Вонредниот и ополномоштен амбасадор на Руската Федерација во земјава, Сергеј Баздникин попладнево беше повикан во Министерството за надворешни работи и надворешна трговија (МНР) каде му беше врачена протестна нота.

„На рускиот амбасадор му беше врачена протестна нота со која се изразува силна осуда и протест за нанесената материјална штета од ракетниот напад на руските армиски сили врз Киев, при кој беше погодена и Амбасадата на Република Северна Македонија“, информираат од МНР.

Претходно, Министерството за надворешни работи и надворешна трговија информира дека при нападот нема повредени меѓу нашиот дипломатскиот персонал, но е причинета материјална штета на Амбасадата.

• ВО РУСКИОТ НАПАД ВРЗ КИЕВ НАСТРАДА МАКЕДОНСКАТА АМБАСАДА Нема повредени дипломати

„Од страна на надлежните служби е извршен првичен преглед на штетите на лице место и веќе се работи на нивно санирање“, соопшти Министерството.

The post МНР МУ ВРАЧИ ПРОТЕСТНА НОТА НА РУСКИОТ АМБАСАДОР Руските ракети во Киев ја оштетија македонската амбасада  appeared first on plusinfo.mk.

– Апсолутно, Британија… сега е директно вклучена во оваа војна –  изјави Андреј Келин за Скај њуз, додавајќи дека „ова пукање не може да се случи“ без поддршка на Лондон и НАТО.

Во интервјуто, Келин беше запрашан дали руската употреба на кинеска технологија, ирански беспилотни летала и ракети и наводното распоредување на севернокорејски војници значат дека и тие земји биле директно вклучени во војната.

– На таа тема, можам лесно да кажам дека имаме многу платеници од различни земји кои во моментов се борат на страната на Украина – одговори рускиот амбасадор.

Британските медиуми во средата објавија дека Украина истрелала проектили „Сторм шедоу“ врз Русија за првпат оваа недела, откако Лондон и дал зелено светло за такви напади. Владата на Велика Британија одби да ги потврди или негира извештаите.

The post ВЕЛИКА БРИТАНИЈА Е ДИРЕКТНО ВКЛУЧЕНА Рускиот амбасадор во Лондон испрати силна порака appeared first on plusinfo.mk.

Украина не може да ја победи Русија без поддршка, изјави украинскиот претседател Володимир Зеленски за време на денешната посетата на Осло, бидејќи новата помош од главните американски и европски сојузници на Киев и понатаму е блокирана.

– Не можете да победите без помош. Но, не можете да изгубите, бидејќи сѐ што имате е вашата земја – им рече Зеленски на новинарите, по разговорите со норвешкиот премиер Јонас Гар Сторе.

Обидите на Зеленски да ја задржи поддршката од Западот и да обезбеди помош за Украина во војната со Русија, наиде на подсмев во Москва.

Посетата на украинскиот претседател Володимир Зеленски на САД се покажа како залудна, бидејќи тој не успеа да го убеди Вашингтон дека Украина е поважна од безбедноста на самата Америка, порача рускиот амбасадор во САД, Анатолиј Антонов.

– Ова беше празен обид да се покаже дека Украина е поважна од безбедноста на САД. Сите се уморни од „киевскиот питач“ – рече Антонов.

Според рускиот амбасадор, натамошните антируски санкции и испорака на оружје нема да му помогнат на Киев, пренесува ТАСС.

-Веќе ништо не може да му помогне на Зеленски. Сепак, Американците ризикуваат да бидат заглавени сè подлабоко во мочуриштето на украинскиот конфликт – истакна рускиот амбасадор во САД, додавајќи дека никакви санкции не можат да ги променат надворешнополитичките приоритети на Русија.

The post СИТЕ СЕ УМОРНИ ОД „КИЕВСКИОТ ПИТАЧ“ Русија го исмева Зеленски и апелите за помош на Украина appeared first on plusinfo.mk.

Александар Вучиќ на својот Инстаграм профил напиша дека имал важен разговор со рускиот амбасадор.

„Благодарен сум што ги сослуша молбите и барањата на српската страна. Го информирав Боцан-Харченко за фактот дека на Косово и Метохија се врши брутално етничко чистење во организација на Албин Курти со поддршка на дел од меѓународната заедница“ – објави Вучиќ.

Претседателот на Србија во неделата вечерта го осуди убиството на косовскиот полицаец и рече дека Србите од Косово стојат зад нападот.

Тој посочи и дека главен виновник за сè што се случува на Косово е Албин Курти, а единствената желба на Курти е да ја доведе Србија во конфликт со НАТО.

The post „НА КОСОВО СЕ СПРОВЕДУВА ЕТНИЧКО ЧИСТЕЊЕ НА СРБИТЕ“ Вучиќ го информира рускиот амбасадор за инцидентот во Бањски манастирот appeared first on plusinfo.mk.

По најавата од амбасадата дека Русија ќе возврати со реципрочни мерки не откривајќи какви, амбасадорот Бездникин тврди дека тоа нема да влијае на пратката од 200.000 вакцини Спутник кои треба да пристигнат во земјава.

Од Москва потврдуваат дека подготвуваат одговор за Македонија и потегот го сметаат за несоодветен во диполоматските односи. Сергеј Цеков член на Комитетот за меѓународни работи на Советот на Руската федерација во интервју за Раша Тудеј истакна дека Скопје не ги цени односите со Русија а протерувањето дипломати од некаков вид солидарност го смета за чуден феномен во дипломатијата.

The post Рускиот амбасадор во Македонија не сака да го коментира протерувањето на дипломатот appeared first on plusinfo.mk.

Баздникин при денешната посета на Штип посочи дека договорот е потпишан во март и дека во земјава веќе се испорачани 6.000 дози.

– Договорот предвидува снабдување со 200.000 дози на вакцината против коронавирусот Спутник. Оваа количина која е потребна за вакцинирање на 100.000 граѓани. До денес испорачани се 6.000 дози, 3.000 од секоја компонента. Во моментов се работи за испораката на останатите количини на препаратот. Сакам да ви кажам дека руската страна доследно ќе ги исполнува своите обврски од договорот и да обезбеди испорака на вакцините во вашата земја – вели Баздникин.

Рускиот амбасадор истакна дека вакцината Спутник е апсолутно безбедна, нејзината ефикасност е повеќе од 90 отсто, а за спречување на компликации од коронавирусот е 100 отсто.

The post Рускиот амбасадор Баздникин: Ќе стигнат 200.000 вакцини „Спутник“, ама не го знам датумот appeared first on plusinfo.mk.