Дали машините во иднината ќе просат како и луѓето во време на кризи, се прашуваат корисниците на социјалните мрежи откако снимка стана вирална. Можеби роботите ќе просат за струја, а не за леб…

Spotted in China: a Unitree robot working the sidewalk with a WeChat QR code and an LED sign pleading “desperately need electricity fees.”

Source: China Insider pic.twitter.com/zcJWRNWnRk

— Big Brain AI (@realBigBrainAI) June 15, 2026

The post 📽️ КОГА РОБОТ ЌЕ ПРОСИ ЗА ПАРИ Снимка од Кина ја разбуди дебатата за иднината appeared first on plusinfo.mk.

Сопругата на премиерот Христијан Мицкоски, Рози Мицкоска, го продолжи своето учество на глобалниот самит во Белата куќа, во организација на правата дама на САД, Меланија Трамп, фокусиран на улогата на вештачката интелигенција и образованието, соопшти прес-службата на Владата.

Во рамките на самитот, сопругата на премиерот Рози Мицкоска оствари краток разговор и размени мислења со првата дама на Соединетите Американски Држави, Меланија Трамп.

Централен момент беше претставувањето на американски изработен хуманоиден робот, кој јавно се обрати и комуницираше со присутните, покажувајќи ги можностите на напредната роботика и вештачката интелигенција. Овој дел од програмата беше замислен како симбол на технолошкиот напредок и улогата на САД во развојот на иновации.

Овој настан во рамките на иницијативата „Fostering the Future Together”, претставува историски самит, како најголемо меѓународно собрание организирано од прва дама на САД, на кој учествуваа претставници од рекордни 45 земји и водечки технолошки компани.

 

View this post on Instagram

 

A post shared by Plusinfo.mk (@plusinfo.mk)

The post 🎥 РОЗИ И МЕЛАНИЈА СИ ПОМУАБЕТИЈА, РОБОТОТ МУДРО МОЛЧЕШЕ Сопругата на премиерот Мицкоски на самит за вештачка интелигенција во Белата куќа appeared first on plusinfo.mk.

Сопругата на премиерот Христијан Мицкоски, Рози Мицкоска, го продолжи своето учество на глобалниот самит во Белата куќа, во организација на правата дама на Соединетите Американски Држави (САД), Меланија Трамп, фокусиран на улогата на вештачката интелигенција и образованието, соопшти прес-службата на Владата.

„Овој настан во рамките на иницијативата „Fostering the Future Together”, претставува историски самит, како најголемо меѓународно собрание организирано од прва дама на САД, на кој учествуваа претставници од рекордни 45 земји и водечки технолошки компании.

Во рамките на самитот, сопругата на премиерот, Рози Мицкоска оствари краток разговор и размени мислења со првата дама на Соединетите Американски Држави, Меланија Трамп како и со првата дама на Франција, Брижит Макрон.

Настанот беше насочен кон унапредување на образованието, дигиталната писменост и употребата на технологија и вештачка интелигенција за поддршка на децата ширум светот.

– Денес ми е посебна чест денес да примам толку импресивна група лидери. Четириесет и петмина од вас патуваа од секој агол на планетата за да ја претставуваат својата нација како дел од оваа нова коалиција. Заедно ја негуваме иднината. Нашата мисија, да им дадеме моќ на децата преку технологијата и образованието, е остварлива – истакна во своето обраќање првата дама на САД.

Централен момент беше претставувањето на американски изработен хуманоиден робот, кој јавно се обрати и комуницираше со присутните, покажувајќи ги можностите на напредната роботика и вештачката интелигенција. Овој дел од програмата беше замислен како симбол на технолошкиот напредок и улогата на САД во развојот на иновации.

Настанот во Белата куќа послужи како платформа за меѓународно поврзување, размена на идеи и демонстрација на технолошки достигнувања, со акцент на иднината и глобалната соработка„ – се вели во владиното соопштение.

Фото: Влада на Република Македонија

СОПРУГАТА НА ПРЕМИЕРОТ МИЦКОСКИ НА САМИТ ОРГАНИЗИРАН ОД МЕЛАНИЈА ТРАМП Први дами од целиот свет се собраа во Вашингтон

The post 📷 РОЗИ МИЦКОСКА СЕ ЗАПОЗНА СО МЕЛАНИЈА ТРАМП И СО БРИЖИТ МАКРОН Сопругата на премиерот Мицкоски на самит за вештачка интелигенција во Белата куќа appeared first on plusinfo.mk.

За прв пат во историјата целосно автономен копнен робот успеа да зароби непријателски војници во вистинска битка, објавува Дејли меил, повикувајќи се на соопштение на компанијата Дев дроид (DevDroid), производител на роботски системи.

Според компанијата, украински борбен робот, опремен со вештачка интелигенција, успешно лоцирал и заробил тројца руски војници, без притоа да има некаков ризик за украинските војници.

„Мисијата е извршена од далечина, а фондот за размена на затвореници е надополнет. Вака изгледа модерното војување: роботите се на првата линија, а луѓето се безбедни“, соопшти компанијата.

Според соопштението, роботот што го изврши овој подвиг, модел TW-7.62, не е обична машина со далечинско управување. Системот користи вештачка интелигенција за автономно препознавање, фиксирање и следење на целта. Исто така, има балистички компјутер кој ја зголемува точноста на огнот до максимум, елиминирајќи ја човечката грешка.

Иако слични роботи претходно се користеле за уништување оклопни возила или обезбедување на фронтовските линии подолг временски период, ова е првиот забележан пример на роботизиран систем кој ги принудува војниците да се предадат.

The post 🎥 УКРАИНСКИ РОБОТ ЗАРОБИ ТРОЈЦА РУСКИ ВОЈНИЦИ Вештачката интелигенции го менува начинот на војување appeared first on plusinfo.mk.

Рускиот претседател беше видно задоволен од танцот на човеколикиот робот на Сбербанк, најголемата руска банка. „Владимир Владимирович, благодарам за вниманието“, му рече робот на лидерот и го повика да го посети остатокот од саемот за вештачка интелигенција.

Интересно е што овој роботски танц доаѓа само денови откако еден друг руски хуманоиден робот по име „АИдол“, се сруши на сцена во Москва.

Vladimir Putin visits AI exhibition and is treated to a dance by a Sberbank robot

‘Dear Vladimir Vladimirovich thank you for your attention!’

Putin is certainly stunned pic.twitter.com/FOCZFhg6w8

— RT (@RT_com) November 19, 2025

The post 📽️ ПУТИН ЗАДОВОЛЕН ОД ТАНЦОТ НА РУСКИОТ РОБОТ Најголемата руска банка го изненади лидерот appeared first on plusinfo.mk.

Човековидниот робот опремен со вештачка интелигенција, „Аи-Да“ наслика портрет на кралот Чарлс III. Оваа слика се нарекува „Крал на алгоритми“ и е презентирана како дел од самитот „Вештачката интелигенција за добро“, спроведен од Обединетите нации во Женева, Швајцарија.

Роботот „Аи-Да“ е именуван по британската математичарка и пионерка на компјутерите, Ада Лавлејс. Создаден е во 2019 година и беше претставен на Универзитетот Оксфорд. Создавачот, пак, е британскиот трговец со уметнички дела и сопственик на уметничката галерија, Ејдан Мелер.

Роботот е развиен во Велика Британија од тим инженери и програмери, а користи напредни ВИ-алгоритми, роботски раце и камери за да ги создава уметничките дела.

„Моето присуство овде го одразува заедничкото патување во нови облици на изразување и прашањата што тие ги покренуваат во идентитетот, авторството и суштината на уметноста. Привилегија е да бидам дел од овој извонреден настан во Обединетите Нации, опкружен со оние кои ја обликуваат иднината на технологијата и културата“, соопшти роботот.

За платинестиот јубилеј во 2022 година, роботот „Аи-Да“ наслика портрет и на покојната кралица Елизабета II, што беше воедно и првиот портрет на член на кралското семејство насликан од човековиден робот.

„Претставувањето на мојот портрет на кралот Чарлс III не е само креативен чин, туку и изјава за еволутивната улога на ВИ во нашето општество и размислување за тоа како ВИ го обликува културниот пејзаж. Клучната вредност на мојата работа е во својството да послужи како катализатор за дијалог за новите технологии“, додаде роботот.

Минатата година, ВИ-портрет на американскиот математичар Алан Тјуринг беше првотo ВИ-уметничко продаден на аукција, достигнувајќи понуда од повеќе од милион долари.

The post 📽️ ПОРТРЕТ НА КРАЛОТ ЧАРЛС НАСЛИКАН ОД РОБОТСКА РАКА Аи-Да ги поместува границите на можното appeared first on plusinfo.mk.

Еден од најбогатите луѓе на светот побара од сопствената компанија Тесла четвртина од уделот и гласачката моќ, заканувајќи се дека во спротивно ќе го премести развојот на вештачка интелигенција и роботика во својата друга компанија, xAI.

Техномилијардерот Илон Маск со својата одлука ги зголеми стравувањата на инвеститорите. Неговиот ултиматум може да ја наруши долгорочната конкурентност на Тесла.

Маск изјавил дека не се чувствува сигурно во лидерската улога за вештачка интелигенија и роботика во Тесла со сегашните акции кои ги поседува, бидејќи постои ризик да биде сменет од големи акционери.

Западните медиуми пишуваат дека неговата одлука не е финансиска, туку е обид за контрола на технологиите за вештачка интелигенција.

Ројтерс јави дека си даде отказ извршната директорка на Икс, Линда Јакарино, која раководеше со социјалната мрежа во соработка со милијардерот.

Назначена пред две години со цел да ги врати огласувачите на мрежата, таа беше под притисок да ги спои во функционирањето Икс и xAI.

„После две неверојатни години решив да си дадавам оставка од функцијата извршен директор на Икс“, напиша Јакарино на Икс.

Маск ѝ одговори: „Благодарам за твојот придонес“.

Аналитичарите предупредуваат дека барањето на Маск за 25% акции создава огромен конфликт на интереси во Тесла.

Доколку акционерите се согласат, Маск ќе стекне непропорционална контрола врз делот со вештачка интелигенција(xAI), потенцијално нарушувајќи демократските принципи на управување во јавна компанија.

Ако го одбие Маск, Тесла ризикува да ја изгуби предноста во автономно возење што го нудат нејзините електрични автомобили, но и предноста во роботиката, како кај роботот Оптимус, кој исто така користи вештачка интелигенција.

Овие технологии би можеле да бидат преселени во xAI, компанијата за која Маск веќе бара поголем удел.

Овој пресврт не е само финансиски судир, туку се чини дека Маск ја отвора глобалната дебата за тоа која компанија може поефикасно да ги води граничните технологии?

Дали Тесла ќе остане автомобилска компанија или ќе се трансформира во АИ лидер под целосна контрола на својот основач?

The post МАСК ЈА ПРИТИСКА ТЕСЛА, БАРА ЧЕТВРТИНА ОД АКЦИИТЕ Еве што се крие зад потегот на техномилијардерот appeared first on plusinfo.mk.

Норвешката фирма за роботика „1-Икс“ го претстави својот нов човековиден робот, дизајниран за извршување домашни работи, пишува Лајф сајенс (Live Science).

Роботот Нео Гама (Neo Gamma), инаку покриен со плетен најлон, е двоножен андроид којшто може да ракува со правосмукалка, да пере и да дипли алишта и да прави кафе. Во првото видео, роботот е прикажан и како служи чај, исправа рамка за слика, чисти прозорци и презема намирници, додека луѓето – сопственици ручаат, читаат книга итн. Иако компанијата соопшти дека роботот сѐ уште не е подготвен за продажба и за поширока јавна употреба, овој нов модел е во фаза на ограничено тестирање во неколку домови.

Сето ова ќе им овозможи на инженерите да ги тестираат својствата на навигација, говорните команди и вештачката интелигенција на роботот.

– Не е така далечна иднината кога сите ќе имаме свој робот-помошник дома, како „Рози“ или „Бајмакс“… Човековидните роботи навистина се интегрираат во секојдневниот живот, но мора да продолжат да се развиваат заедно со луѓето, а не во изолација – рече извршниот директор на „1-Икс“, Бернд Берних.

Според него, домот ги обезбедува реалниот контекст и разновидноста на податоците, потребни за роботот да развие интелигенција и самоуправување. Тоа, се вели, го учи и на нијансите во човековиот живот – како да отвора врата за постари, внимателно да се движи околу домашните миленици и да се прилагоди на непредвидливоста на светот околу нив.

„Нео гама“ бил подучуван со користење податоци, добиени од снимање човеково движење, што му овозможило да оди со „природно човечко одење и движење на рацете“, а и со способност за наведнување и со седење на стол.

Рацете на роботот имаат повеќе зглобови, еластични мотори, како и 4 микрофони и вградени звучници за комуникација со луѓето. Плетениот најлон однадвор би требало да ја намали силата на можните удари и влијанија врз опкружувањето и да ја зголеми севкупната безбедност.

The post 📽 НЕМАТЕ ВРЕМЕ ДА СРЕДУВАТЕ ПО ДОМА? Овој робот може да ве замени – чисти, пере и дипли алишта appeared first on plusinfo.mk.

На најпознатиот настан за технолошки иновации во светот, ЦЕС 2025 (CES 2025), во Лас Вегас, во центарот на вниманието беше една неочекувана, но сепак фасцинантна иновација – Арија, робот со вештачка интелигенција, дизајниран да биде придружник.

Развиена од американската технолошка компанија „Риалботикс“ (Realbotix), Арија ги остави посетителите и онлајн гледачите заинтригирани од „нејзините“ човечки квалитети и напредните карактеристики. Со своите реални изрази на лицето, приспособлива личност и со футуристички дизајн, Арија создава дискусија околу иднината на роботиката, објави Интрестинг инџинеринг.

Движења на Арија се напојуваат со 17 мотори, лоцирани од вратот нагоре. Овие мотори му помагаат на роботот да ги имитира движењата на устата и на очите, правејќи ја да личи на човек.

Роботот може да го прилагоди своето однесување врз основа на лицето што го носи, благодарение на уредите РФИД (RFID) кои препознаваат различни гримаси на лицето. Ова ѝ овозможува на Арија да ја смени својата личност за да одговара на изборот на корисникот.

Роботот е паметен, има социјална интелигенција и е дружељубив

Арија му беше претставена на светот на ЦЕС 2025, каде што накратко комуницираше со медиумите. Облечена во елегантна црна тренерка, таа одговараше на прашањата на ЦНЕТ. И покрај некои отсечени движења на рацете и на телото, нејзините одговори беа јасни и внимателни. Арија објасни дека роботите на „Риалботикс“ се дизајнирани специјално за дружење. ЦНЕТ ја опиша како робот со „социјална интелигенција, приспособливост и со реални човечки карактеристики“, комбинација што ја издвојува од другите роботи со вештачка интелигенција.

Фасцинацијата на Арија со роботот Оптимус на „Тесла“

Кога ја прашале за нејзиниот интерес за други роботски „суштества“, Арија изразила особена фасцинација со роботот Оптимус на „Тесла“.

– Сметам дека е фасцинантен и би сакала да го истражувам светот на роботиката со него – рече таа.

Овој коментар предизвика дополнителен интерес за потенцијалот на Арија како партнер за разговор, навестувајќи ги можностите за идни соработки со вештачката интелигенција.

Епидемија на машка осаменост?

Визијата за Арија оди подалеку од само уште еден производ со вештачка интелигенција. Извршниот директор на „Риалботикс“, Ендрју Кигел, ја сподели амбицијата на компанијата да создаде роботи кои не се разликуваат од луѓето.

– Мојата компанија се надеваше дека ќе направи роботи кои не се разликуваат од луѓето, што, исто така, можат да се справат со епидемијата на машката осаменост. Го носиме на поинакво ниво што никој друг навистина не го прави – потенцираше тој.

Кигел додаде дека Арија може да функционира како романтичен партнер, со способност да ги памети корисниците и да се приспособува на нивните потреби, слично на вештачката интелигенција во филмот „Таа“.

Измешани реакции на социјалните мрежи

Додека видеата на Арија брзо се пробиваа низ интернетот, реакциите се појавија од сите страни на светот. Некои беа импресионирани од дизајнот на роботот, додека, пак, други беа вознемирени од неговиот реалистичен изглед. Платформите на социјалните мрежи беа преплавени со мешани мислења.

Еден корисник коментирал: „На почетокот мислев дека тоа е реално. И таа личи на некој. Едноставно не можам да се сетам кој“. Друг коментирал: „Како луѓето се толку удобни околу нејзе? Ова е лудо за мене; тоа е морничаво“.

Овие реакции го одразуваат поделеното мислење за тоа дали ваквите роботи, кои реалистично изгледаат како луѓе, се добредојден напредок или, пак, чекор предалеку во односите човек-робот.

Уникатните верзии и цени на Арија

За оние кои се заинтересирани да поседуваат своја девојка робот со вештачка интелигенција, „Риалботикс“ нуди 3 верзии на Арија. Првата верзија ги вклучува само главата и вратот и чини 10.000 долари. Втората верзија, модуларниот модел, може да се одвои и чини 150.000 долари. Најнапредниот модел, целосната верзија со движечка основа, има цена од 175.000 долари. Секоја верзија нуди различни степени на приспособување и на реализам, задоволувајќи ги различните преференции на купувачите.

Растечка индустрија за придружници роботи

Арија претставува само еден пример за растечкиот тренд на роботи слични на луѓе, дизајнирани за дружење. Расте побарувачката за роботи кои можат да имитираат човечки емоции, движења и личности. Компаниите како „Риалботикс“ ги поместуваат границите на она што може да го постигнат вештачката интелигенција и роботиката, поставувајќи прашања за улогата што овие машини ќе ја играат во нашите животи во наредните години.

Иднината на придружниците со вештачка интелигенција

Како што се движиме понатаму во ерата на напредната роботика, границите помеѓу човекот и роботот може да продолжат да се замаглуваат. Арија е само еден поглед во иднината на придружниците со вештачка интелигенција и додека на некои сето тоа може да им биде вознемирувачко, други ја гледаат како возбудлива нова парадигма на технологијата. Дали роботите како Арија ќе станат вообичаен дел од секојдневниот живот или, пак, не, останува да видиме, но разговорот околу нив само што почнува.

The post ОТСЕГА МОЖЕТЕ ДА СИ КУПИТЕ ДЕВОЈКА РОБОТ ЗА 125.000 ДОЛАРИ Дали „епидемијата“ на машка осаменост е сериозен проблем во денешницата? appeared first on plusinfo.mk.

Повеќе од четвртина од водата се губи во Европа годишно, а еден мал робот кој се тестира на Универзитот Шефилд во Велика Британија може да направи да се спасат милијарди литри вода. Роботчето големо само 2 центиметри има две мали камери, два мали сензори и антена за интернет. Тоа шета по водоводните цевки, забележува каде има протекување и испраќа сигнал до инженерите во градското претпријатие.

Ваквите мали роботи би можеле да бидат пуштени да пливаат по цевките за водовод, канализација и атмосферските водови. Тие би можеле да сигнализираат на проблем дури и пред да има големо протекување или хаварија.

Малите помошници би можеле да се најдат во цевките низ Велика Британија за 5 години.

The post 📽️ ДЕФЕКТИТЕ ВО ЦЕВКИТЕ МОЖЕ ДА СЕ ОТКРИЈАТ ПРЕД ДА ИМА ГОЛЕМИ ХАВАРИИ Велика Британија со мали роботи ќе ја надгледува водоводната мрежа appeared first on plusinfo.mk.