Генералниот секретар на НАТО, Марк Руте, ги исмеа вчерашните пораки од Москва, откако Кремљ одговори на изјавата на американскиот претседател Доналд Трамп дека Русија е „хартиен тигар“.

– Цел ден го слушаме Кремљ како вели: „Не, ние не сме хартиен тигар. Ние сме мечка“. Па, знаете, ако сте мечка, не мора да нагласувате дека сте мечка бидејќи сите ќе го забележат тоа во секој случај. Тоа покажува голема слабост од руска страна. Јасно е дека претседателот Трамп погодил нерв – изјави Руте за Фокс њуз.

Портпаролот на Кремљ, Дмитриј Песков, претходно одговори на зборовите на Трамп велејќи дека Русија е мечка, а не тигар, додавајќи: „Не постои такво нешто како хартиена мечка“.

NATO Secretary General Mark Rutte:

The whole day yesterday, we had the Kremlin saying, “No, we are not a paper tiger. We are a bear.” Well, you know, if you are a bear, you don’t have to announce yourself to be a bear because everybody will notice. This shows a lot of weakness… https://t.co/IfI1Cf27L1 pic.twitter.com/U9ogXlLjZr

— Anton Gerashchenko (@Gerashchenko_en) September 26, 2025

Тој, исто така, го коментираше тврдењето на Трамп дека Украина може да ја врати целата окупирана територија под своја контрола, велејќи дека „руските сили напредуваат на сите фронтови во Украина“ и дека „динамиката на војната е очигледна“.

Зборувајќи за можноста за средба меѓу Владимир Путин и Володимир Зеленски, Песков потврди дека „средба меѓу двајцата без соодветна подготовка би била ПР-шоу осудена на неуспех“.

Американскиот претседател Доналд Трамп завчера изјави дека земјите-членки на НАТО треба да ги соборуваат руските авиони што го нарушуваат нивниот воздушен простор. Тој исто така рече дека верува оти Украина, со поддршка на Европската Унија и НАТО, може да ја врати целата територија што Русија ја зеде од почетокот на инвазијата, иако претходно изјави дека и Киев и Москва ќе мора да се откажат од дел од територијата за да се стави крај на војната.

„Откако ја запознав и целосно ја разбрав воената и економската состојба на Украина и Русија и кога ги видов економските проблеми што ги создаваат за Русија, мислам дека Украина, со поддршка на Европската Унија, е во позиција да се бори и да ја врати цела Украина во нејзината оригинална форма. Со време, трпение и финансиска поддршка од Европа, а особено од НАТО, оригиналните граници од каде што започна оваа војна се многу добра опција. Зошто да не? Русија води бесмислена војна три и пол години во која на вистинска воена сила би ѝ требало помалку од една недела да победи. Тоа не е комплимент за Русија. Всушност, ги прави да изгледаат како ‘хартиен тигар’“, напиша Трамп.

Тој додаде дека кога Русите ќе разберат што се случува во војната, од недостиг на гориво и долги редици на бензински пумпи до фактот дека земјата троши поголем дел од своите пари борејќи се против Украина, Киев ќе може да ја врати целата своја земја, „а можеби и повеќе“.

„Путин и Русија се во големи економски проблеми и сега е моментот Украина да дејствува. Во секој случај, им посакувам на двете земји сѐнајдобро. Ќе продолжиме да го снабдуваме НАТО со оружје за да може НАТО да прави што сака со тоа оружје. Среќно на сите“, рече Трамп.

The post РУСИЈА – МЕЧКА ЛИ Е, ТИГАР ЛИ Е? Трамп, Руте и Песков водат војна со надмоќни фрази appeared first on plusinfo.mk.

Русија е повеќе како мечка отколку тигар, a хартиени мечки не постојат, рече денеска портпаролот на Кремљ, Дмитриј Песков, како одговор на коментарите на американскиот претседател Доналд Трамп дека Русија е „хартиен тигар“.

– Терминот „хартиен тигар“ беше употребен во однос на нашата економија… Русија воопшто не е тигар. На крајот на краиштата, Русија повеќе се поврзува со мечка, а хартиени мечки не постојат – изјави Песков за радио РБЦ.

Трамп вчера изјави дека Украина, со поддршка на Европската Унија и НАТО, има реална шанса да ја врати својата територија и да ги врати границите што ги имаше пред почетокот на војната со Русија.

Тој рече дека бидејќи „бесцелно“ води војна три и пол години, Русија се однесува како „хартиен тигар“ и дека на вистинска воена сила би ѝтребало помалку од една недела за да ја добие таа војна.

The post „РУСИЈА Е МЕЧКА, А ХАРТИЕНИ МЕЧКИ НЕ ПОСТОЈАТ“ Кремљ му одговори на Трамп appeared first on plusinfo.mk.