СДСМ се повлекува од Комисијата за финансирање и буџет, соопшти денеска лидерот на партијата Венко Филипче.

Тој најави кривична пријава и интерпелација за претседателот на Собранието Африм Гаши бидејќи задолжил друг пратеник да ја води Комисијата со која претседателствува Сања Лукаревска од СДСМ.

– Нашата пратеничка група нема да учествува во ова брутално, секојдневно задолжување на земјата за огромни суми, стотици милиони евра, милијарди евра пари, кои не одат никаде, освен строго контролирано во партиските фирми преку тендерските постапки. Ние нема да учествуваме во комисиската расправа на оваа тема и целосно се повлекуваме од неа. Дополнително, сакам да укажам на уште еден скандал. Скандал кој не е нов и кој претседателот на Собранието веќе континуирано го спроведува, а тоа е дека, кршејќи го Деловникот, закажува состанок на Комисијата за финансирање и буџет, комисија што ја води нашата пратеничка Сања Лукаревска, и покрај тоа што таа е тука и не е отсутна, а Деловникот тоа не го дозволува. Кога пратеникот е тука, тој задолжува друг пратеник да ја води оваа комисија – рече Филипче на прес конференција.

Филипче рече дека вкупниот долг на земјава од 8,5 милијарди евра во 2024 година, сега е близу 11 милијарди евра.

The post СДСМ СЕ ПОВЛЕЧЕ ОД КОМИСИЈАТА ЗА ФИНАНСИРАЊЕ И БУЏЕТ Филипче најави кривична за Гаши бидејќи закажал седница без Лукаревска appeared first on plusinfo.mk.

За последните изјави на лидерот на ДУИ, Али Ахмети и најавите за протести, СДСМ оценува дека правото на протест е загарантирано и тука нема дилема, вели пратеничката од СДСМ Сања Лукаревска.

Сепак, додава таа, општа констатација и перцепција е дека откако ДУИ е во опозиција, слушаме за шатори пред Уставниот суд или имаме одредени изјави за можни немири, а  најнова е најавата за некакви протести, односно, дека ќе се приклучат на протестите на родителите на настраданите во Кочани.

– Ако е така, кога дојдоа родителите пред Собранието, тие ги повикуваа пратениците од опозицијата да се приклучат кон нив. ДИ имаат пратеничка група. Зошто не излегоа тогаш да дојдат и да го слушнат гласот и бесот и да сочувствуваат со нивната мака, туку мора отпосле да се даваат едни вакви изјави? ДУИ ако се смета за една проевропска партија, тогаш треба да ги сметаме за прагматични и мудри политичари – со вакви наративи и изјави мислам дека ќе останат длабоко во опозиција. Заслужуваат да останат длабоко во опозиција затоа што на овој народ му е доволно од пречките кои што ги имаме меѓу политичари од различни партии, а како капак на ова да слушаме дека ќе има протести затоа што некој смета дека веќе не е на власт и не може да ги влече конците како што беше претходно – рече Лукаревска во гостување на Канал 5.

Според неа, не може само СДСМ да ја плати цената на нивното однесување, а ДУИ да повикува на протести и дека ако излезат еднаш на улица, нема да се вратат назад. Пратеничката бара од надлежните институции да постапат соодветно за изјавите на Ахмети.

The post ПЛИТКИ ФИНТИ ИЛИ ПРЕСВРТ ВО СДСМ? Лукаревска вели дека ДУИ заслужува да биде „длабоко во опозиција“ appeared first on plusinfo.mk.

Заменик-претседателката на опозициската СДСМ, Сања Лукаревска, од 2017 година до 2024 година била директорка на Управата за јавни приходи (УЈП) со фалсификуван сертификат за познавање на англиски јазик добиен во соседна Бугарија, објави Радио Лидер.

Согласно законските одредби, за да бидете директор на УЈП треба да имате меѓународно признаен сертификат за познавање на англиски јазик не постар од 5 години, а Лукаревска навела дека поседува ФЦЕ (FCE) (Cambridge English: First) сертификат, но документот кој го доставила до Владата, како што пишува Радио Лидер, не кореспондира со изгледот на сертификатот кој се добива во Скопје.

Сертификатот на Лукаревска е издаден од Advance, извесен едукативен центар за јазици од Софија, Бугарија, на 31.01.2018 година и на него пишува дека таа била на тестирање за Cambridge English First B2 во овој едукативен центар. На документот со пенкало е напишан бројот на сертификат и нејзиниот личен број.

Во текот на вчерашниот ден, новинарите од Радио Лидер стапиле во контакт со заменичката на Венко Филипче, која во СМС порака ја запрашале за тоа дали можеби и таа има сертификат од Бугарија добиен од компанијата ЈУЛИА КО ЛТД и дали истиот е легален.

Лукаревска кратко одговорила:

„Мојот сертификат не е од компанијата Јулија КО ЛТД. Мојот сертификат е валиден сертификат“.

Сертификатите за познавање на англиски јазик станаа актуелна тема во земјава откако опозициската СДСМ обвини дека директорот на Агенцијата за национална безбедност, Бојан Христовски, поседува лажен сертификат набавен во Бугарија.

Како што објави Радио Лидер, од 2017 година во Македонија се употребени повеќе од 300 фалсификувани сертификати за познавање на англиски јазик претежно на функционери од СДСМ.

Вчера премиерот Мицкоски на лидерот на опозицијата Венко Филипче му достави сертификати на функционери од СДСМ за кои тврди дека се фалсификат.

The post 📷 ЛУКАРЕВСКА СТАНАЛА ДИРЕКТОРКА НА УЈП СО ФАЛСИФИКУВАН СЕРТИФИКАТ? Радио Лидер го објави документот што заменичката на Филипче го доставила до Владата appeared first on plusinfo.mk.

За денеска во 10 часот е закажана седницата на собраниската Комисија за финансирање и буџет на која треба да се разгледа Предлог-законот за заем од половина милијарда евра од унгарската влада, кој се носи по скратена постапка.

Седницата ја закажа претседателот на Собранието Африм Гаши откако беше објавено дека претседателката на Комисијата Сања Лукаревска нема да закаже седница бидејќи законот се носи по скратена постапка.

Со денешната седница треба да претседава пратеникот од ВМРО-ДПМНЕ Бојан Стојановски.

СДСМ вчера побараа да се повлече законот и тој да се носи во редовна постапка, како и да се организира дебата со вклучување на експертската јавност. Предлог законот, како што изјави вчера лидерот на СДСМ Венко Филипче, е коруптивен и земјата се става во должничко и политичко заложништво кон Унгарија.

Според премиерот Христијан Мицкоски, се работи за законско решение со кое ќе се обезбедат средства што ќе се наменат за стопанството и за општините. На прес-конференција во средата, Мицкоски рече дека во законското решение е содржано сето она што претходно било кажано за заемот, односно дека заемот ќе биде со каматна стапка од 3,25 проценти, три години грејс период и 12 години рок на отплата.

Предлог законот за заемот од Унгарија на 3 септември помина на владина седница.

Откако законот ќе помине во Собрание, министерката за финансии Гордана Димитриеска – Кочоска ќе отпатува во Унгарија, каде треба да го потпише договорот.

Заемот од Унгарија беше договорен за време на посетата на премиерот Мицкоски на Вашингтон, каде се сретна со унгарскиот премиер Виктор Орбан.

The post ШТОМ НЕ САКА ЛУКАРЕВСКА, МОЖЕ И ГАШИ Спикерот ја закажа седницата на Комисијата за финансирање и буџет за унгарскиот кредит appeared first on plusinfo.mk.

Ова е поради одлуката на екс директорката Лукаревска за групно откажување на договорите за вработувања и склучувањето на нови договори во изборен период за повисоки плати.

„Постапувајќи по предмет оформен по пријава со наводи за прекршување на законските одредби во изборен процес во Управата за јавни приходи, со донесување на решенија за распоредување на вработени и склучени нови договори за вработување за 978 вработени во Управата за јавни приходи“, наведуваат во пријавата од ДКСК.

Државниот инспекторат за труд кој донесе одлука за поништување на договорите на 129 вработените во УЈП, кои биле потпишани врз основа на нерегуларни правилници за работа.

Со ова буџетот на УЈП бил оштетен за околу 292 илјади евра.

Поранешната директорка Сања Лукаревска реагираше дека вработените во УЈП морале да добијат нови договори според измените на Законот за УЈП и дека целиот процес се водел со посебна работна група.

Таа додава дека со тоа што вработените ги префрлиле во даночни службеници решиле „голем проблем“ во УЈП и доколку не го направеле тоа во законски рок, вработените можеле да тужат, а таа кривично да одговара ако не постапила според Законот за УЈП.

– Одлуката согласно Законот за УЈП, се донесе на 12 февруари кога ја потпиша тогашниот министер за информатичко општество и јавна администрација. Ние сме многу обемна институција и во самата одлука беше наведено дека во рок од еден месец ќе ги поделиме новите договори за вработување на сите службеници – вели Лукаревска.

Актуелната директорка на УЈП, Елена Петрова предупреди дека по одлуката на Трудовиот инспекторат овие вработени ќе треба да ги вратат парите, и додаде дека се бара „најбезболно решение“.

– ДИТ на записник констатира незаконитости на колективната одлука за прекинување на старите договори за вработување со кои претходната директорка ги откажала договорите за вработување на сите вработени во УЈП, а воедно им наредила да продолжат со работат до склучувањето на нови договори според новите интерни правилници, поради што ДИТ донесе Решение со кое наложи на УЈП да ја поништи незаконитата Одлука. Од друга страна, ДКСК констатира повреда на изборниот процес. Во моментов, јас сум соочена и треба да ја извршам наредбата на трудовиот инспекторат со која ми се наложува поништувањето на Одлуката, што практично значи поништување и на сите нејзини правни последици, односно тоа значи дека ќе се поништат договорите со вработените склучени по распишување на изборите, што има свое влијание и врз платите исплатени на определени вработени кои добиле повисоки плата со промена на нивниот статус – рече директорката на УЈП, Елена Петрова.

The post АНТИКОРУПЦИСКА БАРА КРИВИЧНО ГОНЕЊЕ НА ЛУКАРЕВСКА Поранешната директорка на УЈП тврди дека работела според законот appeared first on plusinfo.mk.

Вкупно 129 вработени во Управата за јавни приходи (УЈП) кои биле унапредени и добиле зголемени плати со незаконска одлука и акти на поранешната директорка Сања Лукаревска донесени во изборен процес и на ден пред заминување од функцијата, ќе треба да ја вратат разликата во платите од почетокот на годината до сега, бидејќи ќе треба да бидат вратени на позициите на кои биле пред одлуката. Финансиската штета од тоа изнесува околу 18 милиони денари.

Овие вработени биле административни службеници, но во текот на изборниот процес потпишале незаконски договори со кои станале даночни службеници. Одлуката и актите за потпишувањето на договорите била колективна и незаконска, констатирал Државниот инспекторат за труд (ДИТ) кој извршил проверки откако е назначена новата директорка на УЈП Елена Петрова.

ДИТ поради тоа и наложил на Петрова да ги поништи овие договори што предизвикало хаос во УЈП и ги довело  вработените независна положба.

Петрова, како што рече денеска  бара решение на проблемот заедно со синдикатите кое ќе биде законско и без големи последици врз вработените.

– Бараме најсоодветно решение со синдикатите, а една од опциите е потпишување нов колективен договор или анекс на веќе постојниот – рече таа.

Како што објасни Петрова, претходната директорка ги откажала договорите за вработување на сите вработени во УЈП, а воедно им наредила да продолжат со работат до склучувањето на нови договори според новите интерни правилници.

–  ДИТ донесе Решение со кое наложи на УЈП да ја поништи незаконитата Одлука. Од друга страна, ДКСК констатира повреда на изборниот процес. Во моментов, јас сум соочена и треба да ја извршам наредбата на трудовиот инспекторат со која ми се наложува поништувањето на Одлуката, што практично значи поништување и на сите нејзини правни последици, односно тоа значи дека ќе се поништат договорите со вработените склучени по распишување на изборите, што има свое влијание и врз платите исплатени на определени вработени кои добиле повисоки плата со промена на нивниот статус – појасни Петрова.

Таа вели дека состојбата се искомлицирала поради тоа што одлуките се донесени во изборен период, бидејќи се доцнело со донесувањето на актите во УЈП со кои требало да се применат измените на законот за Управата за јавни приходи.

– Оваа ситуација можела и да се избегне доколку сите овие секако задоцнети процеси се спроведувале во законскиот рок. Имено, согласно измените на ЗУЈП, актите на УЈП требало да бидат донесени во законски рок до 3 ноември 2023 година, а се донесени со задоцнување на 9 февруари оваа година, во пресрет на изборниот период. Согласноста од Министерството за информатичко општество и администрација за овие правилници била издадена врз основа своевидна „манипулација” и вметнување на работни места во правилниците за кои немало намера да бидат пополнети и не се пополнети. Уште повеќе, согласноста е издадена истиот ден 9 февруари кога министерот, кој ја потпишал, бил разрешен, што е морален и политички хазард. Ова фрла црна „дамка” на целиот процес – вели Петова.

Таа обвини дека претходното раководство лошо управувало со Управата.

– Целиот процес на усогласување на сите вработени во УЈП по статус и плата ја изгуби својата смисла и добра намера, токму заради лошото управување, ненавремено постапување надвор од законските рокови, а потоа непромислено и избрзано постапување, формални и правни неправилности и незаконитости – вели Петрова.

The post ВРАБОТЕНИ ВО УЈП ЌЕ ГИ ВРАЌААТ ПАРИТЕ, НЕЗАКОНСКИ ИМ БИЛЕ ЗГОЛЕМЕНИ ПЛАТИТЕ Одлуката за покачување била донесена во време на избори appeared first on plusinfo.mk.

Како може да се планира понизок на раст на економијата кога се најавуваат по 250 милиони евра од унгарскиот кредит од 500 милиони евра кои ќе им се дадат на компаниите и на општините кои ќе инвестираат. Освен тоа, со овој ребаланс се предвидуваат уште 100 милиони евра за локални инфраструктурни проекти. И како нема пари за повисоки плати на работниците?

Ова го праша на денешната прес-конференција Сања Лукаревска пратеничка од опозициската СДСМ коментирајќи го она што вчера го кажа за ребалансот на буџетот министерката за финансии Гордана Димитриеска Кочоска.

-Ако овие пари не влијаат на растот на економијата тогаш  каде ќе се потрошат, ако не за инвестиции на компаниите како што најави премиерот Христијан Мицкоски? Но, со ребалансот се иабришани парите за субвенционирање на инвестициите на стопанството, а тоа ќе значи дека и оние компании кои се охрабрија да инвестираат да се прашаат дали да продолжат со инвестирање.Но, тоа значи дека ВМРО -ДПМНЕ се плаши дека економијата годинава нема да забележи раст со нивните буџетски политики со кои само се прави хаос и се создава зависност од кредитирање – рече таа.

Таа праша сошто министерката за финансии вчера не ја кажа бројката на ревидираниот раст.

Лукаревска најави посебна реакција на СДСМ по анализирање ребалансот на буџетот за 2024 година кога ќе стигне во собранието, рече дека за еден месец новата влада на ВМРО-ДПМНЕ успеала да сруши стабилни економски политики коишто СДСМ ги градела во услови на економска и ковидкриза.

– Со буџетот се предвидува буџетски дефицит од неверојатни 4,9% и покачување на јавниот долгот на 68%. Само овие две бројки потврдуваат дека ВМРО-ДПМНЕ има намера да ја води државата во амбис. Уште со првиот ребаланс, ВМРО-ДПМНЕ го руши она што макотрпно го градевме во соработка со меѓународните финансиски институции, а тоа е стабилен и одржлив финансиски систем – рече Лукаревска.

Според неа, ВМРО-ДПМНЕ со вака планираниот ребаланс ан буџетот, само ќе го наруши кредитниот рејтинг на државата.

– СДСМ успеа да го намали буџетскиот дефицит на 3,6% и да го намали јавниот долг до 55%. Сега ВМРО-ДПМНЕ го покачува дефицитот за цели 36%, а јавниот долг на ризични 68%. Овој процент на јавен долг е спротивен на Мастришките декларации и сериозно ќе го наруши кредитниот и финансискиот рејтинг на земјата-рече Лукаревска.

Лукаревска рече дека Димитриеска-Кочоска вчера кажала само манипулации и лаги дека буџетот е празен, економијата е мртва, а за плати на работниците нема пари.

– За сите ставки во буџетот се обезбедени пари. Единствено не се ставени парите за зголемување на платите на вработените во администрацијата бидејќи пред избори не сакавме тоа да се протолкува како поткуп на гласачите. Но во првите 100 дена од владата на СДСМ ќе имаше зголемување на платите – рече Лукаревска.

Според Лукаревска, манипулација е дека душмански се трошело и недостасуваат 500 милиони евра во Буџетот.

– До моментот на изборите ако се погледне на Отворени финансии портал кој го отвори владата на СДСМ, има обезбедено пари за сите трошоци. Ниту е точно дека немало пари, ниту дека се трошело ненаменски – рече Лукаревска.

Таа рече дека ВМРО-ДПМНЕ не планира да ги зголеми платите на работниците ниту да ја зголеми минималната плата и да ги почитува колективните договори, бидејќи овие активности го одлага иако за тоа веќе се планирани пари.

– Рече дека немало пари во буџетот, но дека „и покрај тешката состојба они ќе обезбеделе плати“. Замислете, ВМРО-ДПМНЕ им ветува на луѓето дека загарантираната плата, која никогаш во последните седум години не била доведена до прашање, тие ќе има ја обезбеделе. Какво потценување и манипулирање.Со ова им се кажува на работниците да се помират дека нема да има покачување на платите и нема да се почитуваат колективните договори – рече Лукаревска.

Лукаревска рече дека има пари за плати во Пошта и во Железници.

The post СО 4,9% ДЕФИЦИТ И 68% ЈАВЕН ДОЛГ ВО БДП ОДИМЕ ВО БЕЗДНА Лукаревска праша каде ќе се изгубат парите од унгарскиот кредит, ако се намалува растот? appeared first on plusinfo.mk.

Заменик-претседателот на СДСМ, Сања Лукаревска денеска истакна дека одложениот отчетен Конгрес на партијата, кој вчера почна па се одложи, треба да биде завршен до 30 јуни, односно пред внатрепартиските избори за нов претседател.

– Сметам дека треба да имаме продолжување за многу брзо време. Има посебна работна група која работи на отчетниот конгрес. Таму покрај извештајот, имаме многу други точки на дневен ред за дискутирање. Само едно на крајот можам да кажам – Конгресот на СДСМ е демократско начело и таму секој делегат може да каже што мисли и се надевам дека таму ќе има помалку критизери, а повеќе добронамерни критичари – рече Лукаревска во „Студио 10“ на ТВ24.

На прашањето дали вчерашниот конгрес на СДСМ е прекинат поради немање кворум оти не дошле претставниците од општинските клубови, Лукаревска нагласи дека за да стигнат до тоа дали имало кворум на Конгресот или не, требало да заседава верификационата комисија. Таа посочи дека тие не стигнале до таа точка од Конгресот.

Таа потенцира дека е вообичаено прво да се обрати претседателот на партијата што досегашниот претседател Димитар Ковачевски и го сторил. На коментарот на еден од кандидатите за претседател на партијата Јован Деспотовски, дека е преседан да се прекине конгрес и дека никогаш досега тоа не се случило, Лукаревска вели дека секогаш имало делегати кои не доаѓале на Конгресот, но според неа, тоа не е причината за прекинувањето.

– Извештајот вели дека нашата грешка е пренагласеноста на некои наши стратегии и визии. Секоја изборна единица има различна теза и политика која е приоритет, а ние бевме насочени кон тези кои не беа вистинскиот наратив за тие гласачи. Ние недоволно се обраќавме на неопределените. Ние не излегувавме во пресрет на одредени интереси на членството, како и нашата недостапност и ароганција – рече Лукаревска.

Вчерашниот 29. Конгрес на СДСМ беше прекинат откако раководствата на општинските организации побарале дополнително време за подготовка на извештаите за парламентарните и претседателските избори. Од партијата посочија дека Конгресот на СДСМ ќе продолжи откако општинските организации ќе се произнесат за Извештајот за претседателските и парламентарните избори, а терминот дополнително ќе биде утврден.

Во определениот период за кандидирање за претседател на СДСМ од 31 мај до 6 јуни, кандидатури за претседател на партијата поднесоа поранешната министерка за одбрана Славјанка Петровска, поранешниот министер за здравство Венко Филипче, директорот на ТИРЗ Јован Деспотовски и актуелниот заменик-министер за информатичко општество и администрација во техничката влада, Александар Бајдевски.

Вонредните внатрепартиски избори за нов претседател на СДСМ ќе се одржат на 30 јуни.

The post БЕВМЕ НЕДОСТАПНИ, АРОГАНТНИ И НЕ СЕ ОБРАЌАВМЕ НА НЕОПРЕДЕЛЕНИТЕ Лукаревска вели дека Конгресот мора да заврши до 30 јуни appeared first on plusinfo.mk.

Откако неколку членови и партиски функционери во СДСМ си поднесоа оставки, доцна синоќа својата оставка ја даде и потпретседателката на СДСМ, Сања Лукаревска.

По тешкиот пораз на двојните избори, дел од раководството на СДСМ си поднесоа оставки. Први беа потпретседателите Фатмир Битиќи и Перо Костадинов, следна беше Јованка Тренчевска која замина од чело на Форумот на жени на СДСМ, а кон крајот на денот на Фејсбук се огласи и Сања Лукаревска.

– Почитувани граѓани, почитувани мои социјалдемократи. Изборните резултати ја искушуваат нашата искреност како политичари и искреноста на нашите зборови дека сме ја разбрале вашата порака. СДСМ секогаш бил достоинствен и заради зрелоста на неговите раководства да се соочат со поразот и со одговорноста. Јас не сакам да бидам исклучок. Благодарам за укажаната доверба да бидам заменик претседател на СДСМ. И таа должност ја извршував со почит, совесно, одговорно и чесно. Секако, со поддршка од сопартијците и незаменливата потпора од моите родители. Благодарам е најмалку што можам да им речам. Горда сум што 8 мај беше празничен ден за демократијата. Тоа беше и суштината на борбата на СДСМ за ослободување од „заробената“ држава. Воедно, им благодарам на сите граѓани за секој глас за СДСМ, особено во третата изборна единица. Вредна за внимание е и пораката од оние кои не излегоа на гласање, како и на оние кои гласаа против. На ред е нашата внатрепартиска средба со вистината. На отчетниот Конгрес на СДСМ неминовна e отворена, искрена и самокритична анализа на нашите погрешни чекори, на лошите кадровски решенија како и за нашата немост за успешните политики кои ги спроведовме во исклучително тешки услови предизвикани од светските кризи. Го презедовме товарот и на тешките политички одлуки. Но, тоа е СДСМ на кого државата, нејзината стабилност и иднина секогаш му биле пред сė и над сė. Така било. Така мора и да остане. На Македонија и е потребен СДСМ. Што побргу заедно ја консолидираме партијата толку побргу ќе можеме да кажеме – тука сме. Јас верувам во СДСМ, а уште повеќе во неговата сила да се реформира, да се обедини и да се подготви. Честитки на победникот и на сите 120 пратеници.
Во искреното соочување со причините за изборниот пораз е нашата прва победа. Тоа е најмалку што им го должиме на сопартијците, на симпатизерите и поддржувачите на СДСМ, но и на демократска Македонија – пишува Лукаревска на Фејсбук.

The post УШТЕ ЕДНА ОСТАВКА ПО ПОРАЗОТ Лукаревска заминува од потпретседателското место во СДСМ appeared first on plusinfo.mk.

СДСМ треба да ги направи анализите за да може да продолжи понатаму, а раководството треба да си понесе одговорност истакна заменик претседателката на СДСМ,  Сања Лукаревска, сумирајќи ги сè уште некомплетните, но според досега преброените гласови, очигледно поразителните резултати за партијата на претседателските и на парламентарните избори.

The post ЛУКАРЕВСКА ГО ПРИЗНА ПОРАЗОТ Раководството на СДСМ треба да си понесе одговорност  appeared first on plusinfo.mk.