Вчеравечер, околу 09:00 часот, полициски службеници од Полициската станица Ростуше ја уапсија А.А. (45) од село Скудриње, општина Маврово и Ростуше, по која била распишана потерница за издржување затворска казна.

Акцијата е спроведена врз основа на судска наредба и активна потерница, со која на осудената ѝ е изречена казна затвор од пет години и шест месеци за сторено кривично дело согласно член 190 и член 45 од Кривичниот законик, информира МВР.

Во информацијата не е наведено за што точно е осудена уапсената А.А. Членот 19 дефинира кривично дело „обљуба со злоупотреба на службена положба“, а членот 45 зборува дека делото било извршено „во обид“, односно не е довршено.

По лишувањето од слобода, А.А. веднаш е спроведена во казнено-поправна установа за издржување на казната, се вели во соопштението на МВР.

The post ВО РОСТУШЕ УАПСЕНА ЖЕНА БАРАНА СО ПОТЕРНИЦА Треба да одлежи 5 години и 6 месеци во затвор appeared first on plusinfo.mk.

Мечка синоќа била забележана на паркинг во селото Ростуше како се шета помеѓу возилата. Кучињата се вознемириле и почнале да ја лаат, по што таа се повлекла.

Од видео на социјалните мрежи кое го снимиле мештаните може да се види дека се работи за голема мечка. Засега нема информации дали некој е повреден. Жителите апелираат на претпазливост, особено во вечерните часови.

The post 🎥 МЕЧКА СЕ ПРОШЕТА НИЗ ПАРКИНГ ВО ДЕБАРСКО РОСТУШЕ Кучиња ја избркале appeared first on plusinfo.mk.

Полицијата во Гостивар поднесе кривична пријава против 64-годишниот А.С. од селото Ростуше, поради сомнение дека ја злоупотребил службената положба додека ја извршувал функцијата директор на основно училиште.

Според истрагата, во периодот од 2024 до 2025 година, пријавениот овозможил вработување на наставници кои не ги исполнувале законските услови за изведување настава. Станува збор за лица без завршени соодветни студии, кои предавале на ученици во основното училиште во Ростуше, како и на одделенски ученици во селата Велебрдо и Требиште.

Нестручниот кадар бил ангажиран спротивно на Законот за наставници и стручни соработници, со што, како што наведува полицијата, бил загрозен квалитетот на наставниот процес и правото на учениците на соодветно образование.

Неправилностите биле утврдени при инспекциски надзор извршен од Државниот просветен инспекторат на 19 септември 2025 година, по што случајот бил пријавен и до надлежните полициски служби.

По документирањето на настанот, против директорот е поднесена кривична пријава, а предметот ќе го разгледува надлежното обвинителство.

The post НАСТАВНИЦИ БЕЗ ДИПЛОМИ ИМ ПРЕДАВАЛЕ НА ДЕЦА Директор од Ростуше дозволил нестручни лица да држат настава appeared first on plusinfo.mk.

The post ЦИСТЕРНА ИЗЛЕТА ОД ПАТОТ РОСТУШЕ-ДЕБАР Сообраќајот е блокиран во двата правци appeared first on plusinfo.mk.

Таа се сомничи дека околу 19:30 часот од спортска обложувалница во селото Ростуше одзела пари од дневниот промет. Парите биле пронајдени и вратени на сопственикот, а лицето било приведено во полициска станица.

По целосно документирање на случајот, против неа ќе биде поднесена соодветна пријава.

The post УАПСЕНА 56 ГОДИШНА ЖИТЕЛКА НА РОСТУШЕ Жената украла пари од спортска обложувалница appeared first on plusinfo.mk.

– Се соочив со мечката и тоа кога излегував во времето на утринската молитва околу 9:30 часот. Кога излегов од вратата, таа беше таму кај корпата, и јас ја фатив вратата со раката, а кога ја отворив вратата, таа излезе од корпата и ме гледаше. Се вратив со секирата и кога излегов таа избега, ја стигнав на аголот и ја удрив со секирата. Потоа едно куче ја избрка. Опасноста е многу голема и секој ден пред да падне ноќ ги има долу во сите маала, овде две-три, таму уште една. Ноќите ги имам минувано во планина 30 години, дали сум видел мечки два-три пати, сега ги гледам секоја вечер, опасно е за време на утринската и вечерната молитва – вели имамот Ариф Спахиу.

Постарите кои не можат да избегаат се чувствуваат повеќе изложени на ризик. Револтирани се зошто државата не презема мерки.

– Децата што ги одгледавме ги испративме во странство. Се плашиме и не спиеме, секоја вечер, шетаат ваму-таму, стари луѓе сме, не можеме ни да излеземе да ги повикаме комшиите, се плашиме. Беше кафеава и требало да ја заштитиме, што сме ние, кој е повреден, луѓето или животните? Кога ќе се гласа, нека ги соберат мечките, нека гласаат, ние не гласаме, нека знаат јавно – вели Худија Делиу.

Повеќе на ТВ21.

The post МЕЧКИТЕ ЈА „ОСВОИЈА“ ЖИРОВНИЦА Жителите заклучени дома како да е полициски час, а неканетите „гости“ им ги јадат животните appeared first on plusinfo.mk.

– Во нашето училиште, каде наставата се изведува на македонски јазик, средното образование го завршуваат 12 ученици. Сите се пријавени за полагање државна матура – изјави за МИА Исмет Абдули, директор на гимназијата „Маврово и Ростуше“ во Ростуше.

Тој исто така информираше дека според Конкурсот на МОН за упис во прва година за учебната 2023/2024 година квотата изнесува 68 ученици во две паралелки, што тешко се верува дека ќе биде пополнета.

Идентична квота за упис во права година има и во гимназијата „АТА“ во Центар Жупа, каде се предвидени две паралалки од по 34 ученици, една со настава на македонски и една на турски наставен јазик.

– Што се однесува до учениците кои го завршуваат средното образование, нивниот број е 18, од нив еден ученик е од наствата на македонски и 17 на турски наставен јазик. Сите се пријаени за полагање државна матура, рече за МИА, Мунир Бастри, реководител на секторот за образование во општината.

Доколку се направи споредба, бројот на матуранти во последните две години во Ростуше е помал за 18 додека во Центар Жупа за пет.

23 ПРОФЕСОРИ И 11 МАТУРАНТИ Табло на средно училиште од Македонски Брод

The post ЦЕЛОСНА ХАВАРИЈА НА ГИМНАЗИИТЕ Во Ростуше 12, во Центар Жупа „дури“ 18 матуранти! appeared first on plusinfo.mk.

На иницијатива на членот на Советот на општина Маврово и Ростуше, Сеадин Сејдију, кој е избран од редовите на Демократската партија на Турците во Македонија (ТДП), пред административната зграда на општина Маврово и Ростуше, покрај македонското, поставено е и турското знаме, кое претставува национален симбол на најбројната етничка заедница во општината“, се наведува во објавата.

Таму се додава дека според резултатите од  последен попис во РСМ спроведен во  2021 година, турската етничка заедница е најмногубројна во општина Маврово и Ростуше.

„Демократската Партија на Турците во Македонија (ТДП) како и секогаш така и во иднина ќе работи во интерес на сите граѓани во општината, и ќе се залага за правда и развој подеднаков за сите“, се нагласува во објавата.

The post НАЈБРОЈНИ СЕ ВО ОПШТИНАТА Во Ростуше покрај македонското се вее и турското знаме appeared first on plusinfo.mk.

– Рокот за пријавување за гласање во домашни услови, за болни и немоќни лица и оние кои се во изолација поради ковид, истекува утре. Тие треба да се пријават или електронски во Општинската изборна комисија или преку овластено лице. Гласањето за овие лица е на 19 август, ден пред одржувањето на изборите, соопшти членот на ДИК Борис Кондарко.

Бидејќи денот на одржување на изборите е сабота, овие лица треба да гласаат во петок на 19 август, во работен ден.

– Со оглед на тоа што гласањето е во работен ден, сите членови на избирачките одбори, треба да бидат ослободени од работни обврски и општинските комисии треба да им дадат потврда која треба да ја однесат на работа – изјави потпретседателката на ДИК Дитмире Шеху.

На 19 август, петок, ќе гласаат и затворениците.

Изборите за градоначалник на Општина Маврово и Ростуше и градоначалник на Центар Жупа и Совет на Општина Тетово треба да се одржат на 20 август.

The post УТРЕ ИСТЕКУВА РОКОТ ЗА ПРИЈАВУВАЊЕ Болните, немоќните и оние во изолација ќе може да гласаат во Општина Тетово appeared first on plusinfo.mk.

ДИК ги усвои и барањата за акредитација на набљудувачи на изборите поднесени од Здружението за афирмација на хумани вредности и младинска интеграција Мак Сонце – девет набљудувачи и Меѓународната фондација за изборни системи (ИФЕС) – шест набљудувачи.

Четвртата точка, утврдување на изгледот на гласачкото ливче, поради безбедносни причини за заштита и тајноста на содржината, ДИК ја разгледуваше без присуство на медиуми.

Пред да биде усвоена првата точка, потпретседателката на ДИК Дитмире Шеху, ја образложи потребата од донесување одлука за измени на финансискиот план за изборите.

– Според барањата кои ни пристигнаа од Комисијата за јавни набавки, пристигнати се понуди повисоки од финансискиот план, кој ДИК го усвои претходните избори. Бидејќи немаме време да објавуваме нови постапки, треба да донесеме одлука за измени и дополнување на финансискиот план. Се работи за три ставки, и тоа во делот на паравани, гласачки ливчиња и беџови за набљудувачи. Во делот за беџови на набљудувачи треба да додадеме 5.000 денари, за паравани 30.000 денари и за гласачки ливчиња околу 600.000 денари – соопшти потпретседателката на ДИК Дитмире Шеху.

Таа истакна дека за одреден дел на постапки имаат само еден понудувач.

– Треба да направиме анализа зошто ни се случува за гласачките ливчиња да имаме само по еден понудувач – нагласи Шеху.

Изборите за градоначалниви на општините Маврово и Ростуше и Центар Жупа и за членови на Советот на Општина Тетово треба да се одржат на 20 август.

The post ДИК СЕ СПРЕМА ЗА ИЗБОРИТЕ ВО ОПШТИНА ТЕТОВО Усвоени се финансиите и акредитирани се набљудувачи appeared first on plusinfo.mk.