Украина издаде симболична потерница за поглаварот на Руската православна црква, патријархот Кирил, како важен поддржувач на руската инвазија на Украина.

Украинското Министерство за внатрешни работи во Киев издаде налог за поглаварот на црквата, чие вистинско име е Владимир Гундјаев, кој според нивните сознанија престојува во Москва.

Гунџаев го бара украинската тајна служба СБУ, а се наведува дека од 11 ноември избегнува службени истраги.

Кирил, 77-годишниот московски патријарх, обвинет е за нарушување на територијалниот интегритет на Украина и планирање, подготвување, иницирање и спроведување агресија, објави украинската државна новинска агенција Укринформ.

Патријархот Кирил важи за близок поддржувач на рускиот претседател Владимир Путин. Тој како и Путин  се залага за правото на Русија да владее со соседните земји каде што живеат Руси.

Во Украина, Кирил ужива влијание врз свештенството и заедниците лојални на Московската патријаршија. Затоа, украинското раководство се обиде да ја ограничи моќта на Црквата на непријателската земја.

Според Украинската новинска агенција, СБУ и Канцеларијата на главниот обвинител на Украина отвориле кривична постапка против Кирил во ноември. Во известувањето се наведува дека патријархот Кирил е дел од рускиот владејачки круг, ја одобрува војната и ги користи украинските заедници за пропаганда.

Патријархот Кирил е добро заштитен во Москва, па ризикот од негово апсење е мал.

The post УКРАИНА ИЗДАДЕ ПОТЕРНИЦА ЗА ПАТРИЈАРХОТ КИРИЛ Обвинет е за нарушување на територијалниот интегритет на Украина и за иницирање агресија appeared first on plusinfo.mk.

Како што се наведува во информацијата од руската амбасада во Скопје, поглаварот на МПЦ-ОА изразил благодарност од името на епископијата, свештенството, монаштвото и мирјаните на Македонската православна црква – Охридска архиепископија за признавањето на нејзината канонска автокефалност од страна на Руската православна црква (РПЦ).

„Неговото блаженство архиепископот Стефан се заблагодари и за посетата на Северна Македонија на високата делегација на Московската патријаршија на чело со претседателот на Одделот за надворешни црковни односи митрополитот волоколамски Антониј, во рамките на која во Лесновскиот манастир епископите на двете цркви за прв пат заедно служеа Божествената литургија со голем собир на верници во денот на празникот Свети Гаврил Велички. Поглаварот на Македонската православна црква – Охридска архиепископија изрази искрена благодарност до Неговата светост патријарх Кирил за неговата љубов и внимание и изрази надеж дека наскоро ќе се сретне со него. Од своjата страна, патријархот Московски и на цела Русија г.г. Кирил зборуваше за љубовта што верници од Руската православна црква традиционално ја чувствуваат кон своите православни браќа во Северна Македонија и изрази длабоко задоволство од обновувањето на нејзиното канонско заедништво со помесните православни цркви и стекнувањето автокефален статус. Патријархот го увери соговорникот во непоколебливата сеопфатна поддршка од страна на Московската патријаршија и го замоли да се моли за Руската православна црква во овие тешки моменти“, се вели во соопштението на амбасадата.

The post „НАСКОРО ДА СЕ СРЕТНЕМЕ“ Рускиот патријарх Кирил му се јавил на поглаварот Стефан appeared first on plusinfo.mk.