Влијателниот германски медиум „Die Tagespost“ ги користи тезите на македонската претседателка Гордана Сиљановска-Давкова за позицијата на ЕУ и чекорите што треба да се преземат од Брисел.

Југоисточна Европа не смее да стане зона каде што надворешни сили ќе ја тестираат својата моќ, предупредува Силјановска-Давкова која е цитирана во анализата на овој германски весник од 8 октомври 2026 година.

Таа нагласува дека Западен Балкан останува „Ахиловата пета“ на Европската Унија, укажувајќи на сè посилното руско и кинеско влијание во регионот.

Сиљановска-Давкова остро ги критикува двојните аршини на Брисел кон земјите кандидати, потсетувајќи дека Македонија мораше да го смени името и Уставот, при што „секој компромис беше претставен како уцена“.

Иако ја карактеризира Европа како „суперсила во однос на животниот стил“, таа алармира дека Унијата мора да дејствува порешително за да го спречи геополитичкиот вакуум на Балканот.

Илустрирана со фотографија на македонската претседателка заедно со францускиот претседател Емануел Макрон и неговата сопруга Брижит, статијата на авторот Штефан Бајер со наслов „Старечки глобален играч“ се фокусира на драматичниот демографски пад на Европа.

Според анализата, Европската Унија, која денес брои околу 452 милиони жители, веќе од 2029 година ќе влезе во фаза на постојано намалување на населението, што директно ја загрозува нејзината глобална моќ.

Германскиот весник заклучува дека комбинацијата од демографското изумирање на Стариот континент и неодлучноста на ЕУ на Балканот отвора широк простор за стратешко позиционирање на Русија и Кина, што сериозно ја турка Европа кон геополитичка безначајност.

Преходно националната австриска Телевизија ОРФ објави репортажа за пораките од Сиљановска-Давкова,

Во продолжение е целиот текст на „Die Tagespost“.

„Стареечки глобален играч“

Помалку жители, повеќе проблеми: Дали остарената Европа тоне во геополитичка безначајност?

Во една смисла Европа е во секој случај предводник на трендовите: Нејзиното население се намалува порано и побрзо отколку во остатокот од светот. Европската Унија денес има 452 милиони жители, а во 2029 година нејзиното население ќе престане да расте, па дури и ќе почне брзо да се намалува. Европа е „предводник во стареењето“, вели Себастијан Клисер, истражувачки директор на Федералниот институт за истражување на населението во Висбаден.

– Ние старееме и стануваме сè помалку, но не изумраме – вели Клисер.

Демографски најмладиот континент е Африка, каде што моментално 96 проценти од жителите се помлади од 65 години, но и тука и во Латинска Америка експертите на Обединетите нации очекуваат процес на стареење во втората половина на векот. Особено брзо ќе старее Источна Азија, каде што според прогнозите во 2100 година 56 проценти од населението ќе биде помладо од 65 години.

На „Салцбург Европа самитот“ на Институтот за регионите на Европа (ИРЕ) Клисер рече: „Во Кина владата знае дека мора да ги зголеми стапките на наталитет. Европа пак до крајот на векот ќе има 20 проценти помалку жители, иако со висока животна возраст“.

На стареењето во Европа придонесоа и постојано зголемуваната животна возраст, како и падот на наталитетот од средината на 1960-тите години. Сега многу европски земји се соочуваат со драматични предизвици поради пензионирањето на големата генерација на бејби-бумерите.

Спротивен тренд се забележува кај миграцијата: Додека во Западна и Средна Европа доаѓаат млади луѓе во голем број, Источна и Југоисточна Европа страдаат од не помалку драматичен одлив на своето работоспособно население.

– Растот на населението од минатите години дојде речиси исклучиво од миграцијата – рече Штефан Марик-Лебек од „Статистик Аустрија“.

Но, следните 15 години, сè до 2040 година, населението ќе се намали, што ќе доведе до тешки промени. „Ако се промени структурата на населението, ќе мора да се приспособат и социјалните инструменти за сигурност.“ Без да се зголеми фактичката возраст за пензионирање или да се намалат пензиите и надоместоците – нешто што научниците трезвено го образложуваат, но политичарите речиси воопшто не се осмелуваат да го спроведат.

Така смета Ерих Штрисиг од Институтот за демографија на Универзитетот во Виена. Тој зад себе ги остава прашањата дали, со оглед на зголемената автоматизација, воопшто е потребно постојано население за одбранбената способност на една земја. Економската отпорност, според него, може да се зајакне и на други начини, имено преку зголемување на женската вработеност, повисока возраст за пензионирање и миграција. Провокативно тој вели: Ако сега се раѓаат повеќе деца, тие најпрвин 25 години само ќе бидат трошок за општеството. Политички опортуно е да се пласираат такви гледишта барем од крајната левица во Австрија.

Дали една остарена Европа може да го зачува својот просперитет и својата социјална држава, иако истовремено треба да се натпреварува во еден опасен свет што станува сè поопасен – тоа беше во центарот на конгресот на ИРЕ минатата недела.

– Европа, иако не е суперсила, барем е „суперсила во однос на животниот стил – рече македонската претседателка Гордана Сиљановска-Давкова.

Соочена со опаѓачката улога на САД за безбедноста на Европа, но и со оглед на поларизацијата и предизвиците од држави што застапуваат други вредности, ЕУ мора да се стреми кон стратешка автономија.

– Премногу фактори на нашата безбедност се наоѓаат надвор од нашата контрола – рече претседателката на Македонија.

Таа додава: „Ако ЕУ сака да биде политичка унија, не смее да го остави Западен Балкан да седи во чекална“.

Дека претседателката на Европската комисија Урсула фон дер Лајен во нејзиниот најнов „Говор за состојбата на Европа“ ѝ понуди на Канада асоцијативно членство – кое воопшто не постои во договорите на ЕУ – а на Молдавија и Украина им вети иднина во ЕУ, но не кажа ниту збор за кандидатите за членство во ЕУ, беше примено многу лошо во Југоисточна Европа.

– Тука лежи Ахиловата пета на ЕУ – рече Сиљановска-Давкова и се пожали дека при проширувањето се мери со двоен аршин. Македонија мораше да го смени својот Устав, своето знаме и своето име, но „секој компромис беше претставен како уцена“. Не е чудно што македонската претседателка, со поглед на европско-канадското додворување, предупредува: „Пред Европа да се прошири преку Атлантикот, мора да го затвори вакуумот во сопствениот двор“.

Инаку, Југоисточна Европа би станала зона на спротивставени интереси, „каде што надворешните сили и понатаму ќе ја тестираат својата сила“ – што е јасна алузија на руското и кинеското присуство на Балканот.

Од болно искуство предупреди вицепремиерката на Република Молдавија, Кристина Герасимов, дека Русија не го почитува ниту идентитетот, ниту суверенитетот, ниту територијалниот интегритет на своите соседи. Молдавија мора трајно да се брани од руски обиди за влијание и хибридни напади. Владимир Путин не ги има на нишан само Грузија, Украина и Молдавија, туку „затоа, да ја ослаби Европа“. Проширувањето на ЕУ затоа е геополитичка нужност за многумина во Брисел. Сепак, во Југоисточна Европа (во ЕУ-жаргон „Западен Балкан“) сакаат земјите како Македонија и Црна Гора да бидат примени не од геополитички причини, туку затоа што ги спроведуваат договорените реформи и ги исполнуваат критериумите за членство.

The post „DIE TAGESPOST“ ЈА ЦИТИРА МАКЕДОНСКАТА ПРЕТСЕДАТЕЛКА Пред да се прошири преку Атлантикот, ЕУ мора да го затвори вакуумот во сопствениот двор appeared first on plusinfo.mk.

Ако некогаш некој се посомневал на моите осумгодишни пишувања дека во анти-рударската кампања преку креирање лажни вести има руско влијание преку самопрогласени еко активисти, медиумски играчи и политичари тоа пред краток период го демантираше сомнежот, а ја потврди мојата анализа, еден воено безбедносен аналитичар. Го цитирам неговиот став од интервју дадено за медиум:

– Најпрво креирањето на лажни вести влегува во делот на кампусот на хибридни операции. Креирањето на една лажна вест секогаш има најмалку една цел, а тоа е да креираат перцепција која е надвор од вистината, затоа и во основа е лажна, а втората цел и може побитна е, таа дезинформација да создаде забуна, а притоа да искреира психоза на паника и страв. Од овие две цели кај личноста почнува да се раѓа недоверба и сомнеж во институциите – вели во разговор за „Локално“, политикологот и воено-безбедносен аналитичар, Милан Стефановски откако беше соопштено дека македонските безбедносни служби, во координација со МВР и Обвинителството, истражуваат мрежа од интернет-портали и лица за кои Агенцијата за национална безбедност тврди дека се дел од пропаганден апарат што дејствува во корист на руски интереси.

„Според Стефановски, во оваа смисла е многу важно што АНБ ги елиминира од општеството овие поединци или групи, бидејќи нереалните информации ја поткопуват довербата во државните институции. Посочува дека по дефиниција овие пропагандисти немаат личен мотив, туку зад нив како нарачател често стои странски разузнавачки центар кој има мотив да ги заслабне државните институции кои уживаат доверба.“

Затоа би сакал да направам кратка хронологија во неколку колумни за учесниците во анти-рударската кампања со руско влијание.

Како прво, политичка партија која во јавноста се претставува како еколошка, при обезбдувањето на 80 пратеници за промена на уставното име на Македонија од страна на тогашниот премиер г-динот Зоран Заев јасно го уценија дека соодветни металургиски постапки за екстракција на злато и на бакар од било кој друг рудник освен од постоечките е најстрого забрането согласно Законот за минерални суровини.

Со овој потег пред сѐ, уценувачите на Заев сакале да постигнат дека сите нови инвестиции во рударството кои се бројат во милијарди евра стануваат неисплатливи. И во исто време го става на пиедестал рудникот за бакар и злато во близината на Радовиш, кој е во сопственост на руски капитал.

Но, не е така. Бидејќи во Македонија рударството постои со илјадници години и Македонија поседува научници за екстрактивна и преработувачка металургија внатре во државата, но и професори кои се високо рангирани на универзитети во држави каде металургијата на скапоцени, благородни и критични метали(бакар и злато) е една од основните економски гранки.

Ова се вика политичка уцена за сопствени интереси каде лукративноста и мирисот на нелегално стекнато богатство е многу важно.

Продолжувам со цитат од споменатиот воено-безбедносен аналитичар:

„Но, колку и да се сите најстројни дезинформациите и мрежата која функционирала со дадената цел, патот на државата е јасен и недвосмислен и вакви операции се осудени на неуспех. Зошто? Затоа што државата има силни институции која е одраз на волјата на народот во политичка смисла, а исто така има професионални институции кои очигледно си ја вршат работата на високо ниво во институционална смисла. Кога државата има јасна цел и надворешна политика комплетно усогласена од НАТО, САД и ЕУ, овие обиди не можат да ја изместат таа оска, истакнува Стефановски.“

Ова е најважниот дел на кој Македонија (МВР-Организиран криминал, АНБ и Јавното Обвинителство) мора да одговори на следниве лажни вести кои се креирани за политички потреби уште во 2015 година, а кулминацијата на самопрогласените еко активисти укажува дека се регистрирале како здруженија на граѓани во 2017 година непосредно пред локалните избори.

Второ, кој сака да го спречи влегувањето на една фирма со промет од 245 милијарди евра годишно во последните 10 години, која работи низ целиот свет, каде се вклучени самопрогласени еко активисти кои не манипулираат, туку најбрутално лажат за процеси кои дигнале паника кај населението, а за истите немаат елементарни познавања:

Ќе имало низ целата Струмичка котлина пет сантиметри прашина врз обработливото земјоделско подрачје и со тоа ќе го загаделе целиот производ и ќе ги оболеле граѓаните.

Одговори на оваа монструозна лага.

Нема таков металург кој ќе дозволи да му избега прашината во процесот на дробење и мелење на рудата од предвиденото подрачје што нормално е во рамките на самиот геолошко-рударско-металургиски комплекс, зошто металот е во прашината.

Ако се прави најобична математичка пресметка на должина и на ширина на самото струмичко поле кое е од Општина Василево до Општина Ново Село ниту во најлудите фантазии тоа не може да биде возможно.

Но, на еко активистите кои се за Струмичката котлина како земјоделско земјиште не им пречи што има руски рудник на неколку километри од Општина Василево.

Ниту пак им пречи на еко активистите што токму рускиот рудник кој со ветар во грб од измената на употреба на металургиски процеси каде само тој може да функционира, се замисли дека може да ги купи сите останати неотворени рудници со поддршка од еко активистите, медиумските играчи и политички партии.

Во следната колумна јавно ќе го обелоденам предлогот за купување на рудникот Иловица –Штука од страна на руската рударска компанија од Радовиш. Ќе биде преведен и на македонски јазик од официјален преведувач.

Затоа. Апсолутна поддршка на МВР-Организиран криминал, АНБ и Јавното Обвинителство за расчистување кој е соучесник од Македонија за да ги загрозиме нашите стратешки интереси во кои влегуваат следниве држави и сојузи, ЕУ, НАТО, САД и Комонвелт.

Продолжуваме.

П.С. Во следната колумна освен договорот исто така ќе дадам свое мислење што е тоа што ја плашеше руската рударска компанија од Радовиш. Конкуренцијата е здрава работа.

The post Руска анти-рударска пропаганда appeared first on plusinfo.mk.

Американскиот претседател Доналд Трамп објави монтирана видео-снимка направена со вештачка интелигенција на која се гледа како агенти на ФБИ го апсат поранешниот американски претседател Барак Обама во Овалната соба, додека Трамп задоволно се смее.

Објавата на снимката доаѓа во време кога директорката на Националната разузнавачка служба на САД, Талси Габард, најави кривична пријава против Обама, истакнувајќи дека располага со докази дека администрацијата на Обама во 2016 година фабрикувала докази за руско мешање на изборите на кои победи Трамп.

– Имаме докази за кривично гонење на одговорните – изјави Габард за телевизијата „Фокс њуз“, најавувајќи дека следната недела ќе бидат објавени нови документи поврзани со наводна координација за преувеличување на руската вмешаност во тогашната претседателска трка.

Donald J. Trump Truth Social 07.20.25 06:47 PM EST pic.twitter.com/Xf5LYzkZiI

— Fan Donald J. Trump Posts From Truth Social (@TrumpDailyPosts) July 20, 2025

Некои американски медиуми како Индепендент и Дејли Бист коментираа дека Трамп се обидува да го сврти вниманието на јавноста од скандалот поврзан со бизнисменот и педофил Џефри Епштајн. Јавноста во САД, вклучително и дел од поддржувачите на Трамп и пратеници од Републиканците побараа објавување на дополнителни докуметтни шпекулациите дека Трамп е вмешан.

„Министерството за правда и ФБИ демантираат дека постои некаков таен список со клиенти на Епштајн кој би ги инкриминирал Трамп или други политичари“, соопштија официјално институциите.

Во меѓувреме, снимката која ја објави Трамп со Обама веќе наголемо се споделува на социјалните мрежи. На снимката е прикажано и како Обама во портокалова затворска облека држи натпис „Никој не е над законот“.

Трамп го освои својот прв претседателски мандат против Хилари Клинтон на изборите во 2016 година. Истата година започнала истрага на ФИ за наводните врски на штабот на Трамп со Русија. Подоцна, случајот како независна истрага го водеше специјалниот обвинител Џон Дарем.

Според најновата изјава на Талси Габард, со јавноста во САД наскоро ќе добие појасна слика за улогата на тогашната влада на Обама во иницирањето на истрагата за Трамп.

The post 📽️ ТРАМП СО СНИМКА ГО НАЈАВИ ОБВИНЕНИЕТО ЗА ОБАМА Екс-шефот на САД фабрикувал факти за изборите во 2016 година? appeared first on plusinfo.mk.

„Исти обвинувања и ширење дезинформации слушаме секојдневно од ВМРО-ДПМНЕ и нејзините деривати. Свесни за длабокиот пораз од Демократската унија за интеграција, коалицијата ‘ДА за Европа, НЕ за Русија’ се сомнева дека коалицијата составена од деривати на ДУИ веќе го подготвила сценариото во служба на ВМРО-ДПМНЕ и Левица за да не го прифатат изборниот резултат и со тоа да предизвикаат дестабилизација и конфузија во јавноста, во служба на Русија. Во оваа насока беа и претходните изјави дека ‘опозицијата ќе ги бојкотира изборите’, за денеска да обвинуваат дека ‘ДУИ подготвува дестабилизација’. Но, и покрај напорите на опозицијата, јавноста знае дека кога ДУИ организираше избори во овие 23 години, тие беа слободни, демократски и меѓународно прифатени. Воедно, апелираме до граѓаните да не станат жртва на лажни вести и на специјалната војна која поттикнува говор на омраза, го загрозува евроинтегративниот пат на земјата, како и помага на дестабилизирачките руски политики во земјата. Република Северна Македонија има јасна иднина – а тоа е целосната интеграција во Европската Унија“, наведено е во соопштението на ДУИ.

ДУИ МОЖЕ ДА ПРЕДИЗВИКА НЕМИРИ НА ИЗБОРИТЕ Извештајот на ОБСЕ-ОДИХР е класично предупредување, соопшти албанската опозиција

The post ОБВИНУВАЊАТА НА ОПОЗИЦИЈАТА СЕ РУСКИ ПОРАКИ Секогаш организираме демократски избори, реагираше ДУИ appeared first on plusinfo.mk.

Вака изјави Сашо Клековски од ВМРО-ДПМНЕ во вечерашното гостување на Телевизија Алсат. За наводните проруски конекции на партијата тој вели :

– Јас одговорно тврдам дека во Македонија не само ВМРО-ДПМНЕ, туку голема главна политичка партија нема какви било руски или проруски конекции.

Клековски смета дека токму ваквиот начин на водење црна кампања против опонентот за наводна проруска ориентираност е одраз на неуспешното водење на државата и на немањето постигнувања во седумгодишното владеење, на СДСМ и на ДУИ за што, според него, единствена опција им е да се служат со црни кампањи за да го напаѓаат противникот.

– Наместо да се води кампања за тоа што ќе постигнеме, ДУИ и СДСМ немаат таква кампања, немаат резултати со кои би се фалеле. Многу жално е што денеска премиерот Талат Џафери отвораше реконструиран пат од 3 километри. Тоа е врвот на постигнувањата во седум години. Мислам дека граѓаните не треба веќе да слушаат што се зборува туку да гледаме што се прави – дополнува Клековски.

The post „НЕ ИМ ПРЕЧАТ ЗДЕЛКИТЕ СО БЕЛОРУСИЈА ДОДЕКА ГО ОЦРНУВААТ ВМРО-ДПМНЕ“ Клековски вели дека не постојат руски конекции во партиите во Македонија appeared first on plusinfo.mk.

– Не ми е познато некое конкретно влијание, но уверена сум дека има бидејќи, генерално, го има во овој регион. Најважно е, како што се приближуваме кон предизборниот период, граѓаните на државата да поставуваат прашања кон кандидатите и кога ќе гласаат да размислуваат за своите приоритети. Тоа е најважно. Важно е да се едуцираат за процесот и кандидатите без разлика кој се меша. Тоа е најмоќната алатка што ја имаат – рече Агелер.

Агелер ова го кажа одговарајќи на новинарско прашање на настанот на кој заедно со министерот за образование и наука Јетон Шаќири потпишаа меморандумот за спроведување на програмата „Фулбрајт“ за академска размена.

The post НЕ ЗНАМ ЗА ИЗБОРИТЕ, АМА ВО ЗЕМЈАВА ГО ИМА Агелер вели дека руско влијание има во целиот регион appeared first on plusinfo.mk.

Генералниот секретар на НАТО Јенс Столтенберг предупредува на руско влијание во Западен Балкан. Меѓу неговите пораки во тридневната турнеја е и најавата за зголемувањето на присуството на Алијансата на Косово со 1.000 нови војници, но и пораките дека ЗСО мора да се формира.

– Трупањето сили на српската армија во близина на границата со Косово нема да помогне да се смири ситуацијата – гласеше една од пораките на Столтенберг при неговиот престој во Белград.

Тој додаде дека со Вучиќ разговарал за рестартирање на заедничките вежби на вооружените сили на Србија со силите на НАТО. Според Столтенберг, зголемувањето на присутноста на НАТО не ја нарушува неутралноста на Србија која останува важен партнер на Алијансата.

Претходно, во Приштина, косовската претседателка на средба со Столтенберг рече дека Русија има интерес да отвори уште еден фронт.

– Кога овие три аспекти ќе се спојат, многу е јасно дека е во интерес на Русија да отвори уште еден фронт против Западот. И, се разбира, овој фронт сака да се отвори во делови од Европа кои се уште не се дел од НАТО – изјави Османи.

Косовскиот премиер Албин Курти на 19 ноември на Фејсбук напиша дека Русија има за цел да разгори криза „во дворот на Европската унија“ и на тој начин да го „одвлече вниманието“ на НАТО.

Курти, исто така, во изјавата тврдеше дека Србија поставила противвоздушни системи на границата со Косово и дека 40 српски политичари се сретнале со Милан Радоичиќ, наводниот организатор на настаните во пукањето во Бањска.

Вучиќ на средбата со Столтенберг денеска одговори во врска со војската:

– Никогаш не ги пречекорила своите права и овластувања. Секогаш имала коректни односи со Кфор и со НАТО. А каде и како, во согласност со уставот на Република Србија и законите на земјата, не загрозувајќи никого на кој било начин, ние ќе ја распоредуваме војската тоа е наша работа.

Столтенберг, меѓу другото, во Белград порача и дека извршителите на нападот во Бањска мора да бидат изведени пред лицето на правдата.

Генсекот на НАТО е загрижен и за „сецесионизмот“ и руското влијание во Босна и Херцеговина. Тој порача дека „сојузниците силно го поддржуваат суверенитетот и територијалниот интегритет на Босна и Херцеговина“.

Во март 2022 година, рускиот амбасадор во Босна и Херцеговина, Игор Калабухов, ја предупреди Босна и Херцеговина дека Русија ќе реагира доколку земјата одлучи да стане членка на НАТО.

Истовремено, Стејт Департментот соопшти дека Вашингтон работи со земјите од Западен Балкан и европските партнери за подобрување на владеењето на правото и реформите „кои ќе ја намалат можноста за злонамерно руско влијание“.

Дека „Русија подготвува експлозија на Балканот“ кажа и украинскиот претседател Володимир Зеленски на неодамнешна средба со новинари од африканските земји во Киев.

Портпаролот на ЕУ, Петер Стано, исто така го спомна можното руско влијание на пресконференција:

– Имаме информации и веќе некое време ги следиме овие активности на Русија, така што имаме целосна слика и свесни сме што Русија се обидува да направи.

The post СТОЛТЕНБЕРГ СТРАВУВА ОД РУСКОТО ВЛИЈАНИЕ НА БАЛКАНОТ Какви пораки испрати тој во регионот пред посетата на Скопје? appeared first on plusinfo.mk.

Токму целосната усогласеност со надворешната политика на ЕУ најверојатно е една од можностите за намалување на руското влијание. Според анализа на истражувачкиот центар на Европскиот парламент посветена на влијанието на Кремљ преку економиите во земјите од Западен Балкан, „Северна Македонија и Албанија се идентификувани како најмалку ранливи земји, додека Босна и Херцеговина е најподложна на руско влијание, веднаш пред Србија“.

„Експертите предупредуваат дека големото присуство на Русија во стратешки сектори ги прави владите во регионот ранливи на нејзиниот притисок и го нагласуваат ризикот од заробување на државата“, се вели во анализата.

Во неа сепак се додава дека се зголемило руското економско влијание во регионот, особено по првите санкции кон Москва во 2014-тата година поради анексијата на Крим. Во случајот со Македонија, како што се оценува од Центарот за демократски студии, наместо директни руски инвестиции, се користат компании скриени зад оф-шор мрежи или зад фирми основани во земји-членки на ЕУ.

„Економскиот печат на Русија се протега и на други македонски компании. Од 2005 до 2015 година, компанијата Солвеј (која е официјално регистрирана во Швајцарија, но има врски со холдингот РУСАЛ на Дерипаска), го поседуваше Саса, рудникот за олово-цинк и бакар, како и Бучим, најпродуктивниот рудник за бакар и злато во земјата“, пишува во извештајот.

Иако компанијата Солвеј негира поврзаност со целите на руската држава и нејзината политика, поранешниот директор на рудникот Бучим во Радовиш, Дмитриј Кудрјаков заврши на црната листа на САД за ширење руско влијание. Од Центарот за демократски студии јасно ја укажуваат и поврзаноста на Солвеј со компанијата РУСАЛ (Руски алуминиум), чиј основач е олигархот Олег Дерипаска. Компанијата РУСАЛ се основа по спојување со СУАЛ Груп (Сибирско-уралска алуминиумска компанија), која за шеф на управувачкиот одбор од 2003 до 2007 година го има Александр Бронштајн, основачот на Солвеј. Во меѓувреме, бизнис партнерот на Бронштајн, Олег Дерипаска исто така заврши на американската црна листа. Тој важи за еден од најблиските луѓе на рускиот претседател Владимир Путин и е обвинет за мешање во американските избори во 2016-тата година. За Дерипаска неодамна беа наложени и дополнителни санкции поради финансирањето на војната во Украина.

Неодамна, во интервју за Канал 5, познатиот новинар Александар Чомовски изрази загриженост поради тоа што руски тајкуни доминираат на пазарите на олово, цинк и бакар во Македонија, без соодветно внимание од политичарите. Тој реагираше дека рударскиот сектор е запоставен од државата и не се реализираат инвестиции, посочувајќи го како пример рудникот за бакар во Иловица, кој е канадска инвестиција.

– Зошто не излезат нашите политичари и да им кажат, види нема потреба од рударство и злато, ние ќе си живееме во една селска еколошка оаза, во услови кога сите рудни богатства на Македонија се дадени на руски тајкуни – вели Чомовски.

Сличен став во медиумите сподели и поранешниот амбасадор Јован Донев. Во гостување на телевизија Алфа тој кажа дека постојано се елиминираат можностите за отворање на нови рудници, што, според него, е прашање на национална безбедност.

– Како може некој да ме убеди дека заради триесет луѓе се затвора Иловица, за тие да произведувале органски домати? За кого? Тоа е удар против националната безбедност на Република Македонија. Пет рудници за злато требаше да има по таа линија. Сите добија концесии за истражување, но ги снема. Целиот сегмент на меката безбедност, вклучувајќи ја и корупцијата, го испуштаме од раце и затоа имаме проблеми – кажа Донев.

Во анализата на Центарот за демократски студии се истакнува дека Русија остварува локална моќ преку најмени посредници, кои за возврат имаат корист од деловни можности или руска поддршка за нивни политички цели. Со тоа се создава ранливост во државата што Русија може да ја користи за да влијае на политичкото одлучување. Оттаму порачуваат да се диверзифицираат странските инвестиции, особено поради прекумерен капитал од авторитарни држави што е концентриран во една или во две индустрии во земјата.

The post НАМЕСТО ДИРЕКТНИ ИНВЕСТИЦИИ РАБОТАТ ПРЕКУ СКРИЕНИ ОФ-ШОР МРЕЖИ Рударството останува една од најмоќните руски алатки за влијание во земјава?! appeared first on plusinfo.mk.

Студијата е дел од проектот „Борба против лажни вести и наративи“ и била создавана една и пол година. Уредничката Росана Алексоска на промоцијата соопшти дека студијата се однесува на периодот од 1 март 2022 до 28 февруари 2023 година при што биле идентификувани и анализирани повеќе од 4000 статии и 10 000 постови на Фејсбук.

– Студијата откри масовно пренесување и присуство на претставници на Кремљ во онлајн просторот во Северна Македонија, користење на медиумите под контрола на руската држава како извори во статиите, проруски пораки од политичари во регионот кои се, исто така, и руски сојузници, како и повеќе случаи на координирано, масовно ширење на содржините на Фејсбук, преку добро воспоставена и координирана проруска инфраструктура… Се чини дека голем број портали едноставно ги пренесуваа руските функционери или медиумите контролирани од Русија и покрај тоа што тие најчесто лажат… Медиумите треба да бидат свесни дека зборовите се оружје во рацете на Кремљ за ширење дезинформации – рече Алексоска.

Според наодите од студијата, руското влијание во земјава е во согласност со концептот на т.н. остра моќ, како што рече Алексоска, особено преку користење на црквата и промовирање на словенско-православното братство – наратив кој, рече, влијаел на емоциите на луѓето кај нас, а тврдењето „Западот е главен непријател на словенскиот и православниот свет“ предизвикало голем број интеракции со тоа што „ги таргетираа емотивно наелектризираните религиозни и перципирани културни врски меѓу Северна Македонија и Русија“. Во исто време, рече таа, тие ја искористувале и комплексната мултиетничка историја на регионот предизвикувајќи поделби во земјава и на Балканот.

– Руското влијание го вовлекува населението во овој концепт и имплицира дека немаме ништо заедничко со западниот слободен свет што, апсолутно, е неточно. Ова е еден од начините со кој се поттикнува и отпор кон Европската Унија и НАТО. Овој наратив дополнително беше промовиран и преку посети на верски личности и заеднички служби што претставува совршен пример за информациска операција – додаде Алексоска.

Студијата ги анализирала и изјавите и нивното пренесување во медиумите од чеченскиот лидер Кадиров и евидентирала забележани случаи на масовна дисеминиација со амплификација на пораките на рускиот амбасадор во земјава Сергеј Баздникин и на српскиот претседател Александар Вучиќ. Промовирање на руската пропаганда, рече Алексоска, е забележана на анонимни портали регистрирани на странски домени.

– Студијата покажа дека постојат добро развиени и координирани мрежи на Фејсбук кои ги засилуваат руската пропаганда, дезинформациите и манипулациите со информации. Овие мрежи прокламираат екстремно десничарска и националистичка идеологија што придонесува за промовирање националистичка, ксенофобична и нелиберална содржина која создава понатамошни поделби… Обемот, фреквенцијата и интензитетот на забележаните наративи покажуваат дека Северна Македонија и Балканот се високо на агендата на Кремљ. Од почетокот на неоправданата и неиспровоцирана агресија врз Украина, Југославија и Косово секој месец се спомнуваат во погрешен контекст од највисоки функционери од Кремљ – рече Алексоска.

Студијата, за која таа рече дека е прва од ваков вид во земјава и во регионот и која ќе биде достапна онлајн на веб-страницата на Мост, има и препораки од кои главната е дека е „потребен сеопфатен институционален пат за справување со руските дезинформации и малигното влијание во сите сфери на општеството“.

На прашањето дали студијата открила личности и во нашето општество кои се ставени во функција на руската пропаганда и дезинформации, таа одговори дека „има и домашни актери коишто го овозможуваат или засилуваат влијанието или ги пренесуваат пораките“.

– На крајот од студијата, како анекс, има и каталог на наративи и случаи во кои може да се видат и домашните актери – додаде Алексоска.

The post „ДОМАШНИ АКТЕРИ ГО ЗАСИЛУВААТ РУСКОТО ВЛИЈАНИЕ“ Студија открива масовно присуство на претставници на Кремљ во онлајн просторот во Македонија appeared first on plusinfo.mk.

Во извештајот објавен на веб-страницата на Стејт департментот се наведува дека најголемиот дел од тие средства – 621,5 милиони долари биле наменети за финансирање на организации и програми во Источна Европа, за земјите од Вишеградската група (В4), во кои спаѓаат Унгарија, Словачка, Чешка и Полска, додека за балканските земји биле наменети 454 милиони долари.

Според податоците од Извештајот, за организации во Србија се издвоени 55,5 милиони долари, а за Косово 61,1 милиони долари.

САД дале нешто повеќе од 80 милиони долари за Босна и Херцеговина, 67,4 милиони долари за Северна Македонија, 50 милиони долари за Црна Гора.

За Бугарија се издвоени 47,7 милиони долари, за Словенија 40,3 милиони долари, за Албанија 39 милиони долари, за Хрватска 11,4 милиони долари, а за Грција 0,7 милиони долари.

Програмите ЦРИФ се дизајнирани да ги постигнат целите на „Акт за спротивставување на влијанието на американските противници преку санкции” и да обезбедат странска помош на земји кои се предмет на „влијание и агресија на Руската Федерација и немаат економски капацитет за ефикасен отпор.”

The post САД ВБРИЗГАЛЕ 67,4 МИЛИОНИ ДОЛАРИ ПРОТИВ РУСКОТО ВЛИЈАНИЕ ВО МАКЕДОНИЈА Во последните пет години за Балканот потрошена е речиси половина милијарда appeared first on plusinfo.mk.