, Ричард Волтерс рече дека не верува дека хакерите се инфилтрирале во нивните системи.

По „хакот на провајдер“ (каде е хакирана компанија што обезбедува ИТ функции на многу други компании) следеше уште еден голем напад што беше откриен во петокот.

Руски Рекет, американска демократија

Овој пат откупниот софтвер беше искористен за инфилтрирање во ИТ компанијата Касеја и нејзините клиенти. Првите проценки сугерираат дека стотици бизниси ги испреплетиле своите податоци во хакирањето. Нападите беа различни во својот стил, но имаа една клучна сличност. Двајцата беа поврзани со Русија.

REVil, синдикат за компјутерски криминал поврзан со Русија со дебело досие, ја зема заслугата за нападот откриен во петокот. Хакерите барале 70 милиони долари за да ги вратат податоците на погодените бизниси. Обидот за хакирање на RNC, наводно, бил преземен од група позната како Cozy Bear.

Ако тоа име звучи познато, тоа е затоа што тие беа обвинети за кршење на Демократскиот национален комитет во 2016 година. Тие исто така беа поврзани со огромниот хакер на SolarWinds што се инфилтрираше во голем број владини агенции – откриено во декември.

Во вторникот Џо Бајден им изјави на новинарите дека нападот во Касеја „се чини дека предизвика минимална штета на американските бизниси, но ние сепак собираме информации“.

– Се чувствувам добро во врска со нашата способност да можеме да одговориме – вели тој.

Русите шпионираат, сакаме и ние!

Некои аналитичари прават разлика помеѓу двата напади. Дмитриј Алперович, експерт за сајбер-безбедност смета дека нападот насочен кон РНЦ е класично шпионирање.

– Ова изгледа баш како традиционална шпионажа, која никогаш нема да ја запреме. Ниту е во наш интерес да ја запреме, затоа што сакаме да спроведеме шпионажа против Русија и Кина – изјави тој.

Сепак, Алперович верува дека нападот на REvil врз Касеја – напад што повреди многу бизниси во Америка – е друга приказна.

– Ова е oд попречувачка природа. Малите бизниси низ целата земја се борат во моментов. Не можеме да го толерираме тоа – вели тој. – Ако Џо Бајден сака да возврати, тој има голем број опции.

Ќе го убеди ли Бајден Путин да сопре?

Санкциите се традиционален начин на кој САД гледаа да и наштетат на Русија. Сепак, постојат и други опции за кои би можел да се одлучи претседателот Бајден. Прво, тој можеше да се обиде да ги поронајде „шпионите“.

Лани „Вашингтон пост“ објави дека Сајбер-командата на САД започнала кампања за нарушување на „Трикбот“, опишан како најголем ботнет во светот, за да се ублажи потенцијалното мешање во претседателските избори.

– На крајот на краиштата, она што функционира е да ги извадиме овие актери од бојното поле. И тоа може да го постигнете само преку акција за спроведување на законот. Во конкретниот случај, преку руска акција за спроведување на законот – вели Алперович. Ова би била претпочитаната опција на претседателот. Да го убеди г-дин Путин дека е во негов интерес да ги затвори групите кои сајбер-рекетираат – дециден е Алперович.

The post Руски хакери се пофалија како ја изрекетираа Америка appeared first on plusinfo.mk.

– Овие извештаи се алармантни затоа што доаѓаат од прилично угледниот американски „Њујорк Тајмс“, кој не исклучува сајбер напади, а тоа не е ништо друго освен меѓународен сајбер криминал – истакна Песков на прес-конференција.

ТАСС пренесува дека Песков повторил дека руската држава никогаш немала никаква врска со овој вид компјутерски криминал и сајбер тероризам.

„Њујорк Тајмс“ во неделата, повикувајќи се на американски официјални лица, објави дека Вашингтон планирал низа тајни активности на Интернет низ Русија во следните три недели како одмазда за големите хакерски напади на американски владини агенции и корпорации откриени кон крајот на минатата година за кои САД ја обвинуваат Русија. 

The post Песков: Плановите на САД за сајбер напади се меѓународен криминал appeared first on plusinfo.mk.

Неименувани извори велат дека САД ќе почнат „тајни контранапади“ во текот на следните три недели, што ќе им се стави до знаење на Владимир Путин, руските разузнавачи и војската, но не и на надворешниот свет. Покрај сајбер нападите, САД планираат да воведат економски санкции за Москва како одговор на руските хакерски напади.

Покрај тоа, американскиот претседател Џо Бајден може да потпише указ за зајакнување на заштитата на владините системи од сајбер напади.

На почетокот на јануари, американската агенција за безбедносна безбедност и инфраструктура (CISA) објави заедничко соопштение со ФБИ и ред други американски агенции, според кое Русија стои зад големиот сајбер напад против клиенти на компанијата за компјутерска безбедност „SolarWinds“.

The post „Њујорк тајмс“: САД планираат сајбер напади брз системи поврзани со руската влада appeared first on plusinfo.mk.