Вчера, по повод одбележувањето на 36 години од постоењето на ВМРО-ДПМНЕ на стадионот „Благој Истатов“ во Струмица, имавме чест и задоволство да бидеме заедно со десетици илјади граѓани кои со своето присуство дадоа силна поддршка и испратија порака на единство и заедништво, рече денеска генералниот секретар на партијата, Драган Ковачки.

– Искрено им благодариме на сите кои беа дел од овој значаен настан. Вашата доверба и поддршка се нашата најголема сила и мотив уште поодлучно да продолжиме да работиме за напредокот на Македонија. Во изминативе 36 години се соочивме со бројни предизвици, тешки моменти, неправди и разочарувања. Но, секогаш кога некој мислеше дека сме ослабени, ние станувавме уште посилни. Токму вие, народот и граѓаните бевте и останувате нашата најголема поддршка и двигател на нашата истрајност – рече Ковачки.

Идејата на ВМРО, поставена пред 133 години, живее и денес, затоа што 36 години ВМРО-ДПМНЕ е политичка организација создадена од народот и за народот, додаде тој, и затоа ниту еден предизвик, ниту еден напад, нема да може да ја поколеба нашата решеност да работиме во интерес на државата и на граѓаните.

– Вчера ја прославивме истрајноста, вербата, надежта и љубовта кон Македонија. Вредностите и идеалите на ВМРО остануваат автентични, македонски и цврсто втемелени во стремежот за просперитетна и успешна држава – рече Ковачки.

ВМРО-ДПМНЕ за две години власт направи многу, додаде тој.

– Од историски рекордни 1,255 милијарда евра инвестиции, до силен инвестициски циклус во инфраструктурата. Во моментов се реализираат 6 нови автопатски решенија кои треба да бидат завршени до крајот на 2027 година, а се предвидени и 10 милијарди евра капитални инвестиции во наредните 10 години за нови автопати, експресни патишта, железничка инфраструктура и обнова на постојните капацитети. Градиме и обновуваме студентски домови, даваме ваучери за електронски уреди, создаваме услови младите да започнат сопствен бизнис и својата иднина да ја градат дома. Ги зголемивме платите и пензиите, работиме на силна економија, а 7 квартали по ред бележиме економски раст од над 3 проценти. Градиме нови градинки, училишта, патишта, здравствени установи, спортски сали, а сè тоа додека враќаме стари долгови во просек од над 2 милијарди евра годишно – наброја тој.

ВМРО-ДПМНЕ покажа дека нема да води политика на попустливост кога станува збор за националните интереси, потенцира Ковачки.

– ВМРО-ДПМНЕ ја презеде одговорноста во време кога на граѓаните им беа потребни конкретни решенија, стабилност и надеж. Наместо празни ветувања, неизвесност, разочараност денеска имаме развој, иднина, надеж, проекти и конкретни мерки. Со пораката „Македонија забрзува, наша обврска“, остануваме целосно посветени на иднината на државата и на подобрувањето на квалитетот на животот на секој граѓанин. Продолжуваме да работиме за посилна економија, повисок животен стандард, нови можности за младите и модерна Македонија која достоинствено чекори кон својата европска иднина. Ви благодариме што сте дел од оваа заедничка приказна и што заеднички ја градиме иднината на Македонија. Македонија се исправува чекор по чекор. Сега е време да забрза. Тоа е нашата обврска – порача генералниот секретар и пратеник на ВМРО-ДПМНЕ, Драган Ковачки.

The post 10 МИЛИЈАРДИ ЕВРА ЗА АВТОПАТИ И ЗА ПРУГИ ВО СЛЕДНИТЕ 10 ГОДИНИ Градиме капитални проекти додека враќаме по 2 милијарди евра долг годишно appeared first on plusinfo.mk.

Најголемата вредност за ВМРО-ДПМНЕ изминативе 36 години е што ја црпи силата од народот, граѓаните коишто веруваме во исти идеи, во исти вредности и принципи, а тоа е независна, самостојна, просперитетна и европска Македонија, рече Марија Митева член на ИК на ВМРО-ДПМНЕ од Струмица за МИА, по повод 36-тиот роденден на ВМРО-ДПМНЕ кој денес се одбележува под мотото „Македонија забрзува, наша обврска”.

Таа додаде дека иако изминатите години како политичка партија имавме големи предизвици, тешки но и убави моменти и покажавме дека само обединети и единствени можеме да носиме победи за Македонија.

– За мене најголемата вредност е силата на македонскиот народ, вербата којашто ја даваат во идејата, во принципите и во вредностите коишто ги носиме. Тоа е навистина Македонија да забрзува и Македонија да победува – рече Митева.

Митева потенцираше дека пред околу две години, граѓаните не гласаа само за промена власта, туку гласаа навистина да имаме промени во принципите на владеење и во системите коишто ги имаме.

– Така што, можам да кажам дека големи се разликите, голем е напредокот којшто го правиме. Можам да издвојам делови во делот на економијата, каде што навистина покажуваме солидни, одлични резултати веќе седум квартали по ред. Можам да кажам дека забрзано работиме на подобрување на патната инфраструктура, ние во овој момент пет автопати коишто истовремено се градат. Навистина се грижиме за зголемување на инвестициите, за бизнисот, за подобрување на животниот стандард. Но, исто така, морам да бидам чесна и да кажам дека работите коишто ги правиме, можеби, во определен момент не делуваат дека се навистина големи, брзи промени коишто граѓаните ги очекуваат, затоа што уназадувањето коешто го имавме изминатите седум години не ни дозволува да одиме со побрзи чекори напред. Но, чекорите кои ги правиме се сигурни, стабилни, не се еден чекор, неколку назад, туку се чекори коишто навистина не носат во правилната насока – истакна Митева.

Понатаму, Митева додаде дека „Македонија забрзува” значи дека Македонија мора да оди напред, дека Македонија мора да победува, сплотени и единствени и со верба во државата, во она што може да го направи нашата влада, во она што можеме да го направиме сите заедно, тоа е еден јасен слоган и порака дека можеме, имаме капацитет и знаеме како да ги водиме процесите.

– Она што можам да го издвојам како најголем успех е делот на економијата, делот на стабилизирање на она економско дно што го имавме изминатиот седумгодишен мандат на претходната влада. Имаме уште многу работа, имаме уште многу предизвици пред нас, ова не е нешто за коешто ние можеме да ветиме дека ќе ги подобриме состојбите од денес за утре, но е нешто во коешто имаме јасна цел, јасен план и така ќе продолжиме – рече, меѓу другото, Митева.

The post ВМРО-ДПМНЕ ОВИЕ 36 ГОДИНИ ЈА ЦРПИ СИЛАТА ОД НАРОДОТ Заедно веруваме во идејата за самостојна, просперитетна и европска Македонија appeared first on plusinfo.mk.

Ели Панова, член на ИК на ВМРО-ДПМНЕ, во изјава за Алсат телевизија, а по повод 36-тиот роденден на ВМРО-ДПМНЕ под мотото „Македонија забрзува, наша обврска”, истакна дека поддршката од граѓаните е показател за нивното задоволство од работењето на ВМРО-ДПМНЕ, нагласувајќи дека партијата денес не одбележува само роденден, туку и 36 години посветеност и борба за македонските национални интереси.

– Самиот тој факт кажува дека народот е задоволен од работењето на ВМРО-ДПМНЕ, а тоа е и еден од нашите постулати од самото формирање. Ние денес не славиме само роденден на една политичка партија, тоа се 36 години посветеност, 36 години борба за македонските национални интереси. Биле тешки моменти, моменти во коишто сите мислеле дека нема излезност, но од друга страна ние сме се издигнале посилно од било кога и секогаш наш единствен интерес бил народот и тоа што тие го сакаат. За краток период од две години сметам дека направивме доста. Секогаш може повеќе и секогаш може подобро, но ние се стремиме токму кон тоа. Токму поради тоа денес славиме заедно со народот којшто не избрал да бидеме дел од Владата, да бидеме дел од парламент, да бидеме дел од институциите, ако потекнуваме од народот, треба да работиме за народот и само така можеме да успееме да одиме напред – рече Панова.

Панова истакна дека едно од клучните ветувања на ВМРО-ДПМНЕ било испраќањето на ДУИ во опозиција, оценувајќи дека со тоа Албанците биле ослободени од, како што рече, долгогодишен и репресивен систем на владеење. Таа нагласи дека Владата работи подеднакво за сите граѓани, посочувајќи ги инвестициите во образованието и инфраструктурата.

– Една од основните и првите работи коишто ја направивме кога дојдовме на власт ДУИ ги испративме во длабока опозиција. Тоа беше наше ветување и практично Албанците ги ослободивме од едно долгогодишно владеење на еден систем создаден од страна на ДУИ, којшто и ние денес сметаме дека бил репресивен и на одреден начин негативен за нив. Сметам дека работиме подеднакво и за Македонците и за Албанците, затоа што и Македонците и албанските деца денес имаат учебници во училиште, и Македонците и Албанците ќе се возат и се возат низ патиштата коишто ние ги градиме – рече Панова.

The post 36 ГОДИНИ ВМРО-ДПМНЕ СЕ ГОДИНИ НА ПОСВЕТЕНОСТ И БОРБА ЗА ДРЖАВНИТЕ ИНТЕРЕСИ Поддршката од граѓаните е показател за тоа appeared first on plusinfo.mk.