Легендарниот рок бенд „The Rolling Stones“ повторно ја разбранува музичката сцена со најавата за нивниот нов албум „Foreign Tongues“, кој треба да ја види светлината на денот на 10 јули. Заедно со оваа голема вест, бендот објави и нов сингл „In The Stars“, дополнително зголемувајќи ги очекувањата на фановите ширум светот.

Ексклузивната презентација се одржа во импресивниот простор на реновираната штедилница Вилијамсбург во Бруклин, каде што Мик Џегер, Кит Ричардс и Рони Вуд за прв пат јавно проговорија за новиот проект. Настанот го води комичарот Конан О’Брајан, кој додаде свој хумор во атмосферата меѓу собраните новинари, познати личности и ВИП гости.

Албумот е снимен во Лондон за време на интензивен месец работа, а посебна тежина дава фактот што вклучува и постхумен придонес од легендарниот тапанар Чарли Вотс. Неговата изведба на една од песните, снимена за време на последните студиски сесии, дополнително ја нагласува емоционалната вредност на ова издание, пишува Ролинг Стоун.

„Foreign Tongues“ носи и импресивен список на соработници. Меѓу нив се Пол Мекартни, Роберт Смит од „The Cure“, Стив Винвуд и Чед Смит од „Red Hot Chili Peppers“. Продукцијата е потпишана од Ендру Ват, познат по соработката со големи имиња во светот, а бендот нагласува дека тој бил клучот за одржување на енергијата и креативноста за време на снимањето.

Интересно е што Стоунс вешто градеа мистерија со недели пред официјалното објавување.

Под псевдонимот „The Cockroaches“ издадоа ограничено винилно издание на песната „Rough and Twisted“, достапно само во одбрани продавници во Велика Британија.

Во исто време, постери со препознатливото лого на јазикот и усните се појавија во светските метрополи, што предизвика бројни шпекулации кај фановите.

Визуелниот идентитет на албумот, исто така, привлече големо внимание. Насловната, потпишана од уметникот Натаниел Квин, е колаж од лицата на членовите на бендот и го симболизира нивното долго патување низ музичката историја.

И покрај нивната возраст, членовите на бендот не покажуваат знаци на забавување.

– Сè уште многу се забавуваме – рече Џегер, нагласувајќи дека нивната страст кон музиката останува силна. Иако официјалната турнеја сè уште не е потврдена, постојат назнаки дека бендот би можел да се врати на сцената, што сигурно би ги воодушевило милионите обожаватели.

Новиот албум на „Ролинг Стоунс“ претставува комбинација од носталгија и свежина – доказ дека рок легендата сè уште има што да каже, дури и по повеќе од половина век на сцената.

Последниот албум на Стоунс беше „Хакни Дајмондс“ од 2023 година. Тоа беше нивниот прв албум со оригинален материјал после 18 години – од „A Bigger Bang“ од 2005 година. Тоа беше и нивниот прв албум по смртта на тапанарот Чарли Вотс во 2021 година. Тој се појави постхумно на две од 12-те песни од тој албум.

The post „РОЛИНГ СТОУНС“ ГИ ИЗНЕНАДИЈА ФАНОВИТЕ „Сè уште многу се забавуваме“, велат старите рокери најавувајќи го новиот албум appeared first on plusinfo.mk.

The post БИОГРАФИЈАТА ЗА РОЛИНГ СТОУНС ОТКРИВА МНОГУ ТАЈНИ Новата книга пишува како Мик Џегер двапати избегнал смрт appeared first on plusinfo.mk.

„Variety“ ја потврди гласината: легендарните Ролинг Стоунс нема да започнат нова турнеја низ стадионите во Велика Британија и Европа во 2026 година.

Гитаристот Кит Ричардс нема да може да го придружува Мик Џегер на сцената, особено затоа што страда од артритис, воспаление на зглобовите, често на горните екстремитети, што веќе го принуди да го промени начинот на кој свири на својот Fender Telecaster.

Веќе во The Sun, анонимен извор изјави дека Кит Ричардс ги предупредил другите членови на бендот дека не мисли дека може да ги исполни идните обврски и дека не е воодушевен од идејата за голема турнеја на стадиони што ќе трае подолго од четири месеци.

Анонимниот извор додаде дека бендот сакал да оди на турнеја претходно оваа година, но тоа не било можно.

– Тешко е за нивните фанови, но Стоунс ќе се вратат на сцената кога ќе бидат подготвени.

Најтешкото прашање останува: дали некогаш ќе се вратат на сцената? Иако Мик Џегер е сè уште во одлична форма, возраста на членовите на бендот неумоливо напредува.

Кит Ричардс ќе ја издува својата 82-ра свеќа токму денес (18 декември), истата возраст што веќе ја достигна Мик. Рон Вуд, од друга страна, е момче од 78 години.

Турнејата никогаш не беше официјално објавена, но сите планови сега се откажани.

Пијанистот на Стоунс, Чак Ливел, неодамна откри дека групата завршила нов албум, кој повторно го продуцираше Ендру Ват, кој го продуцираше и нивниот албум „”Hackney Diamonds“.

Првично беше закажано да настапат на турнеја низ Велика Британија и Европа во 2025 година, но ниту тоа не се случи. Имаше логистички проблеми со „постоечките обврски“ на членовите на бендот.

Нивната последна турнеја, „Hackney Diamonds Tour“, се одржа од 28 април 2024 година до 21 јули 2024 година. Тие отсвирија 20 концерти низ Северна Америка за да го промовираат својот нов албум. Ова беа првите настапи на бендот во САД од ноември 2021 година.

Последен пат ја посетија Европа во 2022 година. „Ролинг Стоунс“ ја започнаа турнеја та „Sixty“ со 14 настапи за да ја прослават 60-годишнината од постоењето на групата.

Не е јасно кога обожавателите ќе имаат уште една турнеја на „Стоунс“. Со новиот албум на пат, тоа би можело да се случи, но засега, обожавателите ќе мора да почекаат и да видат.

The post РОЛИНГ СТОУНС ЈА ОТКАЖАА ТУРНЕЈАТА ЗА 2026. ГОДИНА Еден од членовите е причината поради која култниот бенд ги откажал плановите appeared first on plusinfo.mk.

Зборувајќи за „Волстрит журнал“, Џегер рече дека не планира да го продаде каталогот на бендот по 1971 година, сугерирајќи дека наместо тоа би можел да оди во добротворни цели.

„На децата не им требаат 500 милиони долари за да живеат добро“, вели познатиот музичар, додавајќи дека ако одат во добротворни цели, „можеби ќе направи нешто добро во светот“.

Џегер има осум деца. Најстариот има 52, а најмладиот шест години. Најстариот Карис го доби во 1970 година со актерката Марша Хант. Втората ќерка Џејд (51) ја доби една година подоцна со поранешната сопруга Бјанка Џегер.

Пејачот имаше четири деца со супермоделот Џери Хол – ќерките Елизабет (39) и Џорџија Меј (31) и синовите Џејмс (38) и Габриел (25). Лукас (24) е роден во 1999 година додека беше во врска со манекенката Лусијана Гименез Морад, а во 2016 година го доби своето најмало дете Девера со кореографката и поранешна балерина Мелани Хемрик.

До денес, бендот сè уште не ги поседува авторските права на некои од своите најголеми хитови.

Во опширното интервју, Џегер зборуваше и за тоа како ги препознава сличностите помеѓу проблемите на сопствеништво кои Тејлор Свифт ги имала со својата издавачка куќа и раната музика на „Ролинг стоунс“. Имено, бендот и до ден-денес не ги поседува авторските права на некои од своите најголеми хитови.

„Индустријата беше толку во зародиш што ја немаше поддршката и бројот на луѓе кои би можеле да ве советуваат како сега. Но знаете, тоа сè уште се случува. Мислам, погледнете што се случи со Тејлор Свифт! Всушност, не ги знам деталите, но очигледно не била среќна“, рече Џегер.

„Ролинг стоунс“ на почетокот на овој месец го објавија „The Hackney Diamonds“, што им е прв албум по 18 години. Тие ја објавија и песната „Angry“, која исто така се наоѓа на албумот, а деновиве бендот објави и дел од песната што ја снимија со Леди Гага и Стиви Вондер.

The post МИК ЏЕГЕР НЕМА ДА ИМ ГО ОСТАВИ БОГАТСТВОТО НА ДЕЦАТА 500 милиони долари не им се потребни за да живеат добро appeared first on plusinfo.mk.

 

View this post on Instagram

 

A post shared by The Rolling Stones (@therollingstones)

Мик Џегер, Кит Ричардс и Рони Вуд утре ќе гостуваат во шоуто на познатиот американски водител Џими Фалон, каде официјално ќе го промовираат новиот албум „Hackney Diamonds“ и ќе споделат повеќе детали за него, а шоуто ќе биде и достапни на Јутјуб, пренесува АП.

 

View this post on Instagram

 

A post shared by The Rolling Stones (@therollingstones)

„Hackney (лондонската населба Хакни) можеби е сржта на „Hackney Diamonds“, но ова е навистина момент што сакаме да го споделиме со обожавателите ширум светот преку Јутјуб“, се вели на официјалната веб-страница на бендот.

Промотивната кампања за новиот албум вклучуваше проекција на познатото лого на бендот, имено испакнатиот јазик и усни, на фасадите на познати згради ширум светот, вклучувајќи ги Лондон, Париз и Њујорк.

ФОТО: Инстаграм

The post (ВИДЕО) ПО ЦЕЛИ 18 ГОДИНИ „Ролинг стоунс“ утре ќе го претстават новиот албум appeared first on plusinfo.mk.

Тој неодамна беше на турнеја низ Европа по повод 60-годишнината на бендот. Со песни како „Jumpin’ Jack Flash“, „Gimme Shelter“ и „Sympathy for the Devil“, рок-составот помогна да се активира културната и социјалната експлозија од 1960-тите и подоцна. Турнејата заврши лани, но без тапанарот Чарли Вотс, кој почина во 2021 година.

Џегер беше подложен на операција околу срцевиот залисток во 2019 година, но и покрај тоа, енергичниот шоумен одржува блескава фигура и одлична форма со својот режим на трчање, кик-бокс, возење велосипед и јога.

Мајкл Филип – Мик Џегер е роден на 26 јули 1943 година во Дартфорд, јужно од Лондон, Англија. Почнал да свири со другарот од детството Кит Ричардс во 1960 откако ја откриле заедничката љубов кон блузот и го основале „Ролинг стоунс“ во 1962, којшто за кусо ќе се дообликува со Бил Вајман и Чарли Вотс. Џегер во меѓувреме се откажал од Лондонската школа за економија, а 1965 година составот го имал и првиот голем хит „(I Can’t Get No) Satisfaction“. Следеле низа евергрини, како „Brown Sugar“, „Honky Tonk Women“ и „Paint It Black“.

The post МИК ЏЕГЕР УТРЕ ПОЛНИ 80 ГОДИНИ Неуморниот рокер ќе го прослави роденденот со голема забава appeared first on plusinfo.mk.

Mинатата недела Мелани била видена со голем прстен на раката, а иако тврдела дека тоа не е веренички прстен, нејзините пријатели неколку дена подоцна потврдиле дека се вериле.

Мелани ја сподели среќната вест со нив на патување во Њујорк.

– Мелани беше во Американскиот балетски театар и им кажуваше на пријателите дека е свршена со Мик. Таа беше многу јасна дека тоа е веренички прстен и дека сега е негова вереница. Нејзиното семејство знае дека се свршени и се пресреќни. Немаат планови за свадба, но веридбата и значи многу на Мелани. Сите нејзини пријатели се среќни за неа – изјавил извор за Мирор.

Двојката се запозна во 2014 година, на концертот на Џегер во Токио. Пријателите на пејачката открија дека двајцата се во отворена врска, а пред шест години го добија синот Деверу. Мик има уште седум деца со пет различни сопруги, како и пет внуци и една правнука. Претходно извор за американските медиуми откри детали од нивната врска.

The post МИК ЏЕГЕР СЕ СВРШИ Мелани е 43 години помлада од пејачот appeared first on plusinfo.mk.

Windows 95 launch in 1995 pic.twitter.com/YXCKyI4T23

— Historic Vids (@historyinmemes) August 25, 2022

„Тоа се момците кои знаат дека богатите ќе станат мегабогати“, вели еден твитерџија.

„Изненаден сум што со сите тие пари не можеа да го отстранат постоењето на оваа трагедија“, напишал друг.

„Танцуваат како роботи со лоша вештачка интелигенција“, се подбива трет.

The post БИЛ ГЕЈТС И ДРУГАРИТЕ ТАНЦУВААТ НА ПРОМОЦИЈА Како роботи се, со лоша вештачка интелигенција (ВИДЕО) appeared first on plusinfo.mk.

Бендот во соопштението објави дека концертот е откажан, наведувајќи дека 78-годишниот Џегер бил позитивно тестиран бидејќи ги почувствувал симптомите на ковид-19 по пристигнувањето на стадионот, во предградието на Амстердам. Во соопшението не дадоа дополнителни информации за неговата состојба.

„На членовите на „Ролинг стоунс“ им е многу жал за вечерашното откажување, но безбедноста на публиката, колегите музичари и вработените на турнејата мора да има приоритет“, се наведува во соопштението.

Се додава дека ќе биде одреден нов датум за концертот и дека за тој нов датум ќе важат билетите за настапот во „Јохан Кројф Арена“ во Амстердам.

И самиот Џегер ја потврди информацијата на неговиот профил на Твитер, каде што го следат 2,4 милиони лица.

pic.twitter.com/wQ7Qlc1Wpa

— Mick Jagger (@MickJagger) June 13, 2022

ФОТО: Твитер/Инстаграм

The post МИК ЏЕГЕР ПОЗИТИВЕН НА КОРОНАВИРУС „Ролинг стоунс“ го откажаа концертот во Амстердам appeared first on plusinfo.mk.

Нивните настапи низ светот ќе бидат овековечени на осум поштенски марки, како и ликовите на пејачот Мик Џегер, гитаристите Кит Ричардс и Рони Вуд и покојниот тапанар Чарли Вотс, кој почина минатата година, на 80-годишна возраст.

– Малку бендови во историјата на рокот успеаја да создадат толку богата и обемна кариера како Ролинг Стоунс. Тие ги создадоа некои од најкултните и најинспиративни албуми во современата музика, а нивните настапи во живо може да се наречат револуционерни! – рече Дејвид Голд, претставник на британската мултинационална Кралска пошта.

Основан во 1962 година, „Ролинг стоунс“ е еден од најуспешните и најдолговечни рок-бендови во светот, со проценета продажба од над 240 милиони примероци ширум светот и бројни награди, вклучително и три „Греми“.

„Стоунс“ се четвртата британска музичка група, по „Битлс“, „Пинк Флојд“ и „Квин“, во чија чест Кралската пошта издаде специјални поштенски марки. Серијата ќе се најде во продажба од 20 јануари.

The post ПОШТЕНСКИ МАРКИ СО „РОЛИНГ СТОУНС“ Годинава групата одбележува 60-годишнина appeared first on plusinfo.mk.