37-годишниот Љупчо Бојчевски од Скопје е единствениот Македонец осуден на затворска казна за учество во странска војска во конфликтот во Украина, борејќи се на руска страна. Тој е осуден на четири години затвор, а на судењето изјавил дека се кае за стореното, што е забележано и во пресудата, јавува Радио Слободна Европа (РСЕ).

Според законот воведен во септември 2014 година, целта е да се спречи заминување на македонски државјани во странски конфликти, претходно поврзани со формации како ИСИС. Случајот на Бојчевски е прв поврзан со војната во Украина, која започна со руската инвазија во 2022 година.

Бојчевски бил регрутиран преку затворена група на апликацијата „Телеграм“ и отпатувал од Скопје до Москва пред да биде упатен на фронтот кај Мариупол. Тој на фронтот не бил сам – со него бил и неговиот другар Тони Шегмановски, кој подоцна починал во Скопје.

– Бев на забрзана обука и веднаш испратен на фронт. Сум видел непријатни сцени и колеги кои правеле ѕверства – изјавил Бојчевски. Тој тврди дека се борел од лични убедувања и дека месечно требало да добива 3.000 евра.

Државните институции нагласуваат дека ова се индивидуални случаи и нема организирано регрутирање на македонски државјани за конфликтот во Украина. Македонија ја осудува руската инвазија и ја поддржува меѓународната политика за санкции против Москва.

Целата сторија прочитајте ја на Радио Слободна Европа.

The post „ВЕДНАШ МЕ ИСПРАТИЈА НА ФРОНТОТ КАЈ МАРИУПОЛ“ Македонец лежи во „Идризово“ осуден за борба на руска страна appeared first on plusinfo.mk.

Според Дворжак, кон иницијативата со која се изразува подготвеност на земјите поддржувачи да работат заедно за да најдат и обезбедат соодветни финансиски ресурси за РСЕ, покрај Чешка, досега се приклучиле и Австрија, Белгија, Естонија, Германија, Данска, Летонија, Литванија, Словенија, Финска, Холандија и Шведска.

Чешкиот министер додаде дека преговорите за спас на станицата која е „сила за демократијата, човековите права и слободата на изразување“ се во тек, со „ветувачки“ перспективи.

Иницијативата за спас на РСЕ, Дворжак ја промовираше минатата недела на заседанието на европскиот Совет за општи работи, а за неа се расправаше и во рамки на Самитот на ЕУ одржан минатиот четврток.

– Иницијативата го привлекува вниманието на сложената ситуација откако САД престанаа да го финансираат Радио Слободна Европа/Радио Слобода. Сметаме дека радиото е исклучително важен и функционален извор на независни информации за земјите на кои во моментов им недостасуваат демократија и слободни медиуми. Сметаме дека би било голема штета оваа институција да пропадне – рече Дворжак при најавата на идејата.

Покрај со одделни земји членки, за иницијативата Прага разговараше и со Европската комисија, за што Дворжак одржа средба со еврокомесарот за буџет, борба против измами и јавна администрација Пјотр Серафин.

– Комесарот Серафин изрази голема поддршка, што беше многу пријатно за мене. Тој сѐ уште не ги прецизираше ресурсите што би можеле да се искористат, но тоа ќе биде предмет на преговори – рече Дворажк, додавајќи дека за идејата очекува поддршка и од еврокомесарот за меѓународни партнерства, Чехот Јозеф Сикела.

Дворжак оцени дека најдобро решение би било САД сепак се откажат од идејата за запирање на финансирањето, па затоа Чешка ќе се обиде да ги убеди американските претставници „да го преразгледаат овој потег“.

– Можеби резултатот ќе биде некаков компромис, па ќе можеме да преземеме само дел од финансирањето на европско ниво – додаде Дворжак.

The post РАДИО СЛОБОДНА ЕВРОПА ЌЕ КУРТУЛИ? Дванаесет членки на ЕУ се спремни да го финансираат медиумот appeared first on plusinfo.mk.

Истражувањето на Радио Слободна Европа докажа дека дел од тендерите на Државна лотарија ги добиваат компании блиски на владеачката гарнитура, што дополнително ги потврди нашите тврдења дека владината одлука за отпочнување на постапка за основање на три нови друштва за приредување интернет игри на среќа е незаконска и дискриминирачка, а повикот на Државна лотарија е веќе договорен за странски компании, велат од АСОМ.

„Ние ја предупредивме јавноста дека зад информациите кои ги пласира Државна лотарија стојат владини интереси, како и дека тенденциозно се објави информацијата дека повеќе од 10 домашни компании подигнале документација за наместениот тендер за избор на правни лица заради доделување договор за заедничко вложување во интернет игрите на среќа во коишто доминантно учество со 51 % ќе има Државна лотарија, и истакнавме дека ниту една членка на АСОМ нема да учествува на незаконскиот тендер.

Анализата откри уште една манипулација на јавноста од страна на Државна лотарија која во соопштение испратено до сите медиуми се фалеше дека бележи раст во работата, што истражувањето докажа дека е неточно и уште еднаш ја доведе во прашање релевантноста на информациите кои Државна лотарија ги објавува.

Податоците кои ги видовме во истражувањето на РСЕ се уште една силна причина зошто ниту една членка на АСОМ и ниту една домашна компанија нема да се јави на незаконскиот тендер за избор на приредувачи на игри на среќа преку интернет. Јасно се гледа дека и тој тендер е однапред договорен за 3 компании, како и сите други тендери на Државна лотарија.

Ова повторно ја потврди нашата теза дека новиот предлог Законот за игри на среќа се турка во Собрание за да се направи обид да се озакони незаконскиот тендер, посебно во услови кога излегуваат на виделина низа скандали во Државна Лотарија.

Повеќе од јасно е дека со донесување на новиот предлог Закон за игри на среќа и со незаконската Владина одлука за основање на три нови друштва за приредување на интернет игри на среќа крајна цел е преземање на Владата на бизнисот со игри на среќа, а не заштита на малолетниците како што тоа се сервира во јавноста“ – се вели во соопштението на АСОМ.

Асоцијацијата ги повтори своите барања пратениците да го отфрлат новиот предлог Закон за игри на среќа кој ќе значи крај на легалната индустрија на игри на среќа, да се поништи незаконската владина одлука која претставува сериозна закана за домашните лиценцирани приредувачи на игри на среќа и итно да се вклучат сите засегнати страни во креирање на сите следни одлуки поврзани со индустријата. Исто така АСОМ бара да се донесат подзаконските акти кои цела деценија се држат во фиока за домашните компании согласно актуелниот закон да може да приредуваат игри на среќа и реално да се либерализира пазарот.

„Ние и нашите вработени нема да стоиме и да гледаме како Владата врши упад во бизнисот со игрите на среќа свесно ставајќи клуч на врата на една легална индустрија, која во буџетот годишно носи прилив од 280 милиони евра и вработува над 10.000 лица. Доколку Владата продолжи да го турка овој штетен закон насила и ако остане индиферентна на нашите апели подготвени сме да излеземе на масовни протести“ – вели Асоцијацијата на спортски обложувалници на Македонија.

The post СЕ ВИДЕ ДЕКА ТЕНДЕРИТЕ НА ДРЖАВНАТА ЛОТАРИЈА СЕ НЕЗАКОНСКИ Анализата на РСЕ ги потврди нашите предупредувања, вели АСОМ appeared first on plusinfo.mk.

Предејане се наоѓа на 300 километри јужно од Белград и на околу 100 километри од најблискиот граничен премин меѓу Србија и Косово, Мердаре.

Конвојот со возила на Војската на Србија, како што забележа репортерот на РСЕ, околу пладне се движел од југ кон север.

The post РАДИО СЛОБОДНА ЕВРОПА ОБЈАВИ Забележавме движење на воен конвој на југот на Србија appeared first on plusinfo.mk.

Во соопштението потпишано од претседателот и извршен директор на РСЕ, Џејми Флај, се наведува дека рускиот сервис на Радио Слободна Европа се соочува со стечајна постапка и дека неговите новинари биле под притисок на полицијата.

„Сервисот ќе продолжи да се обидува да допре до руската публика користејќи ја „секоја можна платформа“, додаде тој.

Неколку медиумски организации, вклучително и Би-Би-Си, ја прекинаа работата во Русија како одговор на новиот закон со кој се заканува затворска казна за секој за кој владата верува дека шири „лажни вести“ за руските вооружени сили.

The post НОВИНАРИТЕ БИЛЕ ПОД ПРИТИСОК РСЕ прекинува со работа во Русија appeared first on plusinfo.mk.

– Јас ќе бидам првиот, во понеделник сабајле што ќе аплицирам, ќе го земам првиот пасош. Тоа се подготвени документи, министерот за внатрешни работи ми ги презентираше во вторникот на Владата и буквално, од петок ќе почне реализацијата. Еве уште едно ново исполнување од наша страна на Преспанскиот договор – истакна Заев.

The post Заев: Во понеделник прв ќе аплицирам за пасош со „Република Cеверна Македонија“ appeared first on plusinfo.mk.