Рускиот претседател Владимир Путин денеска се закани дека Русија би можела да започне со запленување европски бродови како одговор на плановите за продажба на товарот од пресретнати руски бродови кои се поврзуваат со таканаречената „флота во сенка“.

Според Еуроњуз, заканата на Путин доаѓа по пресретнувањето на неколку бродови кои превезувале руска нафта, со што, според европските власти, ги прекршувале санкциите воведени против клучните извори на приходи на Москва.

Со новите мерки, усвоени минатиот месец, на земјите членки на Европската Унија им е дозволено да ја продадат нафтата или друг товар запленет од тие бродови.

Москва остро реагираше на ваквите потези, а Путин ги нарече „пиратство и бандитизам“.

– Ќе бидеме принудени да одговориме со иста мерка – изјавил Путин додека ги надгледувал поморските вежби на рускиот Далечен Исток.

Тој додал дека Москва ќе дејствува „каде и да смета дека е потребно и соодветно – каде било“.

Путин изјавата ја дал на руската крстарица „Варјаг“, во близина на островот Сахалин, каде што руската морнарица изведува воени вежби.

Судски документи од Шведска покажуваат дека Стокхолм ќе му предаде на Киев запленет руски брод за кој постои сомневање дека превезувал жито од окупираните делови на Украина.

Руските поморски вежби се одржуваат една недела пред заедничките воени вежби на САД и Јужна Кореја, кои вклучуваат симулација на можен напад од Северна Кореја.

Во меѓувреме, тензиите во регионот се зголемија, а Киев и Сеул ги обвинуваат Пјонгјанг и Москва за продлабочување на воената соработка.

The post ПУТИН СЕ ЗАКАНИ СО ЗАПЛЕНУВАЊЕ ЕВРОПСКИ БРОДОВИ Рускиот претседател најави одговор со иста мерка appeared first on plusinfo.mk.

Портпаролот на регионалната администрација на Одеса, на југот на Украина, рече дека руските обвинувања за „т.н. украински напад врз Генералштабот на руската флота во Севастопол“ претставуваат „намерна провокација“.

– Ослободувањето на окупираниот украински Крим ќе се изврши на друг, многу поефикасен начин – додаде портпаролот Сергиј Братчук.

Гувернерот на анектираниот полуостров Крим, Михаил Развожаев изјави дека денеска е извршен напад со беспилотно летало врз Генералштабот на руската флота во Црното Море во Севастопол, при што пет лица се ранети.

„Утринава украинските националисти решија да го уништат Денот на руската морнарица“, кој денеска се слави во Русија, напиша Развожаев на Телеграм.

Тој рече дека дронот стигнал до дворот на Генералштабот на флотата и дека меѓу вработените во Генералштабот има петмина ранети. Според него, нема загинати.

The post НЕ ЈА НАПАДНАВМЕ РУСКАТА ФЛОТА Украина демантира дека испратила дрон на Крим appeared first on plusinfo.mk.

Украина денеска соопшти дека нема да ја деминира областа на црноморското пристаниште Одеса за да овозможи извоз на житни култури, наведувајќи ја како причина за тоа заканата од руски напади врз градот.

– Во моментот кога ќе го ослободиме пристапот до пристаништето во Одеса, руската флота ќе биде таму – рече портпаролот на регионалната администрација Сергеј Брачук во видео изјава објавена денеска на социјалните мрежи.

Тој додаде дека Русија „сонува како падобрански трупи влегуваат во градот“ и дека московската армија „сака да ја нападне“ Одеса.

Министрите за надворешни работи на Турција и Русија се сретнаа денеска во Анкара за да разговараат за организирање на безбедносен коридор за отпремување на украинско жито заглавено во пристаништата  поради руската блокада.

Рускиот министер за надворешни работи Сергеј Лавров изјави дека Москва е подготвена да овозможи безбеден премин на украинското жито.

Брачук потенцира дека секој извоз од Одеса мора да биде во придружба на „земјите на НАТО“.

Турција ги понуди своите услуги за придружба на поморски конвои од украинските пристаништа.

Пред војната, Украина беше четврти најголем извозник на пченица во светот и обезбедуваше половина од светската трговија со сончогледови семки и масло.

Украинскиот претседател Володимир Зеленски оваа недела предупреди дека количеството жито блокирано од војната може да се зголеми тројно во рок од неколку месеци.

The post УКРАИНА НЕМА ДА ГО ДЕМИНИРА ПРИСТАНИШТЕТО ВО ОДЕСА Блокиран извозот на жито appeared first on plusinfo.mk.

Командантот на Северна флота, Александер Моисејев изјави дека фрегатата „Адмирал Головко“ ќе биде првата вооружена со Циркон.

Претходно, рускиот претседател Владимир Путин ја опиша ракетата Циркон како дел од новата генерација оружје „какво што нема никој“, што е деветпати побрза од брзината на звукот.

Хиперсонични ракети Циркон се лансираат од брод или подморница. Првото официјално пробно лансирање беше во октомври 2020 година и тогаш летаа со девет маха. Циркон беше тестирана и во октомври 2020 година на рускиот Арктик, главно од фрегатата „Адмирал Горчков“.

The post СМРТОНОСНА ЗАКАНА ЗА НЕПРИЈАТЕЛСКИТЕ БРОДОВИ Циркон е новото оружје на руската флота appeared first on plusinfo.mk.

Името на новиот проектил е „ответ“, односно „одговор“ и според извештаите од Русија ќе претставува одговор на растечката закана по воената морнарица на земјата, која доаѓа од подморниците на земјите-членки на НАТО.

Тестирањето на „ответ“ се одржа во Јапонското Море, а од Министерството за одбрана на Русија известија дека резултатите се воодушевувачки.

– По лансирањето, проектилот во вода се спушта со падобран, по што управуван од сонарниот радар самиот ја лоцира подморницата. Крајниот дострел на „ответ“ е 40 километри – велат од министерството.

The post ПРИСТИГНА ОДГОВОРОТ ОД РУСИЈА Дали е готово со подморниците од НАТО? appeared first on plusinfo.mk.