Млад руски војник успеал сам да ја задржи својата позиција на фронтот во источна Украина дури 68 дена, одбивајќи повеќе напади и испраќајќи разузнавачки информации до својата команда.

Станува збор за 21-годишниот Сергеј Јарашев, кој се нашол отсечен од главните руски сили за време на борбите во регионот Доњетската Народна Република (ДНР). Според руските медиуми, тој бил првиот кој влегол во позициите на украинските сили за време на напад и успеал да уништи неколку нивни стрелни точки.

По борбата, Јарашев останал изолиран од својата единица и два месеци ја бранел позицијата сам. Во тој период, како што се наведува, испраќал разузнавачки информации до руската команда и одбивал повеќе напади од украински нападни групи.

Муницијата и храната, според извештаите, му биле доставувани со беспилотни летала.

За овој подвиг, рускиот претседател Владимир Путин му ја додели највисоката државна награда – титулата Херој на Русија.

Ruski vojnik 68 dana sam držao položaj i odbijao napade ukrajinske vojske

Vojnik Sergej Jarašev (21) 68 dana je sam branio položaj u DNR, nakon što je tokom juriša prvi upao u redove ukrajinskih snaga i uništio njihove vatrene tačke. Pošto je ostao odsečen od glavnih ruskih… pic.twitter.com/9IUCVNDWjl

— RT Balkan (@rtbalkan) March 11, 2026

The post 📽️ ДРОНОВИ МУ НОСЕЛЕ ХРАНА И МУНИЦИЈА Руски војник преживеал сам 68 дена на фронтот, Путин го награди appeared first on plusinfo.mk.

Четирите години војна на Русија против Украина не само што убија и повредија стотици илјади луѓе, туку предизвикаа и сериозна штета на животната средина и климата, покажуваат нови истражувања.

Од февруари 2022 година, околу 311 милиони метрички тони еквивалент на јаглерод диоксид се емитувани како резултат на конфликтот, покажаа пресметките на Иницијативата за пресметка на стакленички гасови од војната (IGGAW) објавени денеска.

Тоа е приближно половина од годишната емисија на стакленички гасови што ја произведува најголемата европска економија, Германија, пренесе ДПА.

Повеќе од една третина, или 37 проценти од емисиите, потекнуваат директно од воените активности, вклучувајќи ги огромните количини на керозин, нафта и дизел согорени од борбените авиони, воените бродови и тенковите, се наведува во студијата.

Шумските пожари предизвикани од војната сочинуваат речиси една четвртина од вкупните емисии. Многу шумски пожари и пожари на ниска вегетација избувнаа долж или во близина на линиите на фронтот и во пограничните региони.

Украина бара отштета од Русија за штетите поврзани со климата предизвикани од војната, со цел да се финансира еколошки одржлива реконструкција.

На Конференцијата на ОН за климатски промени во Бразил во ноември, Киев го процени своето барање на 57 милијарди долари. Барањата треба да бидат поднесени до Регистарот на штети за Украина на Советот на Европа.

The post ВОЈНАТА НЕ УБИВА САМО ЛУЃЕ, ТУКУ ЈА ГУШИ И ПЛАНЕТАТА Конфликтот меѓу Русија и Украина создаде огромни емисии appeared first on plusinfo.mk.

Првата дама на САД, Меланија Трамп, потврди дека е во директен контакт со тимот на рускиот претседател Владимир Путин, со цел враќање на украински деца од Русија. Настапот беше краток, без детали, но со јасна порака дека процесот е активен и дека се очекуваат резултати.

– Работам на тоа и сме во процес. Се надевам дека многу брзо ќе имаме успех – изјави Меланија пред новинарите во Белата куќа.

Од Источното крило на Белата куќа информираа дека првата дама уште минатата година му испратила писмо на Путин. Писмото, според портпаролот, лично му го предал нејзиниот сопруг, американскиот претседател Доналд Трамп, во август. Темата била судбината на украинските деца одведени од териториите зафатени со војна.

Од почетокот на кампањата на првата дама, 15 деца се вратиле во Украина, меѓу нив и седум во декември. Белата куќа не соопшти дали нови враќања се веќе договорени, ниту каков е одговорот од руската страна.

Украина ја обвинува Русија за киднапирање на најмалку 19.000 деца и нивно одведување на руска територија или во окупираните области, без согласност од семејствата или старателите, по инвазијата во февруари 2022 година. Москва ги отфрла обвинувањата и тврди дека децата биле евакуирани за да бидат заштитени од борбите.

Паралелно со оваа тивка хуманитарна дипломатија, Русија и Украина соопштија дека одржале „продуктивни“ разговори во Абу Даби, во рамки на преговори предводени од САД за завршување на речиси четиригодишната војна. Изјавите дојдоа и покрај фактот дека руските сили претходно неделава извршија масовни напади со стотици беспилотни летала и рекорден број балистички ракети.

Меланија Трамп, која свесно останува во сенка за време на вториот мандат на сопругот, имаше уште една јавна активност. Во Белата куќа се сретна со израелско-американските заложници Кит и Авива Сигел, ослободени од палестинската вооружена група Хамас, средба што дополнително ја нагласи нејзината фокусираност на хуманитарни теми поврзани со глобалните конфликти.

The post МЕЛАНИЈА ОТВОРА КАНАЛ СО КРЕМЉ „Се надевам дека брзо ќе ги вратиме украинските деца“ appeared first on plusinfo.mk.

Украинскиот претседател Володимир Зеленски најави состанок посветен на итната потреба на Украина од нови ракети за противвоздушна одбрана (ПВО), пренесува Укринформ.

Во своето вечерно видеообраќање, Зеленски информираше дека заедно со врховниот командант на вооружените сили, Олександар Сирски, детално ги разгледале прашањата поврзани со испораките од партнерските земји. Тој нагласи дека приоритет се ракетите кои веќе се наоѓаат во европските складишта.

– Утре имаме состанок на кој ќе разговараме за ова. Потребни се нови испораки од партнерите преку иницијативата „PURL“, како и преземање на ракетите од складовите во Европа. Знаеме дека тие се таму и мора веднаш да бидат ставени во служба на нашите противвоздушни сили – изјави Зеленски.

Според податоците на Укринформ, само во текот на оваа недела Русија истрелала врз Украина речиси 1.100 дронови, над 890 наведувани воздушни бомби и повеќе од 50 ракети од различен тип.

The post РАКЕТИТЕ СЕ ВЕЌЕ ВО ЕВРОПА Зеленски бара ПВО системите веднаш да бидат испратени во Украина appeared first on plusinfo.mk.

Украинскиот претседател Володимир Зеленски во своето вечерно видеообраќање упати сериозни обвинувања дека Русија преку немилосрдни воздушни напади се обидува целосно да ги уништи украинските градови.

– Русите го искористуваат времето, студениот бран, и се обидуваат да погодат што е можно повеќе наши енергетски објекти – изјави Зеленски, посочувајќи дека по Днипро, Запорожје, Криви Риг и Одеса, на удар на последната серија напади се нашла и престолнината Киев.

Според него, главната тактика на Москва е да предизвика целосен прекин на снабдувањето со електрична енергија, вода и греење во погодените градови, со цел да се зголеми притисокот врз цивилното население.

Зеленски нагласи дека ваквите дејствија јасно покажуваат оти Русија воопшто не се грижи за дипломатијата и за мировните напори на Соединетите Американски Држави.

Тој посебно се осврна и на употребата на нуклеарно способната ракета со среден дострел „Орешник“ во нападот врз Лвовската област, во западниот дел на Украина, во близина на границата со Европската Унија и НАТО.

Зеленски оцени дека овој потег претставува еднаков безбедносен предизвик не само за Украина, туку и за Варшава, Букурешт, Будимпешта и за многу други европски метрополи, додавајќи дека станува збор за втора употреба на ова моќно оружје од почетокот на војната.

The post ЗЕЛЕНСКИ СО ТЕШКИ ОБВИНУВАЊА Русија сака да ги „згасне“ украинските градови appeared first on plusinfo.mk.

Дмитриј Козак, еден од најблиските и најдолгогодишни соработници на рускиот претседател Владимир Путин, остро му се спротивставил на почетокот на инвазијата врз Украина. Во кругот на највисоката власт во Кремљ, Козак изговорил реченица што ретко се слуша во руската политика:
„Уапси ме или стрелај ме!“

Против инвазијата уште пред да почне војната

Додека сè уште се водеа разговори со Украина, Козак предложил прекин на огнот. Притоа, неговиот план вклучувал повлекување на руските сили од поголем дел од украинската територија. Според него, таквиот чекор ќе ја запрел ескалацијата и ќе ги намалел жртвите.

Сепак, неговите аргументи не биле прифатени. Иако подоцна го изгубил влијанието, Козак останал на функцијата уште некое време. Во меѓувреме, тој станал симбол на тивок отпор во руската политичка елита.

Клучниот судир во Кремљ

На 26 февруари 2022 година, само два дена по почетокот на инвазијата, Козак одбил да ја спроведе наредбата што му ја дал Путин. Инаку, двајцата соработувале повеќе од 30 години.

Неколку месеци подоцна, во септември 2022 година, Козак поднел оставка од функцијата заменик-шеф на кабинетот на Путин. Во јавноста постепено почнале да излегуваат детали за сериозниот разид меѓу нив.

Предупредувања што подоцна се покажале точни

Според достапните информации, Козак уште пред почетокот на војната предупредувал на сериозни последици. Тој посочувал дека Украина ќе пружи силен отпор. Исто така, предвидувал жестоки санкции против Русија и геополитичка изолација.

Дополнително, Козак предупредил дека инвазијата може да доведе до влез на Шведска и Финска во НАТО – сценарио што подоцна целосно се реализираше.

Зад затворени врати на Советот за безбедност

На 21 февруари 2022 година, на седница на Советот за безбедност на Русија што не беше пренесувана во живо, Козак ги повторил своите ставови. Тој нагласил дека санкциите ќе бидат сурови и дека позицијата на Русија ќе биде сериозно нарушена.

Потоа, Путин го повикал на приватен разговор и побарал повторно да ги образложи аргументите. Сепак, Козак не отстапил. Само три дена подоцна, на 24 февруари, Русија ја започна војната против Украина.

Редок момент на отпор во Кремљ

Моментот кога Козак му рекол „њет“ на најмоќниот човек во Русија и изјавил дека е подготвен да биде уапсен или стрелан, останува исклучително редок. Такви сцени речиси не се забележани во поновата историја на Кремљ.

Овој настан покажува дека, и покрај цврстата хиерархија, дури и најблиските соработници на Владимир Путин имале сериозни несогласувања со насоката во која се движеше државата.

The post „УАПСИ МЕ ИЛИ СТРЕЛАЈ МЕ“! ГО ПОГЛЕДНАЛ ПУТИН ВО ОЧИ И МУ РЕКОЛ „ЊЕТ“ Ова е единствениот човек кој му се спротивставил на рускиот претседател appeared first on plusinfo.mk.

Подобрувањето на хуманитарната состојба во Појасот Газа не зависи од признавањето на Палестина, изјави високата претставничка на Европската Унија за надворешна политика и безбедност, Каја Калас, по состанокот во Њујорк со министрите за надворешни работи на Бразил, Индија и Мексико.

– Сите европски земји го поддржуваат решението за две држави. За да постојат Израел и Палестина како рамноправни партнери, некои земји членки преземаат чекори кон признавање на Палестина, за да испратиме јасен сигнал дека ги поддржуваме Палестинците во овој конфликт – истакна Калас.

Според неа, ставот на министрите е јасен – решението за две држави е единствената реална можност за траен мир на Блискиот Исток.

– Тоа значи безбеден Израел и одржлива палестинска држава – нагласи таа.

Калас ја нарече ситуацијата во Газа „катастрофален неуспех на човештвото“ и ја повика израелската Влада веднаш да ги отстрани сите хуманитарни ограничувања.

– Хамас мора да го положи оружјето и да ги ослободи заложниците. Но, и проширувањето на доселеничките населби и анексијата на палестински територии се некомпатибилни со мирот – порача Калас.

Таа потсети дека ЕУ е најголем донатор на хуманитарна помош и силен поддржувач на Палестинската самоуправа.

На состанокот се дискутирало и за војната во Украина. Калас предупреди дека секој руски воздушен напад дополнително ги уништува шансите за дипломатско решение.

– Русија покажува апсолутен презир кон обидите за мир. Повторените повреди на воздушниот простор на ЕУ се опасни и може да излезат од контрола. Затоа предложивме нов пакет санкции против Москва – изјави таа.

Во разговорите со Бразил, Индија и Мексико била потенцирана важноста од зачувување на меѓународниот поредок базиран на правила.

– Русија секојдневно ги крши принципите на Повелбата на ОН. Денеска нагласивме дека мултилатералниот систем мора да се брани, бидејќи Повелбата на ОН е неговата суштина – додаде Калас.

The post СИТУАЦИЈАТА ВО ГАЗА Е КАТАСТРОФА ЗА ЧОВЕШТВОТО Калас со остра порака до Израел, но и барање до Хамас appeared first on plusinfo.mk.