Унгарскиот премиер Виктор Орбан најави остри мерки против Украина поради спорот со испораките на руска нафта. Тој предупреди дека Будимпешта ќе ги употреби сите средства ако Киев не го деблокира транзитот преку нафтоводот „Дружба“.

Според Орбан, Унгарија нема да дозволи, како што рече, „уцени од Киев“.

Орбан порача дека Украина не може да ја уценува Унгарија, а истовремено да очекува поддршка од Будимпешта во Европската Унија.

– Украинците побрзо ќе останат без пари отколку Унгарија без нафта – нагласи унгарскиот премиер.

Киев ја сопре нафта, Будимпешта дизелот

Орбан изјави дека Унгарија веќе презела први чекори. Посочи дека е запрен извозот на дизел кон Украина.

– Го запревме извозот на дизел во Украина. Сè уште го одржуваме извозот на електрична енергија. Ќе ги запреме транзитните пратки што минуваат низ Унгарија, кои се важни за Украина, сè додека не добиеме одобрение од Украина за испорака на нафта – рече Орбан.

Според него нема технички пречки за испораката на руска нафта преку нафтоводот „Дружба“.

„Имаме договор со Русите, Украинците се однесуваат како бандити“

Унгарскиот премиер остро го нападна украинското раководство. Тврди дека Киев ги прекршува меѓународните договори.

– Имаме договор со Русите, редовно плаќаме, а Украина со меѓународен договор се обврза дека ќе дозволи трансфер на нафта. Ова е однесување на бандити. Она што се случува денес е државен бандитизам – изјави Орбан.

Тој додаде дека Унгарија ќе мора да преземе соодветни мерки.

Кој ги задржа украинските банкари?

Во меѓувреме украинската влада упати контраобвинувања. Киев тврди дека унгарските власти задржале група украински банкарски службеници.

Според украинските власти, тие низ Унгарија пренесувале 35 милиони евра и 9 килограми злато.

The post СО СИТЕ СРЕДСТВА ПРОТИВ „БАНДИТИТЕ ОД КИЕВ“ Орбан го сoпре дизелот, на Украина брзо ќе ѝ снемаат пари? appeared first on plusinfo.mk.

Украинскиот претседател Володимир Зеленски денеска изјави дека прашањето за обновување на нафтоводот „Дружба“, кој беше оштетен во руски напади, има не само техничка, туку и силна политичка димензија. Тој додаде дека, според неговиот став, не вреди да се обновува оштетениот нафтовод.

– Да бидам искрен, јас не би го обновил. Тоа е мојот став. Ова им го кажав на лидерите на Европа и на оние што ми се обратија за ова прашање, како и на раководството на Европската Унија. Станува збор за руска нафта. Постојат принципи што немаат цена. Русите нè убиваат, а ние треба да му даваме нафта на унгарскиот премиер Виктор Орбан затоа што без неа не може да победи на избори – изјави Зеленски на прес-конференција во Киев.

Тој нагласи дека Украина не го блокира пристапот до објектот за претставници на Европската комисија, но смета дека официјалната потврда од Киев за уништувањето на инфраструктурата е доволна.

Во врска со барањето на Унгарија и Словачка Европската Унија да испрати независни експерти кои ќе ја утврдат состојбата на нафтоводот, Зеленски порача дека Украина е суверена држава и дава точни информации за штетата.

– Ние сме независна земја. Имаме нафтовод кој Русија го уништи неколку пати, а при второто уништување имаше и повредени. Кога побараа проверка, јасно кажавме дека имало уништување. Не мислам дека претставниците на ЕУ не ни веруваат. Нашиот збор треба да биде доволен. Со текот на годините покажавме дека сме вистински партнери – рече Зеленски.

Тој додаде дека Украина очекува официјално барање од Унгарија и од земјите членки на ЕУ за пристап до оштетената инфраструктура на нафтоводот „Дружба“ за евентуална инспекција.

Зеленски потсети и дека Европската Унија ја поврзува финансиската помош за Украина, како и заемот од 90 милијарди евра, со обновувањето на нафтоводот.

Генералниот директор на украинската државна енергетска компанија „Нафтогас“, Сергеј Коретски, изјави дека ќе бидат потребни околу месец и половина за да се обезбеди технолошката подготвеност на инфраструктурата.

Тој додаде дека компанијата паралелно подготвува проектна и буџетска документација за реставрација и за изградба на алтернативен нафтовод.

Според Коретски, најголемата штета се случила на 27 јануари во близина на градот Броди, каде што е уништена главната пумпна станица.

– Станува збор за инфраструктура од големи размери: пумпни единици, компресори, кабелски системи, контролни панели и електроника. Објектот бара сеопфатна реставрација. Неопходно е и поставување резервоар за испуштање кој ќе го штити системот од прекумерен притисок и ќе спречи еколошка катастрофа – рече Коретски.

Тој нагласи дека во европските земји подготовката на ваков проект би траела од три до шест месеци.

Нафтоводот „Дружба“ е еден од најголемите системи за транспорт на руска нафта во Европа и има значително влијание врз снабдувањето на рафинериите во неколку земји од регионот.

Испораките преку јужниот крак на цевководот, кој минува низ украинска територија, беа прекинати на 27 јануари, откако руски напад ја оштети инфраструктурата и предизвика пожар во пумпна станица. Оттогаш транспортот на нафта кон рафинериите во Унгарија и Словачка е суспендиран.

Премиерите на овие две земји, Виктор Орбан и Роберт Фицо, го обвинија Киев дека намерно го одложува обновувањето на транспортот од политички причини.

Од украинска страна, пак, се наведува дека поправките се технички сложени и се изведуваат под постојана закана од нови руски напади.

Спорот дополнително се заостри кога Будимпешта и Братислава делумно го прекинаа снабдувањето со енергија за Украина, вклучително и дизел и итни испораки на електрична енергија. Унгарија исто така се закани дека ќе ги блокира новите санкции на Европската Унија против Русија сè додека не се обнови транспортот на нафта преку „Дружба“.

The post „РУСИТЕ НЀ УБИВААТ, А НИЕ ТРЕБА ДА МУ ДАДЕМЕ НАФТА НА ОРБАН“ Зеленски не сака да го обнови нафтоводот „Дружба“ appeared first on plusinfo.mk.

Енергетска криза повторно ја тресе Централна Европа. Премиерот на Унгарија, Виктор Орбан, нареди распоредување војници околу клучната енергетска инфраструктура. Орбан тврди дека Украина планира да го наруши унгарскиот енергетски систем, пренесува Индекс.

Одлуката дојде по седница на Советот за национална безбедност, јави Ројтерс. Орбан соопшти дека Унгарија не примила нафта преку нафтоводот „Дружба“ од 27 јануари.

– Според сите информации, јасно е дека прекинот нема никаква врска со технички, туку со политички причини. На овој начин, украинската влада врши притисок врз Унгарија и Словачка – напиша Орбан.

Нафтоводот „Дружба“ транспортира руска сурова нафта кон Унгарија и кон Словачка. Двете земји го обвинуваат Киев за долгорочно нарушување на снабдувањето. Украина возврати со поинаква верзија. Киев тврди дека прекинот бил последица на руски напад со беспилотно летало врз опрема на нафтоводот во западна Украина.

Now trailing by 15 points for the coming elections, Hungary’s Russian-backed Orban regime has just released an urgent propaganda video to convince voters that Ukraine is somehow about to attack.

Many believe Orban may implement martial law under this fabricated pretext. pic.twitter.com/cdy63fSUG2

— SPRAVDI — Stratcom Centre (@StratcomCentre) February 25, 2026

Орбан најави нови мерки.

– Информациите на советот укажуваат дека ќе има повеќе потези од Украина за нарушување на унгарскиот енергетски систем. Затоа наредив зголемена заштита на енергетската инфраструктура. Ова значи распоредување војници и опрема околу клучните енергетски објекти – рече тој.

Премиерот на Унгарија воведе и забрана за летање дронови во округот Саболч-Сатмар-Берег, на унгарската страна од границата со Украина.

– Никој нема да ја уценува Унгарија – порача Орбан.

Изборите во Унгарија се закажани за 12 април. Орбан се кандидира за реизбор. Анкета на „Медијан“ покажа дека во февруари централно-десничарската опозициска партија „Тиса“ го зголемила водството пред Орбановата „Фидес“.

Според анализа на бриселски „Политико“, Орбан оди на отворен конфликт со Брисел и со Киев за да ја оживее кампањата. Тој го напаѓа својот ривал Петер Маѓар, обвинувајќи го дека е продолжена рака на Брисел и на Киев.

Премиерот кој владее 15 години, заостанува во дел од анкетите.

The post ОРБАН ЈА СТАВИ ВОЈСКАТА НА ГОТОВС ОКОЛУ „ДРУЖБА“ Ескалира надмудрувањето со Киев? appeared first on plusinfo.mk.