Лишени од слобода се двајца администратори на нелегален онлајн пазар по дојава на ФБИ, соопшти полицијата.

Секторот за компјутерски криминал при Министерството за внатрешни работи, постапувајќи по првично добиени информации од ФБИ, спроведе заедничка координирана истрага поврзана со нелегален онлајн пазар познат како „OLVX“. Според обезбедените сознанија, онлајн пазарот бил активен од јули 2023 година и функционирал преку повеќе интернет домени и содржел детална база на компромитирани лични податоци за регистрација на сметки на клиенти и продавачи, при што биле евидентирани над 2.600 кориснички сметки и над 1.500 сметки на продавачи. Вкупната продажна вредност на артиклите надминува 500.000 американски долари.

Во рамки на постапката, а врз основа на судска наредба издадена од Основен суд Тетово, извршен е претрес на територија на Општина Тетово, село Голема Речица кај осомничените А.Е. (20) и А.И. (23), македонски државјани, за кои постојат основани сомненија дека се администратори на наведениот онлајн пазар. При извршување на претресот тие се затекнати на лице место во вршење на кривично дело за кое се сомничат и при тоа се одземени десктоп компјутери, лаптоп компјутери и телефони кои ќе бидат предмет на понатамошна форензичка анализа и ќе послужат како доказ во кривичната постапка.

Секторот за компјутерски криминал соопшти дека продолжува со преземање мерки и активности за целосно расчистување на случајот, во насока на идентификација на сите инволвирани лица и обезбедување релевантни докази, согласно важечките законски прописи.

The post ПО ДОЈАВА НА ФБИ ПРИВЕДЕНИ ДВАЈЦА ОНЛАЈН ИЗМАМНИЦИ ОД ТЕТОВСКО Завртеле повеќе од 500.000 долари appeared first on plusinfo.mk.

Во продолжение на акцијата „Армагедон“, српската полиција приведе осум лица осомничени за кривични дела поврзани со незаконско прикажување, набавување и поседување недозволени содржини, како и за злоупотреба на малолетни лица преку интернет.

Уапсените се на возраст од 24 до 64 години, а меѓу нив има и еден странски државјанин. Според информациите, во подолг временски период тие преку интернет разменувале и чувале недозволени дигитални материјали.

Се наведува дека тројца од осомничените преку социјални мрежи и комуникациски апликации отвориле лажни профили, претставувајќи се како малолетни девојчиња, по што воспоставувале контакт со други малолетни лица, од кои барале и добивале недозволени фото и видеосодржини.

При претреси на станови и други простории кај сите осомничени, на електронските уреди биле пронајдени дигитални материјали кои, според надлежните, претставуваат доказ за сериозни злоупотреби на малолетни лица, се наведува во соопштението.

По приведувањето, осомничените со кривични пријави биле спроведени во надлежното обвинителство. Информациите ги објави Радио-телевизија Србија (РТС).

Акцијата „Армагедон“ е повеќегодишна специјализирана полициска операција насочена кон откривање и сузбивање на кривични дела поврзани со злоупотреба на деца и малолетници во онлајн-просторот.

Во рамки на акцијата, полицијата континуирано следи активности на интернет, социјални мрежи и комуникациски апликации, со цел идентификување лица кои користат лажни профили и вршат нелегални дејствија на штета на малолетници.

Според српското Министерство за внатрешни работи, последната фаза од акцијата била реализирана и како дел од поширока меѓународна операција за спречување на онлајн-злоупотреби и зајакнување на меѓународната соработка во оваа област.

The post ОСУММИНА УАПСЕНИ ЗА ДЕТСКА ПОРНОГРАФИЈА ВО СРБИЈА Со лажни профили намамувале деца преку социјалните мрежи appeared first on plusinfo.mk.

Лажната вест е лиферувана на непознати веб-сајтови, како навиодни интревју на министерката за финансии Гордана Димитриеска Кочоска и на премиерот Хсистијан Мицкоски, за телевизијата Канал 5.

Украдени се и логото и дизајнот на сајтот на Канал 5, а измислени „граѓани“ даваат изјави со поддршка на иницијативата.

Не наседнувајте на лажните вести!

The post ВНИМАВАЈТЕ, ЛАЖНИ ИНТЕРВЈУА СО МИНИСТЕРКАТА ЗА ФИНАНСИИ И СО ПРЕМИЕРОТ НА СОЦИЈАЛНИТЕ МРЕЖИ Сајбер криминалци ги лажат граѓаните дека ќе добијат огромни „приходи од даноци“ appeared first on plusinfo.mk.

Од Секторот за компјутерски криминал при МВР известуваат дека главната цел на фишинг-измамите е да се приберат личните податоци на примателот или да се натера да посети лажна веб-страница.

– Обидите најчесто доаѓаат преку електронска пошта, но и преку социјалните мрежи, СМС пораки или телефонски повици. Во некои случаи, жртвите добиваат порака дека се предмет на наводни правни постапки за измислени кривични дела и се повикуваат да стапат во контакт со испраќачот преку вибер или телеграм линк. Дополнително, постојат случаи во кои граѓаните добивале пораки наводно испратени од директорот на Бирото за јавна безбедност или од министерот за внатрешни работи, со кои им се соопштува дека се под истрага за извршени кривични дела и дека е потребно да се регистрираат преку е-пошта и да ги достават нивните лични податоци. Овие електронски пораки се класичен обид за измама со цел прибирање на лични податоци за нивна понатамошна злоупотреба – се вели во соопштението на МВР.

Од полицијата апелираат до сите граѓани да бидат внимателни, да не ги отвораат овие пораки и никако да не контактираат со испраќачот преку доставениот линк или да споделуваат лични податоци доколку тоа се бара.

– За да се избегне ризикот од зараза со малициозен софтвер, Секторот за компјутерски криминал препорачува граѓаните да не отвораат сомнителни линкови и датотеки прикачени во е-маил пораки од непознати испраќачи. Дополнително, сакаме да ја информираме јавноста дека ваквите измами честопати имаат меѓународна димензија, бидејќи слични пораки се забележани и во други држави од регионот – се посочува во соопштението на МВР.

The post НЕ ОТВАРАЈТЕ ПОРАКИ ШТО НАВОДНО ВИ ГИ ИСПРАЌА МИНИСТЕРОТ ТОШКОВСКИ Полицијата предупредува на измами со кои се крадат лични податоци appeared first on plusinfo.mk.

Тој потенцира дека голем дел од активностите планирани во Стратегијата и акцискиот план за сајбер безбедност 2018 – 2022, вклучително и оние кои се издвоени како најприоритетни, не се во целост спроведени.

Деканот, осврнувајќи се на најприоритетните чекори што мора да се преземат со цел зголемување на сајбер безедноста во земјава, нагласува дека е потребно да се фомира тело со оперативни капацитети кое ќе биде лесно препознаено од целото општество како институција задолжена за справување со предизвиците во сајбер просторот.

Според него приоритетните активности на кои треба да се фокусира државата со цел превенција и соодветен и брз одговор на евентуални инциденти се веќе добро утврдени во моменталната Стратегија за сајбер безбедност.

– Прво, формирање на тело со оперативни капацитети кое ќе биде лесно препознаено од целото општество како институција задолжена за справување со предизвиците во сајбер просторот. Мое мислење е дека ова мора да биде институција чија единствена цел ќе биде нудење услуги од областа на сајбер безбедноста. Доколку се стави во рамки на некоја друга организација која има и други одговорности, голема е веројатноста таа институција зависно од моменталната ситуација да стави приоритети на други активности во нејзина надлежност и повторно да се запостави сајбер безбедноста. Иако воспоставувањето на ова тело е предвидено со моменталната Стратегија за сајбер безбедност, до денес не е формирано. Истото, освен што би било одговорно за координација на активностите во делот на сајбер безбедноста, тоа би требало да развие капацитети со цел да помогне на институциите во државата во случај на евентуална загрозеност на нивниот сајбер простор, да развие политики и постапки, да контролира колку тие политики и постапки се спроведуваат од страна на институциите, како и да врши контрола и да дава насоки при набавка на хардверски и софтверски решенија од трети страни. Второ, усвојување законска рамка поврзана со сајбер безбедноста. Иако веднаш по усвојувањето на стратегијата беше напишан ваков Закон, истиот осамна на платформата ЕНЕР и сè уште не е усвоен. Трето, дефинирање на критичната информациска инфраструктура. Ние сме една од ретките држави во регионот која го нема направено истото. Во моментот постои работна група, предводена од Министерството за одбрана, која работи на дефинирање на критичната инфраструктура и сметам дека критичната информациска инфраструктура, како нејзин сегмент, ќе го најде местото во тој документ. Ова не е едноставна работа затоа што дефинирањето на критична инфраструктура подразбира прво да се направи квалитетна проценка на ризици и секако дека тоа одзема доста време. Согласно информациите со кои располагам, групата е во напредна фаза во донесувањето на документ кој ќе ја дефинира критичната инфраструктура на национално ниво. Истовремено, со поддршка на нашите партнери и проекти спонзорирани од нивна страна се работи во сегментот на дефинирање на критична информациска инфраструктура – вели Богдановски.

Тој во интервјуто нагласува дека дигитализацијата и сè поголемата примена на новите технологии можат дополнително да ја зголемат ранливоста на државата, особено ако не се преземат соодветни мерки за заштита.

Според него, не сите институции имаат ист капацитет за справување со сајбер напади.

The post КАКО СЕ БОРИМЕ СО САЈБЕР ЗАКАНИТЕ? Имаме стратегија, ама немаме закон appeared first on plusinfo.mk.

Антивирусна програма користат 57,3 проценти, а помладите за разлика од постарите почесто се приклучуават на интернет на јавни места. Испитаниците кои користат социјални мрежи најчесто го оставаат вистинското име и лични фотографии, покажува Извештајот од испитувањето на јавното мислење за кибер безбедност, што го објавија денеска Агенцијата за електронски комуникации и Националниот центар за одговор на компјутерски инциденти MKD-CIRT.

Теренската анкета е спроведена од 14 до 28 септември годинава на примерок од 1400 испитаници. Примерокот е репрезентативен на ниво на Македонија според регион, пол и возраст, според податоците од Пописот на население од 2021 година од Државниот завод за статистика.

Поголем дел или 71,1 процент од испитаниците не знаат дека постои или пак сметаат дека не постои веб страница, контакт адреса и е-пошта, контакт броеви или слично во државата на кои може да се пријави сајбер криминал или нелегални интернет активности.

Анализата од собраните податоци покажува дека најголем дел од испитаниците, интернетот го употребуваат за социјални мрежи и за комуникација.

Интернет за социјални мрежи во последните 12 месеци користеле 86,8 проценти, за услуги и документи од јавна администрација 25,7 проценти, за учење и курсеви 23,6 проценти, а за продавање стоки и услуги 9,2 проценти од испитаниците во анкетата.

Злоупотребата на личните податоци е причина која најмногу ги загрижува испитаниците при користење на интернет активности, одговор кој го дале нешто повеќе од половина или 51,6 проценти од испитаниците. Безбедноста при онлајн плаќање и неможноста за физичка проверка на производите се исто така важни фактори кои предизвикуваат загриженост кај приближно 47 проценти од испитаниците.

Три најважни активности кои испитаниците ги преземаат за заштита на приватноста при користење на интернет се инсталација на антивирус (39,2 проценти), посета само на познати веб страни во кои имаат доверба (36,0 проценти) и користење само на личен компјутер (35,2 проценти).

Во поглед на практиките за поврзување на интернет на јавни места, половина од испитаниците се поврзуваат на мобилен hotspot од својот мобилен уред, како и на мрежа која е достапна и заштитена со лозинка, додека 13,4 проценти рекле дека никогаш не се поврзуваат на интернет на јавни места. Помладите испитаници, за разлика од повозрасните повеќе користат интернет на јавни места.
Приближно три четвртини или 71,9 проценти  се изјасниле дека преземаат мерки на безбедност при користење на нивните уреди.

Доколку се земат предвид сите испитаници, како што велат од АЕК, 57,3 проценти користат антивирусна програма. Најголем дел или 82,9 проценти од испитаниците ги ажурираат програмите, апликациите и оперативните системи на нивните уреди. Нешто повеќе од три четвртини, или 77,5 проценти  од испитаниците користат лозинка за пристап на уредите што ги користат. Кај најголем дел од испитаниците, лозинките се состојат од комбинација на букви, броеви и симболи, одговор кој го дале 79,3 проценти од нив.

Според истражувањето, околу 20 проценти од испитаниците не можат односно не знаат да препознаат сигурна лозинка, при што голем дел од нив се оние кои користат лични податоци како лозинка. Приближно половина од испитаниците ги помнат лозинките и не ги запишуваат, додека околу една третина ги запишува физички во тетратка или пак ги чува во компјутер или мобилен телефон. Една третина од испитаниците нема направено промена на лозинките во последните 12 месеци. Поголем дел или приближно две третини од испитаниците не користат дво факторска идентификација, и тоа најчесто поради тоа што не знаат што претставува таа.

Нешто повеќе од една третина од испитаниците чуваат безбедносна копија од важните податоци на надворешни уреди или cloud. Најголем дел од оние кои чуваат безбедносни копии, истото го прават поретко, од два до три пати месечно.

Приближно половина од испитаниците сметаат дека не се воопшто или пак не се доволно информирани за ризиците од сајбер криминалот. Главен извор на информирање во врска со кибер безбедност се интернетот и останатите медиуми. Околу 60 проценти од испитаниците се согласуваат дека нивните лични податоци не се безбедно чувани од страна на веб страниците, како и од јавните сервиси или институции.

Најкористени социјални мрежи или апликации се Facebook со 88,3 проценти и Viber со 88,6 проценти од испитаниците кои ги користат.

Интернет најмногу се употребува на мобилен уред (96,9 проценти) и компјутер (74,9 проценти), при што повозрасните испитаници и оние со понизок степен на образование, помалку употребуваат компјутер и останати уреди за пристапување на интернет како таблет и ТВ.

The post МАКЕДОНЦИТЕ НАЈМНОГУ МУАБЕТАТ НА ФЕЈСБУК И НА ВИБЕР Дури 88% од граѓаните ги користат, а половина од нив не знаат што е сајбер криминал appeared first on plusinfo.mk.

Ова, како што соопштија од владината прес-служба, го порача вицепремиерката задолжена за политики за добро владеење, Славица Грковска на денешниот Форум за дигитална безбедност на Западен Балкан, што се одржува во Талин Естонија.

– Имајќи ги на ум последните геополитички активности, агресијата врз Украина ја подигна потребата за заеднички активности и акции во областа на сајбер безбедноста. Неопходно е заедно и на меѓународен и на домашен план да создадеме сојузништво и координиран пристап во сајбер безбедноста, зашто тоа не е прашање кое е ограничено во границите на една држава, туку многу пошироко. Под притисок на моментот мора преземеме акции веднаш, континуирано да градиме систем кој ќе биде отпорен на сајбер напади, но не смееме да дозволиме тоа да влијае на квалитетот на тие акции – оцени вицепремиерката Грковска во своето обраќање на Панелот „Скок кон поотпорен сајбер простор“.

Таа нагласи дека сите мора да бидеме свесни за важноста на сајбер безбедноста, од аспект дека тоа не е трошок, туку инвестиција.

Вицепремиерката потенцираше дека извршната власт и носителите на одлуки мора да бидат гласни и да ги информираат граѓаните на што треба да обрнуваат внимание и да ја зголеми свесноста за потребата од имплементирање на активности за зголемување на сајбер безбедноста.

– Верувам дека дигиталната трансформација на општеството ќе влијае и на промена на свеста не само кај граѓаните, туку и на политичарите. Дигитализацијата ќе го промени начинот на живот кај сите нас. Затоа е важно да градиме сојузништва и на домашен и на меѓународен план и со јавниот и приватниот сектор, како и со граѓанското општество – додаде Грковска.

Во однос на процесите во Северна Македонија, вицепремиерката нагласи дека многу е важно да се направи стандардизација и оптимизација на процесите, за да се овозможи ефикасен и координиран пристап кој ќе даде брзи резултати.

На Форумот, како што се наведува, од земјава покрај вицепремиерката Грковска учествуваше и министерот за информатичко општество и администрација Адмирим Алити, естонскиот минист за претприемништво и информациска технологија Андрес Сут, како и повеќе експерти од областа од Западен Балкан и Европската Унија.

The post ШИРОКО СОЈУЗНИШТВО ЗА САЈБЕРБЕЗБЕДНОСТА Грковска вели само така ќе се обезбедат квалитетни дигитални услуги appeared first on plusinfo.mk.