Во продолжение на акцијата „Армагедон“, српската полиција приведе осум лица осомничени за кривични дела поврзани со незаконско прикажување, набавување и поседување недозволени содржини, како и за злоупотреба на малолетни лица преку интернет.

Уапсените се на возраст од 24 до 64 години, а меѓу нив има и еден странски државјанин. Според информациите, во подолг временски период тие преку интернет разменувале и чувале недозволени дигитални материјали.

Се наведува дека тројца од осомничените преку социјални мрежи и комуникациски апликации отвориле лажни профили, претставувајќи се како малолетни девојчиња, по што воспоставувале контакт со други малолетни лица, од кои барале и добивале недозволени фото и видеосодржини.

При претреси на станови и други простории кај сите осомничени, на електронските уреди биле пронајдени дигитални материјали кои, според надлежните, претставуваат доказ за сериозни злоупотреби на малолетни лица, се наведува во соопштението.

По приведувањето, осомничените со кривични пријави биле спроведени во надлежното обвинителство. Информациите ги објави Радио-телевизија Србија (РТС).

Акцијата „Армагедон“ е повеќегодишна специјализирана полициска операција насочена кон откривање и сузбивање на кривични дела поврзани со злоупотреба на деца и малолетници во онлајн-просторот.

Во рамки на акцијата, полицијата континуирано следи активности на интернет, социјални мрежи и комуникациски апликации, со цел идентификување лица кои користат лажни профили и вршат нелегални дејствија на штета на малолетници.

Според српското Министерство за внатрешни работи, последната фаза од акцијата била реализирана и како дел од поширока меѓународна операција за спречување на онлајн-злоупотреби и зајакнување на меѓународната соработка во оваа област.

The post ОСУММИНА УАПСЕНИ ЗА ДЕТСКА ПОРНОГРАФИЈА ВО СРБИЈА Со лажни профили намамувале деца преку социјалните мрежи appeared first on plusinfo.mk.

По 14 денови блокада на јавниот српски информативен сервис, попладнево студентите во блокада од белградскиот Факултет за драмски уметности на социјалните мрежи објавија дека ја прекинале блокадата поради исполнување на барањето за распишување нов конкурс за членови на Советот на Регулаторното тело за електронски медиуми (РЕМ), јави дописникот на МИА од Белград.

„Објавен е нов конкурс за Советот на РЕМ. Со тоа, блокадата на РТС е завршена, по 14 дена“, објавија студентите на ФДУ на социјалната мрежа Икс.

На денешната седница на собранискиот Одбор за култура и информации беше изгласана одлука за почнување постапка за предлагање кандидати за избор на членови на Советот на РЕМ.

На 14 април, студенти ги блокираа влезовите на РТС во центарот на Белград и на Кошутњак . Тогаш објавија дека РТС ќе биде блокиран се додека не се објави изборот на ново свикување на Советот на РЕМ. Одброт во српскиот Парламент за култура и информации ја поништи претходно донесената одлука за избор на членови на Советот на Регулаторното тело за електронски медиуми и почна постапката за распишување нов конкурс, што формално го побара опозицијата.

Објавувањето нов конкурс за избор на членови на Советот на РЕМ беше барање на студентите, со цел да се прекине блокадата на зградите на РТС што почна на 14 април во 22:00 часот.

Сите 16 присутни членови на одборот гласаа за првата одлука, а 15 за втората.

За време на седницата, што траеше околу три и пол часа, претставниците на владата и опозицијата изразија дијаметрално спротивни ставови за медиумите, како и за студентските блокади.

Претходната постапка за избор на нови членови на Советот на РЕМ беше практично суспендирана, бидејќи седум од вкупно 18 кандидати ја повлекоа својата кандидатура, тврдејќи дека процесот бил полн со нерегуларности и незаконитости.
Во меѓувреме, за министер за образование е назначен друг кандидат, професорот на Педагошкиот факултет и политички аналитичар Дејан Вук Станковиќ.

Мнозинството во Одборот за култура и информации го сочинуваат пратеници од владејачката коалиција, па затоа немаше гаранции дали ќе биде распишан нов конкурс.

Мандатот на претходното свикување на Советот на РЕМ истече на 4 ноември 2024 година, а нов не беше избран речиси шест месеци.

The post ПО 14 ДЕНА ЗАВРШИ БЛОКАДАТА НА РТС ВО БЕЛГРАД Студентите го добија она што го бараа, нов конкурс appeared first on plusinfo.mk.

Собирот на вработени во РТС побара од раководството на јавниот сервис и од надлежните служби денеска итно да им се обратат и да дадат јасни насоки за работа за време на блокадата, јави МИА од Белград.

„Доколку никој не ни се обрати во најбрз можен рок, ќе сметаме дека раководството се повлекло и не е во можност да раководи со јавниот медиумски сервис“, се вели во соопштението, објавено по состанокот на собирот на вработени.

Се бараат и оставки од сите уредници и новинари кои не ги почитувале законите за медиуми и Кодексот на новинарите „и дозволиле во Дневник 2 и во други информативни емисии да се изнесуваат невистини и навреди кон нивните колеги, студенти и други граѓани“.

Друга причина за оставките е „одговорноста кон сите граѓани на Србија, поради тоа што биле изложени на невистинити и цензурирани информации, што не доликуваат на ниеден јавен сервис“.

„Бараме итна промена на уредувачкиот концепт на информативната програма и професионалното известување на РТС, во согласност со важечките закони и новинарскиот кодекс, што подразбира известување за сите актуелни настани во Србија, кои се од јавен интерес за сите граѓани. Поради досегашниот начин на известување на информативната програма, мнозинството вработени во РТС буквално станаа заложници на несовесно и неодговорно малцинство“, се наведува во заклучоците.

Се потсетува дека поради непријавувањето на студентскиот протест на 15 март, архивата на РТС беше трајно лишена од тој материјал и во иднина ќе мора да ја користи документацијата на другите телевизии.

Последното барање на собирот на вработени во РТС е „веднаш да престане практиката на испраќање новинари и техничари со скратено работно време на ризични задачи, како известување од протести и собири, бидејќи несигурноста на нивната положба апсолутно не дозволува тие да бидат злоупотребени на тој начин“.

Веќе шести ден студенти во блокада и граѓани кои ги поддржуваат продолжија да ги блокираат зградите на Радио телевизија на Србија во центарот на Белград, на улицата Таковска и на Кошутњак.

Голем број студенти од Нови Пазар пристигнаа од синоќа во Белград, а како што соопштија преку социјалните мрежи, таму се да ги наградат своите колеги и граѓани на Србија во блокадата пред РТС, за да можат да го прослават Велигден со своите најблиски.

Блокадите на РТВојводина и РТС започнаа поради начинот на кој јавниот сервис известува за протестите на студентите и за студентските велосипедисти кои возеа до Стразбур. Без оглед на барањата на студентите и тековната блокада, РТС продолжува да ја емитува програмата, но со значителни потешкотии.

The post ВРАБОТЕНИТЕ ВО РТС БАРААТ НАСОКИ ОД РАКОВОДСТВОТО Сѐ уште нема инструкции за работа во услови на блокада appeared first on plusinfo.mk.

Повеќе од 80 часа веќе трае студентската блокада на објекти на Радио-телевизија Србија во Белград. Од 14 април во 22 часот досега, блокирани се објекти на јавиот дифузер во центарот на Белград на улицата Таковска, и на Кошутњак, јави дописникот на МИА од Белград.

Според најавите на студентите, блокадата ќе трае се додека не се распише нов конкурс за членови на Советот на Регулаторното тело за електронски медиуми (РЕМ) или додека не се прекине емитувањето програма од РТС.
Пред централниот објект на РТС во центарот на Белград студенти во блоакда и граѓани со свирчиња и вувузели изразуваа незадоволство од работата на Јавниот сервис.

Програмската шема на РТС се емитува отежнато, уредништвото веќе неколкупати повика на прекин на блокадата.

Студентите во блокада синоќа најавија дека Велигден ќе го дочекаат пред Радио и телевизија на Србија и ги повикаа граѓаните да им се придружат во тоа.

„Овој празник го дочекуваме под ведро небо пред РТС, бидејќи сметаме дека борбата за вистината не смее да престане ниту за време на празниците. За сите овие денови на блокада, станавме семејство… И вие сте дел од тоа семејство, вие сте со нас. Нашиот Велигден е и ваш“, пишува во објавата на Студентите во блокада на нивниот Инстаграм профил.

Тие испратија писмо до Одборот за култура и информирање во кое ги известуваат дека блокадата и протестот пред РТС ќе продолжат се додека не објават јавен повик за избор на членови на Советот на РЕМ (регулаторно тело за електронски медиуми).

„Од понеделникот во 22 часот трае незаконската блокада на објектите на Радио и телевизија на Србија поради што вработените се оневозможени да влезат на своите работни места, РТС го прилагодува програмскиот распоред поради тешките услови за работа“, објавија од РТС на Х.

The post ЈАВНИОТ СЕРВИС 3 ДЕНА НЕ ЕМИТУВА ЕМИСИИ Студентите ја окупираа РТС повеќе од 80 часа appeared first on plusinfo.mk.

Продолжува блокадата пред државната телевизија на Србија. Дел од вработените се обидоа да влезат во зградата, но, како што велат објавите на социјалните мрежи, се откажале по убедувањето и аплаузот.

Наместо утринската програма, утрово РТС го емитуваше филмот „Егзодус: Богови и кралеви“. Вестите беа емитувани час порано, но без водител и со однапред подготвени прилози.

5:30h
Barikada kod “ćevabdžinice” u Ilije Garašanina pic.twitter.com/2VUNivrTnT

— Čuvari/ke vatre (@CuvariVatre) April 17, 2025

Nema jutranjeg!
Ostajemo do daljnjeg na barikadama oko RTS-a. Postoji mogućnost da će zaposleni pokušati da uđu oko 8h pic.twitter.com/ZPH67sPk5G

— Čuvari/ke vatre (@CuvariVatre) April 17, 2025

The post 📽 НАМЕСТО УТРИНСКА ПРОГРАМА РТС ЕМИТУВАШЕ ФИЛМ Продолжуваат блокадите пред телевизијата во Белград appeared first on plusinfo.mk.

Трет ден траат протестите пред зградата на Радио Телевизија Србија во Белград. На социјалните мрежи се појавија снимки од трукање и тепачки. Во полициска акција студентите кои го блокираат влезот на зградата беа истуркани од полицијата.

Блокирани се зградите на РТС на улицата Таковска во центарот на Белград и на Кошутњак. Студентите најавија дека блокадата ќе трае додека не се објави нов конкурс за РЕМ или до затворање на РТС. Државната телевизија во вторникот емитуваше реприза на Вториот дневник поради блокадите.

ПОТРЕБНИ СТЕ НАМ, КРЕНУЛО ЈЕ ГУРАЊЕ pic.twitter.com/NEcNrRn51T

— Правни у блокади (@blokadapravni) April 16, 2025

Раководството на РТС вчеравечер преку соопштение оцени дека студентите „незаконски го блокираат“ јавниот сервис.

„Блокирањето објекти и спречувањето на вработените во јавниот сервис да ја вршат работата за која се законски одговорни претставува неприфатлив притисок врз медиумите во кои граѓаните со години покажуваат најголема доверба“, објави РТС.

Директорот на РТВ Горан Караџиќ употреби поинаков речник, оценувајќи дека студентите преку блокадата ги „киднапирале“ вработените во медиумската компанија, а нивната акција ја нарече „тероризам“.

Во понеделникот вечерта беа блокирани влезовите во зградите на РТС во Белград и на Радио-телевизија Војводина (РТВ) во Нови Сад. Од вчера утрото поставени се и бели шатори пред Собранието на Србија во центарот на градот без да се знае кои се луѓето внатре и што е нивна цел.

Policija sprovodi zaposlene RTS sa Palilulske pijace do ulaza “Ćevabdžinica”. Jadna je vlast koja je to naredila. Jadna. pic.twitter.com/ENl79kBpHD

— Здравко Јанковић (@zdravkojankovic) April 16, 2025

За денеска во Краљево студентите во блокада ќе одржат протест „Пумпај, пумпај Ибар водо“. Почетокот на протестот е закажан за 8 часот и треба, според најавите на социјалните мрежи, да трае до полноќ.

Студентите во блокадата на Машинскиот и Градежниот факултет во Краљево изјавија дека се планира блокада на четири сообраќајни точки во градот, како и блокада на две институции.

Од синоќа во Краљево се пристигнати студенти и матуранти од повеќе градови во Србија.

The post 📽 СТУДЕНТИТЕ ВО БЕЛГРАД СЕ СТЕПАА СО ПОЛИЦИЈАТА Трет ден трае блокадата пред РТС appeared first on plusinfo.mk.

Деблокиран е главниот влез на државните телевизии РТВ и РТС со брза и одлучна акција на српската полиција, без употреба на сила, јавуваат српските медиуми. Група студенти се собраа пред објектите вечерта на 14 април, нешто по 22 часот.

„Во соработка со обвинителството во тек е идентификација на сите лица кои сториле кривични дела и прекршоци, а против сите ќе бидат поднесени соодветни пријави“, пишува Б92.

Студентите изјавија дека акцијата ја координирале со студентите од белградскиот универзитет, кои повикале на блокада на РТС, бидејќи, како што наведуваат, и двата јавни сервиси не известиле за велосипедистите кои во протест патуваат до Стразбур и како што тврдат, не е напишана „ниту една пристојна колумна за тоа“.

Полициската акција за расчистување на објектите на РТВ и РТС се случила во периодот од 4.20 до 4.40 часот утринава. Сообраќајот функционира на улицата Таковска.

pic.twitter.com/4OTvGBosux

— Jela123 (@JelA123abc) April 14, 2025

Студентите кои го блокираат РТС изјавија дека протестот ќе трае „до објавување на нов конкурс за РЕМ или додека РТС не се затвори“, додека студентите што блокираа во Нови Сад најавија 24-часовна блокада на РТВ.

Студентите кои го блокираа РТС во Таковска најавија дека ќе бидат на смени пред зградата, а во текот на ноќта правеа врева со свирежи и вувузели. Тие изјавија дека блокадата ќе трае сè додека можат да издржат.

Beograd, RTS pic.twitter.com/O3RW5HgCMw

— Špiro Seneka (@SenekaSpiro) April 14, 2025

РТС побара од студентите да престанат да ги блокираат објектите на јавниот сервис, нагласувајќи дека блокирањето објекти и спречувањето на вработените во јавните служби да ја вршат работата за која се законски одговорни претставува неприфатлив притисок.

Во соопштението објавено на веб-страницата на РТС се наведува дека причината за тековната блокада е намерата да се затвори РТС и дека тоа претставува насилство и незаконско однесување. Нагласено е дека РТС во сите свои програми, на телевизија, радио и на интернет порталот редовно ги објавува сите информации важни за граѓаните на Србија, вклучително и вести за студентски блокади.

The post 📽 ЗАВРШИ БЛОКАДАТА НА РТВ И НА РТС ВО БЕЛГРАД Полицијата извршила акција во раните утрински часови appeared first on plusinfo.mk.

Александар Стојановиќ, спортски коментатор на Радиотелевизија на Србија (РТС), го преплавија емоции при најавувањето минута молк и за настраданите во Кочани пред почетокот на реваншот од Лигата на нациите меѓу фудбалските репрезентации на Србија и на Австрија во Белград.

Aleksandar Stojanović nije uspeo da zadrži emocije kada je bio minut ćutanja na meču Srbija – Austrija pic.twitter.com/I2eo4INKWm

— sportsscandals (@sportsscandals1) March 23, 2025

The post 🎥 СРПСКИОТ КОМЕНТАТОР НЕ МОЖЕШЕ ДА ГИ ЗАДРЖИ СОЛЗИТЕ Едвај успеа да најави едноминутно молчење за жртвите во Кочани appeared first on plusinfo.mk.

Заврши дваесет и двечасовната блокада на влезовите во зградите на Радио телевизија на Србија (РТС) и Радио телевизија на Војводина (РТВ).

Студентите кои синоќа околу 23 часот го блокираа влезот во зградата на РТС, ноќта ја минаа пред јавниот сервис. Граѓаните им дадоа поддршка на младите и ноќта ја поминаа со нив.

Редарите од редовите на студентите, формира жив ѕид и не дозволуваа вработените да влезат во зградите, но секој што сакал можел да излезе. Пред зградата на јавниот сервис им се обратија дел од вработените во РТС кои ги поддржуваат студентите и ги повикаа колегите да им се придружат.

The post ЗАВРШИ БЛОКАДАТА НА РТС По 22 часа студентите ги ослободија и влезовите до зградата на РТВ appeared first on plusinfo.mk.

Меѓу другото, РТС пишува дека Имињата дадени на здруженијата на припадниците на бугарското малцинство во Северна Македонија предизвикаа сериозни протести кај Македонците и кај еврејската заедница. Потоа се дадени изјави од заедницата и од здружението кое негира дека протежира фашизам.

Можеби најинтересно е што се изнесува фактот дека последен пат Борис Трети разговарал со Адолф Хитлер во август 1943 година, кога тој одбил да се вклучи во војната против СССР. Набргу по таа средба царот Борис починал од срцев удар, а голем број бугарски историчари тврдат дека бил отруен.

The post МАКЕДОНИЈА Е РАЈ ЗА БУГАРСКИТЕ ЦАРЕВИ Српските медиуми го коментираат друштвото „Цар Борис Трети“ од Охрид appeared first on plusinfo.mk.