руска манекенка Archives - plusinfo.mk

🎥 ОД МОДНИТЕ ПИСТИ ДО ГОВОР ВО ОКСФОРД Ирина Шајк зборуваше во домот на најголемите светски мислители и лидери

плусинфо — Mon, 22 Jun 2026 12:24:16 +0000

Руската манекенка Ирина Шајк неодамна одржа говор пред студентите во престижниот Оксфорд Унион, една од најпознатите дебатни институции во светот. Нејзиното гостување предизвика големо внимание бидејќи ретко се случува модни ѕвезди да добијат можност да зборуваат во друштво на светски лидери, научници, уметници и општествени влијателни личности.

Оксфорд Унион, основан во 1823 година, има традиција да поканува личности кои оставиле значајна трага во политиката, науката, културата и јавниот живот. Меѓу неговите говорници низ историјата биле Алберт Анштајн и Стивен Хокинг, но и Мајкл Џексон, Шакира, Морган Фримен, Натали Портман и Ана Винтур, како и бројни државници, добитници на Нобелова награда и холивудски ѕвезди.

Таа на својот инстаграм-профил сподели фотографии и видео од нејзиниот настап.

Поканата за учество во Оксфордската унија обично се упатува на личности кои имаат значително јавно влијание или интересна професионална приказна, без оглед на тоа дали доаѓаат од академската средина или од други области како медиуми, уметност или мода.

Настапот на Ирина Шајк, бил посветен на нејзиното професионално искуство и работата во глобалната модна индустрија, а студентите имале можност да ѝ поставуваат прашања и да дискутираат со неа.

Како што навела, за неа било посебно признание тоа што била поканета да зборува во рамки на Оксфордската унија, место кое низ историјата било дом на некои од највлијателните мислители, лидери и носители на промени.

– Каква неверојатна чест е што сум поканета да зборувам во Оксфордската унија, место кое било дом на некои од најголемите светски мислители, лидери и луѓе што носат промени. Благодарна сум на Оксфордската унија и на Универзитетот Оксфорд за можноста да го споделам моето животно патување. Многу сум благодарна за топлиот прием, промислените разговори и незаборавните моменти – напиша Шајк во својата објава.

View this post on Instagram

A post shared by irina shayk (@irinashayk)

Таа објави и серија фотографии од Оксфорд, а на една од фотографиите, таа позира со книга на која стои натпис „угледни гости на Оксфордската унија“.

Под објавата, многу нејзини обожаватели ѝ упатија честитки и пофалби, истакнувајќи дека изгледа прекрасно и дека постигнала значаен успех.

The post 🎥 ОД МОДНИТЕ ПИСТИ ДО ГОВОР ВО ОКСФОРД Ирина Шајк зборуваше во домот на најголемите светски мислители и лидери appeared first on plusinfo.mk.

ПОРАНЕШНАТА „ПЕПЕЛАШКА“ ГО ОЧЕКУВА СВОЕТО ШЕСТО ДЕТЕ НА 44 ГОДИНИ Која е синооката убавица која од сиромаштија заврши во модно царство?

плусинфо — Thu, 28 May 2026 11:50:05 +0000

Наталија Водјанова ја потврди веста дека го очекува своето шесто дете во 45-тата година од животот, позирајќи со трудничко стомаче на насловната страница на францускиот Вог, докажувајќи уште еднаш зошто е една од најпознатите жени во модната индустрија со децении.

Но, животот на Наталија Водјанова е далеку од бајката што ја живее денес со милијардерското семејство Арно.

View this post on Instagram

A post shared by Vogue France (@voguefrance)

Таа е родена во 1982 година во сиромашен дел од тогашниот Горки во Советскиот Сојуз, сега Нижни Новгород во Русија. Пораснала во исклучително тешки услови, а како девојче ѝ помагала на мајка си да продава овошје на улица за да го прехрани семејството.

Особено тежок дел од нејзиното детство била грижата за нејзината помлада сестра Оксана, која има аутизам и церебрална парализа.

Наталија подоцна често велеше дека растењето со нејзината сестра ја научило на емпатија и борбен дух.

Пресвртница во нејзиниот живот се случила кога била откриена од моден агент на 16-годишна возраст. Набрзо се преселила во Париз, каде што започнала неверојатна кариера како модел. Благодарение на нејзината препознатлива убавина, големи сини очи и елегантен изглед, таа брзо станала едно од најбараните лица на модната сцена. За време на нејзината кариера, соработувала со најголемите светски модни куќи и брендови како што се Гучи, Диор, Живанши, Шанел, Стела Мекартни и Герлен, а ги красела и насловните страници на Вог, Ванити Фер и Харперс Базар.

Многумина ја нарекувале Пепелашка на модната индустрија поради нејзиното неверојатно патување од сиромаштија до луксуз.

Покрај манекенството, таа се обидела и во глума и како телевизиски водител. Таа се појави во неколку филмови и модни документарци, но најголемо внимание привлече кога беше домаќин на Евровизискиот натпревар во Москва во 2009 година. Иако организаторите очекуваа гламурозна водителка од светска класа, нејзиниот настап во тоа време беше дочекан со бројни критики од гледачите поради нејзиниот несигурен англиски јазик и вкочанет настап пред камерите.

И покрај ова, Наталија никогаш не криеше колку е важно за неа да ја претставува Русија на толку голема сцена.

Приватниот живот на моделот е исто толку интригантен како и нејзината кариера. Во 2001 година, таа се омажи за британскиот аристократ Џастин Портман, со кого има три деца. Нивниот брак заврши со развод во 2011 година.

Истата година, таа го запозна Антоан Арно, син на милијардерот Бернар Арно и наследник на луксузната модна империја LVMH, која вклучува брендови како Louis Vuitton, Sephora, Dior и Tiffany. Нивната љубовна приказна наскоро стана една од најследените во светот на модата и луксузот.

Двојката сега има два сина, а се венчаа во 2020 година во Париз. Наталија често нагласува дека нејзиното семејство е нејзин врвен приоритет, и покрај богатството и гламурот со кои е опкружена.

Денес, додека го очекува своето шесто дете, Водјанова продолжува успешно да го балансира семејниот живот, модата и хуманитарната работа.

Преку сопствената фондација, таа со години им помага на децата со посебни потреби, инспирирана од искуството од растењето со нејзината сестра Оксана.

Од девојка која продавала овошје на улиците на Русија до една од највлијателните жени во модната индустрија, животот на Наталија Водјанова останува една од најневеројатните приказни на модерниот шоубизнис.

The post ПОРАНЕШНАТА „ПЕПЕЛАШКА“ ГО ОЧЕКУВА СВОЕТО ШЕСТО ДЕТЕ НА 44 ГОДИНИ Која е синооката убавица која од сиромаштија заврши во модно царство? appeared first on plusinfo.mk.

АКО СТЕ ГИ ПРОПУШТИЛЕ ГОЛИТЕ ФОТОГРАФИИ ОД ИРИНА ШАЈК…Провокативна фото-сесија на руската манекенка за списанието V

плусинфо — Thu, 05 Feb 2026 09:54:43 +0000

Руската манекенка минатиот месец ја красеше насловната страница на списанието V во долна облека инспирирана од врзувањето и ропството, но и целосно гола под кожна наметка и во чизми.

Фотографиите се дело на познатиот фотограф Стивен Клајн и истите може да се видат и на профилот на Шајк на Инстаграм.

Сите фотографии можете да ги видите ТУКА и ТУКА.

Реакциите на јавноста се поделени па дел од фановите ја пофалија нејзината самодоверба и изглед со коментари дека изгледа совршено без разлика што носи, односно, не носи, додека други сметаат дека станува збор за нејзините најлоши фотографии досега и отворено го изразија своето незадоволство.

The post АКО СТЕ ГИ ПРОПУШТИЛЕ ГОЛИТЕ ФОТОГРАФИИ ОД ИРИНА ШАЈК…Провокативна фото-сесија на руската манекенка за списанието V appeared first on plusinfo.mk.

📷 ГО НАРЕЧЕ ПУТИН „ПСИХОПАТ“ И ЗАВРШИ СПАКУВАНА ВО КУФЕР Руска манекенка пронајдена мртва

плусинфо — Wed, 20 Mar 2024 14:24:16 +0000

Телото на руската манекенка Грета Ведлер, која имаше само 23 години, е пронајдено во куфер спакуван во багажникот на напуштен автомобил.

Грета беше успешна манекенка од Москва, а вниманието на јавноста особено го привлече минатата година кога на социјалните мрежи напиша навреди за претседателот Владимир Путин. Меѓу другото, Грета го нарече Путин „психопат“ и рече дека кампањата за подобрување на Русија „ќе заврши со солзи“.

Грета исчезна еден месец подоцна, а никој не знаеше каде е цела година. Сега нејзиното тело е откриено во багажникот на автомобил, спакувано во куфер.

View this post on Instagram

A post shared by TheCivilEyes (@thecivileyes)

По расправија Грета била задавена од нејзиното момче Дмитриј Корвин (23), кој претходно покажувал знаци на насилство и љубомора. По една година истрага, го признал делото и рекол дека ја убил Грета по расправија за пари и дека тоа нема никаква врска со политичките ставови кои таа ги искажувала на социјалните мрежи.

По убиството, телото го спакувал во нов куфер, што ги навело инспекторите да помислат дека тој го планирал злосторството. Го ставил во багажникот и возел 300 километри до регионот Липецк, каде го оставил автомобилот.

Во меѓувреме Корвин продолжил продолжи да објавува слики и статуси на социјалните мрежи на Грета, за најблиските да помислат дека таа е сè уште жива.

The post 📷 ГО НАРЕЧЕ ПУТИН „ПСИХОПАТ“ И ЗАВРШИ СПАКУВАНА ВО КУФЕР Руска манекенка пронајдена мртва appeared first on plusinfo.mk.

📷📽 РУСКА МАНЕКЕНКА И НЕЈЗИНАТА 15-ГОДИШНА ЌЕРКА УБИЕНИ ВО БОДРУМ Синот е исчезнат, а поранешниот сопруг е осомничен за злосторството

плусинфо — Thu, 30 Nov 2023 10:01:43 +0000

Руската манекенка Ирина Двизова (42) и нејзината 15-годишна ќерка Дијана се пронајдени мртви во Турција. Како што пишува Дејли Мејл, нивните тела биле пронајдени завиткани во чаршафи во близина на луксузен хотел во популарното турско летувалиште Бодрум. Полицијата веднаш започнала истрага, а постои сомнение дека зад ова злосторство стои нејзиниот поранешен сопруг Андреј Кушлевич (45) бидејќи поранешните сопружници биле во нарушени односи и неодамна имале расправија за старателството над синот.

Откако го пронашла телото, полицијата почнала да трага по поранешниот сопруг на Ирина. Во вилата каде што престојувале биле пронајдени траги од крв и отпечатоци од машки чевли, а на телото на манекенката и нејзината ќерка биле пронајдени прострелни рани, што исто така е една од индициите што може да доведат до поранешниот сопруг на Ирина, кој бил обезбедување на бизнисмен од Украина.

Постои сомнени дека зад ова злосторство стоела расправија на двојката за старателството над синот Макар кој исчезнал по страшниот настан.

Турската полиција побарала помош од Интерпол за пронаоѓање на Андреј и момчето, кое наводно било со мајка му и сестра му било во Турција, а сега не се знае каде се наоѓа.

Како што пишува Дејли Мејл, Ирина неодамна почнала да работи во Бодрум како агент за недвижности, а пред тоа со години се занимавала со манекенство.

View this post on Instagram

A post shared by Irina Dvizova (@isidasee)

Откако извесно време не возвраќала на пораките и повиците на семејството, нејзиниот фитнес тренер отишол во вилата во која живеела на барање на семејството и открил дека вратата била насилно отворена.
Нејзината ќерка била TikToker со околу 30.000 претплатници на оваа социјална мрежа и имала намера да ги следи стапките на нејзината мајка и да стане модел. Дијана неодамна објави видео на социјалните мрежи во кое вели дека летнала во Истанбул со нејзината мајка за да го прослави својот 15-ти роденден.

View this post on Instagram

A post shared by Irina Dvizova (@isidasee)

Поранешниот сопруг на Ирина од претходно го бара полицијата бидејќи избегал од притвор откако бил уапсен за наводна кражба.

На овој случај реагираа и руски дипломати во Турција и се во контакт со турските власти во врска со смртта на мајката и ќерката.

The post 📷📽 РУСКА МАНЕКЕНКА И НЕЈЗИНАТА 15-ГОДИШНА ЌЕРКА УБИЕНИ ВО БОДРУМ Синот е исчезнат, а поранешниот сопруг е осомничен за злосторството appeared first on plusinfo.mk.