Лејди Гага (40) сподели видео на Инстаграм во кое покажа како се подготвува и се шминка дома, само неколку недели откако беше објавено дека таа и нејзиниот свршеник Мајкл Полански го добиле своето прво дете, ќерката Роуз.

Пејачката ја започнува рутината со нанесување масло на лицето, а потоа и крема што ја нарекува своја „тајна формула“. Следуваат течна пудра, контури за лице и бронзер, кој го нанесува и на градите и клучните коски.

Потоа става коректор, молив за усни и руменило со кремаста текстура, кое го размачкува со прстите. На крајот облекува удобен кафеав џемпер со плетен дезен.

– Домашен гламур – напишала пејачката покрај видеото објавено деновиве.

Ова не е првпат Гага да ги сподели своите трикови за шминкање. Во видеа објавени во септември, таа покажа како користи коректор, производ за контурирање и молив за усни, нарекувајќи ги овие три производи својата „света тројка“.

Пејачката е основачка на козметичкиот бренд Haus Labs, па нејзините видеа воедно се и можност да покаже како ги користи производите за убавина.

 

View this post on Instagram

 

A post shared by Lady Gaga (@ladygaga)

Веста дека Гага и Полански станале родители беше објавена на 11 септември. Според извор близок до парот, двајцата се пресреќни во новата улога и летото го посветиле на своето бебе.

– И двајцата блескаат кога зборуваат за тоа што се родители – изјавил извор за магазинот „Пипл“.

Гага и Полански првпат беа поврзани во јавноста во 2020 година, кога беа фотографирани како се бакнуваат на новогодишна забава во Лас Вегас. Пејачката ја откри свршувачката во јули 2024 година, за време на Олимписките игри во Париз, во разговор со францускиот премиер Габриел Атал.

The post 📽️ ДОМАШНИОТ ГЛАМУР НА МАМА ГАГА Пејачката сподели видео од својата дневна рутина за разубавување appeared first on plusinfo.mk.