Иако тврдоглавоста често се перцепира како карактерна црта на детето, во многу случаи таа е обликувана од секојдневните обрасци на однесување од неговото опкружување. Понекогаш дури и добронамерните родителски навики можат ненамерно да поттикнат отпор кај децата, кои постојано ги набљудуваат возрасните и учат од нивните реакции.

Еве четири вообичаени грешки во родителството кои можат да придонесат за развој на тврдоглавост кај децата, пишува „Тајмс оф Индија“.

Попуштање и покрај поставените ограничувања

Еден од најчестите обрасци што поттикнува тврдоглавост е недоследноста. На пример, родителот прво може да каже „не“, но на крајот да попушти откако детето ќе се расплаче, ќе се расправа или ќе добие напад на бес.

Повеќе за ова прочитајте ТУКА.

The post ГРАНИЦИ И РУТИНА ИЛИ ХАОС Четири родителски навики кои поттикнуваат тврдоглавост кај децата appeared first on plusinfo.mk.

Не постои универзален рецепт што треба да се следи за детето да порасне во добро воспитан, учтив и добар човек, без разлика колку се трудат родителите. Сепак, постојат некои упатства до кои луѓето сакаат да се придржуваат, а тие имаат свои корени во културата на самата земја, па затоа стиловите на родителство можат значително да се разликуваат од еден дел од светот до друг.

Не сме сите исти, дури ни во семејството, а камоли во светот. Над некои разлики се згрозуваме и во семејството, а камоли во светот. Истото важи и за родителството. Некои методи на родителство кои се доста вообичаени за нас, во друга земја би биле шокантни. Еве неколку необични методи на родителство

Сосема е прифатливо децата да бидат гладни од време на време.

Во Кореја, децата се учат да јадат како да е тоа животна вештина, и како и во многу други култури, се верува дека храната најдобро се ужива во друштво. Затоа се учат да чекаат и да трпат глад додека целото семејство не се собере да седне и да јаде. За разлика од западњаците кои секогаш имаат чоколадо, грицки или што и да е друго подготвено за своите деца, Корејците веруваат дека не е добро децата да грицкаат помеѓу оброците, па затоа не го практикуваат тоа.

Повеќе за ова прочитајте ТУКА.

The post НЕВООБИЧАЕНИ МЕТОДИ НА РОДИТЕЛСТВО НИЗ СВЕТОТ Еве како се разликува воспитувањето на децата во разни земји appeared first on plusinfo.mk.

Британскиот принц Хари за време на посетата на Австралија изјави дека сака да биде подобар родител од својот татко, британскиот крал Чарлс III, нагласувајќи дека секоја генерација треба да го подобри начинот на кој ги воспитува своите деца.

Хари, пишува британски Телеграф, нагласи дека нема намера да ги критикува своите родители, вклучувајќи го и кралот Чарлс, но дека верува дека секоја генерација треба да го унапреди искуството на родителството.

– Родителството еволуира со текот на времето. Децата нè подобруваат – рече принцот, додавајќи дека современите услови, како што се социјалните мрежи, носат нови предизвици што не постоеле порано.

За време на посетата на добротворна организација во Мелбурн, принцот Хари отворено зборуваше за татковството и чувствата што ретко ги споделува јавно, потсетувајќи се на првите денови по раѓањето на неговиот син Арчи.

– Дефинитивно почувствував одредена одвоеност затоа што мојата сопруга беше таа што создаваше живот, а јас бев таму за да го сведочам тоа. И мислам дека многу мажи се прашуваат што имаат да понудат во тој момент, бидејќи чувствувате дека вашата работа е донекаде завршена – призна тој.

Исто така, ги откри советите што му помогнале во тој период.

– Најважното нешто што го научив е да бидам свесен за сопствените чувства откако ќе се роди детето – рече тој, не криејќи дека „тие денови и недели по раѓањето се навистина борба“.

Зборувајќи за родителството, тој нагласи дека го гледа како процес што постојано се развива.

– Родителството го гледам како нешто што се менува со текот на времето. Нашите деца се наша „надградба“ – рече тој, појаснувајќи дека тоа не значи дека новите генерации се подобри.
Тој, исто така, се осврна на работата од дома, забележувајќи дека не е секогаш лесно:

– Имам среќа што можам да работам од дома, иако понекогаш не излегува така – призна тој, потсетувајќи се како многумина ги сфатија предизвиците на таков начин на работа дури за време на пандемијата.

The post ПРИНЦОТ ХАРИ САКА ДА БИДЕ ПОДОБАР РОДИТЕЛ ОД ТАТКО МУ „Секоја генерација треба да го подобри начинот на воспитување на децата“ appeared first on plusinfo.mk.

Секој родител го сака своето дете. Нема сомнение за тоа. Но, треба да се запрашаме и дали нашето дете навистина ја чувствува таа љубов? Понекогаш родителите искрено даваат многу – тие се грижат, работат, го организираат својот живот околу своето дете – но детето сепак не ја доживува таа љубов на начинот на кој најмногу му е потребна. Причината може да биде едноставна: не зборувате на истиот „јазик на љубовта“.

Концептот го разви Гери Чепмен, а идејата е едноставна: секое дете има свој доминантен начин на кој ја прима љубовта. Ако го препознаете, вашиот однос ќе стане потопол и подлабок.

Петте јазици на љубовта:

1. Физички допир
2. Зборови на поддршка (охрабрување)
3. Квалитетно поминато време
4. Подароци
5. Помош и грижа

Иако на секое дете му се потребни сите пет, обично еден или два имаат најсилно влијание.

Повеќе за ова прочитајте на порталот „Мајка и дете“.

The post ПЕТТЕ ЈАЗИЦИ НА ЉУБОВТА КАЈ ДЕЦАТА Kако да го откриете „љубовниот јазик“ на вашето дете? appeared first on plusinfo.mk.

Акронимот ФАФО (FAFO) доаѓа од англискиот израз „Fuck Around and Find Out“, што слободно би се превело како „прави што сакаш, па ќе го видиш исходот“.

Основната идеја на ФАФО родителството е дека децата најдобро учат од природните последици на своите постапки. На пример, ако детето одбива да облече јакна иако е ладно, родителот може да му дозволи накратко да му застуди за да сфати зошто е потребна јакната. Слично е и со качувањето на столче – ако детето, и покрај предупредувањата, се качи и падне, искуството може поефикасно да го научи на претпазливост отколку стотина забрани.

Овој воспитен стил е спротивност на т.н. „хеликоптер-родителство“, во кое родителите се обидуваат да ги отстранат сите ризици и пречки од животот на детето. Иако самата филозофија не е нова, привлечното име ФАФО ѝ помогна да стане вирална на социјалните мрежи.

Повеќе за ова на порталот „Мајка и дете“.

The post ФАФО ВОСПИТУВАЊЕТО Е ВО ТРЕНД, АМА ДАЛИ Е РЕАЛНО? Детето може да учи од грешките дури од 9-тата година appeared first on plusinfo.mk.

Иконата на НБА, Шекил О’Нил, има уникатен пристап кон воспитувањето на децата, базиран на верувањето дека иако е финансиски успешен, неговите деца не треба да го сметаат тоа богатство за свое.

Неговата изјава „Ние не сме богати. Јас сум богат“, која на почетокот звучеше остро, всушност носи подлабока порака. Во подкаст од 2021 година, спортската легенда јасно стави до знаење дека неговото богатство, кое се процени на околу 500 милиони долари во 2025 година, не е „слободна пропусница“ за неговите шест деца.

Наместо да се потпираат на наследство, О’Нил поттикнува самостојност, напорна работа и важноста на образованието.

Љубовта и парите се одвоени

Тој јасно ја раздвојува родителската љубов од финансиската поддршка. Неговите деца секогаш можат да сметаат на поддршка, водство и грижа, но не и на бесконечни суми пари. Со нагласување дека парите се негови, тој поставува јасни граници уште на почетокот.

Пораката е едноставна: Семејната љубов е безусловна, но парите мора да се заработат. Овој пристап им помага на децата да растат без притисок или лажна сигурност што доаѓа со наследеното богатство.

О’Нил постојано изјавува дека неговите деца мора да имаат две дипломи ако сакаат тој воопшто да размисли да инвестира во нивните бизнис идеи. Ова правило има за цел да ги научи на дисциплина, трпение и разбирање за тоа како функционира светот. Според него, дипломите докажуваат посветеност и покажуваат дека вистинскиот успех бара време.

Бизнис идеите мора да бидат одржливи

Дури и со дипломи, патот до парите на Шек не е лесен. Неговите деца мора да му презентираат разработени бизнис концепти, објаснувајќи детално што сакаат да создадат и зошто тоа е важно. Притоа, тој им дава лекција од реалниот живот: добрите идеи бараат јасен план и визија, а не само познато презиме.

Иако Шек забележал дека неговите ќерки се поамбициозни, додека неговите синови се поопуштени, неговите правила за родителство важат подеднакво за сите. Ниедно дете нема повластен третман и или кратенки до успехот. Ова покажува конзистентност во родителството – децата може да имаат различни личности, но основните вредности остануваат исти за сите.

The post 🎥 КАКО ШЕКИЛ О’НИЛ ГИ ВОСПИТУВА СВОИТЕ ШЕСТ ДЕЦА? „Ние не сме богати, јас сум богат“ appeared first on plusinfo.mk.

Родителството може да биде сè, само не лесно. Има денови кога сте презаситени од сè, кога вашата добра волја е скриена некаде. Но, има еден трик што често го забораваме, а тоа е смеата. Нема да реши сè, но навистина може многу да помогне.

И не мора да бидете стендап комичар за да го натерате вашето дете да се чувствува топло и поврзано. Всушност, истражувањата покажуваат дека децата ги гледаат родителите кои знаат да се опуштат и да се смеат како поблиски, потопли и емоционално подостапни. Плус, хуморот може да ја намали тензијата, да помогне со фрустрацијата и да го сврти денот кога не оди добро.

Ако се прашувате како да го вметнете во хаотичните семејни денови, продолжете со читањето ТУКА.

The post 3 СОВЕТИ КАКО ДА ВНЕСЕТЕ ХУМОР ВО РОДИТЕЛСТВОТО Нема да реши сè, но смеата навистина може да помогне appeared first on plusinfo.mk.

Родителството е едно од најубавите, но и најпредизвикувачките искуства во животот. Има многу смеа, многу прегратки и слатки моменти, многу спомени што сакате да ги зачувате засекогаш во вашето срце. Сепак, нема да се лажеме, тоа е и тежок период, полн со оние моменти кога мислиме дека сме едноставно најлошите на светот и ништо не може да нè убеди дека сè што правиме не е целосен неуспех.

Дали некогаш сте се запрашале колку често се случува тоа?

Па, едно ново истражување се обиде да ги „изброи“ таквите моменти – кога чувствуваме дека сме целосно неуспешни како родители. И тоа истражување откри бројка што ја покажува оваа помалку убава и весела реалност на родителството. Во просек, три пати неделно родителите си го поставуваат прашањето „Дали сум лош родител?“ и се чувствуваат како целосен неуспех. Три пати неделно, што би значело дека ова е околу 156 пати годишно. Хмм, не сме сигурни дали ова е всушност малку? Колку и да е голема таа бројка, ни се чини дека може да биде уште поголема!

Или е само чувство? Во секој случај, оваа студија е спроведена меѓу 2.000 родители на деца до 11 години во САД. Иако студијата е американска, резултатите зборуваат на универзален јазик – речиси секој родител се сомнева во себе во одреден момент, особено кога се акумулирани исцрпеност, стрес и несоница.

Прочитајте повеќе на порталот „Мајка и дете“.

The post ДАЛИ ЧЕСТО ПОМИСЛУВАТЕ ДЕКА СТЕ ЛОШ РОДИТЕЛ? Просечен родител се чувствува како промашен 156 пати годишно appeared first on plusinfo.mk.

Дали птеранодон е исто што и птеросаур? Како да го натерате детето да заспие? И што, по ѓаволите, треба да се зготви за вечера? Во мојот секојдневен живот, сè повеќе барам одговори на ChatGPT за овие (и безброј други) прашања, признала една мајка.

И таа не е единствена. Според студија, од 2024 година, дури 71% од родителите го користеле ChatGPT, а повеќе од половина го користеле исклучиво за теми за родителство: совети за заспивање, рецепти, активности за деца…

„Бројот на родители што користат вештачка интелигенција расте од ден на ден“, потврдува д-р Николас Ц. Џејкобсон, експерт за компјутерска психологија и професор на колеџот Дартмут, пренесува порталот Parents.

Зошто родителите сè повеќе ја избираат вештачката интелигенција и повеќе информации за ова прочитајте на „Мајка и дете“.

The post СЀ ПОВЕЌЕ РОДИТЕЛИ КОРИСТАТ ЧЕТ-ГПТ ВО ОДГЛЕДУВАЊЕТО НА ДЕЦАТА Користете ја вештачката интелигенција како помош, а не како авторитет appeared first on plusinfo.mk.

Различните култури негуваат различни вредности и имаат различни правила, како и воспоставени однесувања кои се одобруваат. Така, различни земји се познати по различни пристапи кон многу работи, вклучително и родителството. Секој од нив може да крие некоја мудрост што на некој од другата страна на светот би му била добредојдена.

Во времето на пандемијата со Ковид-19, писателката и дописничка за „Гардијан“ одлучила да се пресели со своето семејство од Америка во Сингапур, каде што живееле нивните најдобри пријатели.

Новинарката Марина Лопез рекла за тој потфат: „Бевме само уште еден пар уморни родители, исцрпени обидувајќи се да направиме сè со мала поддршка“.
Тие живееле на улицата отспротива на своите пријатели, па затоа често се менувале во чувањето деца, јаделе заедно и често се дружеле. Таа дури им дозволувала на своите пријатели да им викаат на нејзините деца, а книгата што подоцна ја напишала дури се вика „Ве молам викајте им на моите деца“.

„Брзо сфатив дека заедничкото родителство не е радикално – туку е практично. Тоа искуство ме натера да ги доведам во прашање нормите со кои пораснав: дека родителството е работа што е најдобро да им се остави на – па, на родителите, и дека заштитата на моите деца значи да ги држам подалеку од секој со чиј стил на родителство не се согласувам“:

Повеќе за ова на „Мајка и дете“.

The post НЕ МОРА БАШ ЦЕЛО СЕЛО, АМА МОЖЕ ЦЕЛА УЛИЦА Дали за одгледување дете се доволни само мама и тато? appeared first on plusinfo.mk.