Вестите за зголемениот број на жртви кружат деновиве додека воздушните напади и гранатирањето се интензивираа во делови од главниот град Картум и неговиот збратимен град Омдурман.

Бел чад се издигна во близина на воениот штаб во Картум додека борбите ги принудија жителите да се засолнат во своите домови. Евидентирани се и прекини на струја и грабежи.

Медицинските организации повикуваат на мирен и безбеден премин на пациентите до медицинските установи и на медицинските тимови да им се овозможи пристап до ранетите.

Иако борбата за превласт меѓу армијата и РСФ е евидентна веќе неколку години – од соборувањето на поранешниот претседател Омар ал-Башир во 2019 година среде масовни протести – бескрајните прашања се вртеа за тоа што иницираше таков отворен конфликт меѓу двете сили.

Од соучесник во пучот до непријател?

Во октомври 2021 година, началникот на армијата, генерал Абдел Фатах ал-Бурхан и началникот на РСФ, генерал-полковник Мохамед Хамдан „Хемедти“ Дагало се здружија за да извршат државен удар против цивилното раководство, нанесувајќи удар на транзицијата на нацијата кон демократија.

Тензиите почнаа да зовриваат пред неколку дена кога армијата објави дека РСФ спроведувала неовластени движења во Картум и северниот град Мероу.

РСФ, која беше обвинета за брутално задушување на бунтот за време на конфликтот во Дарфур и продемократските протести, одговори дека не прави ништо надвор од своите вообичаени должности и дека некој се обидува да сее немир меѓу суданските сили.

Отворен конфликт избувна во саботата во главниот град и во голем број други градови. И Ал-Бурхан и Дагало, секој со десетици илјади војници распоредени само во Картум, ветија дека нема да преговараат или да се согласат за прекин на огнот и покрај зголемениот меѓународен дипломатски притисок.

Еве како Судан, земја со долга историја на државни удари, стигна до оваа точка и што е во прашање.

Како дојде до оваа фаза?

Во последниве месеци се водеа преговори во обид за враќање на Судан во демократска транзиција запрена со државниот удар во октомври 2021 година.

Со мониторинг на меѓународните и регионалните сили, вооружените сили и РСФ потпишаа прелиминарен договор во декември со продемократските и цивилните групи. Но, договорот ги остави нерешени најтешките политички прашања – на пример, што ќе биде со сите воени и паравоени сили?

За време на преговорите за постигнување конечен договор, тензиите меѓу Ал-Бурхан и Дагал ескалираа додека двете страни дебатираа како РСФ ќе се интегрира во армијата и кој ќе има крајна контрола над борците и оружјето.

Дагало се обиде да се претстави како поддржувач на демократската транзиција, остро критикувајќи го Ал-Бурхан во март. Тој рече дека воените лидери не се подготвени да ја предадат власта.

Аналитичарите тврдат дека Дагало се обидува да го поправи имиџот на неговите паравоени сили, кои имаат репутација како брутални милиции вклучени во злосторствата во конфликтот во Дарфур.

Несогласувања постојат, но зошто борби?

Доцна во средата, РСФ почна да распоредува сили околу Мероу, 330 километри северно од главниот град. Градот има стратешко значење со голем аеродром, централна локација и брана на реката Нил.

Следниот ден, РСФ, исто така, испрати нови сили во главниот град и во другите области на земјата. Армијата се спротивстави.

Борбите избија во воената база јужно од Картум во саботата наутро, при што двете страни ја обвинија другата за започнување на насилството. Оттогаш, армијата и РСФ се борат со тешко вооружување, вклучувајќи оклопни возила и митралези поставени на камиони, во густо населените области на Картум и Омдурман. Армијата, исто така, почна да ги напаѓа базите на РСФ со воздушни удари.

Борбите се проширија и во други делови на земјата, вклучувајќи го стратешкиот крајбрежен град Порт Судан на Црвеното Море и источните региони на границите со Етиопија и Еритреја. Пријавени се и борби во регионот на Дарфур зафатен од војна, каде што беа нападнати објекти на Обединетите нации. ОН соопштија дека тројца вработени во Светската програма за храна се убиени во борбите. Во следните денови, десетици луѓе беа убиени, а стотици беа ранети.

Ќе има ли прекин на огнот и преговори?

Изгледите за прекин на борбите во моментов се мали бидејќи Ал-Бурхан и Дагало не отстапуваат. И двајцата бараат другиот да се предаде. Интензивирањето на борбите може да го отежне и враќањето на преговорите на двајцата генерали.

Муслиманскиот верски календар, исто така, може да игра улога. Борбите избувнаа во последната недела од месецот Рамазан. Оваа недела е тридневен празник Рамазан Бајрам со кој се одбележува крајот на месецот на постот. Жителите на Судан повеќе не можат да излегуваат да купуваат храна и други потреби, па ако ништо друго, ќе има зголемен притисок за прекин на борбите.

Меѓународнaта заедница повика на итен прекин на непријателствата додека преземаше низа дипломатски активности.

(Ал Џезира)

The post КАКО ДОЈДЕ ДО ОВАА ФАЗА? Военото ривалство во Судан се претвори во отворена војна appeared first on plusinfo.mk.

Општ впечаток на сите што го проследија финалниот меч на Австралија Опен е дека шпанскиот ас Рафаел Надал ги надмина своите можности и веројатно го одигра најдобриот и секако најемотивниот меч во својата кариера.

Ретко кој веруваше дека по освојувањето на првите два сета, Данил Медведев ќе мора да се задоволи со второто место на турнирот. А сепак, се случи токму тоа.

Во третиот сет Надал пружи одлична партија и намали на 2:1 во сетови. Беше тоа можеби најемотивниот момент во мечот. Погледнете го:

That 2⃣1⃣ moment#AusOpen • #AO2022 • @RafaelNadal pic.twitter.com/mJvNqVMacG

— #AusOpen (@AustralianOpen) January 30, 2022

Со вратена самоувереност, Шпанецот продолжи со одлична игра во преостанатите два сета, но Медведев не попушташе. Во петтиот, одлучувачки сет, резултатот стаса до 5:5. Се чини дека Надал мечот го приведе кон крајот благодарејќи на подобрата концентрација и поголемото искуство.

Треба да се каже и тоа дека публиката не му беше наклонета на Медведев и дека често непристојно реагираше кон него. Данил возврати емотивно, очигледно изнервиран од непристојните реакции. Реагираше кај судијата, барајќи почесто да ги опоменува навивачите: „Тие се идиоти, немаат мозок, мозокот им е празен. Веројатно им е многу лошо во животот. Може ли да ти побарам услуга? Можеш преку микрофон да кажеш дека секој што вика е идиот?“

Ова е тој момент кога Медведев ги изгуби нервите:

“Empty brains… their lives must be very bad!”

Daniil Medvedev makes his feelings clear about the Melbourne crowd #AusOpen | @DaniilMedwed pic.twitter.com/WBFEKt9wBb

— Eurosport (@eurosport) January 30, 2022

По завршувањето на мечот, Рафал му се обрати на Медведев:

– Данил, ти си неверојатен, јас сум бил на оваа позиција. Не се сомневам дека ќе го имаш овој трофеј неколку пати во кариерата, бидејќи си неверојатен. Ова беше еден од најемотивните натпревари во мојата тениска кариера. Се најдобро за тебе во иднина.

Русинот по мечот имаше само пофални зборови за својот противник, за кој рече дека не знае како не се уморил.

– Тешко е да говорам по пет и пол часа игра. Сакам да му честитам на Рафа. Беше неверојатно кога те гледам. Се обидов да играм тенис, а кога заврши мечот го прашав: Дали си уморен, дали си жив. Ова беше лудо, каков неверојатен меч. Надал го подигна нивото на игра после првите два сета. Мислев дека ќе се умори, можеби и така беше, но и понатаму имаше одлична техника на движење. Рафа, ти си шампион, но ова ривалство не е готово – изјави Медведев.

Патем речено, ова беше второто најдолго финале на Австралијан Опен откако Новак Ѓоковиќ го победи Надал во пет сета по 5 часа и 53 минути во 2012 година.

Надал сега има една титула повеќе од Роџер Федерер и од Ѓоковиќ, неговите долгогодишни ривали во таканаречената голема тројка.

Проследете ги најубавите моменти од овој екстремно возбудлив меч:

The post ДРАМА ВО ПЕТ ЧИНА НА АВСТРАЛИЈА ОПЕН Рафа, ти си шампион, ама ова ривалство не е завршено! (ВИДЕО) appeared first on plusinfo.mk.

Возбудливо беше веќе на вториот тренинг кога двајцата возачи се најдоа во тесно на патеката. Британецот со својот Мерцедес не попушти иако се работеше само за тренинг, па го натера ривалот да излезе од патеката.

По ова возачот на Ред Бул одговори со иронична насмевка, му покажа среден прст и му порача дека е глупав идиот.

Neck and neck in the title battle, and in FP2 #USGP #F1 pic.twitter.com/wXuBD6kecG

— Formula 1 (@F1) October 22, 2021

The post СЕ РАЗГОРУВА РИВАЛСТВОТО ВО Ф1 Верстапен го нарече Хамилтон „глупав идиот“ и му покажа среден прст (ВИДЕО) appeared first on plusinfo.mk.

Имено, додека Шилегов изјавува дека Бени Шаќири му е другар и дека ја очекува неговата поддршка во вториот круг, музичарот распали на сметка на работењето на градската управа во досегашниот мандат на актуелниот скопски градоначалник.

– Три ипол години нема ништо во Скопје, а сега само козметички зафати. Мотивити не треба да се бараат од Бени, сам граѓанинот нека прошета и ќе види. Сè можам да разберам, ама можеа барем една церада кај зградата на ЕСМ да стават. Јас како човек кој си го сака својот град, локал патриот, не ми е сеедно. Да не зборуваме колку ѓубре има во градот. Воздухот е валкан и сите деца го дишат тој воздух. Скопје стана сив град, кој не дише, не пулсира – изјави Шаќири во Студио 10 на ТВ24.

The post БЕНИ И ПЕТРЕ „ДРУГАРСКИ“ ОЧИ ЌЕ СИ ВАДАТ Ривалство помеѓу кандидатите за Скопје appeared first on plusinfo.mk.