За почеток станува збор за најмалиот рудник со огромно стратешко значење за Македонија. Се надевам дека ова е само почеток и овој тренд мора да продолжи.

Многумина ме прашаа што значи отворањето на рудникот за антимон во село Луке, атарот на општина Крива Паланка. Како инженер по екстрактивна металургија, кој е стратешки образовно поддржан од своите професори, можам само да кажам дека нема таков колега (металург) на планетата Земја кој има намера да даде предвидување за отворањето на рудникот без притоа да види проект од геолошки и рударски аспект првенствено, но и од стратешко макроекономски, кој е најзначаен.

Затоа како лобист за отворање рудници кои можат да донесат сериозен економски развој на Македонија го поддржувам отворањето на рудникот во село Луке и ги чекам геолошките наоди кои има намера да ги направи фирма од Австралија, земја членка на Комонвелтот, при што нашата влада потпиша стратешки договор со нејзиниот основач Велика Британија.

Во стилот на првиот претседател на самостојна Македонија можам да го цитирам, а тоа кажува сѐ: Македонија нема време за чекање.

За жал, во Македонија сѐ уште постојат струи кои не гледаат подалеку од сопствениот нос освен нивниот финансиски интерес, а не интересот на останатите граѓани. Затоа морам да го пофалам еден од министрите на актуелната власт кој јасно во негово интервју даде до знаење по однос на друг проект дека Македонија нема намера да исплати отштета од 100 милиони евра за туѓи бели дворови и дека државата ќе си ги преземе сите механизми за оние кои ја буткаат во долгови да ги расчисти онака како што доликува на една држава.

Една од овие струи која најмногу ме изненади е соодветен господин кој најави еколошка бомба во Кривопаланчко и се претстави како металуршки инженер. Тоа значи дека не се почитува себеси првенствено зошто мора да каже јас сум дипломиран инженер за екстрактивна или преработувачка металургија на Технолошко-металуршки факултет-Скопје при Универзитет „Св. Кирил и Методиј“. И сега што ќе разговараме со оваа личност.

Наместо да даде знаење од инженерски аспект и да го докаже својот научно-образовен капацитет, истиот ни дава политичка конотација, зашто е член на соодветна партија која мисли дека (проверено од моја страна и гарантирам 100%) сите рудни богатства треба да ги дадеме на држави кои се воодушевуваат на Че Гевара и на Фидел Кастро, а тоа се Русија и Кина. И едно лично прашање: Господине т.н. металуршки инженер, си слушнал за сува постапка и дека не постојат хидројаловишта во модерната екстрактивна металургија? Очигледно не.

Затоа истиот и неговите партиски другари имаат свои коалициони партнери кои немаат претстава што значи екоцид и еколошка бомба. Науката каде работат рудниците не се чита во лексикон за странски изрази кои суптилно ги злоупотребуваат. И сега еве ја коалицијата.

Од граѓанската иницијатива „Зелен хуман град“ обвинуваат дека најавите за можно обновување на рударските активности во Крстов Дол отвораат сериозни еколошки и здравствени ризици. Според нив, наместо санација на постојните загадувања, се туркаат нови проекти што би можеле дополнително да ја влошат состојбата со тешки метали и безбедноста на животната средина.

Што би рекол еден мој голем пријател за Вас сите, пер се и суи генерис елементарно сте необразовани (неписмени) за геолошко, рударско, металургиски индустриски капацитети.

Од почит кон сите граѓани на Македонија вака се отвораат рудници, издвоено од литература, и ова е нивното значење за цивилизациите.

Рудните наоѓалишта се експлоатираат по следниве постапки:

– Истражување и извидување за утврдување на местоположбата, големината и вредноста на лежиштата

– Проценка на ресурсите со математички пресметки за количината и класата

– Изготвување на претпроектна студија со цел да се утврди теоретската стопанска корист од рудникот. Со ова се одредува дали треба да се вложува во понатамошни истражувања и се востановуваат главните ризици што би произлегле од тоа.

– Изготвување на проектна студија за финансиската исплатливост, техничката изводливост и финанскиските и техничките ризици. Во овој момент се решева дали проектот треба да оди понатаму или да се напушти. Тука спаѓа планирање на рудникот со моделирање на искористливиот дел, металуршките процеси, пазарната побарувачка и вредност на рудата, трошоците на инженерските и техничките работи и инфраструктурата, финансиските услови и анализа на животниот век на рудникот.

– Проценка на влијанието врз животната средина

– Градежни работи, постаување на инфраструктура и вградување на опрема

– Работа со рудникот (експлоатација)

– Рехабилитација на земјиштето за негова поинаква употреба во иднина

Рударството спаѓа меѓу најстарите човечки дејности и потекнува уште од праисториско време. Првите и најстари развојни фази и периоди на човековата историја и општество како што се железното, бронзеното и бакарното време се должат токму на пронаоѓањето, ископувањето и обработката на метални руди од кои потоа се изработувани разни алати и орудија. Поради извонредно големото значење на рударството како клучна дејност за стопанскиот, техничко-технолошкиот и научниот развој неговото значење во сеопштиот развиток на човештвото е поврзано и со сите подоцнежни историски периоди и пронајдоци како колонијализмот, индустриската револуција, јадреното оружје итн. Поради својата клучна улога во обезбедувањето на основните суровини и енерегенси за производството во индустријата, градежништвото, електростопанството, сообраќајот и комуникациите, рударството и во денешно време е една од најзначајните дејности за функционирањето на целокупната економија, стопанскиот раст на државите како и за непреченото и нормално одвивање на секојдневниот живот на луѓето.

Му препорачувам на актуелниот градоначалник на Општина Крива Паланка да внимава кому верува. И да, се согласувам дека мора да ја брани онаа природа. Исто така, му препорачувам да ги чита ревносно моите колумни зашто да лажев досега ќе се откажеа преку весник сите професори од мене.

The post Конечно рудник кој дава надеж за живот! appeared first on plusinfo.mk.