Реткиот настан се случил кога породилните болки на учителката Седа Гиреј започнале многу рано наутро. Таа и нејзиниот сопруг Дениз првично решиле да почекаат до времето за посета на болницата, но сепак го напуштиле својот дом во населбата Картал, кој се наоѓа на азиската страна на градот, околу 08 часот, во утринскиот шпиц, кога породилните болки почнале да се зголемуваат. Тие се „бореле“ со озлогласениот сообраќај во Истанбул за да стигнат до приватна болница во европскиот кварт Бахчелиевлер, каде е сместен лекарот на Гиреј.

Парот побарал помош од полицајците на патот, кои го расчистиле сообраќајот и им помогнале да ја користат лентата за итни случаи. Меѓутоа, кога Гиреј минувала низ тунелот Евроазија, нејзините породилни болки се интензивирале и роди машко дете.

– Кога сфатив дека ќе се породам, седнав на предното седиште во автомобилот и видов дека бебето е на пат. Си реков, па многу жени раѓале на овој начин. Се разбира, имав болки и можеби врескав малку погласно. Морав да направам што е потребно кога ќе се случи породувањето, бидејќи беше опасно да се обидам да го задржам бебето во матката. Прво, главата излезе, а подоцна го држев и го ставив на градите. За среќа, моето момче се роди многу спокојно – изјави за ДХА, 37-годишната мајка.

– Бев бремена кога влегов во тунелот Евроазија. Кога излегувавме од него, нашето момче беше во мојот скут, тој веќе се роди – го раскажа таа своето искуство.

The post Се породила во кола во тунелот под Босфор (ФОТО) appeared first on plusinfo.mk.

Жената, чие име не се знае, како што пренесува Си-Ен-Ен, со својот сопруг, нивните досегашни четири деца, а сега и со нејзиното женско новороденче, патувале пешки од градот Нашик во индиската сојузна држава Махараштра до Сатна, Мадја Прадеш. Пред извесно време, а неколку дена по раѓањето, тие биле запрени од Кавита Канеш, патролна полицајка од Мадја Прадеш.

– Родилката одморила само 1,5 – 2 часа по раѓањето, и веднаш продолжила да пешачи. Семејството немало пари, немале со што да патуваат и никој не им понудил превоз, изјави Канеш. Според неа, бебето се родило на 5 мај.

Според нивното кажување, семејството поради корона-кризата, веќе не можело да заработува за живот, па морало да го напушти својот дом во Нашик.

Индија досега има над 78.000 лица заболени од коронавирус, од кои 2.551 се починати.

The post Мигрантка родила бебе и продолжила да пешачи уште 160 километри appeared first on plusinfo.mk.