Претседателите на Владимир Путин и Доналд Трамп разговарале телефонски околу час и половина, соопшти советникот на Кремљ, Јуриј Ушаков.

Разговорот бил инициран од руската страна, а во фокусот биле безбедносните случувања на Блискиот Исток, како и неодамнешниот обид за атентат врз американскиот претседател.

Според Ушаков, Путин остро го осудил нападот врз Трамп и изразил поддршка за американскиот лидер.

Двајцата лидери разговарале и за ситуацијата во Иран и регионот на Персискиот Залив, при што Москва нагласила дека ги продолжува контактите со сите клучни актери.

– Русија ги продолжува активните контакти со Иран и земјите од Персискиот Залив, Израел и САД – изјави Ушаков, додавајќи дека Путин смета оти продолжувањето на прекинот на огнот е клучно за стабилизирање на состојбите.

The post ПУТИН МУ СЕ ЈАВИ НА ТРАМП ПО ОБИДОТ ЗА АТЕНТАТ Кремљ откри што си кажале, разговорот траел 90 минути appeared first on plusinfo.mk.

Фотографија исткната на ѕид во Белата куќа го привлече вниманието на новинарите. На неа заедно стојат шефот на САД Доналд Трамп и рускиот лидер Владимир Путин. Веднаш до неа е поставена уште една слика на која Трамп позира со едно од своите внучиња.

Фотографијата со Путин во централниот коридор што ги поврзува Западнот крило со резиденцијалниот дел ја забележа и ја сними дописничката на Пи-Би-Ес од Вашингтон, Елизабет Ландерс. Таа објави видео на мрежата Икс и напиша дека ваков експонат досега немала видено на тој ѕид.

Фотографијата со Путин потекнува од самитот во Алјаска одржан минатиот август. Таму Трамп и Путин разговараа во рамки на првата средба меѓу американски претседател и руски лидер по почетокот на руската инвазија врз Украина во 2022 година.

Also something I noticed in a vestibule area that connects the West Wing to the residence that I hadn’t see before: a framed photo of Presidents Trump and Putin at their summer summit in Alaska. Lower photo is President Trump with one of his grandchildren. pic.twitter.com/jabUEmZyay

— Elizabeth Landers (@ElizLanders) January 27, 2026

Неколку дена подоцна, Трамп ја покажа истата фотографија пред новинарите во Овалната соба.

– Ми ја испратија и мислев дека ќе сакате да ја видите – им рече Трамп тогаш на новинарите.

Тој ја опиша фотографијата како прекрасна и додаде дека нејзиното испраќање го доживеал како знак на меѓусебно почитување. Притоа нагласи дека почитта не значи и согласност за сите прашања.

Според проценка на „Њујорк тајмс“, бројот на убиени и ранети во Украина достигнал околу 2 милиони луѓе, вклучувајќи војници и цивили.

The post 📷 ФОТКАТА OД АЛЈАСКА БОДЕ ОЧИ НА ЅИД ВО БЕЛАТА КУЌА Трамп и Путин заедно, па Трамп заедно со внучето appeared first on plusinfo.mk.

Рускиот министер за надворешни работи Сергеј Лавров за првпат по шпекулациите за расправија со Владимир Путин, дал отворено интервју за агенцијата РИА новости. Со смирен тон и внимателен избор на зборови, тој порачал дека Русија и САД го продолжуваат билатералниот дијалог, иако „не со брзина каква што би сакале“, јави агенцијата.

Интервјуто на Лавров доаѓа откако беа откажани средбите со неговиот американски колега во Будимпешта како можна рунда преговори за мир во Украина. Некои медиуми шпекулираа и дека Лавров наводно го изгубил влијанието кај Путин по неуспешниот обид за организирање средба со Доналд Трамп во Будимпешта.

Сепак, во интервјуто, Лавров истакнал дека Москва е подготвена за лична средба со американскиот државен секретар Марк Рубио, нагласувајќи ја „важноста на редовната комуникација“.

– Државниот секретар Марко Рубио и јас ја разбираме потребата од редовна комуникација. Ова е важно за дискусија за украинското прашање и за унапредување на билатералната агенда. Затоа комуницираме преку телефон и сме подготвени да одржуваме состаноци лично кога е потребно – рече Лавров.

Дипломатот потсетил дека двете земји веќе одржале две рунди разговори, во кои се постигнати договори за подобрување на условите во дипломатските претставништва.

– Сметаме дека треба да се оди понатаму од тие прашања. Потребно е да се воспостави директна воздушна линија и да се врати рускиот дипломатски имот што ни го одзеде Барак Обама во 2016 година – изјави Лавров.

Понатаму објаснил дека Москва сè уште чека одговор од американската страна за предлозите околу дипломатскиот имот и за авионските врски.

– Работните контакти се во тек. Очекуваме напредок наскоро – додал тој.

Некои аналитичари забележуваат дека Лавров, некогаш нарекуван „господин њет“, сега користи помирлив тон. Други велат дека тоа може да биде сигнал дека Кремљ се обидува да спушти тензиите со Вашингтон по несогласувањата во врска со војната во Украина.

Лавров вчера изјави дека се работи на подготовка на предлог за потенцијален руски нуклеарен тест по наредба на рускиот претседател Владимир Путин, објави државната новинска агенција ТАСС.

Сепак, портпаролот на Кремљ Дмитриј Песков денеска изјави дека Путин не дал наредба да се отпочне со такви припреми.

Трамп минатата недела изјави дека му наредил на Пентагон да започне со тестирање на американското нуклеарно оружје „на рамноправна основа“ како одговор на „програмите за тестирање на други земји“.

The post ГОСПОДИНОТ „ЊЕТ“ РЕЧЕ „ДА“ ЗА СРЕДБА СО РУБИО Лавров одговори на гласините дека ја губи довербата кај Путин appeared first on plusinfo.mk.