„Во Фероинвест инвеститорите на едно место добиваат сѐ и не мора да одат по различни правни субјекти за да им изработат различни фази од проектот. Сите потребни услуги кај нас се под еден покрив, во една  зграда – од идеја и желба на инвеститорот, преку сите потребни нацрти, изградба на електраната, откуп преку нашата фирма РЕС на електричната енергија која таа електрана ја произведува, како и нејзино одржување и мониторинг на долг рок“, нагласи Горан Анѓушев.

Анѓушев информираше дека Фероинвест главно гради поголеми фотоволтаични електрани на земја, чии сопственици инвестираат во нив со цел производената електрична енергија да ја продаваат, како и електрани на покриви, пред сѐ на фабрички хали, кои на тој начин обезбедуваат електрична енергија за потребите на својот производен процес.

Во моментот Фероинвест гради околу 50 фотоволтаични електрани, со инсталирана моќност од околу 80 мегавати, од кои дел се во сопственост на компанијата, а дел се за други клиенти.

The post ФЕРОИНВЕСТ ПРОЕКТИРА И ГРАДИ ФОТОВОЛТАИЦИ И ЈА ОТКУПУВА ПРОИЗВЕДЕНАТА СТРУЈА На едно место инвеститорите добиваат сѐ што им треба, објаснува Горан Анѓушев appeared first on plusinfo.mk.