Обединетите Арапски Емирати (ОАЕ) планираат да деблокираат дел од иранските средства што со години беа замрзнати во земјата, како дел од поширок договор кој би требало да придонесе за намалување на тензиите и обновување на соработката меѓу двете страни.

Според информациите што ги објави „Ројтерс“, станува збор за најмалку 10 милијарди долари ирански средства, додека првите три милијарди долари веќе биле префрлени.

Изворите наведуваат дека конечниот износ што би можел да биде деблокиран може да достигне и до 20 милијарди долари.

За возврат, Иран би требало да ги прекине нападите и да ја продолжи економската и разузнавачката соработка со Обединетите Арапски Емирати.

Доколку договорот биде целосно реализиран, тој би можел да претставува значаен чекор кон деескалација на тензиите во регионот и обновување на комуникацијата меѓу двете земји, чии односи во изминатите години беа обременети со бројни безбедносни и геополитички предизвици.

Засега нема официјална потврда од властите во Техеран и Абу Даби за деталите од евентуалниот договор.

The post ОАЕ ПОДГОТВЕНИ ДА ГИ ОСЛОБОДАТ ИРАНСКИТЕ МИЛИЈАРДИ Емиратите нудат деблокада на средства во замена за мир appeared first on plusinfo.mk.

Семејството на претседателот на САД Доналд Трамп заработило најмалку 2,3 милијарди долари од криптовалутни проекти што ги промовирало по изборите во 2024 година, покажува истражување на Ројтерс. Според агенцијата, повеќе од 1 милион инвеститори истовремено забележале нето-загуби од приближно ист износ. Наодите се темелат на анализа на блокчејн записи, корпоративни документи и јавни изјави.

Ројтерс навел дека истражувањето било разгледано од повеќе од 10 експерти за сметководство и криптовалути. Тие ги оцениле проценките како разумни. Агенцијата разговарала и со претставници од криптоиндустријата.

Токени растеле, инвеститорите губеле

Во центарот на истрагата се четири проекти. Тоа се „Ворлд либерти фајненшл“, мем-криптовалутата „$TRUMP“, „Американ биткоин“ и „АИ фајненшл корп“.

Според Ројтерс, моделот бил сличен кај сите проекти. Семејството Трамп вложувало малку или воопшто не вложувало сопствени средства. Потоа ги промовирало проектите преку своето име и политичко влијание. Добивката останувала кај промоторите. Малите инвеститори често останувале со загуби.

Ројтерс го издвојува примерот на 29-годишната Фатима Елргдави од Санта Барбара. Таа во јануари 2025 година вложила 2.000 долари во „$TRUMP“. До крајот на мај вредноста на инвестицијата паднала на помалку од 120 долари.

Најголемиот профит доаѓал од еден проект

Најголема заработка, според истражувањето, донел проектот „Ворлд либерти фајненшл“. Компанијата почнала да продава токени во октомври 2024 година. Меѓу главните промотори биле Ерик Трамп и Доналд Трамп Помладиот.

Ројтерс проценува дека преку договор за лиценцирање на името Трамп, повеќе од 1,6 милијарди долари завршиле кај субјект поврзан со семејството. Загубите на инвеститорите во овој проект се проценуваат на околу 674 милиони долари.

Мем-криптовалутата „$TRUMP“ наводно донела околу 616 милиони долари за семејството Трамп. Истовремено, инвеститорите изгубиле повеќе од 700 милиони долари. Според агенцијата, токенот изгубил 97 % од вредноста во однос на врвот достигнат во јануари 2025 година.

Судир на интереси или легален бизнис?

Осум експерти за владина етика изјавиле за Ројтерс дека ваквото збогатување отвора сериозни прашања за можен судир на интереси. Според нив, станува збор за ситуација без преседан во современата американска историја.

Белата куќа не ги коментирала директно наодите. Портпаролката Ана Кели изјавила дека сите постапки на претседателот и на неговата администрација се преземаат во интерес на американскиот народ.

Од Белата куќа ги отфрлиле оценките за судир на интереси. Порачале дека ниту претседателот ниту неговото семејство не се впуштиле, ниту ќе се впуштат во такви активности.

Поранешниот министер за трговија Вилбур Рос застанал во одбрана на семејството Трамп. Тој изјавил дека политичарите и нивните семејства имаат право да заработуваат, додавајќи дека инвеститорите во шпекулативни средства мора да бидат свесни за ризиците.

The post ТРАМПОВИ ЗАРАБОТУВАЛЕ, ВЛОЖУВАЧИТЕ ВО КРИПТО ГУБЕЛЕ Над милион инвеститори останале со тенки џебови appeared first on plusinfo.mk.

Скоро сите големи рафинерии во централна Русија биле принудени целосно или делумно да го намалат производството по серијата украински напади со беспилотни летала во последните денови, пишува „Ројтерс“.

Според официјални податоци и извори на кои се повикува медиумот, погодените капацитети имаат годишен капацитет поголем од 83 милиони тони, што е околу една четвртина од вкупниот руски капацитет за рафинирање.

Москва веќе вовела забрана за извоз на бензин која ќе трае од април до крајот на јули.

Украина удира во срцето на руската економија

Нападите веќе не се ограничени само на пограничните региони. Украинските дронови последните недели погодиле цели во Кириши, Москва, Нижни Новгород, Рјазан, Јарослав и во Перм.

Станува збор за објекти кои произведуваат повеќе од 30 проценти од рускиот бензин и околу 25 проценти од дизелот.

Русија е трет најголем производител на нафта во светот, зад САД и Саудиска Арабија.

Но, според „Ројтерс“, ударите врз енергетската инфраструктура веќе го намалуваат производството и создаваат дополнителен притисок врз рускиот буџет.

Приходите од нафта и гас сочинуваат околу една четвртина од федералните приходи на Русија.

Ukraine’s Unmanned Systems Forces also confirms strikes on the Kirishi refinery in Leningrad region and VNIIR-Progress in Cheboksary. Kirishi processes 20–21 million tons of oil per year and is one of Russia’s three largest refineries. VNIIR-Progress produces GNSS receivers,… pic.twitter.com/CPKLzqjQ7N

— NOELREPORTS (@NOELreports) May 5, 2026

Клучни рафинерии се гасат една по една

Меѓу најтешко погодените е рафинеријата Кириши во западна Русија. Таа има капацитет од околу 20 милиони тони годишно и, според изворите, е целосно запрена уште од 5 мај.

Под удар се нашла и рафинеријата НОРСИ во Нижни Новгород, една од најголемите во земјата.

Нејзиниот капацитет е околу 17 милиони тони годишно.

Според последните информации, сè уште не е јасно дали фабриката успеала делумно да го задржи производството.

Молитви против дронови

Во градот Перм ситуацијата добила и необична димензија. Свештеници на Руската православна црква организирале молитвена поворка низ градот со цел „заштита од напади со беспилотни летала“.

Според локалната епархија, поворката била организирана по серијата напади врз нафтената инфраструктура во регионот.

„Нашиот град неодамна беше цел на најавени напади со беспилотни летала неколку пати. За да нè ослободи од оваа неволја, поглаварот на Пермската митрополија одржа молитва“, соопштила епархијата.

Поворката ја предводел митрополитот Методиј.

One of the more spectacular videos from the past several days of Ukraine’s drone operations in Russia – Ryazan, 5 days ago. pic.twitter.com/mQmetbiUY9

— Jay in Kyiv (@JayinKyiv) May 18, 2026

Напади длабоко во Русија

Перм се наоѓа на повеќе од 1.500 километри од украинската граница. И покрај тоа, украинските дронови успеале да погодат клучни објекти во регионот.

На 29 април била погодена производствено-диспечерска станица поврзана со системот „Транснефт“, по што избувнал голем пожар.

Само еден ден подоцна била нападната и рафинеријата „Перм“ во сопственост на „Лукоил“.

Според „Ројтерс“, биле оштетени или запрени клучни единици за примарна преработка, а поправките би можеле да траат со недели.

cuộc tấn công của Ukraine vào cơ sở hạ tầng dầu mỏ của Nga (tháng 5):

• 20 >5 — Kstovo
• 17 > 5 — Moscow
• 15>5 — Ryazan
• 13 tháng 5 — Taman
• 8 > 5 — Yaroslavl
• 7 >5 — Perm
• 5> 5 — Kirishi
• 4 >5 Samara
• 3 tháng 5 — Primorsk
• 1 5 — Tuapse pic.twitter.com/SLfQcavl4r

— KhônG có CônG (@MotLaHai) May 21, 2026

Киев отворено призна што сака да постигне

Безбедносната служба на Украина, СБУ, подоцна ја потврдила вмешаноста во нападите врз нафтената инфраструктура во Пермскиот регион.

Од СБУ соопштиле дека целта е намалување на залихите на гориво за руската армија и принудување на Москва да троши ресурси на поправки наместо на воени операции.

Во меѓувреме, според руски извори, Украина од почетокот на годината го дуплирала бројот на напади врз руските рафинерии.

The post 📽️ НАПАДИ ДЛАБОКО ВО РУСКАТА НАФТЕНА МАШИНА Кремљ воведе мерки по серијата украински удари со дронови appeared first on plusinfo.mk.

Иран испратил нов мировен предлог до Соединетите Американски Држави, а според првите детали, Техеран повторно поставил слични барања како претходно, пишува Ројтерс повикувајќи се на новинската агенција ИРНА.

Меѓу нив се: прекин на непријателствата, повлекување на американските сили од областите блиску до Иран, укинување на санкциите, ослободување на замрзнатите средства, крај на американската поморска блокада и репарации за уништувањето предизвикано од војната со САД и Израел.

Според ИРНА, се бара полекување на американските војници од сите фронтови блиску до Иран, вклучувајќи го и Либан.

Предлогот доаѓа во момент кога Вашингтон се обидува да избегне нова ескалација на Блискиот Исток и можен удар врз Ормускиот Теснец, еден од најважните светски правци за транспорт на нафта.

„Ѓубре“, па „добри шанси“

Американскиот претседател Доналд Трамп минатата недела го нарече „ѓубре“ претходниот предлог на Иран.

Но, само неколку дена подоцна, тој изјави дека има „многу добри шанси“ за постигнување договор.

– Се чини дека има многу добри шанси тие да најдат решение. Ако можеме да го направиме тоа без да ги бомбардираме до смрт, би бил многу среќен – изјави Трамп.

Тој откри и дека го паузирал планираното продолжување на нападите врз Иран по новата понуда од Техеран.

Теснецот пак го крева алармот

Ројтерс наведува дека САД се под силен притисок да обезбедат стабилност околу Ормускиот Теснец, преку кој минува голем дел од светската трговија со нафта и енергенси.

Во објава на социјалните мрежи, Трамп напиша дека лидерите на Катар, Саудиска Арабија и Обединетите Арапски Емирати побарале од него да не започнува нов напад.

„Ќе се постигне договор“, напиша американскиот претседател.

Пакистан посредува меѓу двете страни

Пакистан потврди дека повторно посредува меѓу Вашингтон и Техеран.

Извор од Исламабад изјавил дека иранскиот предлог веќе бил доставен до американската страна.

– Немаме многу време – рекол пакистанскиот извор.

„Мала“ и „голема“ нуклеарна активност

Висок ирански функционер тврди дека Вашингтон покажал одредена флексибилност.

Според истиот извор, САД биле подготвени да ослободат една четвртина од замрзнатите ирански средства и да дозволат ограничена мирна нуклеарна активност под надзор на Меѓународната агенција за атомска енергија.

Американски функционер, пак, ги негирал тврдењата дека Вашингтон е подготвен да ги укине санкциите за иранската нафта додека траат разговорите.

Војната не го скрши Иран?

И покрај нападите на САД и Израел, Ројтерс наведува дека Иран и понатаму располага со збогатен ураниум, ракетни капацитети и регионални сојузници.

Во текстот се додава и дека иранското свештенско раководство ја преживеало кризата без знаци на организирано внатрешно уривање.

The post ИРАН ПОСТАВИЛ 6 УСЛОВИ ИСТИ КАКО ПРЕТХОДНО? Трамп прво рече „ѓубре“, сега гледа „добри шанси“ за мир appeared first on plusinfo.mk.

Рускиот генерал-полковник Владимир Алексеев беше застрелан во Москва и итно префрлен во болница, јавија државните руски медиуми, повикувајќи се на истражители, пренесе Ројтерс.

Нападот се случил во станбена зграда во северозападниот дел на Москва, каде непознато лице испукало неколку куршуми кон високиот воен функционер и потоа побегнало.

Ранетиот генерал бил префрлен во една од градските болници. Официјални информации за неговата здравствена состојба сè уште нема, објавија руските медиуми.

Преговори со Пригожин и улогата во ГРУ

Алексеев е заменик-началник на Главната дирекција на Генералштабот на Министерството за одбрана, односно заменик-директор на руската воена разузнавачка агенција ГРУ. Тој важи за клучна фигура задолжена за надзор на приватните воени компании во Русија.

Генералот беше меѓу високите функционери испратени да преговараат со Евгениј Пригожин за време на краткотрајниот бунт на Вагнер во јуни 2023 година.

Алексеев е и под санкции на САД, поради наводна вмешаност во напори за мешање во претседателските избори во 2020 година.

Истрагата е во тек

Истражниот комитет соопшти дека е отворена кривична постапка за обид за убиство и за нелегално поседување огнено оружје. На местото на пукањето работат истражители и криминалисти, ги анализираат снимките од надзорните камери и ги испрашуваат сведоците, додека потрагата по напаѓачот, или по повеќе лица, е во тек.

Напади врз руски воени функционери

Од почетокот на војната во Украина, неколку високи руски воени функционери беа убиени или нападнати. Москва во повеќе наврати го обвини Киев за овие акции, додека украинската страна редовно не ги коментира ваквите обвинувања.

The post АТЕНТАТ ВРЗ РУСКИ ГЕНЕРАЛ ВО ЗГРАДА ВО МОСКВА Алексеев седеше на маса со Пригожин за време на бунтот на Вагнер appeared first on plusinfo.mk.

Претседателот на САД вели дека модринката на левата дланка која ја забележаа новинарите му се појавила поради „големата дневна доза на аспирин“. Враќајќи се од самитот во Давос во авионот „Ер Форс Уан, Доналд Трамп изјави дека лекот му предизвикува полесно создавање на модринки.

– Велам, земете аспирин ако ви се допаѓа срцето, но не земајте ако не сакате да имате малку модринки. Јас земам многу аспирин.

Портпаролката на Трамп, Каролин Ливит, пак, објасни дека претседателот ја удрил раката од работ на масата за потпишување во Давос.

President Donald J. Trump was asked earlier on Air Force One about an unusually large bruise that was visible on his left hand during today’s events in Davos, to which he responded, “I’m very good. I clipped it on the table. So I put a little – what do they call it? – cream on… pic.twitter.com/JSeRTCmKHu

— OSINTdefender (@sentdefender) January 23, 2026

Четворица лекари, двајца хирурзи и двајца интернисти, за „Ројтерс“ потврдиле дека аспиринот навистина може да придонесе за полесно создавање модринки.

Во интервју за „Волстрит журнал“, Трамп рекол дека зема поголема доза од препорачаната – „сакам убава, тенка крв да ми тече низ срцето“. Минатото лето, портпаролката Ливит им кажала на новинарите дека модринките потекнуваат од „премногу ракувања“.

Трамп, 79, е вториот најстар претседател во историјата на САД, по Џо Бајден, кој ја напушти функцијата во 2025 година на 82-годишна возраст.

The post 📽️ TOA МИ Е ОД МНОГУ АСПИРИН, ГО ЗЕМАМ ЗА СРЦЕТО Трамп не успеа да ја сокрие модринката на дланката appeared first on plusinfo.mk.

Американскиот претседател Доналд Трамп повторно го запали прашањето за помошта што, како што рече, „е на пат“ кон иранскиот народ. Но кога новинарите побараа објаснување, Трамп се насмевна и одговори само:

– Ќе мора сами да го сфатите тоа. Жал ми е.

Изјавата дојде во момент кога иранските власти се соочуваат со најжестоки протести во последната деценија. Според иранските државни медиуми, уапсени се 279 лица за кои властите тврдат дека се поврзани со „организации за немири“ со странска поддршка.

„Запишете ги имињата“

Зборувајќи пред Економскиот клуб во Детроит, Трамп ги повика демонстрантите да ги запомнат одговорните за насилството.
– Запишете ги имињата на убијците и насилниците што ве малтретираат. Вие сте злоупотребени. Една смрт е премногу, но слушам бројки што варираат – рече тој.

Трамп навести дека „помошта“ можеби не е во класична форма, туку како политички сигнал за притисок врз Техеран.

12.000 или 20.000 жртви?

Портпаролката на Белата куќа, Керолајн Ливит, изјави дека администрацијата разгледува „многу, многу опции“, меѓу кои и воздушни напади, но потенцира дека „дипломатијата е секогаш првата опција“.

Меѓутоа, во Иран бројките растат. Извори за „Ројтерс“ тврдат дека загинале околу 2.000 лица, но некои канали блиски до опозицијата зборуваат за најмалку 12.000, па дури и 20.000 жртви – бројки што, ако се потврдат, би значеле најкрвави протести по 1979 година.

„Сè е кревко“

Трамп направи паралела со ситуацијата во САД.

– Сè е многу кревко и ви велам, ако не ги добиев овие избори… – рече тој, оставајќи ја реченицата недовршена.

Во Иран, револуционерната гарда ги заострува мерките, додека протестите, кои започнаа како реакција на економската криза, сè повеќе добиваат облик на повик за соборување на свештеничкиот режим.

Виткоф се сретна со прогонетиот ирански принц

Пред еден час пратеникот на Трамп, Стив Виткоф тајно се сретна со протераниот ирански принц Пратеникот на американскиот претседател Доналд Трамп, Стив Виткоф, минатиот викенд тајно се сретна со Реза Пахлави, синот на последниот шах на Иран. Пахлави го напушти Иран пред неговиот татко, Мохамед Реза Пахлави, да биде соборен од власт во 1978 година и оттогаш живее претежно во Лос Анџелес и Вашингтон.

Во претходните пораки, чија дистрибуција беше блокирана поради исклучувањето на интернетот од страна на иранските власти, Пахлави рече дека е подготвен да предводи транзиција. Тој, исто така, се залага за референдум и ненасилни промени во земјата и ја поздрави можноста Иран да стане уставна монархија.

The post САМИ ЌЕ СФАТИТЕ КАКВА ПОМОШ E НА ПАТ ЗА ИРАН Трамп ги зачуди новинарите, Белата куќа разгледува опции appeared first on plusinfo.mk.

Разузнавачки извори за „Фајненшл тајмс“ тврдат дека Русија планирала низа саботажи насочени против западните држави, меѓу кои и заговор за уривање товарни авиони што летаат кон САД. Според нив, Москва во изминатиот период подготвувала поширока кампања на тајни операции, која опфаќала подметнување пожари, труење водоводи, напади на инфраструктура и активирање прикриени агенти низ Европа.

Западните безбедносни претставници велат дека руските диверзии се многу пообемни отколку што јавноста може да претпостави. Минатата година бројот на откриени тајни операции значително се зголемил, а службите ги поврзуваат со делување на групи поддржани од Кремљ.

Како пример се наведува случај при кој експлозивни пратки – испратени преку меѓународни курирски служби – во јули 2024 година експлодирале во логистички центри во Велика Британија, Полска и Германија. Според „Фајненшл тајмс“, секоја од тие пратки имала доволно разорна моќ да урне товарен авион доколку детонацијата се случела додека пратките биле во лет.

Безбедносните служби тврдат дека се спречени и други заговори: обиди за саботирање преполни патнички возови, подметнување пожари во трговски центри, саботирање хидросистеми и брани, како и труење на водоводи. Во повеќе европски држави биле откриени и лица за кои се верува дека делувале како „заспани“ агенти со зададени мисии за диверзија.

Во британските медиуми исто така се посочува дека повторените пожари и експлозии низ континентот – вклучително и пожар во складиште во источен Лондон, сопственост на украински државјани – се поврзуваат со руските служби.

Покрај тоа, земјите во Балтичкиот регион во последните месеци се соочија со прекини на подводни кабли и серија координирани кибернапади, што безбедносните служби го гледаат како дел од поширока кампања.

„Ројтерс“ пренесе дека западните истражители во изминатата година забележале „остра ескалација“ на хибридни активности кои, според анализите, можат да имаат сериозни последици по човечки животи и европската инфраструктура доколку некој од заговорите успее.

Експерти за Русија предупредуваат дека Западот сè уште не ја согледува целосната димензија на случувањата. Како што изјавува Киир Џајлс од „Чатам хаус“, „уште не сме свесни колку многу работи се случуваат зад кулисите“.

The post РУСИЈА ПЛАНИРАЛА СОБОРУВАЊЕ АВИОНИ, ТРУЕЊЕ ВОДОВОДИ, УРИВАЊЕ БРАНИ… Европски разузнавачи тврдат дека спречиле десетици саботажи appeared first on plusinfo.mk.

Американскиот поранешен претседател Доналд Трамп најавил дека ќе оствари телефонски разговор со цел да се прекинат борбите што веќе трет ден траат на границата меѓу Тајланд и Камбоџа. Изјавата, пренесена од Ројтерс, го поставува Трамп во улога на потенцијален посредник во новоазискиот конфликт.

Во јули тој веќе посредуваше за постигнување краткотраен прекин на огнот меѓу двете земји, но насилствата деновиве повторно се разгореа.

Тајландскиот министер за надворешни работи изјавил дека „моментално нема услови за преговори“, додека камбоџанскиот советник на премиерот одговорил дека „Пном Пен е подготвен за разговори во секое време“.

На собир во Пенсилванија, Трамп потсетил дека во својот мандат помогнал да се смират и други кризни жаришта, меѓу нив и тензиите меѓу Пакистан и Индија, како и конфликтите поврзани со Израел и Иран.

– Мразам што морам да кажам дека повторно изби судир меѓу Камбоџа и Тајланд. Ќе мора утре да се јавам. Кој друг може да каже дека со еден телефон може да запре војна меѓу две моќни земји? – рекол Трамп.

Според официјалните извештаи, во борбите пред последниот прекин на огнот загинале најмалку 48 лица, а илјадници се раселени од пограничните зони. Камбоџанското Министерство за одбрана потврдило дека девет цивили загинале, а 20 се тешко повредени, додека Тајланд пријавил четири загинати војници и 68 повредени.

The post ЕДЕН ПОВИК, КОЈ ДРУГ ДA СЕ ЈАВИ ОСВЕН МЕНЕ? Трамп се фали дека ќе ја сопре војната меѓу Камбоџа и Тајланд appeared first on plusinfo.mk.

Телефонски разговор меѓу Стив Виткоф, специјален пратеник на Доналд Трамп, и Јуриј Ушаков, советник на Владимир Путин, излегол во јавност, што предизвикало бес во Кремљ. Разговорот, одржан на 14 октомври, открил детали за предложениот мировен план за Украина, јави Блумберг.

Ушаков го нарекол протекувањето „акт на хибридна војна“. Тој изјави дека користел шифрирани владини канали и дека е „недопустливо некој да го пресретнува разговорот“. Додал дека ќе разговара директно со Виткоф за инцидентот.

На случувањето реагирал и заменик-министерот за надворешни работи на Русија Сергеј Рјабков. Според него, некои медиуми се користат „како алатки во информативната војна против Русија“, пренесе Ројтерс.

Во позадина на оваа афера се споменува Кирил Дмитриев, шеф на рускиот државен инвестициски фонд РДИФ, кого аналитичарите го сметаат за „архитект на мировниот план од 28 точки“. Тој има диплома од Станфорд и блиски врски со зетот на Трамп, Џеред Кушнер, но и со моќници од Блискиот Исток.

‘Ask Putin to say…’: Witkoff caught on call ‘guiding’ Russia on how to sell Ukraine deal to Trump
Catch the day’s latest news and updates ➠ https://t.co/uILoG2wcSm pic.twitter.com/A78c5Qrnfs

— Economic Times (@EconomicTimes) November 26, 2025

Борис Бондарев, поранешен руски дипломат, вели дека Дмитриев е „клучен канал меѓу Кремљ и Виткоф“.

– Виткоф е слаба карика во американската администрација, па затоа Дмитриев го искористи тој контакт за да ја протурка руската перспектива – изјави Бондарев.

Планот делумно бил изготвен за време на состанокот меѓу зетот на Трамп, Џаред Кушнер, Виткоф и Дмитриев. Средбата наводно се одржала во Мајами минатиот месец. Имало малку дискусии за тоа во рамките на Стејт департментот и Белата куќа, изјавиле за Ројтерс два извори запознаени со ситуацијата.

Witkoff (SW) is talking to Ushakov (YU) about how to properly sneak the so-called “peace plan” to Trump by taking advantage of Trump’s ego.
Russia has taken over the White House!
Trumpfuckistan shouldn’t be trusted anymore! pic.twitter.com/VmirZMtaoo

— PaulC (@PaulConRO) November 26, 2025

Според Ројтерс, планот од 28 точки за Украина, откриен минатата недела, делумно се темели на руски неофицијален предлог испратен до Трамповата администрација во октомври. Ова откритие фрла сомнеж дека зад мировната иницијатива стои повеќе Москва отколку Вашингтон.

Според транскриптите од разговорите, Ушаков и Виткоф алудирале на можен „план од 20 точки“ уште на 14 октомври. Планот очигледно бил проширен во последователните разговори со Дмитриев.

Предлогот на САД, кој ги изненадил функционерите во Вашингтон и Европа, предизвика дипломатски хаос на три континенти. Девет од првичните 28 точки беа отфрлени по разговорите меѓу високи американски и украински функционери во Швајцарија. Американски претставник неодамна изјави дека Киев се согласил за планот, но дека остануваат уште неколку точки  „да се испеглаат“.

Трамп на својот профил во вторникот, 25 ноември, напиша дека неколку точки се спорни, но дека е оптимист за можната средба со Зеленски во Белата куќа за евентуално финализирање на договорот, но и за средбите на Виктоф со рускиот политички врв и на американскиот секретар за одбрана Ден Дрискол, со украинскиот политички врв.

Кремљ во средата ги опиша тековните разговори за завршување на војната во Украина како „сериозни“. Соопштението доаѓа пред посетата на Виткоф, кој се очекува да пристигне во Русија следната недела.

– Процесот е во тек, процесот е сериозен – изјави портпаролот на Кремљ, Дмитриј Песков, за државната телевизија, додавајќи дека „многу луѓе“ ќе се обидат да ги „спречат“ разговорите.

Песков исто така изјави дека оние што повикуваат на оставка на Виткоф, поради сознанијата за разговорот со Ушаков, се обидуваат да го спречат „скромниот моментум“ што е постигнат кон мировен договор.

The post ПРОТЕЧЕ РАЗГОВОРОТ ЗА „ПРОДАЖБА“ МЕЃУ УШАКОВ И ВИТКОФ, КРЕМЉ БЕСЕН Архитектот на мирот е Русин, а не Американец? appeared first on plusinfo.mk.