Додека Бекамови уживаат во луксузен летен одмор на Медитеранот, вниманието на јавноста повторно е насочено кон Ким Тернбул, девојката на Ромео Бекам, која му се придружи на семејството на нивната суперјахта вредна околу 16 милиони фунти. Атрактивната 24-годишна манекенка и диџејка беше фотографирана во црно бикини додека уживаше во сончање, водни спортови и се релаксираше на јахтата во близина на Ибица и Форментера.

За 23-годишниот Ромео Бекам, ова е една од најсериозните врски по раскинувањето со долгогодишната девојка Миа Реган, со која беше во врска речиси пет години. Ким стана редовна придружничка на младиот Бекам на семејни собири, модни настани и патувања во текот на изминатата година, а извори блиски до семејството тврдат дека Дејвид и Викторија Бекам ја прифатиле многу добро.

Инаку, Ким доаѓа од Лондон, каде што изгради кариера како модел и диџеј. Соработувала со познати модни брендови како што се Томи Хилфигер, Римел Лондон и Елес, а како диџеј настапувала во градови како Лондон, Париз и Лагос. Креативноста очигледно ѝ е во крвта – нејзиниот татко Алекс Тернбул е добро познато име во британската музичка и филмска индустрија.

Првите гласини за врска се појавија кон крајот на 2024 година, а Ромео набрзо ја потврди нивната љубов на социјалните мрежи. Оттогаш, тие се видени заедно на бројни настани, вклучувајќи ги модните ревии на Викторија Бекам и гламурозните забави во светот на модата. Ромео не ги криеше своите чувства кон Ким, јавно посветувајќи ѝ романтични објави на Инстаграм.

Во екот на тензиите во семејството Бекам поврзани со нивниот најстар син Бруклин, се појавија гласини дека Ким била во врска со постариот брат на Ромео за време на нејзините тинејџерски години, што наводно дополнително го комплицирало веќе затегнатиот однос меѓу Бруклин, неговата сопруга Никол Пелц и остатокот од семејството.

Ким подоцна јавно ги негираше ваквите тврдења, велејќи дека никогаш немало романтична врска меѓу неа и Бруклин и дека тие биле само школски другари. Сличното тврдење јавно го поддржа и најмладиот брат Круз Бекам.

Интересно е што додека Ромео и Ким уживаат со Дејвид, Викторија и Харпер на Медитеранот, Бруклин повторно не е со своето семејство. Неговото отсуство дополнително ги поттикна шпекулациите за долгогодишната семејна расправија што ги освојува насловните страници во британските медиуми.

Без оглед на семејната расправија, се чини дека Ромео и Ким ја градат својата врска далеку од драма. Судејќи според нивните заеднички патувања, појавувања на модни настани и сè поблиската врска со остатокот од семејството Бекам, младиот пар моментално ужива во еден од најубавите периоди од нивната врска.

The post KOJA Е ДЕВОЈКАТА НА РОМЕО БЕКАМ Ким Тернбул ужива на јахта со семејството на своето момче appeared first on plusinfo.mk.

Викендов, Ромео и Круз Бекам се видени на ноќно заедничко излегување со своите девојки Ким Трнбул и Џеки Апостел, во ресторанот Каспија во Париз.

Излегувањето на Круз и Ромео доаѓа само неколку дена откако нивниот најстар брат, Бруклин Бекам, ја објави во своите стории на Инстаграм својата страна од приказната за семејната расправија, изнесувајќи шокантни тврдења за нивните родители – Викторија и Дејвид Бекам.

Круз и Ромео Бекам излегоа со своите пријателки и на шопинг пред Неделата на модата во Париз, кадешто Ромео прошета по пистата на ревијата на машка облека на Willy Chavarria за есен/зима.

Двата пара беа фотографирани и како влегуваат во продавници за облека од втора рака.

The post КРУЗ И РОМЕО БЕКАМ НА РОМАНТИЧЕН ДВОЕН СОСТАНОК ВО ПАРИЗ Браќата уживаат со своите девојки откако најстариот брат јавно се откажа од семејството appeared first on plusinfo.mk.

Семејството Бекам никогаш не престанува да биде инспирација за светските медиуми, овој пат нивните синови се во фокусот.

Славниот пар, Дејвид и Викторија Бекам, се најдоа во центарот на вниманието откако го прославија 50-тиот роденден на Дејвид без присуство на нивниот најстар син, Бруклин.

Наводно, сè се случило поради врската помеѓу Ромео Бекам и Ким Тернбул, за која се вели дека некогаш била во врска со Бруклин. Набргу потоа стигна вест дека Ромео е повторно слободен, но дека е во пријателски односи со Ким.

На младиот Бекам не му требаше долго време да си најде нова девојка, ако може да се верува на пишувањето на „Дејли мејл“.

Ромео беше фотографиран од папараците додека излегуваше од хотел во Париз, а беше придружуван од седум години постарата Германка Каро Даур, која е позната како инфлуенсерка.

Romeo Beckham, 22, pictured with German model Caroline Daur, 30, just weeks after his split from girlfriend Kim Turnbull https://t.co/DBiiL6r49n

— Daily Mail Celebrity (@DailyMailCeleb) June 9, 2025

Потенцијалниот пар изгледаше доста среќно и насмеано, а наводно ја продолжиле забавата во еден од клубовите.

 

View this post on Instagram

 

A post shared by Caroline Daur (@carodaur)

Сè уште нема официјална потврда за новата врска, иако Бекам и со претходната девојка на почетокот беше мистериозен. Сепак, она што малку ги збунуба фановите е фактот дека тој сè уште не ги избришал старите фотографии со Ким што се на Инстаграм.

The post 📷 БЕКАМ РАСКИНА СО ДЕВОЈКАТА И ВЕДНАШ СИ НАЈДЕ ДРУГА Германската инфлуенсерка е седум години постара од Ромео appeared first on plusinfo.mk.