Од присутните 214 пратеници, 84 гласаа „за“, 128 гласаа „против“, а двајца пратеници не гласале.

Пратениците во српското Собрание четири дена расправаа за предлогот за забрана за ископување на литиум и бор.

Српската влада летово го обнови планот на меѓународниот рударски гигант Рио Тинто за отворање рудник за литиум во долината на реката Јадар во западна Србија, иако пред две години, под притисок на еколошките протести, проектот беше прекинат.

Претседателката на Собранието на Србија, Ана Брнабиќ, во расправата во претходните денови рече дека не слушнала никакви аргументи зошто опозицијата бара однапред забрана за истражување и експлоатација на литиум и бор, кога компанијата не ја завршила студијата за влијанието на тој рудник врз животната средина.

Брнабиќ тврди дека рудникот нема да се отвори додека студијата не покаже дали е опасен за животната средина и ја обвини опозицијата дека го „политизира“ проектот.

Пратениците од опозицијата, кои бараат забрана за ископ на литиум, укажаа на негативни последици по животната средина доколку се отвори рудникот и ги обвинија властите дека се промотори на Рио Тинто.

Во претходните месеци протести против отворањето на рудници за литиум беа организирани во десетици градови низ Србија.

Дел од граѓаните и еколошките активисти се против експлоатација на литиум и бор поради, како што наведоа, голем ризик за животната средина. И експерти од Србија и од странство посочуваат дека во процесот на експлоатација на литиумот неминовно има и еколошки последици, како загадување на речниот слив и на земјиштето.

Од Рио Тинто тврдат дека проектот Јадар може да се реализира безбедно и во согласност со највисоките стандарди за заштита на животната средина, а тоа го потврдиле домашни и меѓународни експерти.

The post СИЛНО МНОЗИНСТВО ВО ОДБРАНА НА ИДНИТЕ РУДНИЦИ Српскиот парламент не ја одобри забраната за ископување на литиум appeared first on plusinfo.mk.

Деканот Гвоздиќ на седницата рекол дека раководството на факултетот поднесува оставка, дека ја разгледале состојбата во која се наоѓа факултетот и дека „не е добра“, како и дека „непотребно се нашле во тешка ситуација“.

Данијела Несторовиќ, пратеничка на Еколошкото востание, денеска на седницата на српскиот Парламент на која се расправа за литиумот изјави дека целото раководство на Електротехничкиот факултет во Белград поднело оставки. Таа додаде дека властите постојано вршат притисок врз граѓаните, професорите и факултетите и дека лажат за проектот и за компанијата „Рио Тинто“, што би експлоатирала литиум и бор во Јадр.

The post ОСТАВКИ ПОДНЕСОА СИТЕ ПРОФЕСОРИ ОД ЕЛЕКТРОТЕХНИЧКИОТ ФАКУЛТЕТ ВО БЕЛГРАД Не сакаат да се изјаснат за ископувањето на литиум appeared first on plusinfo.mk.

„Следните денови ќе ги поминам во Подриње. Сместувањето е исклучително за мене, но имаме многу важни задачи и работи што треба да ги направиме за нашите луѓе во овој дел на Србија“, напиша Вучиќ во објавата.

Тој претходно изјави дека ќе се „дружи со готвачите“ и дека за време на престојот во Западна Србија ќе „подготви нешто за војниците“.

 

View this post on Instagram

 

A post shared by Aleksandar Vučić (@buducnostsrbijeav)

The post 📷 „ЗА ДА БИДЕ СО НАРОДОТ“ Вучиќ покажа каде ќе престојува за да разговара со граѓаните за рудникот за литиум appeared first on plusinfo.mk.

Помошникот на рускиот претседател Владимир Путин, Николај Патрушев, оцени дека Западот се обидел да организира „обоена револуција“ во Србија, да ја замени легитимната влада и наместо неа да донесе „политичари лојални на САД“, јави дописникто на МИА од Белград.

– Знаеме дека Западот користи различни причини за да организира „обоени револуции“ и се обидува да ги замени легитимните влади со политичари обучени во странство кои се послушни на Вашингтон. Западот се обиде да го направи тоа и во Србија – рече Патрушев, соопшти московскиот весник „Известија“.

Патрушев рече дека САД исто така се „мешаат“ и во суверените работи на Венецуела.

– По уште еден неуспешен обид за државен удар во оваа земја, Вашингтон му нуди на Николас Мадуро предвремена оставка, ветувајќи му за возврат да се откаже од понатамошното гонење според американскиот закон – рече Патрушев.

Минатата сабота во Белград беше организиран протест против рударењето на литиум и против компанијата „Рио Тинто“, а учесниците на протестот се собраа на Теразие, по што го блокираа сообраќајот на главните железнички станици „Нови Белград“ и „Прокоп“.

Претходно портпаролката на руското Министерство за надворешни работи, Марија Захарова, изјави дека Западот се обидува „да ја искористи природната грижа на граѓаните во Србија за дестабилизација“. Српскиот претседател Александар Вучиќ пред протестот изјави дека властите добиле предупредување од руските безбедносни служби дека се подготвуваат немири чија цел е државен удар.

За време на престојот во Москва, вицепремиерот на Србија, Александар Вулин, зборуваше и за „обиди за спроведување обоена револуција во Србија“.

Тој во средата се сретна со помошникот на претседателот на Руската Федерација, Николај Патрушев, поранешен офицер за безбедност и поранешен разузнавач кој беше секретар на Советот за безбедност на Русија до 2024 година, а на средбата Вулин истакнал дека „Патрушев е голем пријател и сојузник на Србија“ и му се заблагодарил „за неговите напори и за посветеноста на Руската Федерација во борбата против усвојувањето на резолуцијата за Сребреница и конзистентната политика на почитување на територијалниот интегритет и суверенитет“.

The post „ЗАПАДОТ СЕ ОБИДЕ ДА НАПРАВИ ШАРЕНА РЕВОЛУЦИЈА ВО СРБИЈА“ Сакаат да ја заменат легитимната влада со послушници на Вашингтон, обвини Патрушев appeared first on plusinfo.mk.

– Самото собрание се одвиваше во демократска атмосфера, што е многу важно за нашата земја. Меѓутоа, како што заврши средбата, се случија работите што ги очекувавме. Заземањето на меѓународната железница и запирањето на автопатот и мостот Газел не се придонес за демократијата, туку потсмев и спроведување на насилството и волјата на малцинството над мнозинството – рече Вучиќ.

Тој ѝ честиташе на полицијата за почитувањето на сите права на насобраните.

– Им честитам на сите наши безбедносни сили за нивната професионалност и за интервенцијата изведена со минимална физичка сила, среќен сум што без разлика на насилството што беше извршено врз обичните граѓани, реагиравме толку воздржано, смирено и мудро. Демонстрантите би си поминале поинаку во секоја западна земја – смета тој.

Вучиќ најави дека „ќе разговара со народот“

– Ќе разговараме со народот. Ќе одам во Лозница и во Крупањ, Мали Зворник, Милановац, Чачак, Ваљево, ќе одам на секое место. И нема да одржувам големи митинзи за да ви покажам колку луѓе можам да добијам. Ќе одам да разговарам со оние што мислат поинаку, со обичните луѓе. Да зборуваме за нивниот страв – рече тој.

Тој посочи дека литиум сигурно нема да се ископува уште 2 години.

– Првин, сè уште не знам дали ќе го направиме тоа или не, имавме некои истражувања, а некои не. Добивме некои студии, некои допрвин ќе ги видиме. Тогаш ми завршува мандатот. Дали луѓето во Србија навистина мислат дека сум глупав и луд, дека ќе направам нешто против мојата земја и мојот народ? Ја сакате земјата повеќе од мене? Зошто? Бидејќи така мислите или бидејќи имате повеќе информации од мене? Тешко – рече српскиот претседател.

Вучиќ се осврна и на прашањето за сулфурна киселина, која се користи за екстракција на литиум од јадаритната руда, наведувајќи дека таа се користи насекаде во светот.

– Нема сфера на општественото живеење каде што не се користи. Нема хемиска индустрија, нема ништо без сулфурна киселина – рече тој.

Вучиќ мисли сѐ најлошо за „Рио Тинто“

– Дали сѐ е идеално и што мислам за таа компанија? Сѐ најлошо. Ќе бидам најлошиот можен полицаец за Рио Тинто, ќе бидам полош за нив од сите оние кои наводно се бореле против нив, а всушност сакале да ја преземат власта – изјави Вучиќ.

Тој изјави дека формирале здравствен тим бидејќи ќе ја следат секоја евентуалност за да има целосна превенција.

– Ги назначивме најдобрите лекари. А како аргументација се спротивставивте на аргументацијата на Топалко, Сека Алексиќ и Цеце Бојковиќ. И тоа е веројатно зборот на професијата. А вие го избркавте од професијата единствениот кој ви беше експерт во „Проглас“, тоа е професорот Цветковиќ, кој е токму за рудникот. Не му дозволивте да се појави и да зборува – додаде Вучиќ.

Тој тогаш изјави дека е подготвен за референдум.

– Дали сакате референдум на територијата на градот Лозница или на територијата на цела држава? – праша Вучиќ.

ПОЛИЦАЈЦИТЕ СО ШТИТОВИ ГИ ИСТУРКАА ДЕМОНСТРАНТИТЕ ОД СРПСКАТА ЖЕЛЕЗНИЧКА СТАНИЦА Вучиќ ќе ѝ се обрати на нацијата

The post САКАТЕ ЛИ РЕФЕРЕНДУМ НА НИВО НА ЦЕЛАТА ДРЖАВА? Литиум нема да се ископува уште сигурно 2 години, посочи Вучиќ appeared first on plusinfo.mk.

Српскиот претседател Александар Вучиќ наводно се подготвува да ѝ даде на британската компанија Рио Тинто зелено светло за најголемиот рудник на литиум во Европа две години откако Белград се откажа од проектот, објави Фајненшл тајмс(ФТ).

Вучиќ за ФТ кажа дека се чини дека новите гаранции на глобалниот рударски џин и Европската Унија одговориле на загриженоста на Србија околу тоа дали ќе бидат исполнети потребните еколошки стандарди на наоѓалиштето Јадар на западот на земјата.

„Веруваме дека Проектот Јадар има потенцијал да биде имот од светска класа кој може да дејствува како катализатор за развој на ланец на електрични возила во Србија“, соопшти компанијата Рио Тинто за Ројтерс.

Литиумот, кој во ЕУ и во Соединетите Американски Држави се смета за критичен материјал, се користи во батериите за електричните возила и мобилните телефони.

– Ако исполниме сè, рудникот би можел да биде отворен во 2028 година – кажа Вучиќ за ФТ, додавајќи дека се предвидува дека рудникот ќе произведува 58.000 тони литиум годишно.

Претседателот на Србија рече и дека „тоа би било доволно за 17 отсто од производството на електрични возила во Европа, околу 1,1 милион автомобили“.

Белград во 2022 ја поништи лиценцата за Проектот Јадар на Рио Тинто вреден 2,4 милијарди долари по големите еколошки протести. Ако се доврши, проектот би можел да задоволи до 90 отсто од актуелните потреби на Европа за литиум и да помогне компанијата да стане водечки произведувач на литиум.

Во 2021 и 2022 година српските еколози собраа 30.000 потписи во петиција со која се бараше парламентот да усвои закон за прекин на истражувањето на литиум во земјата.

The post СРБИЈА СЕПАК ЌЕ ГО ГРАДИ НАЈГОЛЕМИОТ РУДНИК ЗА ЛИТИУМ ВО ЕВРОПА? Вучиќ ќе му даде дозвола на Рио Тинто, пишува Фајненшл Тајмс appeared first on plusinfo.mk.

Камионот со капсулата пристигна во складиштето во Перт на 16 јануари, а службите за итни случаи биле известени за исчезнатата капсула дури на 25 јануари.

Властите се сомневаат дека вибрациите од камионот предизвикале олабавување на завртката и навоите, по што капсулата испаднала од пакетот, а потоа и од камионот.

Јадрото на капсулата содржело мало количество радиоактивен цезиум-137, што, доколку се допре, може да предизвика сериозни болести.

Капсулата е со димензии осум милиметри на шест милиметри.

Цезиум-137 е радиоактивен изотоп на цезиумот со период на полураспаѓање до 30 години.

До негово ослободување доаѓа во случај на употреба на нуклеарно оружје, како и во случаи на несреќи во нуклеарни централи, поради што претставува голем ризик за животната средина.

Компанијата „Рио Тинто“ пред три дена се извини за загубата на капсулата.

The post ПРОНАЈДЕНА РАДИОАКТИВНАТА КАПСУЛА НА „РИО ТИНТО“ Австралиски камион ја истресол негде по патот appeared first on plusinfo.mk.

Владата на Србија вечерва ја укина уредбата за Просторниот план на специјалното наменско подрачје за реализација на проектот за експлоатација и преработка на јадарит руда, со која, според премиерката Ана Брнабиќ, се поништени сите управни акти поврзани со копанијата Рио Тинто и нејзината ќерка компанија Рио Сава Експлорејшн.

– Поништени се сите решенија, сите дозволи – изави српската премиерка по владината седница на вонредна прес-конференција.

Таа додаде дека е укината Работната група за спроведување на проектот Јадар, со што, како што рече, се исполнети сите барања на еколошките протести и „се стави крај на Рио Тинто во Србија“.

– Со ова се што се однесува на проектот Јадар и Рио Тинто се е завршено – изјави таа јави Бета.

Движењето „Еколошко востание“, кое обединува организации, здруженија и групи граѓани, веќе неколку месеци протестира со блокади на патиштата, инсистирајќи да се прекине проектот за истражување и ископ на литиум во Србија и да се укинат сите дозволи и да се раскинат сите договори.

Тие упатија до Владата ултиматум сите тие документи да бидат јавно објавени.

The post „РИО ТИНТО“ СИ ЗАМИНУВА ОД СРБИЈА Владата ги поништи сите управни акти поврзани appeared first on plusinfo.mk.

– Мене ми е важно што сакаат луѓето во Србија. Дозволите издадени за „Рио Тинто“ наскоро ќе истечат, ќе го откажеме просторниот план во кој беше вклучен проектот „Јадар“ и тоа е тоа – рече премиерката на ТВ Прва.

Три последователни викенди, илјадници демонстранти во Белград и на други места во Србија ги блокираа главните патишта и мостови за да се спротивстават на планот  за ископување литиум вреден 2,4 милијарди долари . Протестите беа најголемиот предизвик досега за владата на Александар Вучиќ. Градскиот совет на Лозница исто така гласаше против отворањето на ваков рудник.

За Брнабиќ, тоа е еден наследен проект од 2012, кога Министерството за животна средина издало лиценца за дупчење со голем дијаметар.

– Ниту ќе издаваме решение, ниту ќе правиме нешто повеќе, не само за „Рио Тинто“, туку и за литиумот, без договор со локалната заедница и локалното население – истакна Брнабиќ.

Англо-американската корпорација „Рио Тинто“ е втора фирма во светот во областа на металите и рударството, по фирмата БХП.

The post СРБИТЕ ГО ИЗБРКАА „РИО ТИНТО“ Протестите се исплатеа, нема да се копа литиум во Лозница appeared first on plusinfo.mk.