Рокот за поднесување на изборните листи до Републичката изборна комисија (РИК) за вонредните парламентарни избори во Србија, закажани за 25 октомври истече на полноќ, а збирниот изборен список мора да биде објавен најдоцна до 9 октомври.

РИК досега објави 17 изборни листи, од кои една е повлечена.

Првата е листата „Александар Вучиќ – Обединета Србија“ собрана околу Српската напредна партија и поранешниот претседател на Србија.

Втората е „Ивица Дачиќ – Фактор на стабилност“ собрана околу коалицијата на Социјалистичката партија на Србија, Единствена Србија, Социјалдемократската партија на Србија и Зелените на Србија.

Третата е „Студентска листа – Студентите победуваат“ собрана околу студентското движење „Студенти во блокада“.

Четвртата изборна листа е „Расим Љајиќ – Народна СДП/ЦДП“ собрана околу коалицијата на Санџачката демократска партија (СДП) и Црногорската демократска партија (ЦДП). Листата има статус на малцинска листа.

Петтата е изборната листа „Сојуз на војводинските Унгарци – д-р Балинт Пастор“, која има и статус на малцинска листа.

Шестата е „Усаме Зукорлиќ – Движење за обединување“ собрано околу Партијата за правда и помирување. Листата има статус на малцинска листа.

Седмата е изборната листа „Руска партија Србија во БРИКС – Слободан Николиќ“, која има и статус на малцинска листа.

Осма е изборната листа на коалицијата „Автентична десница – д-р Милош Јовановиќ – Нова ДСС – Монархисти, Српска коалиција – НАДА, Национална демократска алтернатива, Нова демократска партија на Србија, Движење за Кралството Србија, Храбро српски“.

Деветтата изборна листа е „Европска Србија – Мариника Тепиќ – Здравко Понош (Партија за слобода и правда, Центар на Србија (СРЦЕ), Солидарност – Самоодбрана – Ослободување).

Под број 10 е изборната листа „СДА Санџак – Чувари на Санџак“ поднесена од Партијата за демократска акција на Санџак (СДА) и која има статус на малцинска листа.

Под сериски број 11 е изборната листа „Богољуб Кариќ – Движење на силата на Србија – БК“.

Под број 12 е изборната листа „Либерално зелена партија – за слободна и почиста Србија“.

Тринаесеттата изборна листа е „Бирам правда – Бирам иднина – коалиција Сила – Проф. д-р Ферид Булиќ – Василиос Провелегиос – Партија за иднината и развојот – Граѓанска партија на Грците на Србија“ која има статус на малцинска листа.

Под број 14 е изборната листа „Партија на руско-српско единство – Руси и Срби браќа засекогаш“ која има статус на малцинска листа. листа.

Под број 15 е изборната листа „Тато, ова е за тебе – Петар Ѓуриќ – премиер на Србија“.

Под број 16 е изборната листа „Владимир Гајиќ – Алтернатива за Србија – Народна партија, Бунт – Вистинска Србија“.

На 18 септември, РИК ја објави изборната листа „Народен избор – Мирослав Мики Алексиќ – Милош Парандиловиќ – Александар Јовановиќ Ќута“, но коалицијата ја повлече својата листа и ја поддржа Студентската листа.

The post ИЗМИНА РОКОТ ЗА ДОСТАВУВАЊЕ ИЗБОРНИ ЛИСТИ ВО СРБИЈА Еве кој сѐ се натпреварува на изборите appeared first on plusinfo.mk.

Републичкиот јаван обвинител Ненад Савески денеска ги отфрли оценките дека судовите работат под притисок или во служба на јавното обвинителство, коментирајќи ги реакциите по одлуките во предметите „Ласкарци“ и случајот со поранешниот градоначалник на Карпош, Стевчо Јакимовски. Тој нагласи дека Врховниот суд не ги оценува обвиненијата, туку законитоста на одлуките донесени од пониските судови, а во однос на предметот „Пулс“ посочи дека роковите за притвор се законски утврдени и мора да се почитуваат, иако, како што рече, обвинителството секогаш има на располагање и други законски можности.

Одговарајќи на новинарско прашање за коментарите на дел од поранешни судии и адвокати дека првостепените судови носат пресуди без доволно да ги ценат доказите, а потоа тие се укинуваат од повисоките судови, Савески рече дека таквите оценки се погрешни.

– Не можам да прифатам, а апсолутно сметам дека е погрешен впечатокот дека судовите ги носат одлуките под притисок, под влијание или во служба на јавното обвинителство. Пресудите се носат во името на граѓаните на Република Северна Македонија, врз основа на примена на законите и доказите што се содржани во тие предмети – изјави Савески по денешната седница на Советот на јавни обвинители.

Во однос на прашањето дали проблемот во предметите „Ласкарци“ и „Стевчо Јакимовски“ е во обвиненијата, Савески нагласи дека Врховниот суд не ги оценувал обвинителните акти, туку судските одлуки донесени во пониските инстанци.

– Одлуките на повисоките судови се во врска со одлуките на пониските судови. Врховниот суд не ги ценел обвиненијата, туку одлуките на второстепениот и првостепениот суд – рече Савески.

Осврнувајќи се на предметот „Пулс“ и на можноста газдата Дејан Јованов – Деко да излезе од притвор поради истекување на законските рокови, тој посочи дека притворот е регулиран со закон и со максимално утврдени рокови кои мора да се почитуваат.

– Траењето на притворот е регулирано со закон и со максимални рокови. Во овој случај е извесно дека тие рокови наскоро ќе се исцрпат – рече Савески.

Тој не сакаше да прејудицира дали обвинителството ќе побара примена на други мерки за обезбедување присуство на осомничениот, нагласувајќи дека тоа е во надлежност на обвинителите што постапуваат по предметот.

– Да, секогаш има можности. Дали во овој случај некои од тие можности ќе бидат применети, навистина оставете времето да покаже. Не би сакал сега ништо да прејудицирам. Тоа се јавнообвинителски одлуки и доколку изразам свој став во врска со таа работа, би можело да се создаде чувство дека сакам да го наметнам на конкретните јавни обвинители кои постапуваат во тој предмет. Јас тоа не го сакам. Оставам за тоа да ценат јавните обвинители кои постапуваат во конкретниот предмет – рече Савески.

Во врска со стравувањата во јавноста дека по истекувањето на притворот би можело да се појави ризик од бегство, Савески повтори дека и судовите и обвинителството се должни да ги почитуваат законските рокови, без оглед на околностите поради кои претходно бил определен или продолжен притворот.

На новинарско прашање дали ќе поднесе жалба на одлуката на дисциплинската комисија во предметот поврзан со обвинителот Јован Цветановски, Савески одговори дека рокот за поднесување жалба веќе истекол и дека нема да преземе таков чекор.

Во однос на забелешките дека на прославата по повод Денот на независноста имал „почесно“ место до премиерот, Савески рече дека седел на место определено со владиниот протокол не смета дека бил привилегиран во однос на другите гости.

– Тоа е место што беше предвидено со протоколот на Владата, која беше организатор на настанот и каде што ми беше определено местото. Го почитувам редот во куќата каде што сум отишол и воопшто не сметам дека сум почестен или привилегиран во однос на другите гости. Таму точно се знаеше кој каде седи. Не знам зошто воопшто констатацијата е дека станува збор за почесно место – изјави Савески.

The post ЗАКОНСКИТЕ РОКОВИ ЗА ПРИТВОР МОРА ДА СЕ ПОЧИТУВААТ Обвинителот Савески за случајот „Пулс“ appeared first on plusinfo.mk.

Темата за железничкото поврзување со Бугарија повторно ја отвори потпретседателот на ДУИ Бујар Османи, обвинувајќи ја Владата дека не успеала да обезбеди договор за изградба на пругата на Коридорот 8 и дека поради тоа пропаднале 60,7 милиони евра европски средства. Но, наместо одбрана, од Владата следуваше контранапад.

Вицепремиерот и министер за транспорт, Александар Николоски, порача дека критиките доаѓаат токму од човек кој бил дел од владата што, според него, го оставила проектот во состојба што практично не можела да се реализира. Николоски тврди дека актуелната Влада наследила тендер за железничка пруга што завршувал со, како што вели, „слеп тунел до пола“, а роковите за искористување на европските ИПА средства веќе биле пред истек.

Наместо да се продолжи со, според него, нефункционален проект, Владата одлучила да го поништи тендерот и да отвори нови разговори со Европската Унија и со Бугарија. Резултатот, како што тврди министерот, е договор за изградба на целосен прекуграничен тунел, кој ќе се реализира со грант од Европската Унија.

Дополнително, Николоски информира дека веќе се одржал првиот состанок на заедничката македонско-бугарска работна група, а во подготовка е и заедничко обраќање до Европската Унија, Европската инвестициска банка и Европската банка за обнова и развој за обезбедување на финансиската конструкција. Посочи и дека за третата фаза од Коридорот 8 веќе се обезбедени 149 милиони евра грант.

Токму затоа, според Николоски, критиките од Османи се обид да се префрли вниманието од одлуките донесени во периодот кога ДУИ беше дел од власта. Во објавата на Икс тој порача дека актуелната Влада „исправа уште еден заглавен проект“, додавајќи дека „железница ќе има, исто како и автопати“.

МАКЕДОНИЈА И БУГАРИЈА ГИ ЗАБРЗУВААТ ПОДГОТОВКИТЕ ЗА ИЗГРАДБА НА ЖЕЛЕЗНИЧКИОТ ТУНЕЛ Договорена е динамика на активностите и обезбедување финансиска поддршка

The post НАМЕСТО ЗА ИЗГУБЕНИ МИЛИОНИ ОД ИПА, ОСМАНИ ТРЕБА ДА ЗБОРУВА ЗА „ТУНЕЛОТ ДО ПОЛА“ Николоски одговори на нападите од поранешниот вицепремиер appeared first on plusinfo.mk.

Во пресрет на локалните избори закажани за 19 октомври, во сабота на 23 август почнува јавниот увид во Избирачкиот список кој трае 20 дена односно до 11 септември на полноќ. ДИК го потпишува заклучениот Избирачки список, односно изводите од Избирачкиот список на кои се гласа, најдоцна на 3 октомври.

Граѓаните, барањето за запишување, дополнување или бришење на податоците во изводите на Избирачкиот список што е ставен на јавен увид ги поднесуваат писмено до подрачното одделение на ДИК или месната канцеларија на подрачјето на живеење, или по електронска пошта до ДИК. Со барањето се приложуваат и потребните докази. Барањата за запишување, дополнување или бришење на податоци во Избирачкиот список се поднесуваат во периодот од 23 август до 11 септември.

Увид во Избирачкиот список им се овозможува и на затворениците. Барањето за запишување, дополнување или бришење на податоците во посебните изводи од Избирачкиот список за време на јавниот увид, лицата во притвор или во затвор го поднесуваат преку органот надлежен за извршување на санкциите до ДИК, од 23 август до 11 септември.

ДИК по барањата и пријавите на граѓаните е должна да одлучи со решение во рок од 24 часа од денот на приемот на барањето. Против решението со кое се одбива барањето, граѓанинот во рок од 24 часа од приемот на решението може да поднесе тужба до Управниот суд по електронски пат. По тужба, Управниот суд решава во рок од 24 часа и одлуката веднаш му ja доставува на тужителот по електронски пат. Правосилното решение на Управниот суд донесено по тужбата за запишување, промена и бришење е составен дел на потпишаниот Избирачки список од страна на ДИК.

Барањето за доставување на Избирачкиот список политичките партии го доставуваат до ДИК по електронски пат, најдоцна на 11 септември.

ДИК во рок од три дена (најдоцна на 14 септември) од денот на завршување на јавниот увид, избирачкиот список го доставува до политичките партии кои доставиле барање до денот на завршување на јавниот увид.

Политичките партии во рок од пет дена од денот на приемот на избирачкиот список до ДИК  (најдоцна на 19 септември) доставуваат барање за запишување, дополнување или бришење на податоци.

ДИК по поднесеното барање одлучува со решение во рок од 3 дена од денот на приемот на барањето, согласно Правилникот за методологија за целосен пристап, вршење промени и бришење на податоци во Избирачкиот список.

Против решението на ДИК, политичката партија може да се поднесе тужба до Управниот суд во рок од 24 часа од приемот на решението. Управниот суд е должен да одлучи во рок од 24 часа од денот на приемот на тужбата.

Министерството за внатрешни работи во рок од еден ден од завршувањето на јавниот увид на 12 септември доставува, листа на државјани кои поднеле барање за издавање нова лична карта или патна исправа по било кој основ од денот на распишување на изборите до денот на завршување на јавниот увид и листа на лица кои ќе наполнат 18 години до денот на изборите. ДИК податоците за овие лица ги впишува во избирачкиот список по службена должност.

Органот надлежен за извршување на санкциите, најдоцна 30 дена пред денот определен за избори доставува податоци за лицата кои се во притвор или се наоѓаат на издржување казна затвор врз основа на евиденцијата што ја води овој орган до ДИК. Податоците се доставуваат на магнетен медиум и задолжително го содржат единствениот матичен број на граѓанинот (ЕМБГ). (најдоцна на 18 септември)

Министерството за социјална политика, демографија и млади најдоцна 30 дена пред денот определен за избори, врз основа на сопствена евиденција и врз основа на доставените податоци од одговорните лица во установите за вонсемејно згрижување, до ДИК доставуваат податоци за лицата кои се пријавиле за гласање во установи за вонсемејно згрижување. (најдоцна на 18 септември)

Основните судови до ДИК доставуваат податоци за лицата на кои со правосилна судска одлука им е целосно одземена деловната способност или делумно одземена деловна способност при што судот утврдил дека лицето нема способност да изрази правно релевантна волја на избори и податоци за лицата на кои им е изречена мерката притвор. (најдоцна до 18 септември)

Избирачкиот список во кој се извршени сите промени кои произлегле од јавниот увид, ДИК го заклучува најдоцна 15 дена по завршениот јавен увид, најдоцна на 26 септември. ДИК го потпишува заклучениот Избирачки список, односно изводите од Избирачкиот список на кои се гласа, најдоцна 15 дена пред денот на одржувањето на изборите односно најдоцна на 3 октомври.

The post ОД САБОТА ПОЧНУВА УВИДОТ ВО ИЗБИРАЧКИОТ СПИСОК Што треба да направите, ако ве нема на списокот? appeared first on plusinfo.mk.

Домаќинствата кои спаѓаат во ранливите категории можат да аплицираат за државна помш за инвертер клима уред и за добивање финансиска поддршка за потрошена енергија. Министерството за енергетика ги објави  огласите за двете категории.

Краен рок за аплицирање на државна помош за електрична енерија е до 31 август, додека за поддршка за инвертер е до 5 октомври.

На огласот за доделување на инвертер клима уред со јачина од 3,5  киловати можат да се јават домаќинства со ниски приходи, чиј вкупен нето месечен доход во 2024 година не надминувал: 000 денари за едночлено домаќинство, 000 денари за домаќинство со два члена, 000 денари за домаќинство со три члена и  000 денари за домаќинство со четири и повеќе члена

На огласот можат да се јават и домаќинствата во кои единствен приход е пензија, а вкупниот нето месечен доход во 2024 година не надминувал: 700 денари за едночлено домаќинство, 800 денари за домаќинство со два члена и 700 денари за домаќинство со три и повеќе члена.

За учетво на огласот потребно е да се пополни барањe (обрасци 1 и 2) кое може да се најде на веб -страната на Министерството за енергетика. Покрај барањето се доставуваат уште и изјава, заверена на нотар, фотокопија од лична карта на барателот, фотокопија од лични карти за членовите на домаќинството – за полнолетни лица или изводи од матични книги за малолетни лица во домаќинството, извод од матична книга на венчаните, потврда за развод или посмртница и  фотокопија од последна сметка за електрична енергија за 2025 година

Едно лице може да поднесе само едно барање за едно домаќинство.

Правото на инвертер клима уред не може да го остварат домаќинства кои во изминатите 5 години користеле субвенција за набавка на клима уред или печка на пелети, како и оние кои имаат приклучок на систем за централно греење.

За финансиска поддршка за потрошена електрична енергија можат да конкурираат домаќинствата со едно или повеќе лица со тешка или длабока интелектуална попреченост, со најтешка телесна попреченост, со потполно слепо лице и со потполно глуво лице

Едно лице може да поднесе само едно барање за едно домаќинство.

За доделување на  финансиска поддршка за потрошена електрична енергија потребно е да се поднесе поплнето барање (обрасци 1, 2, 3 и 4) кои се достапни на веб-страницата на Министерството за енергетика. Со барањето се доставуваат и изјава  за веродостојност на податоците, заверена на нотар, фотокопија од решение за стекнато право на корисник на посебен додаток, фотокопија од последна сметка за електрична енергија за 2024 година и фотокопиии од лична карта на барателот  и од личните карти за членовите на домаќинството – за полнолетни лица или изводи од матични книги за малолетни лица во домаќинството, извод од матична книга на венчаните, потврда за развод или посмртница.и

Документацијата се доставува по пошта или лично на адреса на Министерството за енергетика: ул. „Македонија“ бр. 27 – 1000 Скопје и на Е-пошта: ranlivipotrosuvaci@energy.gov.mk

The post РОКОВИТЕ ТЕЧАТ Почна пријавувањето за државна помош за инвертер и за потрошена струја appeared first on plusinfo.mk.

До денеска до 19 часот истекува рокот за поднесување на приговори за постапката на гласање, а до полноќ рокот за приговори што се однесуваат на сумирањето на резултатите по што ДИК треба да донесе одлука во рок од 72 часа.

Како што вчера појасни претседателот на ДИК Александар Даштевски, кандидатите доколку не се задоволни од одлуката на ДИК, имаат право на тужба до Управниот суд кој, пак треба да одлучи во рок од 48 часа по приемот на тужбата.

Првичните официјални резултати што вчера ги објави Државната изборна комисија покажуваат дека на гласање излегле 905.971 граѓанин односно дека одѕивот бил 49,93%.

За Силјановска-Давкова гласале 363.086 гласови или 40.08 проценти, за Пендаровски 180.500 гласачи или 19,92 проценти, за Бујар Османи од ДУИ 121.088 или 13,07 проценти, за Максим Димитриевски од ЗНАМ 83.856 гласови или 9,26 проценти, за Арбен Таравари од албанската опозиција Вреди 83.393 гласови или 9,2 проценти, за Билјана Ваковска од Левица 41.331 глас или 4,56 проценти и за Стево Јакимовски од ГРОМ – 8.121 глас.

Гласањето на трите избирачки места во кумановско каде имаше прекин повеќе од три часа нема да се повтори бидејќи тоа, како што објаснија од ДИК, не влијае на конечните резултати, а ќе бидат разрешени и избирачките одбори на овие избирачки места. Исто така ДИК ја задолжи и правната служба да утврди дали има основи за одговорност на избирачките одбори.

На изборите на 8 мај во избирачките одбори ќе има по 7 члена наместо сегашните пет со цел подобра ефикасност во организацијата на работа, избегнување гужви на гласачкото место и избегнување на можноста од евентуални грешки.

The post НА ПОЛНОЌ ИСТЕКУВААТ РОКОВИТЕ ЗА ПРИГОВОРИ ЗА ПРЕТСЕДАТЕЛСКИТЕ ИЗБОРИ Се зголемува бројот на членови во избирачките одбори за гласањето на 8 мај appeared first on plusinfo.mk.

Според податоците од ДИК, од 15-те пријавени кандидати за собирање потписи за претседателските избори, досега потребните 10.000 потписи ги собраа Стево Пендаровски поддржан од СДСМ кој има 22.411 потписи, Гордана Силјановска Давкова од ВМРО-ДПМНЕ – 28.086, Бујар Османи од ДУИ – 11.085, Арбен Таравари од албанската опозициска коалиција Вреди – 10.710, кандидатот на ГРОМ Стевчо Јакимовски – 11.278, Максим Димитриевски лидерот на ЗНАМ-За наша Македонија – 11.605 и Билјана Ванковска Цветковска од Левица – 10.528 потписи.

Сите останати кандидати имаат помалку потписи – кандидатката Мерсиха Смаиловиќ поддржана од Бошњачкиот демократски сојуз има 2.100, Вело Марковски – 1.596 потписи, Ѓорѓи Манасков – 483, Зорица Цветковска – 269, Господин Попоски 141, Гоце Ристов – 4 и Драган Николовски два потписа. Досега, според ДИК, ниту еден потпис нема за кандидатот Томе Николоски.

Собирањето потписи се одвива во сите подрачни одделенија и канцеларии на ДИК сместени во седиштата на 34 локални самоуправи и пред надлежните нотари.

Кога подносител на листа на кандидат за претседател е група избирачи, потребно е да се соберат најмалку 10.000 потписи од запишаните избирачи во Избирачкиот список, додека кога подносител на листа на кандидат за претседател се пратеници, потребно е да се соберат најмалку 30 потписи од пратениците.

Учесниците на изборите, листите со кандидати за претседател на државата треба да ги достават до ДИК најдоцна до 19 март, на полноќ.

The post СЕ СИТНАТ ЧАСОВИТЕ ЗА 8 КАНДИДАТИ ЗА ПРЕТСЕДАТЕЛ На полноќ истекува рокот за собирање 10.000 потписи од граѓаните appeared first on plusinfo.mk.

Според најавата на Џафери, можно е некаде да се интервенира со законска измена, а некаде со одлука на Владата.

– Секако дека размислуваме и за законско решение и во текот на денот ќе имаме и соодветна одлука, имајќи предвид дека денеска треба да одам во Собранието поради други обврски. Секако веќе е искоординирано е да имаме заедничка средба, значи со Собранието, со пратениците и евентуални решенија да ги дефинираме како закон, а другиот дел од можните решенија преку одлука на Влада, она што е соодветно и можност да се спроведе и да се изведе, и да ги согледаме сите можности. Секако, работиме на тоа и ќе има соодветна одлука и решение за прашањето коешто се актуелно – одговори Талат Џафери на новинарски прашања.

Според процените на Џафери, ќе се согледаат сите аспекти и во зависност од можностите ќе се употребат решенија.

– Треба да ги согледаме сите аспекти. Таму кај што е можно продолжение на рокот да се продолжи, таму кај што има потреба од друг вид на одлука и решение да се спроведат други одлуки – рече Џафери, кој денеска во тетовското село Селце присуствуваше на поставување камен темелник на ново училиште.

The post НЕШТО СО ИЗМЕНА НА ЗАКОН, НЕШТО СО ОДЛУКА НА ВЛАДА Џафери ќе оди во Собрание за да се најде чаре за возачките и за пасошите appeared first on plusinfo.mk.

– Со 20 потписи од пратеници можеме да овозможиме материјалите кои што се во врска со седница за законските измени на роковите на важење на личните документи да бидат доставени до пратениците согласно роковите побрзо од 10 дена или пак на самата седница. Затоа очекувам во текот на денешниот ден да се организираме и да ја свикаме оваа седница како би ги избегнале сите проблеми со кои што се соочуваат граѓаните во нашата држава – изјави Мицевски.

Тој рече дека од изутринава имал разговор на оваа тема и премиерот, кој што го очекува да дојде и заедно со претседателот на Собранието, како пратенички групи да изнајдат решение, меѓутоа, како што рече, за да се случи тоа, потребно е барање за свикување итна седница и тие тоа го направиле.

– Итна е постапката, гледате и Вие дека јавноста е сензибилна по ова прашање и ние денес како пратеничка група на ВМРО-ДПМНЕ ги подготвивме законите и ги поднесовме до архивата на Собранието.

Дополнително со тоа поднесовме и барање за свикување на итна седница со потписи од 20 пратеници. Претседателот на Собранието може да ја свика седницата во текот на денешниот ден.

Инаку, по однос на самите законски решенија, се работи за измена на одредбите од двата Закони кои што предвидуваат завршување на роковите по однос на ова законско решение за патните исправи и за возачките дозволи. Со оваа измена ќе се продолжи одредбата за да можат да важат и во наредниот период – рече Мицевски.

The post ПОДНЕСЕНО Е БАРАЊЕ ЗА ИТНА СЕДНИЦА, МОЖЕ ДА СЕ ОДРЖИ УШТЕ ДЕНЕСКА Пратеничката група на ВМРО-ДПМНЕ ја исполнува процедурата appeared first on plusinfo.mk.

МВР денеска соопшти дека од 13 февруари важат само пасошите со новото име. Не важат и сообраќајните дозволи за возилата без новото име.

– Според Законот за безбедност во сообраќајот возачките дозволи со Република Македонија нема да важат ни за внатрешна ни за надворешна употреба. Ни во Македонија, ниту надвор од Македонија. МВР нема да казнува, но во случај на сообраќајна несреќа осигурителните компании ќе имаат право на регрес. Ова е невидена грозотија која ни се случува.

Многу ми е жал за ова што им се случува на македонските граѓани заради сервилноста на високи функционери на оваа влада кон сопствената држава, кон сопствените граѓание – рече Тошковски.

Според него, ако има политичка воља решение има со измени во Законот за патни исправи и во Законот за безбедност во сообраќајот.

– Измените ги подготвив. Тука се. Готови се. Кога пред моите колеги ги предложив овие измени, бев опструиран, министрите ми велеа дека ќе сме прекршеле меѓународен договор. Ова што го предлагам е согласно сите меѓународни акти кои ги гарантираат основните човекови прави. Вака го кршиме основното човеково право на движење, оневозможуваме излез од државата со валидна патна исправа. Нема кршење на меѓународни договори ако се усогласат техничките рокови од Преспанскиот договор врз основа на објективните човекови и технички капацитети на Македонија. Може да се бараат нови рокови. Со меѓународен билатерален договор не смее да се кршат човекови права. Ова е резултат на незнаење и неодговорност на властите. Ова што се случува е флагрантно кршење на човековите права. Ова е страшно. Не можам дури ни да поверувам. Грција нема право да го поништи пасошот. Обрасци немаме. Состојбата е алармантна – рече Тошковски.

Министерот ги повика граѓаните кои треба да вадат само лична карта, но и оние што веќе имаат закажано термин за фотографирање заклучно со декември, да не се јавуваат на телефонскиот број за да тој не се оптеретува, затоа што како што рече приемот на повици вчера достигнал до 500 телефонски јавувања во секунда

Според Тошковски, со пратката која се очекува до крајот на овој месец, ќе се комплетираат 250 илјади обрасци, а наредната пратка, рече дека ќе биде кон крајот на јуни или почетокот на јули.

Тој додаде дека поддржува рефундација на средства за сите оние граѓани кои извадиле лични документи кои им биле важечки и тоа, како што рече, со камата.

The post ОВА Е НЕВИДЕНА ГРОЗОТИЈА, ГРАЃАНИТЕ СЕ ЗАТВОРЕНИ ВО ЗЕМЈАВА! Тошковски вели дека има решение за пасошите, но другите министри го опструираат appeared first on plusinfo.mk.