росоман Archives - plusinfo.mk

УАПСЕН Е ВОЗАЧОТ ШТО ПРЕГАЗИ ПЕШАК КАЈ РОСОМАН Телото на 89-годишникот е дадено на обдукција

плусинфо — Tue, 12 May 2026 09:40:11 +0000

Возачот на товарното возило што вчера усмрти пешак на регионалниот пат Прилеп-Градско е уапсен, соопшти Министерството за внатрешни работи.

Станува збор за Р.Ј. (45) од Кавадарци, кој управувал „сканија“ со приколка.

Во несреќата загинал К.Ѓ. (89) од општина Росоман. Според полицијата, тој бил удрен од товарното возило на регионалниот пат Прилеп-Градско.

Лекар констатирал смрт на местото на несреќата.

По наредба на обвинителството, телото на починатиот било предадено на Судска медицина за обдукција.

Увид на местото извршиле јавен обвинител и увидна екипа од ОВР Кавадарци.

The post УАПСЕН Е ВОЗАЧОТ ШТО ПРЕГАЗИ ПЕШАК КАЈ РОСОМАН Телото на 89-годишникот е дадено на обдукција appeared first on plusinfo.mk.

ЈА УБИЛ МАЈКА СИ СО НОЖ ДОДЕКА СПИЕЛА Одреден 30 дена притвор за 27 годишникот од Росоман

плусинфо — Mon, 30 Mar 2026 17:51:55 +0000

Судија на претходна постапка му одреди 30-дневен притвор на 27-годишникот осомничен дека ја убил својата мајка во Росоман, потврдија од Основниот суд во Кавадарци.

Од Основно јавно обвинителство Кавадарци информираа дека против осомничениот е поведена истражна постапка за убиство. Според обвинителството, делото било извршено со умисла во контекст на семејно насилство.

Како што се наведува, 27-годишникот ја нападнал мајка си додека таа спиела во една од собите од семејниот дом. Тој ја прободел со кујнски нож во пределот на вратот, нанесувајќи ѝ смртоносни повреди.

Јавниот обвинител побарал определување притвор поради тежината на делото и околностите, а судијата го прифатил предлогот и одредил мерка притвор во траење од 30 дена.

Истрагата за случајот продолжува.

The post ЈА УБИЛ МАЈКА СИ СО НОЖ ДОДЕКА СПИЕЛА Одреден 30 дена притвор за 27 годишникот од Росоман appeared first on plusinfo.mk.

ГРОЗОМОРНО УБИСТВО ВО РОСОМАН, СИН СИ ЈА ЗАКЛАЛ МАЈКАТА СО НОЖ! Ја прободел во вратот, починала веднаш

МИА — Mon, 30 Mar 2026 07:41:30 +0000

Убиство во Росоман, син си ја заклал мајката, оваа информација ја потврди за МИА, доктор Ратко Грков, од Итната медицинска помош во Кавадарци, кој бил на местото на повик во Росоман.

– Нашата екипа беше повикана и на лице место констатиравме убод со нож во вратот. Од повреда, жената починала на самото место, појасни Грков за МИА.

Засега нема повеќе детали за случајот. Повеќе информации се очекуваат во текот на денот.

The post ГРОЗОМОРНО УБИСТВО ВО РОСОМАН, СИН СИ ЈА ЗАКЛАЛ МАЈКАТА СО НОЖ! Ја прободел во вратот, починала веднаш appeared first on plusinfo.mk.

КРИВИЧНА ПРИЈАВА ЗА ПОРАНЕШЕН ГРАДОНАЧАЛНИК НА РОСОМАН Се сомничи за проневера на околу 500.000 денари

плусинфо — Thu, 19 Feb 2026 14:52:46 +0000

Одделение за внатрешни работи Кавадарци, до Основното јавно обвинителство Кавадарци, поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената положба и овластување“, казниво по член 353 од Кривичниот законик.

„Во периодот од август 2024 година до септември 2025 година, С.Н. (Стојан Николов) во својство на градоначалник на општина Росоман, во два наврати ги пречекорил границите на службеното овластување и од Буџетот на општина Росоман противправно биле прибавени парични средства во вкупен износ од околу 500.000 денари, кои биле присилно наплатени од извршител за личен долг на С.Н,“ соопштија од Сектор за внатрешни работи Велес.

The post КРИВИЧНА ПРИЈАВА ЗА ПОРАНЕШЕН ГРАДОНАЧАЛНИК НА РОСОМАН Се сомничи за проневера на околу 500.000 денари appeared first on plusinfo.mk.

ПИЈАН СО 3,66 ПРОМИЛИ НАПАДНАЛ ПОЛИЦАЈЦИ Жител на Росоман заврши зад решетки по агресивно однесување

плусинфо — Tue, 09 Dec 2025 15:37:00 +0000

Маж од Росоман со 3,66 промили алкохол во крвта вчера бил приведен откако почнал агресивно да се однесува кон полицајците кои го запреле во центарот на местото. Инцидентот се случил околу 15:40 часот, кога полициски службеници од Кавадарци реагирале на пријава за нарушување на јавниот ред и мир.

Од СВР Велес велат дека мажот, 46-годишниот Т.Н., бил видливо под дејство на алкохол и одбивал да соработува со униформираните лица, по што бил приведен.

„При интервенцијата беше утврдено дека лицето има 3,66 промили алкохол во крвта и се однесува агресивно кон полициските службеници. Тој е задржан во полициска станица и по целосно документирање на случајот ќе биде поднесена пријава“, соопштија од полицијата.

The post ПИЈАН СО 3,66 ПРОМИЛИ НАПАДНАЛ ПОЛИЦАЈЦИ Жител на Росоман заврши зад решетки по агресивно однесување appeared first on plusinfo.mk.

РОСОМАН ИМА ГРАДОНАЧАЛНИК КОЈ НЕ ЈА ЗАСЛУЖУВА ДОВЕРБАТА НА НАРОДОТ Мицкоски вели дека кандидатите на СДСМ се борат само за својот џеб

плусинфо — Sat, 25 Oct 2025 15:33:38 +0000

Росоман има градоначалник кој не ја заслужува довербата на граѓаните, рече претседателот на ВМРО-ДПМНЕ, Христијан Мицкоски на денешниот настан во општина Росоман под слоганот „Вистинскиот избор! Твојот човек! Твоето место! За твојата иднина!”, во рамки на изборната кампања за вториот круг од локалните избори кои ќе се одржат следната недела на 2 ноември.

Мицкоски на самиот почеток рече дека Владата на ВМРО-ДПМНЕ се разликува од останатите претходни влади, и тоа по обезбедувањето на финансиски средства за проекти за сите општини подеднакво, независно од која политичка гарнитура доаѓаат градоначалниците.

– Ние потпишавме договори и обезбедивме финансирање на проекти во вкупна вредност од половина милијарда евра, нешто што досега не е запаметено во независна Македонија, тоа никогаш не го направила ниту една влада во четири години, што ВМРО-ДПМНЕ и оваа Коалиција го направија за 16 месеци. Притоа бевме свесни и не се однесувавме како што се однесуваше претходната влада на СДСМ и ДУИ да бидеме негативни, и да ги казнуваме граѓаните во општините во коишто градоначалникот е од опозицијата напротив, ние сакавме и сакаме и во иднина така ќе се однесуваме како Влада на сите граѓани, без разлика дали во тие општини градоначалникот е од опозицијата или е од Владата – рече Мицкоски.

Претседателот Мицкоски исто така истакна дека Росоман има градоначалник кој не ја заслужува довербата на граѓаните, и дека треба да се остават во минатото луѓето кои освен ограбување на сопствениот народ, понижување и национално распродавање на Македонија, ништо друго не покажале.

– Но, овде во Росоман имаме градоначалник којшто апсолутно не ја заслужува довербата на граѓаните. Да ги оставиме овие рецидиви на минатото, да ги оставиме на онаа седумгодишна власт којашто ја ограбуваше Македонија, ја понижуваше во минатото. Да излеземе масовно на 2 ноември и да го дадеме својот глас за бројот 9 и за Ѓорѓи. Втората опција е за излезете и да го дадете својот глас за коалицијата којашто имаше можност седум години да направи нешто за Македонија, како што велат, тие да се борат за својот дом, но освен борба за нивните џебови и ограбување на народот и понижување и национално распродавање на Македонија, ние ништо друго не видовме – посочи Мицкоски.

The post РОСОМАН ИМА ГРАДОНАЧАЛНИК КОЈ НЕ ЈА ЗАСЛУЖУВА ДОВЕРБАТА НА НАРОДОТ Мицкоски вели дека кандидатите на СДСМ се борат само за својот џеб appeared first on plusinfo.mk.

КРСТЕВСКИ ВЕТИ РЕКОНСТРУКЦИЈА НА ПАТИШТАТА И НА СТАДИОНОТ ВО РОСОМАН Николоски го пофали, најави проширување на спојот помеѓу Росоман и експресниот пат

плусинфо — Mon, 13 Oct 2025 18:07:48 +0000

Кандидатот за градоначалник на општина Росоман, од редовите на ВМРО-ДПМНЕ, Ѓорѓи Крстевски, на денешниот митинг во рамките на изборната кампања под слоганот Вистинскиот избор! Твојот човек! Твоето место! За твојата иднина!, истакна дека време е за промени во Росоман за подобра иднина за да биде општина што се менува, што расте и се развива со реализација на бројни проекти како реконструкција на патиштата, на стадионот и проширување на сите локални патишта.

– Со поддршка на ВМРО-ДПМНЕ и со тимот на чесни, работливи луѓе започнуваме ново поглавје за Росоман. Во следниот мандат, заедно ќе го направиме она што многумина рекоа дека е невозможно. Ќе воведеме проект зелена општина Росоман. Нема да има повеќе дечиња на листата на чекање во детската градинка, ќе ги прошириме урбанистичките опфати на населените места и ќе изработиме нови урбанистички планови. Ќе ги реконструираме полските патишта во сите населени места, ќе воведеме бесплатни саеми за земјоделците од општина Росоман со посета на регионалните саеми во Нови Сад, Пловдив и Солун – вели Крстевски.

Крстевски истакна дека ќе се реконструира стадионот, ќе се проектира нов локален пат од Росоман до Крушевица и многу други проекти во областа на образованието, спортот и културата.

– Ќе го реконструираме стадионот во Росоман, со пешачка патека и реквизити за најмалите. Проектирање и изведба на нов локален пат од Росоман до клучка Крушевица, проширување на сите локални патишта до населените места, финансиски стабилно и современо Јавно комунално претпријатие со нова зграда и зголемена плата за вработените. Модерно и современо образование. Поставување на надзорни камери и отворање на полициско одделение во соработка со МВР, модерен и атрактивен локален туризам, развој на спортот и културата, ова не се само зборови, ова е план. План што ќе го спроведеме со работа, чесност и одговорност – рече Крстевски.

Александар Николоски, потпретседателот на ВМРО-ДПМНЕ, се обрати од денешниот народен митинг одржан во општина Росоман. Николоски зборуваше и за експресниот пат, кој беше пуштен годинава, а истакна дека веќе се работи на два проекти, заедно со ЈП Државни патишта.

– Успеaвме на почетокот на оваа година да го пуштиме и експресниот пат, првата фаза која што одеше од Градско до Дреново и втората од Дреново до Фариш. Тука е директорот на ЈП ,,Државни патишта” и сакам да најавам дека со него веќе работиме на два проекти. Спојот со село Сирково, тоа сме го ветиле и тоа ќе го реализираме, и второто е проширување на спојот помеѓу Росоман и експресниот пат. Има еден спој, но тој треба да се прошири и да стане еден убав модерен пат, којшто го спојува Росоман со експресниот пат и на тој начин да се стига побрзо и до Скопје, но и до Прилеп, до Битола и Росоман да има многу поголема корист од самиот експресен пат, околу кој што може да се развие и цела индустриска зона – кажа Николоски и додаде:

– Тоа е нешто на што треба да размислуваме на следниот период, имајќи ја предвид одличната локација, одличната поврзаност и со автопатот, и можноста компаниите директно да се приклучат на експресен пат. Мислам дека треба сериозно да работиме со новиот градоначалник на формирање на една индустриска зона, каде што ќе можат компаниите да вложуваат, а сигурен сум дека интересот ќе биде голем.

The post КРСТЕВСКИ ВЕТИ РЕКОНСТРУКЦИЈА НА ПАТИШТАТА И НА СТАДИОНОТ ВО РОСОМАН Николоски го пофали, најави проширување на спојот помеѓу Росоман и експресниот пат appeared first on plusinfo.mk.

ГОЛЕМ ПОЖАР ИЗБУВНАЛ КАЈ ЈОСИФОВО, СИЛНИОТ ВЕТАР ГО ПРОШИРИЛ КОН ПРВИТЕ КУЌИ ОД СЕЛОТО Активиран полициски хеликоптер

плусинфо — Sun, 29 Jun 2025 18:39:35 +0000

Денеска, во недела, во атарот на село Јосифово, Општина Валандово, избувна голем пожар на отворен простор, кој поради силниот ветар се прошири кон првите куќи во селото. Поради сериозноста на ситуацијата, по барање на градоначалникот, итно беше ангажиран полициски хеликоптер.

ГОЛЕМ ПОЖАР ВО ВИЗБЕГОВО СТИГНА ДО КУЌИТЕ ВО НАСЕЛБАТА Сомнеж за подметнување, ЦУК бара итни мерки

Со брза интервенција на пожарникарите од Валандово, со поддршка од ТППЕ Гевгелија, пожарот бил ставен под целосна контрола за половина час. Хеликоптерот не морал да интервенира, туку изврши само извидувачки летови.

На враќање, хеликоптерот го надлетал и новиот пожар во Општина Росоман и им доставил информации на кавадаречките пожарникари за критичните точки. Поради намалена опасност, не била потребна воздушна интервенција. Пожарот таму е под контрола.

Исто така, денеска избувна и голем пожар на депонијата во Визбегово, кој брзо се прошири кон околните куќи, предизвикувајќи паника меѓу граѓаните. Благодарение на брзата реакција на скопските пожарникари, пожарот е ставен под контрола, иако сѐ уште се забележува чад од внатрешноста на депонијата.

Пожарот кај село Бешиште, кој започна вчера попладне во близина на границата со Грција, и понатаму се води како активен, иако во моментот нема отворено горење.

ПОЖАРОТ ВО ВИЗБЕГОВО Е ЛОКАЛИЗИРАН, ЦУК БАРА ИТНО РЕШЕНИЕ ЗА ДИВАТА ДЕПОНИЈА Зафатени биле 5.000 метри квадратни, граѓаните во опасност

The post ГОЛЕМ ПОЖАР ИЗБУВНАЛ КАЈ ЈОСИФОВО, СИЛНИОТ ВЕТАР ГО ПРОШИРИЛ КОН ПРВИТЕ КУЌИ ОД СЕЛОТО Активиран полициски хеликоптер appeared first on plusinfo.mk.

КРИВИЧНА ПРИЈАВА ЗА ГРАДОНАЧАЛНИКОТ НА РОСОМАН Само за алкохол и за мезе биле потрошени стотици илјади денари

МИА — Tue, 10 Jun 2025 08:52:49 +0000

Управата за финансиска полиција поднела кривична пријава против актуелниот градоначалник на Општина Росоман, Стојан Николов, поради злоупотреби и фалсификати во издавање одобренија за градење и трошење јавни пари.

Според пријавата, градоначалникот во периодот 2022–2023 година изготвил 6 лажни јавни исправи – 4 одобренија за градење и две за реконструкција на улици. Овие документи не биле евидентирани во официјалниот систем „е-Одобрение за градење“, иако бил должен тоа да го направи.

Со тие фалсификувани одобренија, искористени се вкупно 35,9 милиони денари од буџетот на Општина Росоман, Министерството за транспорт и Центарот за развој на Вардарскиот плански регион.

Покрај тоа, С.Н. е осомничен дека ги надминал дозволените износи за репрезентација, гориво и пијалаци за секоја од годините од 2021 до 2024, при што се користеле јавни пари за лични цели. Само за алкохол, млечни и сувомеснати производи биле потрошени стотици илјади денари.

Воедно, без основа биле склучувани договори со лица вработени во друга општина – Кавадарци, при што се потрошени дополнителни 242.000 денари, и направена е директна штета на буџетот на Општина Росоман во висина од речиси 2,9 милиони денари.

Финансиската полиција го сомничи С.Н. за две кривични дела – фалсификување исправа и злоупотреба на службена положба и овластување. Случајот е предаден на Основното јавно обвинителство во Кавадарци.

The post КРИВИЧНА ПРИЈАВА ЗА ГРАДОНАЧАЛНИКОТ НА РОСОМАН Само за алкохол и за мезе биле потрошени стотици илјади денари appeared first on plusinfo.mk.

КАМИОН ГО ЗАТВОРИ ПАТОТ КОН ПРИЛЕП Целосен прекин кај Дреново, сообраќајот пренасочен

плусинфо — Tue, 20 May 2025 19:37:43 +0000

Сообраќајот на експресниот пат од Градско кон Прилеп, во близина на селото Дреново, е во целосен прекин поради сообраќајна незгода во која учествувало товарно моторно возило што целосно го попречува патот.

Од Автомотосојузот на Македонија (АМСМ) информираат дека, поради блокираниот пат, сообраќајот се пренасочува по стариот пат низ село Росоман.

Надлежните служби се на терен и работат на расчистување на патот, по што ќе следува нормализирање на сообраќајот. Засега нема информации за евентуални повредени лица.

The post КАМИОН ГО ЗАТВОРИ ПАТОТ КОН ПРИЛЕП Целосен прекин кај Дреново, сообраќајот пренасочен appeared first on plusinfo.mk.