– Има точно 300 предмети кои се во тек, но ќе ви обезбедиме точен податок по завршувањето на прес-конференцијата. За спроведувањето на пресудите одговорноста на министерот е да го следи постапувањето и министерството или министерот треба да водат грижа за тоа – додаде Спано.

За тоа дали досието за должината на траење на предметите пред ЕСЧП на Македонија се подобрува, тој дополни дека е добро тоа што има реформи.

– Кога станува збор за статистиките поврзани со оваа земја и со многу други земји на Советот на Европа, морам да кажам дека времетраењето на постапките остануваат предизвик – вели Спано.

Соработката на државата со судот во Стразбур е од исклучително голема значење, бидејќи добрата соработка ќе значи намалување на бројот на апликации од Северна Македонија во ЕСЧП, рече министерот за правда Бојан Маричиќ. 

– Од име на Владата во септември го потпишав и Протоколот 16 на Конвенцијата за заштита на човековите права и основни слободи, кој претставува еден важен документ со коj се унапредува соработката на домашните судови со Европскиот суд за човекови права. Со тоа како Влада ја потврдивме безрезервната определба да ги спроведуваме стандардите на Конвенцијата за заштита на човековите права и основни слободи и праксата на Европскиот суд за човекови права – посочи Маричиќ.

Со овој Протокол, како што рече тој, се уредува можноста највисоките судови од земјава, да побараат од Европскиот суд за човекови права да даде советодавни мислења за принципиелни прашања во врска со толкувањето или примената на дефинираните права и слободи во Конвенцијата за заштита на човековите права и основни слободи или нејзините протоколи.

Министерот за правда изрази надеж дека ратификација на овој Протокол ќе се случи наскоро

The post ИМА 300 ТУЖБИ ОД МАКЕДОНИЈА ВО СТРАЗБУР Претседателот на Европскиот суд повика Маричиќ да води грижа за претставките appeared first on plusinfo.mk.

Ова го денеска на прес-конференција го изјави претседателот на Европскиот суд за човекови права Роберт Спано во одговор на прашањето на МИА за неспроведувањето на 16-те пресуди за Бугарија за прекршување на човековите права и правото на здружување на македонското малцинство, како и изјавата на заменик помошникот на државниот секретра на САД Габриел Ескобар дека амбасадорката на САД во Софија со европските партнери работи на решавање на овие проблеми.

– Постои јасна разлика меѓу улогата на Судот да изрекува одлуки и посебниот оддел на Советот на Европа кој го надзира спроведувањето. Претседателот на Судот не е тој што треба јавно да дава коментари. Меѓутоа, општото начело е сосема јасно, тоа е дека секоја земја-членка на Советот на Европа е обврзана со Конвенцијата да ги спроведува пресудите на Судот. Во голем број пресуди Судот потсетува на ова начело и државата мора да ги спроведе одлуките на Судот во духот на Конвенцијата – подвлече Спано.

Таа обврска, додаде тој е недвојбена и јасна.

– Тоа е општата изјава што би сакал да ја дадам по тоа прашање, меѓутоа не е моја улога јас да дадам коментар за конкретни поединечни чувствителни прашања меѓу две земји во однос на спроведувањето и одредени видови пресуди – оцени Спано на заедничката прес-конференција во Скопје со министерот за правда Бојан Маричиќ.

Тој исто така додаде дека кога се работи за спроведување и извршување одлуки на Судот, одговорноста на министерскиот совет е да го следи процесот.

– Во таа смисла многу е јасно дека општата легитимност е авторитетот на системот и причината за неговото постоење е кога Судот за човекови права во Стразбур ќе изрече обврзувачка пресуда на поединечна земја-членка. Таа земја-членка со тоа што е потписничка на Конвенцијата има направено еден избор дека ќе се смета за обврзана, тоа е логичкиот тек, меѓутоа како се одвиваат работите во секој конкретен случај треба министерскиот совет да ги обезбеди, а не Судот – посочи претседателот на Европскиот суд за човекови права Спано на прес-конференцијата во Скопје.

Прес-конференција на министерот за правда Маричиќ, претседателот на Европскиот суд за човекови права Спано и програмскиот директор за Западниот Балкан во AIRE Центарот, Билјана Брајтвејт претходеше пред почетокот на регионална конференција на тема „Ефикасен поврат на имот во согласност со европските стандарди“.

The post БУГАРИЈА Е ОБВРЗАНА ДА ГИ СПРОВЕДУВА ПРЕСУДИТЕ Роберт Спано за одлуките на судот во Стразбур за македонското малцинство appeared first on plusinfo.mk.