Условите во спортската сала во Општина Кисела Вода се навистина светски, европски, можеби најсовремени од ваков тип во државата, истакна денеска премиерот Христијан Мицкоски на отворањето на спортската сала „Расадник“ во општина Кисела Вода, објект кој, според него, поставува нови стандарди во спортската инфраструктура во земјата.

Мицкоски истакна дека салата, со капацитет од околу 1.000 гледачи, нуди услови кои се споредливи со европските и светските спортски центри, нагласувајќи дека ваквите инвестиции создаваат простор за развој на младите и за поттикнување на спортскиот дух во заедницата.

– Сигурен сум дека не само младите од Кисела Вода туку и од градот Скопје па и пошироко спортуваат, ќе се натпреваруваат, ќе другаруваат. И зошто да не изродат европски и светски мега ѕвезди коишто се најголеми амбасадори на една држава- истакна премиерот.

Тој посочи дека голем број инфраструктурни проекти влегуваат во финална фаза со доаѓањето на пролетта и летото, а оваа сала е еден од примерите за успешно реализирана иницијатива која, како што рече, ќе им служи на граѓаните со години.

Министерот за спорт Борко Ристовски истакна дека е исклучително горд на процесот кој, како што рече, од запуштен објект прераснал во модерен спортски центар со европски стандарди.

Ристовски нагласи дека проектот бил започнат уште со претходното општинско раководство, а финализиран со актуелната локална власт, во тесна координација со Владата и со тимот задолжен за реализација.

Според него, салата претставува пример како институциите можат успешно да соработуваат, од преземање на ингеренции, преку изработка на проект, до брза и ефикасна реализација.

Според градоначалникот на Град Скопје, Орце Ѓорѓиевски, денешниот ден претставува исполнување на долгогодишните очекувања на многу генерации кои верувале дека овој проект конечно ќе се реализира.

Ѓорѓиевски нагласи дека салата претставува значаен придонес за спортската инфраструктура на главниот град и дека ќе биде место каде ќе се создаваат нови спортски легенди.

Младите, додаде градоначалникот на Скопје, ќе добијат квалитетен простор за тренинзи, натпревари и развој, а салата ќе биде дом и на ракометниот клуб Вардар, исполнувајќи едно од клучните ветувања.

Градоначалничката на општина Кисела Вода, Бети Стаменковска Трајковска, истакна дека овој ден претставува значаен момент не само за општината, туку и за Скопје и за целата држава

– Кога заедно се работи, резултатите се видливи,тоа денес го гледаме во Кисела Вода – потенцираше градоначалничката.

Таа нагласи дека општината добива модерен спортски објект опкружен со нов, функционален плоштад, кој, како што рече, „многу ни фалеше“ и ќе биде ново собиралиште за граѓаните.

The post 📷 РК ВАРДАР ДОБИВА НОВ ДОМ Салата „Расадник“ во Кисела Вода официјално е пуштена во употреба appeared first on plusinfo.mk.

РК Вардар повторно е шампион на Македонија. „Црвено-црните“ вечерва го прегазија Еурофарм Пелистер со убедливи 34-19 во меч што воопшто не наликуваше на дерби.

Титулата по три години пауза повторно се враќа во Скопје.

Пелистер дојде со втор состав

Битолчани настапија со комбиниран тим, а Вардар тоа максимално го искористи. Домаќините уште од стартот наметнаа силно темпо и на полувреме водеа со 18-12.

Во второто полувреме разликата само растеше.

„Чкембари“ ги немаше, имаше порака

Гостите немаа ни организирана поддршка од трибините.

На местото каде обично стојат „Чкембари“ се појави транспарент со порака:

„Одј..бете“.

Пораката беше насочена кон слабите игри на тимот сезонава.

16-та титула и двојна круна

Со новите два бода Вардар стигна до недостижни осум бода предност пред Охрид на три кола до крајот.

Ова е 16-та шампионска титула за клубот.

Вардар сезонава ја освои и двојната круна, откако претходно триумфираше и во Купот.

Најефикасен кај Вардар беше Урош Митровиќ со седум гола.

Јака Малус додаде 6 погодоци, а голманот Гогов имаше 4 одбрани, од кои 3 седмерци.

The post 📽️ ВАРДАР ЈА ВРАТИ ТИТУЛАТА ВО СКОПЈЕ Пелистер „потона“ во „Јане Сандански“ appeared first on plusinfo.mk.

Македонскиот реперзентативец пикер, Милан Лазаревски ќе остане во Вардар најмалку до 2026 година откако и официјално го продолжи договорот со „црвено-црните“. Лазаревски во Вардар дојде пред две години, и двете страни се задоволни од соработката брзо се договорија за продолжување на договорот и за наредните две години, објави РК Вардар на официјалниот клупски сајт.

Лазаревски кој за две седмици ќе го прослави својот 24 роденден, сезонава е еден од предводниците во тимот, и со своите игри се наметна и во репрезентацијата на Македонија. Настапи на ЕП што сега се одржува во Германија, а каде Македонија играше во групната фаза.

Одличните игри и во одбрана и во напад го ставија на пиедесталот како еден од најдобрите пивотмени во Македонија.

– Верувам во овој проект, во клубот во кој сум сега, и драго ми е што ќе останам и понатаму дел од Вардар. Ова е место што овозможува голема индивидуална и колективна надградба на сите играчи. Благодарен сум за довербата и вниманието што го добивам од стручниот штаб и управата на клубот. Овој тим што сега го има Вардар допрва ќе го покаже своето вистинско лице. Мое е задоволството што ќе бидат дел од таа приказна – вели Милан Лазаревски.

Клубот продолжува со задржување на играчите на кои смета и во иднина, со што костурот на тимот и во иднина ќе биде ист. Лазаревски е еден од неколкуте сегашни играчи што го продолжија договорот со Вардар.

– Големо е задоволството што успеавме да го задржиме Милан Лазаревски во нашиот тим, и покрај сите понуди што ги имаше од екипи од Европа. Тој покажа од самиот почеток на сезоната еден континуиран напредок и веќе е играч на кој може сериозно да сметаме, и ние и македонската репрезентација. Драго ми е што тој го препозна она што ние го работиме во клубот и сигурен сум дека заеднички ќе ги оствариме сите наши зацртани цели за оваа сезона. Можам да потврдам дека 90% од играчите имаат двогодишни договори, што укажува на тоа дека сакаме да бидеме стабилен тим и да го смениме сегашниот начинот на фукционирање на клубовите во Македонија и Вардар да биде позитивен пример за градење на долгододишни проекти – вели  извршниот директор на Вардар, Борко Ристовски.

Во пролетниот дел од сезоната, во разигрувањето за титулата Вардар ќе стартува со три бода, и пред себе ќе има уште 14 кола, во обид за враќање на титулата, и за здржување на Куп титулата.

The post МИЛАН ЛАЗАРЕВСКИ ОСТАНУВА ВЕРЕН НА РК ВАРДАР Репрезентативниот пикер потпиша нов договор со „црвено-црните“ appeared first on plusinfo.mk.

– Не сум повеќе тренер на Вардар. Тоа е најдобро за клубот во овој ммомент. Полесно е да си оди тренерот, отколку осум играчи – изјави Вујовиќ.

Вардарци пред мечот со Еурофарм Пелистер ги очекува натпреварот со Охрид од Суперлигата.

Вујовиќ го одработи третиот мандат на клупата на Вардар, но овој беше најкраток.

The post ПОДОБРО ДА ОДИ ТРЕНЕРОТ ОТКОЛКУ 8 ИГРАЧИ Вујовиќ не е веќе тренер на РК Вардар appeared first on plusinfo.mk.

Македонскиот ракометен првак Вардар се наоѓа во серија од два пораза во Лигата на шампионите. „Црвено-црните“ в среда го пречекуваат Кил со надеж дека повторно ќе се вратат на победите.

– Кил доаѓа во Скопје во момент кога не е во најдобра форма и без неколку стандардни играчи. Јас би сакал Кил да дојде во комплетен состав, а Вардар да покаже колку знае, а не само да игра во моменти на инспирација и „носен“ од публиката, а потоа да падне како што се случи со Монпелје. Ние сме екипа која сè уште се воигрува. Вардар има уште простор да напредува, да игра подобро. Ќе дадеме сè од себе да го победиме големиот противник. Најважно е да одиграме добро, а крајниот резултат ќе го видиме кога натпреварот ќе заврши. Не смееме да дозволиме по двата пораза во претходните две кола, од Монпелје и од Алборг, да врземе четири-пет неуспеси. Тоа не го прават вистинските екипи. Ние таа серија ќе ја прекинеме, без разлика дали со Кил или со Сегед, или на некој друг терен – изјави Вујовиќ на денешната прес-конференција.

Голманот Мартин Томовски во заморот на гостинскиот тим и внимателната игра ја гледа шансата за успех.

– Концентрацијата, дисциплината и комуникацијата се клучните елементи кои треба да ги поправиме за да се надеваме на добар резултат против Кил. Германскиот тим е одлична екипа, но и тие имаат свои слаби страни и мислам дека ќе ги искористиме нивните недостатоци, како и жестокото темпо кое го имаат поради згуснатиот календар.

Централниот бек Анте Гаџа од соиграчите побара максимално залагање на „црвено-црните“ во текот на целиот натпревар.

– Кил брзо трчаат контри и полуконтри и ги казнуваат грешките на противниците. По двете стартни домашни победи, дојдоа поразите. Сепак навивачите ја ценеа нашата борбеност и затоа мора да дадеме максимум и на следните натпревари – додава Гаџа.

Натпреварот на двата поранешни европски шампиони е закажан за в среда со почеток во 20:45 часот во СЦ „Јане Сандански“ во Скопје.

The post ЖЕЛБА ЗА ПРЕКИНУВАЊЕ НА СЕРИЈАТА ПОРАЗИ Вардар го пречекува Кил appeared first on plusinfo.mk.

Македонскиот ракометен шампион Вардар во новата сезона ќе биде посилен за уште двајца нови интернационалци кои доаѓаат од првенството на Франција. Нови играчи на „црвено-црните“ се левиот и десниот бек, Диало Бакари и Јоел Куни Моралес.

Двајцата играчи потпишаа двегодишни договори и треба во Вардар да останат до 30 јуни 2023 година.

Дваесет и седумгодишниот Фанцузин Диало во Скопје доаѓа од тимот на Трембле, додека 34-годишниот Кубанец Моралес, мината сезона играше во Данкерк.

Вардар1961 ќе го почне подготовките за новата сезона на 15 јули во Скопје. По четири дена во Скопје и извршување на потребните медицински прегледи тимот ќе замине за Златибор каде останува до 29 јули. Потоа се враќа во Скопје и планирано е настап на турнирот во Струга и на Хумел купот во Германија.

The post РК Вардар се засили со Моралес и Бакари appeared first on plusinfo.mk.

– Се работеше најмногу на физичка подготовка, а попладне и на тактика. Ни претстои уште доста за да дојдеме до посакуваното ниво за Лига на шампионите. Струга е прв турнир на кој ќе провериме се што работевме изминатиот период. Тука мислам на она што го вежбавме. Сите играчи ќе добијат шанса. Вардар 1961 како европски првак оди со цел да го освои турнирот во Струга. Не можам да кажам дека резултатот не е важен, но во преден план е формата – вели Алушовски.

Последен пат Вардар 1961 има триумфирано во Струга во 2007 година.

– Не дека одиме да се проверуваме само. Нормално е дека одиме да победиме. Бројките се само бројки. Вардар 1961 не учествувал одамна на турнирот. Сега сме повторно тука да играме и да се надигруваме – вели Алушовски.

Ривали во Струга ќе ни бидат Охрид, Еурпфарм Пелистер 2 и Бутел.

– Екипата на Охрид од лани ја знам. Се работи за квалитетен тим што не е за потценување. Еурофарм Пелистер 2 е млад тим со неколку искусни играчи кои имаа настапувно за посериозни екипи. Бутел е тим што е во врвот на домашното првенство. Овој момент е добро да играме вакви натпревари. Ние сме фаворити, но никого не потценуваме. Ова ќе биде вистинска проверка на се што сме работеле – вели Алушовски.

Вардар 1961 сите три натпреварувачки денови своите мечеви ги игра во вечерен термин од 21,15 часот.

Во четврток игра со Охрид, во петок со Еурофарм Пелистер 2 и во сабота со Бутел.

Финалните средби се играат во недела.

The post Алушовски: Вардар 1961 има цел да го освои турнирот во Струга appeared first on plusinfo.mk.