Црногорската полиција го уапси 61-годишниот Д.С. од Даниловград, кој е осомничен дека незаконски учествувал во странска вооружена формација на Руската Федерација. При претрес во неговиот дом биле пронајдени воздушна пушка без документација, воени униформи, панцири, шлемови, опрема на Козачкото братство, комуникациски уреди, СИМ-картички, голем број официјални документи, како и дури 1,5 милион евра на негова сметка, соопшти црногорското МВР.

Полицијата запленила и документи што укажуваат на поседување вреден недвижен имот, членски картички, доказ за учество на фронтот, како и странски пасоши и уверенија за државјанство.

Д.С. е осомничен дека од 2023 до 2025 година престојувал во Луганск, учествувајќи во активностите на вооружени формации во рамките на руската војна против Украина.

Во акцијата, која траела 24 часа, биле вклучени 12 лица, а биле извршени претреси на 13 локации, домови, помошни објекти и една адвокатска канцеларија во Даниловград, Никшиќ и Подгорица.

При пошироките претреси полицијата пронашла 24 парчиња огнено оружје, над 1.000 куршуми, рамки, девет ножеви, сабји, бајонети, униформи, знамиња и обележја на формациски организации, како и други предмети кои се поврзуваат со можни кривични дела.

Во адвокатската канцеларија на Ѓ.В. не биле пронајдени забранети предмети. Полицијата сè уште трага по едно лице – Ж.О.

The post МУ ПРОНАЈДОА ОРУЖЈЕ, УНИФОРМИ И 1,5 МИЛИОН ЕВРА Уапсен Црногорец кој учествувал на фронтот во Луганск appeared first on plusinfo.mk.

Дронови на Безбедносната служба на Украина (СБУ) извршија нов напад врз петрохемискиот погон на „Газпром Нефтехим Салават“ во руската Република Башкортостан, соопшти извор за „Киев Индепендент“. По ударот, во постројката избувнал голем пожар.

Локалните власти го потврдија нападот, а шефот на републиката, Радиј Хабиров, на својот Телеграм канал информираше дека сите служби за итни случаи се на лице место и работат на гаснење на пожарот.

– Сите служби за итни случаи работат на лице место. Пожарот се гаси, а во тек е проценка на обемот на штетата – изјави Хабиров, додавајќи дека засега не се споменуваат можни жртви.

Погонот на „Газпром Нефтехим Салават“ е еден од најголемите руски комплекси за рафинирање на нафта и петрохемиски производи. Таму се произведуваат над 150 различни видови нафтени деривати, меѓу кои бензин и дизел гориво. Локацијата се наоѓа на околу 1.300 километри од фронтот во Украина.

Drones have attacked Gazprom Salavat Neftekhim oil refinery once again this morning.

Previous attack on 18th September
https://t.co/cDK6AVxQbk pic.twitter.com/antB7YNctK

— Liveuamap (@Liveuamap) September 24, 2025

Независниот медиум „Астра“ објави снимки на кои се гледа густ црн облак од чад што се издига од постројката. Според нив, жителите од околината пријавиле „гласни звуци“ непосредно пред пожарот.

Ова не е првпат украинските дронови да го погодат овој објект. На 18 септември истата постројка беше цел на напад. Во последните месеци, Киев значително ги засили нападите врз руската нафтена индустрија, со цел да предизвика затворање на постројки и дополнително да го влоши недостигот од гориво во земјата.

Украина ги смета руските рафинерии и петрохемиски постројки за легитимни воени цели, со образложение дека тие директно придонесуваат за финансирање на руската воена машинерија.

The post 📽️ ДРОНОВИ ПОГОДИЈА ПОГОН НА „ГАЗПРОМ“ Црн чад над Русија, украинските сили предизивкаа пожар во Башкортостан appeared first on plusinfo.mk.

Тројца украински војници загинаа, а уште 18 се здобиле со повреди во руски ракетен напад врз единица за воена обука, што се случил ноќта меѓу вторник и среда, соопштија Копнените сили на Украина.

Иако не е прецизирана локацијата, украински воени блогери посочуваат дека нападот веројатно се случил во Черниговската област, на северната граница со Русија.

„Непријателот изврши ракетен удар врз територијата на една од нашите единици за обука. За жал, и покрај преземените безбедносни мерки, не беше можно целосно да се избегнат загуби меѓу персоналот“, се наведува во официјалното соопштение објавено на Телеграм.

До 21:30 часот, според податоците на украинската армија, потврдени се тројца загинати и 18 повредени. Според неофицијални информации, повредените се пренесени во воени болници, а состојбата на неколкумина се оценува како критична.

Ова не е првпат Русија да напаѓа украински центри за обука. На почетокот на јуни, во сличен воздушен напад врз воен објект, животите ги загубија 12 војници, а десетици други беа повредени. Тогашниот командант на Копнените сили на Украина, генерал Михајло Драпати, ја понуди својата оставка по трагичниот инцидент.

Нападите врз воени објекти во внатрешноста на Украина стануваат сè почести, што предизвикува загриженост кај командниот кадар и притисок за зајакнување на одбранбените системи на чувствителни локации.

The post РУСКА РАКЕТА УБИ ТРОЈЦА УКРАИНСКИ ВОЈНИЦИ Напад врз центар за обука, 18 тешко повредени appeared first on plusinfo.mk.