„Фанатикс Студиос“ беше домаќин на публика од А-листата на својата ВИП забава во Лос Анџелес во четврток вечерта.

Том Брејди, Кендал Џенер, Хејли Бибер, а меѓу нив и 82-годишниот Мик Џегер и други, сите беа на забавата за отворање на „Фанатикс Флег Фудбал Класик“ во Алба, Лос Анџелес.

Легендарниот рок пејач е фотографиран и по големата забава, а медиумите коментираат дека легендарниот музичар изгледал видливо исцрпен додека ја напуштал забавата.

Сепак, Мик Џегер уште еднаш покажа дека не пропушта големи настани и ноќни забави.
Е сега, снимките го покажувале како изгледал поспано и замислено додека ја напушта забавата…Па човекот има 82 години и сè уште го следи ритамот на најголемите светски забави, па смее да изгледа уморно, нели?

The post 🎥 КОГА НА 82 ГОДИНИ ЌЕ ЗАГЛАВИТЕ НА ЖУРКА Легендарниот Мик Џегер не се откажува од ноќните забави appeared first on plusinfo.mk.

Шеесет и петгодишниот Шевчук на 18 мај пред својата публика пеел „татковината не смее да биде постојан полтрон на претседателот“.

– Сега луѓе се убиваат во Украина, зошто? Нашите момчиња гинат во Украина, зошто?“, „Поради наполеоновите планови на нашиот Цезар“- додал музичарот.

Рускиот суд го прогласи музичарот за виновен за „јавно дејствување насочено кон дискредитирање на руските вооружени сили“ и го осуди на парична казна од 50.000 рубљи или околу 800 евра.

Шевчук, кој денес не беше на суд бидејќи е позитивен на ковид и е во карантин, тој испрати пишана изјава преку својот адвокат, Александар Передрук, каде нагласи дека „секогаш бил против војна насекаде во светот“.

– Сите проблеми и сите тешкотии од политичка природа меѓу држави и народи мора да се решаваат преку дипломатски канали – додаде музичарот.

Шевчук кој е водач на рок групата ДДТ, доста позната во поранешен СССР, со години го осудува влијанието на Владимир Путин. Пред ерата на Путин, Шевчук се истакна со кампања против војната во Чеченија од 1994 до 1996 година.

The post КАЖИ НЕШТО ЛОШО ЗА ПУТИН И ПЛАТИ СИ 800 ЕВРА Рокерот Шевчук се влечка по судови поради осуда на руската инвазија appeared first on plusinfo.mk.

Повеќекратниот добитник на Греми, Брус Спрингстин, ги продал своите авторски права и правата за издавање музика на „Сони мјузик“ во договор вреден 500 милиони долари, објави „Билборд“, цитирајќи извори.

Овој износ ги надмина претходните проценки колку каталогот на Спрингстин би можел да вреди. Проценката на „Билборд“ беше помеѓу 33 и 415 милиони долари.

Ова вклучува каталог на снимената музика на Спрингстин, како и неговата работа како текстописец и композитор, вклучувајќи светски хитови како што е синглот „Born in the USA“, според извори блиски до случајот. Според „Билборд“, со продажбата „Сони мјузик“ ќе добие сопственост на целиот каталог на Брус Спрингстин, кој вклучува 20 студиски албуми, 300 песни, 7 EP, 23 албуми во живо и повеќе.

Продажбата ќе му даде на „Сони“ сопственост на целокупните авторски права на легендата на рок-музиката, вклучително и 15 пати платинестиот албум „Born in USA“ и пет пати платинестиот албум „The River“.

Тоа е најновото во серијата продажби на авторски права во минатата година што вклучува музика од Дејвид Боуви, Боб Дилан, Пол Сајмон, Стиви Никс, Тина Тарнер и Нил Јанг.

„Варнер мјузик“ ги купил правата за изданијата на Боуви ширум светот во септември, а Дилан ги продаде своите права за повеќе од 600 песни на „Јуниверзал мјузик груп“ во декември минатата година за 300 милиони долари.

„Колумбија рекордс“ на „Сони“, каде Спрингстин ја сними неговата музика, не одговори на барањето за коментар, а претставниците на Спрингстин не биле достапни, пишува „Гардијан“.

The post НОВ РЕКОРД Брус Спрингстин ги продаде своите песни на „Сони“ за 500 милиони долари appeared first on plusinfo.mk.