Во моментот од 96 планирани матични лекари во рурални подрачја, функционираат 44, а недостигаат 52. Тоа значи дека имаме помалку од 50 отсто исполнетост на руралните амбуланти – истакна генералниот директор на Фондот за здравствено осигурување Сашо Клековски на денешната прес конференција.

Тој ги повикува сите матични лекари кои работат во руралните подрачја, младите доктори кои би сакале да почнат со работат во руралните подрачја, како и кој било заинтересиран, вклучувајќи го и Здружението на приватни лекари, да дадат предлози што треба да се измени во правилата за да ги поттикнат лекарите да работат како рурални матични лекари.

– Неопходни се мерки кои треба да ги охрабрат младите лекари да започнат да работат во руралните подрачја, односно измени на правилникот кој тоа го регулира, да обезбедиме натамошна либерализација на условите за рурални матични лекари и да видиме кои се пречките кои оневозможуваат младите лекари да започнат да работат во руралните подрачја – рече директорот Клековски.

Тој рече дека заинтересираните може да ги испраќаат предлозите на е-пошта: ruralno@fzo.org.mk, до 1. ноември, сите пристигнати предлози ќе бидат разгледани од посебна комисиија задолжена за подготовка на измените и доколку тие се во согласност со законската регулатива, ќе бидат вградени во новиот правилник или ќе послужат како основа на измени на законската регулатива.

– Многу набрзо ќе мора да размислуваме за малите места кои не се дефинирани како рурални. Во Ресен има само тројца матични лекари. Демографската, возрасната структура на матичните лекари е исклучително лоша и за 10 до 15 години ќе имаме сериозна криза во покриеноста. И тоа не е ислучок за Македонија. Неодамна бев на консултација со Светската банка за Западен Балкан. Цела Европа е посебно погодена со криза во примарната здравствена заштита и огромни подрачја остануваат непокриени со примарна здравствена заштита и листите за чекање за базични прегледи се продолжуваат. Ако гледаме дека тоа ќе биде проблем за десеттина години, ние мора сега да дејствување, за да не се најдеме во ситуација на 30 до 40 километри да нема доктор достапен за населението, додаде Клековски.

Тој појасни дека една од можностите е да се зголемат дотациите, но главниот проблем на руралните подрачја е малиот број осигуреници што значи ниска капитација, ниски примања.

The post ВО СЕЛАТА МАТИЧНИ ЛЕКАРИ НЕМА НИ ЗА ЛЕК! Ни требаат 96, имаме 44, што да се прави? appeared first on plusinfo.mk.

Владата денеска донесе одлука да одвои 116 милиони денари за финансирање на 47 проекти насочени кон развој на урбаните и специфичните подрачја, селата и центрите во планските региони. Средствата се доделуваат на предлог на Министерството за локална самоуправа.

– Со оваа инвестиција испраќаме јасна порака – секој регион, секое село и секој урбан центар заслужува услови за подобар живот. Преку овие проекти градиме праведна и рамномерна држава, каде што развојот не е концентриран само во неколку центри – велат од Владата.

Проектите се насочени кон:

– урбан развој и подобрување на условите за живеење во градските средини,

– одржлив развој на селата,

– поддршка за инфраструктурни и економски иницијативи во планските региони,

– и подготовка на активности за 2025 година во рамки на долгорочната стратегија за регионален развој.

– Со реализирање на овие проекти, директно се влијае врз подобрување на квалитетот на живот на граѓаните, намалување на нееднаквостите меѓу регионите и поттикнување на локалниот економски раст – информираат од владината прес-служба.

На истата владина седница беше усвоен и Меморандум за соработка со организацијата Македонија 2025, кој ќе овозможи институционална поддршка во повеќе клучни области:

– подобрување на врските со македонските иселеници,

– враќање и реинтеграција,

– поттикнување на инвестиции од дијаспората,

– развој на претприемништво,

– дигитална трансформација,

– и поддршка за иновации и научен развој.

– Со овој меморандум градиме мост меѓу татковината и нашите луѓе кои живеат надвор. Сакам да порачам – секој иселеник е вреден капитал за нашата иднина. Ги отвораме вратите за враќање, инвестирање и активно учество во економскиот и општествениот живот на државата – велат од Владата.

The post 1,8 МИЛИОНИ ЕВРА ЗА РАЗВОЈ НА УРБАНИ И СЕЛСКИ СРЕДИНИ Владата ќе инвестира во 47 проекти со кој ќе се промени животот во регионите appeared first on plusinfo.mk.

Не само што не ги забораваме, туку и се трудиме да опфатиме што поголем број на државни патишта кои водат кон руралните средини и кои се со стар и со оштетен коловоз, порача Коце Трајановски, директор на Јавното претпријатие за државни патишта.

„Денеска заедно со пратеникот Ѓорѓија Сајкоски, заменик министерот Лазе Јаќимоски и заменик-директорот на ЈП Македонијапат Александар Шуковски, бевме на увид на еден таков пат, каде што е во тек негова санација. Тоа е регионалниот пат Р2337 на делот од врска со Р1305, одсносно, патот Кичево-Демир Хисар, кон Цер. Се санира коловоз со вградување на нов слој на асфалт, во должина од 5.100 метри и широчина од 4 метри. Вредност на работите е проценета на 30 милиони денари“, информираше Трајановски на Фејсбук.

Во тек се и градежни активности и изведба на земјани работи, за санација на делот од патот од Цер кон Пуста Река, додаде тој. Се врши пробивање и рамнење на трасата и ископ на канали. Овој пат е со земјан коловоз, а целта е поврзување со Крушево, објасни Трајановски.

Работите ги изведува ЈП Македонијапат, а се реализира преку Програмата на ЈПДП за одржување на државните патишта за 2025 година, во која се планирани градежни активности на државни патишта кои водат кон руралните средини, а кои се со стар и оштетен коловоз.

The post ДО РУРАЛНИТЕ УБАВИНИ НА МАКЕДОНИЈА ПО МАЗЕН АСФАЛТ Трајановски провери како оди санацијата на патот кон Цер appeared first on plusinfo.mk.

– За состојбата во руралните средини говори фактот дека дури 62% од населените места во Македонија имаат помалку од 100 жители, што кажува дека не денес, туку вчера требаше да се започне со системско решавање за депопулацијата во руралните средини – потенцираше Мојсоска на јавната расправа за родова инклузија на руралната жена по повод Меѓународниот ден на руралната жена.

Мојсоска потсети дека претходната влада не го стави на пленарна седница предлог – законот од Левица во интерес на земјоделките.

– Наместо тоа, се донесе импровизирано решение од Програма за социјална поддршка, која ја донесува Министерството за земјоделие – рече Мојсоска.

Во 2023 година, додаде таа само 2 земјоделки поднеле барање за остварување на правото на породилно отсуство.

– Тие 2 барања не биле разгледани до моментот на вршење на ревизијата. Тоа, исто, укажува дека условите за користење на поддршка од програмата се дискриминаторски. Јас сметам дека правото на платено породилно отсуство е законска материја и тоа не смее да зависи од дискреционото право на некој министер да донесе програма. Јас апелирам и се надевам дека нема да заврши уште еден мандат без жените земјоделки да добијат законско решение за платено породилно отсуство, а Левица е подготвена повторно да поднесе предлог-закон, со апел актуелната власт да го поддржи – рече Мојсоска.

The post САМО ДВЕ ПОБАРАЛЕ ПОРОДИЛНО ОТСУСТВО, НЕ ИМ ГИ РАЗГЛЕДАЛЕ БАРАЊАТА Левица бара породилното за земјоделките да се уреди со закон appeared first on plusinfo.mk.