За прв пат во историјата целосно автономен копнен робот успеа да зароби непријателски војници во вистинска битка, објавува Дејли меил, повикувајќи се на соопштение на компанијата Дев дроид (DevDroid), производител на роботски системи.

Според компанијата, украински борбен робот, опремен со вештачка интелигенција, успешно лоцирал и заробил тројца руски војници, без притоа да има некаков ризик за украинските војници.

„Мисијата е извршена од далечина, а фондот за размена на затвореници е надополнет. Вака изгледа модерното војување: роботите се на првата линија, а луѓето се безбедни“, соопшти компанијата.

Според соопштението, роботот што го изврши овој подвиг, модел TW-7.62, не е обична машина со далечинско управување. Системот користи вештачка интелигенција за автономно препознавање, фиксирање и следење на целта. Исто така, има балистички компјутер кој ја зголемува точноста на огнот до максимум, елиминирајќи ја човечката грешка.

Иако слични роботи претходно се користеле за уништување оклопни возила или обезбедување на фронтовските линии подолг временски период, ова е првиот забележан пример на роботизиран систем кој ги принудува војниците да се предадат.

The post 🎥 УКРАИНСКИ РОБОТ ЗАРОБИ ТРОЈЦА РУСКИ ВОЈНИЦИ Вештачката интелигенции го менува начинот на војување appeared first on plusinfo.mk.

Рускиот претседател Владимир Путин нареди зголемување на бројот на редовната руска армија на 1,5 милиона, што ќе ја направи армијата на Руската Федерација втора по големина во светот.

Оваа одлука, како што јавуваат британските медиуми, доаѓа по сè почестите напади на украински беспилотни летала врз клучните рафинерии и гасоводи длабоко на руска територија.

Високо рангирани руски воени претставници изјавија дека ќе се обидат да користат резервисти за одбрана на цивилната инфраструктура, како што се рафинериите за нафта.

Рускиот претседател, по состанокот со највисоките воени претставници на земјата, наредил да се зголеми бројот на редовната армија на 1,5 милиони активни војници, што ја прави Русија втора по големина армија во светот, по Кина.

Путин изјави дека во Украина се борат најмалку 700.000 лица, додека руските парламентарци наведуваат дека во активна резерва се наоѓаат уште околу два милиона. Станува збор за Руси кои потпишале договор за резерва, но обично не служат активно.

Рускиот вицеадмирал Владимир Цимљански, заменик-началник на главниот организациски и мобилизациски оддел на Генералштабот на Руската армија, изјави дека употребата на беспилотни летала со долг дострел од страна на Украина ја зголемила заканата за критичната национална инфраструктура и станбените области.

– Со цел да се зголеми безбедноста на критичните објекти и другите објекти важни за благосостојбата на граѓаните, беше одлучено да се вклучат најобучените и најпатриотски настроени граѓани во спроведувањето на мерките за заштита на цивилните објекти длабоко во Русија – рече тој.

Доколку Русија распореди повеќе резервисти во заднинскот дел за да ја брани инфраструктурата, Москва потенцијално би можела да ослободи повеќе од своите редовни војници за бојното поле во она што прерасна во смртоносна војна на исцрпување, соопштија британските меидуми.

Цимљански рече дека предложените измени не претставуваат некаков вид мобилизација, додека на руските канали на Телеграм одлуката се толкува токму така – како огромна мобилизација.

Руското Министерство за одбрана, исто така, експлицитно изјави дека резервистите нема да бидат вклучени во тоа што Кремљ го нарекува своја „специјална воена операција“ во Украина, ниту пак ќе бидат користени надвор од границите на Русија.

Министерството за одбрана соопшти дека овие резервисти ќе служат во својот регион, иако, судејќи според пораките на Телеграм, малкумина веруваат во тоа.

The post ПУТИН НАРЕДИ ДА СЕ ЗГОЛЕМИ РУСКАТА АРМИЈА НА 1,5 МИЛИОНИ ВОЈНИЦИ Ќе биде втора по големина во светот по Кина appeared first on plusinfo.mk.

Руските дневни просечни загуби во војната во Украина изнесуваат околу 1.000 војници, што е околу три пати повеќе од украинските загуби, изјави украинскиот претседател Володимир Зеленски на вчерашната прес-конференција, како што објавија украинските медиуми.

На пример, вчерашните податоци, кои се приближно просечни, покажаа дека руските загуби дневно биле околу 500 до 1.000 убиени и 500 ранети, рече Зеленски.

Иако руските сили претрпеа големи загуби за време на целосната инвазија на Украина, нивното напредување се забрзува во последните месеци поради слабеењето на силата на украинските бригади во источниот регион Донецк.

Подеталните бројки кои ги наведе Зеленски за понеделник покажуваат 531 убиен руски војник, 428 ранети и девет заробени. Украинските загуби за истиот ден беа 340, вклучувајќи 18 убиени, 243 ранети и 79 исчезнати.

Зеленски рече дека односот на жртвите е приближно 1:3 – руските загуби се три пати повисоки.

Украинската војска проценува дека вкупните руски загуби во Украина од почетокот на војната во февруари 2022 година надминале еден милион војници убиени, ранети и заробени, што е во согласност со западните проценки. Москва не објавува официјални бројки за своите загуби.

Јунската студија на Центарот за стратешки и меѓународни студии процени дека 400.000 украински војници исто така биле убиени или ранети од 2022 година, бројка блиска до онаа што Зеленски ја даде во декември.

Во исто време, според Зеленски, Русија има предност во човечката сила од 1:3 и во артилериската предност од 1:2,4. Сепак, Украина има предност во беспилотните летала ФПВ од 1 спрема 1,4, а овој однос би можел да се зголеми до 1 спрема 4 доколку се обезбеди дополнително финансирање од европските партнери.

Киев долго време се соочува со недостиг на пешадија и нема капацитет да ги замени загубите со иста стапка како Русија. Поради ова, ослабената одбрана на Украина отвора потенцијални можности за руски напредувања.

Според извештаите, на почетокот од оваа недела, руските сили напредувале до 10 километри во близина на Добропила во регионот Донецк, како дел од поширока офанзива помеѓу два важни и силно бранети градови – Покровское и Костантиновка.

Зеленски во јануари изјави дека украинската армија има околу 880.000 војници наспроти руската сила од 600.000 војници, но Русија сè уште има предност во одредени области благодарение на концентрацијата на силите.

The post ДНЕВНО УМИРААТ ОКОЛУ 1.000 РУСКИ ВОЈНИЦИ? Зеленски открива страшни бројки од војната appeared first on plusinfo.mk.

Бројката беше дадена од заменик министерката за одбрана Ана Цивилјова на дискусија на тркалезна маса, објави Ројтрес.

Русија досега не објавила официјална статистика за воените загуби во Украина, потсетува Хина.

Западните земји веруваат дека во исцрпувачката рововска војна, најсмртоносниот конфликт во Европа од Втората светска војна, биле убиени и ранети стотици илјади руски и украински војници.

По изјавата на Цивилева дека 48.000 членови на семејства на руски војници предале свои ДНК примероци за базата на податоци на Министерството за внатрешни работи, реагираше Андреј Картаполов, претседател на парламентарната комисија за одбрана. Тој предупреди дека станува збор за чувствителни и заштитени информации, на што Цивилева одговорила дека не ги споделила податоците за бројот на војници исчезнати во акција, туку бројот на барањата што ги добиле.

– Многумина од нив ќе бидат пронајдени. Ова не се податоци за исчезнати, тоа е бројот на барањата што ги примивме за да ги пронајдеме – изјавила таа.

Независната руска информативна страница Mediazona и Руската служба на BBC потврдиле имиња на 79.819 руски војници загинати во Украина до 19 ноември, за време на 33 месеци на војната.

Волстрит џурнал, повикувајќи се на западни разузнавачки податоци, наведува дека се убиени до 200.000 руски војници.

Економист пренесува дека на украинската страна загинале најмалку 60.000 до 100.000 војници и дека до 400.000 претрпеле тешки повреди што не им дозволуваат повторно да се борат.

The post ПРЕКУ ДНК СЕ БАРААТ 50.000 РУСКИ ВОЈНИЦИ Семејствата стравуваат дека се загинати appeared first on plusinfo.mk.

Се зголемува бројот на инцидентите во пијана состојба меѓу руските војници. За последниот на  социјалната мрежа „Х“ пишува и  Антон Герашченко, советник на украинскиот министер за внатрешни работи.

Тој објави видео на кое се гледаат руски војници врзани за дрво, а други војници ги тепаат затоа што биле пијани и почнале да стрелаат едни во други.

Инцидентот, според украинскиот советник, наводно завршил со еден загинат и неколку повредени.

– Што ти е, шупак? Дали и вие сте пијан? Ти си пијан – се слуша како велат на видеото.

Russian soldiers tied other Russian soldiers to trees and beat them up for being drunk. https://t.co/9bdgKAjUy0 pic.twitter.com/TbssayVpRf

— Anton Gerashchenko (@Gerashchenko_en) August 18, 2024

Речиси исто видео видео беше објавено и порано на мрежата Х. На почетокот на мај војник уби шестмина свои соборци, а Герашченко тврди дека новото видео е за истата воена единица, наречена „Бура З“.

Russian convicts from the Storm Z unit drank too much brew and opened fire at a group of their fellow soldiers. They immediately shot back at them in a friendly manner. One was killed, a few wounded, the rest just beaten and tied up. pic.twitter.com/NJjLV67SS1

— Anton Gerashchenko (@Gerashchenko_en) August 17, 2024

Западните разузнавачки агенции забележаа бројни инциденти на меѓу руските војници од почетокот на инвазијата на Украина.

The post 📽️ ИНЦИДЕНТИ ЈА ТРЕСАТ РУСКАТА ВОЈСКА Ќе се испијанат и пукаат едни во други appeared first on plusinfo.mk.

Според указот што денеска го потпиша рускиот претседател Владимир Путин, секој што ќе потпише договор за распоредување на фронтот во периодот од 1 август до 31 декември ќе добие еднократна исплата од 400.000 рубљи (околу 4.100 евра), што е двојно повеќе од претходните 195.000 рубли (околу 2000 евра). Дополнително, Русија сега нуди повисока месечна плата, значително повисока од просечната руска плата.

Откако Русија почна да ги мобилизира резервистите во есента 2022 година, таа првенствено се потпира на финансиски стимулации за привлекување нови регрути бидејќи присилната мобилизација предизвика протести и масовна емиграција на населението.

Многу региони даваат и бонуси од нивните буџети. Москва, на пример, дава еднократна исплата од 1,9 милиони рубљи (околу 20 илјади евра) овој месец доколку се потпише договор за една година или повеќе. Неколку региони ги зголемија своите премии во последниве недели за да се докажат пред другите.

Во регионот на Санкт Петербург премијата е околу 1,8 милиони рубљи, во Ростов 1,2 милиони, а во Свердловск 400 илјади, што е сума што ја препорачува Кремљ како минимум.

Во Москва и другите руски градови, постери рекламираат одење на фронтот.

Голем број Руси, особено во оддалечените провинции, заработуваат многу малку, а одењето во војна се смета за лесен начин за брза заработка.

Руското Министерство за одбрана соопшти дека од почетокот на годинава договори потпишале околу 190.000 руски државјани.

The post РУСИЈА ГИ УДВОИ ПРЕМИИТЕ ЗА НОВИТЕ ВОЈНИЦИ ДОБРОВОЛЦИ На украинскиот фронт за 4.100 евра appeared first on plusinfo.mk.

РСЕ објави скратена верзија на видеото на својот Јутјуб канал. На снимката се гледа лице идентификувано како вооружен руски војник како стои зад лице за кое се наведува дека е украински војник. Русинот води друг човек пред себе за да може физички да се крие.

Зад нив следат други руски војници. Наскоро, руски војник фрла нешто што изгледа како граната во правец на украинската позиција.Се слуша експлозија и се гледаат украински војници како трчаат.

Припадниците на украинската војска кои го дале видеото, за РСЕ изјавиле дека Русија ја користела тактиката „жив штит“ како „борбено извидување“ за откривање на позициите на украинските сили.

The post 🎥 КОРИСТАТ ЖИВИ ЛУЃЕ КАКО ШТИТ Брутално однесување на руските сили во Украина, видеото доказ за воено злосторство appeared first on plusinfo.mk.

 

View this post on Instagram

 

A post shared by Voodoo_orcs (@voodoo_orcs)

Тие користат искористени руски воени униформи од ранети и заробени руски војници на фронтот и од нив прават вуду кукли. Куклите прикажуваат осакатени руски војници. Руските униформи ги добиваат од колеги и пријатели кои работат или служат во близина на линијата на фронтот.

 

View this post on Instagram

 

A post shared by Voodoo_orcs (@voodoo_orcs)

Куклите што ги прават често немаат нозе, раце или очи, некои од нив имаат „разнесени“ стомаци, на други им се извадени црева… И тие фигури ги продаваат за да соберат пари за помош на украинската армија.

Куклите се продаваат онлајн преку страницата на Инстаграм наречена OrkVoodoo.

„Рачно изработени вуду кукли „Орк““ – пишува на страницата.

The post 📷 МОРБИДЕН „БИЗНИС“ ВО УКРАИНА Од униформите на заробените руските војници на фронтот прават вуду кукли! appeared first on plusinfo.mk.

Претседателот Илхан Алиев му вети на Путин дека ќе соработува во истрагата и изрази сочувство за починатите. Тој понудил отштета за семејствата на руските војници.

Според руското Министерство за одбрана, мировниците биле погодени од огнено оружје додека се возеле кон набљудувачката станица, а целиот персонал во возилото бил убиен на самото место.

Алиев и Путин разговараа и за ситуацијата во Нагорно-Карабах и важноста од спроведувањето на руското примирје меѓу Баку и бутновничките власти во регионот. Руската страна истакна дека безбедноста и правата на ерменските жители во регионот мора строго да се почитуваат.

Азербејџанскиот претседател Илхам Алиев се извини за убиствата на руските мировници во Нагорно Карабах и вети дека ќе соработува со истрагата за инцидентот во средата, соопшти Кремљ.

Азербејџан и етничките Ерменци кои живеат во Нагорно Карабах денеска не успеаја да постигнат мировен договор, туку само договор за прекин на огнот. Баку сега ја чека реакцијата на ерменските власти за нацрт-договорот кој Алиев им го дал на Ерменците. Ерменскиот премиер Никола Пашанјан-Бабајан за Ројтерс изјави дека Ерменците во Нагорно Карабах се чувствуваат напуштени од Западот, Русија и од Ерменија.

Иако не е членка на НАТО, државата Азербејџан има блиски врски со Турција и е партнер со Алијансата од 1992 година, по распадот на СССР.

Нагорно-Карабах се одвои од Азербејџан во последните години на СССР, бидејќи неговото доминантно етничко ерменско население се залагаше за независност. Оттогаш, самоуправувањето на регионот е главна точка на расправија меѓу Баку и Ереван, кои со децении премолчено го поддржуваа Нагорно-Карабах.

Во 2020 година, имаше големо разгорување во Нагорно-Карабах, кое заврши со тоа што Баку ја врати контролата врз големи делови од територијата што ја загуби во 1990-тите. Руските мировни сили беа распоредени да го надгледуваат примирјето, со што завршија 44-дневните непријателства.

Москва истакна дека ерменската влада експлицитно го признала тврдењето на Азербејџан над Нагорно-Карабах минатата година за време на мировните преговори, по смртоносните гранични судири меѓу двата ривали. Ова ја направи воената операција домашно азербејџанско прашање, соопшти Кремљ.

The post ИЗВИНИ ПУТИН Руски војници беа убиени во Нагорно Карабах, Алиев му телефонираше на рускиот лидер appeared first on plusinfo.mk.

Мртвите руски војници „речиси постојано се кремираат“ во близина на Мелитопол, изјави украински официјален претставник.

– Московските сили ги транспортираат телата на загинатите војници во камиони и ги палат на отворено подрачје на градот – тврди заменик-министерката за одбрана Хана Малиар.

Украинската министерка вели дека загинатите луѓе биле пренесени од Керсон, кој е оддалечен повеќе од 160 километри.

-Командата на руските окупаторски сили се обидува да ги сокрие вистинските човечки загуби и врши погребување на привремено окупираните територии, без да ги транспортира посмртните останки во Русија – истакна Малиар на Телеграм.

Локалното население веќе подолго време го чувствува карактеристичниот чад, пишува Sky News. Во февруари, британското Министерство за одбрана процени дека меѓу 40.000 и 60.000 руски војници биле убиени во првите 12 месеци од војната. Минатиот месец, истрагата на два независни руски медиуми – Медуза и Медиазоне – користеше статистички моделирање и откри дека загинале 47.000 војници.

The post МРТВИТЕ РУСКИ ВОЈНИЦИ ТАЈНО СЕ КРЕМИРААТ Украинците тврдат дека Русите ги носат телата во камиони и ги палат appeared first on plusinfo.mk.