Зелда Вилијамс, ќерката на Робин Вилијамс, во објава на социјалните мрежи ги замоли луѓето да престанат да ѝ ги испраќаат видеата генерирани од вештачка интелигенција од нејзиниот татко, славниот американски актер и комичар кој почина во 2014 година.

– Ве молам, само престанете да ми испраќате видеа генерирани од вештачка интелигенција од мојот татко – објави Зелда Вилијамс на својот Инстаграм профил.

– Престанете да верувате дека сакам да го видам ова или дека ќе го разберам, не го разбирам и нема. Ако само се обидувате да ме тролате, сум видела и полошо, ќе ве избришам и ќе продолжам понатаму. Но, ве молам, ако имате барем малку пристојност, само престанете да му го правите ова нему и мене, па и на сите нас, точка. Глупаво е, губење време и енергија е, и верувајте ми, НЕ е она што тој би го сакал.

Вилијамс, кој беше познат по филмови како „Добро утро“, „Виетнам“, „Друштво на мртвите поети“, „Госпоѓа Даутфаер“ и многу други, се верува дека се борел со депресија во времето на неговата смрт.

Неговата сопруга, Робин Шнајдер, објасни дека депресијата е предизвикана од деменција со тела на Луи (LBD), за која дознала дури по обдукцијата.

Ова не е прв пат режисерката Зелда Вилијамс да ги критикува верзиите на нејзиниот татко генерирани од вештачка интелигенција, кој си го одзеде животот во 2014 година во својот дом во Калифорнија на 63-годишна возраст.

Во 2023 година, во објава на Инстаграм во која ја поддржуваше кампањата против вештачката интелигенција од страна на американскиот медиумски синдикат SAG-Aftra, таа ги опиша обидите за рекреирање на неговиот глас како „лично вознемирувачки“, додека посочуваше на пошироки импликации.

Нејзината последна објава е реакција на трендот на социјалните медиуми каде што се анимирани слики од луѓе кои починале, со натписи како „вратете ги вашите најблиски во живот“.

Вилијамс продолжи: „Гледајќи како наследството на вистински луѓе се сведува на „ова изгледа и звучи малку како нив, па доста е“ само за другите луѓе да можат да прават ужасни објави на Тик-Ток, исмејувајќи ги, е излудувачко – продолжи таа.

– Вие не создавате уметност, туку правите одвратни, премногу обработени хот-догови од човечки животи, од историја на уметност и музика, а потоа ги туркате во грлото на некого и се надевате дека ќе ви дадат палец нагоре и ќе им се допадне. Тоа е одвратно.

Таа заклучи: „И престанете да го нарекувате „иднината“, вештачката интелигенција е само лош рециклирач и го повраќа минатото за повторно да се консумира. Вие цицате содржина како човечки стоногалки, и тоа од задните нозе, додека луѓето напред се смеат и се смеат и консумираат и консумираат.“ (Човечката стоногалка е референца на филмот за телото од 2009 година)

Најновите коментари на Зелда Вилијамс доаѓаат веднаш по уште една холивудска сензација, појавата на „актерка генерирана од вештачка интелигенција“, Тили Норвуд.

АИ актерката е создадена од холандската актерка и комичарка Елин ван дер Велден, која наводно рекла дека сака Норвуд да биде „следната Скарлет Јохансон“.

Во соопштението, SAG-Aftra рече дека Норвуд „не е актерка, туку компјутерски генериран лик обучен врз основа на работата на безброј професионални изведувачи.

– Таа нема животно искуство од кое може да се црпи, нема емоции и, од она што го видовме, публиката не е заинтересирана да гледа компјутерски генерирана содржина што е исклучена од човечкото искуство – додаде синдикатот.

Актерката Емили Блант неодамна исто така рече дека идејата за Норвуд ја смета за застрашувачка.

Ван дер Велден подоцна во соопштението рече: „За оние кои изразија негодување поради создавањето на Тили Норвуд, треба да знаат дека таа не е замена за човечко суштество, туку креативно дело – уметничко дело. Како и многу други форми на уметност пред неа, таа поттикнува разговор, а тоа само по себе ја демонстрира моќта на креативноста“.

The post ЌЕРКАТА НА РОБИН ВИЛИЈАМС ГИ МОЛИ ЛУЃЕТО ДА ПРЕСТАНАТ ДА Ѝ ИСПРАЌААТ ВИДЕА ОД АКТЕРОТ Режисерката ги критикува верзиите на нејзиниот татко генерирани од ВИ appeared first on plusinfo.mk.

„Тато, почина на денешен ден пред седум години. Радоста и инспирацијата што му ја донесе на светот, живее како наследство кај твоето семејство, пријателите и обожавателите, кои толку многу ги сакаше. Живееше за да ги насмееш другите и да им помогнеш. Денес ќе го славам споменот за тебе. Те сакам засекогаш!“, напиша Зек Вилијамс на Твитер.

Робин Вилијамс е запаметен по сценската комедија и по улогите во бројни познати филмови, како што се „Г-ѓа Даутфајер“, „Попај“, „Капетан Кука“, „Џуманџи“, „Аладин“, „Добриот Вил Хантинг“ (за којшто во 1997 доби и „Оскар“ за споредна улога), потоа – „Друштвото на мртвите поети“ и „Печ Адамс“.

The post СЕДУМ ГОДИНИ ОД СМРТТА НА РОБИН ВИЛИЈАМС Синот на актерот со емотивна порака appeared first on plusinfo.mk.

Таа го нарекла Робин „најголема љубов во нејзиниот живот“, а открила и детали за тоа на кој начин актерот се борел против деменцијата.

„Беше неверојатно длабоко упатен во толку многу работи. Знаеше многу за културата и човештвото воопшто, а хуморот му беше тајно оружје. Кога сакаше некому да биде поддршка, многупати правеше неочекувана шега само за на луѓето да им биде подобро“, рекла таа.

Се докажало дека лекарите погрешно го дијагностицирале Вилијамс и неговото семејство неколку години по неговата смрт ја дознало вистината за тоа што всушност се случувало со неговиот организам, пренесува „Пипл“.

– Робин и јас знаевме дека нешто чудно се случува. Беше во право кога ми кажа дека само сака да го „рестартира“ мозокот. Тогаш му ветив дека заедно ќе излеземе на крај со болеста, но не знаев дека тој нема да се извлече – продолжила Сузан.

Како што открила, докторите имале посебен режим за спиење за Вилијамс, за да се избори со несоницата.

– Беше страшно. Лекарите ни рекоа да спиеме во одвоени кревети, за тој да може барем малку да поспие. Ме праша дали тоа значи дека повеќе не сме заедно. Тоа беше навистина шокантен момен. Кога вашиот најдобар пријател, вашата љубов и вие сфаќате дека некаде постои огромна провалија, но не ја гледате – рекла Сузан.

The post Сопругата на Робин Вилијамс: Беше страшно, ни рекоа да спиеме одвоено! appeared first on plusinfo.mk.

На интернет веќе е објавен првиот трејлер за филмот, а во него може да видиме голем број интервјуа и коментари од самиот Вилијамс, како и интервјуа со неговите пријатели и блиски колеги.

Во филмот се зборува и за неговото самоубиство, како и за наодите од аутопсијата која покажала дека актерот се борел со деменција. Неговите колеги со кои работел на последниот филм „Ноќ во музејот“ во филмот отворено зборуваат за промените кои ги забележале кај Робин за време на снимањето.

Документарецот е во режина на Тејлор Норвуд, а за јавноста ќе биде достапен од 1 септември годинава.

The post Вака изгледале деновите на Робин Вилијамс пред самоубиството ВИДЕО appeared first on plusinfo.mk.